قصائد قِيلت في بني زيد - صفحة 2 a

آخر المشاركات المطروحة في منتديات قبيلة بني زيد

  باقة بيتي 200 ميجا 5G من stc ( آخر مشاركة : ام دعاء    |    عروض stc: البيانات صارت دبل على باقات سوا ( آخر مشاركة : ام دعاء    |    باقة سوا بيسك الجديدة 30 ريال ( آخر مشاركة : ام دعاء    |    باقات سوا الرقمية من stc ( آخر مشاركة : ام دعاء    |    خدمة جوال كنترول لا يت ( آخر مشاركة : ام دعاء    |    هدية الصيف مع stc tv ( آخر مشاركة : ام دعاء    |    باقات سوا اليمن من stc ( آخر مشاركة : ام دعاء    |    باقة جديدة من STC بيتي فايبر play ( آخر مشاركة : ام دعاء    |    باقات كويك نت مسبقة الدفع eSIM مع خصم 50% ( آخر مشاركة : أبن دليحان    |    جهاز ماي فاي مجاناً مع باقة كويك نت 5G المفوترة ( آخر مشاركة : ام دعاء    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

قصائد قِيلت في بني زيد

المشاركة في الموضوع
 
خيارات الموضوع طريقة العرض
  #16  
قديم 20-05-2008, 11:50 PM
الصورة الرمزية لـ الفارس
الفارس الفارس is offline
عضو نشيط
 





الفارس is an unknown quantity at this point
 

 

يا من يجيب العلم عن هاك الاحباب=واقبّل ايدينـه واسـوق البشـاره
أنا بـدار مابهـا غيـر الأجنـاب=وأنتـم بـدارٍ للهدايـة مـنـارة
ربعي بني زيدٍ عريبيـن الانسـاب=كسّابة الطولات واهـل الجسـارة
ياما تعنينا علـى بـذل الاسبـاب=حتى ولو بالجوف جمر و حـرارة
والدمع يذرف لا تذكرت الاصحاب=والقلب يقدح منه مثـل الشـرارة
حفظتكم ما بين جفنـي والاهـداب=وانـا بليّاكـم حياتـي خـسـاره
يالله يـا ربٍّ كـريـمٍ ووهّــاب=بالديـن ثبتنـا وكـف المـكـاره

للعضو .. المسافر ..

 


::: التوقيع :::

حنّا عيال الرجال ولا نهاب الرجال .... من صلب زيد و ما يعدي كلامي فهيم

ان جيتنا بالجدال تذوق طعم الجدال .... وان جيتنا بالحبابه فعرف الله رحيم


 
الرد مع إقتباس
  #17  
قديم 20-05-2008, 11:51 PM
الصورة الرمزية لـ الفارس
الفارس الفارس is offline
عضو نشيط
 





الفارس is an unknown quantity at this point
 

 

الجمل لامـن بـرك فاعـرف عنيـد=ابرك من شيـل حمـول ٍ مثقـلات
البليهـي قالـهـا والعـلـم اكـيـــد=ماركعت لغير ربـي فـي الصـــــلاة
ادمـح الزلـه ولـكـن لا تـزيـــــــد=واعْدل اللي لـه هـروج ٍ مايــلات
وان تعدل نمشي باللـي هـو يريـد=نكرمه بـدلال ( صفـر ) مهيـلات
يحسب انه فـي مجاراتـي ضديـد=مادرى انه وسـط شعْـب مسيّـلات
انتبه خصمك ترى مـن نسـل زيـد=الشـرف والعـز فيهـم مـنـزلات
يالخسيس ابعد ترى ( فرقـاك عيـد )=غرتـك كلمـه وفيهـا مجـامـلات
ماخبرت ( الذيخ ) قنـاص ويصيـد=عيشته في وسْط بيـوت ٍ مهمـلات
خذ نصيحه من رجل ( شوره سديد )=ابتـدي بالفـرض قبـل النـافـلات
واحسن النيه فـي طبعـك لا تحيـد=عن طريق الخيـر وازرع سنبـلات


للشاعر عبدالعزيز البليهي ..

 


::: التوقيع :::

حنّا عيال الرجال ولا نهاب الرجال .... من صلب زيد و ما يعدي كلامي فهيم

ان جيتنا بالجدال تذوق طعم الجدال .... وان جيتنا بالحبابه فعرف الله رحيم


 
الرد مع إقتباس
  #18  
قديم 20-05-2008, 11:54 PM
الصورة الرمزية لـ الفارس
الفارس الفارس is offline
عضو نشيط
 





الفارس is an unknown quantity at this point
 

 

ياراكب من فوق سلسات الأقران=ماعذبوهن بالسنا والمطاريش
ولا درجاً مع تالي المال حيران= ولاقيل لبياعهن دوك بخشيش
بنات ريمه من ضرايب سحيمان= رملٍ لياهاج الجمل دونهن هيش
مرباعهن وان قصَب العود فيحان= وادي نفي عَلَه حقوق المراهيش
ومصيافهن مابين غرُب وجمران= وماحدَت العبلة على وادي الهيش
وركابهن فلان وفلان وفلان= ماهم أهل همز ولمز وتوريش
وميارك تنقل عن الخد وليان= وخروج ناصبات هدبهن مشاويش
ان روحن مع عبلة شوفها بان= يشد نعام ذيَل مع نشانيش
يلف أواليد بحزة مسيان= اهل مباني شيدوها بتنعيش
الاد زيد مطوعة كل فسقان=دقامة للَي براسه نغاميش

للشاعر عبدالله بن سبيل ..

 


::: التوقيع :::

حنّا عيال الرجال ولا نهاب الرجال .... من صلب زيد و ما يعدي كلامي فهيم

ان جيتنا بالجدال تذوق طعم الجدال .... وان جيتنا بالحبابه فعرف الله رحيم


 
الرد مع إقتباس
  #19  
قديم 01-06-2008, 10:21 PM
الصورة الرمزية لـ الفارس
الفارس الفارس is offline
عضو نشيط
 





الفارس is an unknown quantity at this point
 

 

جازلي بدع القصيد وقلت ياربي تعين*** بالقصيد اللي خذيته ورث من جداني
شاعر توي صغير السن لكني فطين*** ورث أبوي ورث جدي السابع حميدنِ
قلت ابكتب لي قصيدة في وجيه الطيبين*** في بني زيد القصايد تخجل القيفان
كل بيت يقال فيهم حتى لو انه سمين*** في عيوني ما وفاهم لو غدى رويان
إن كتبته في وفاهم بيتي القاسي يلين*** وان كتبته في كرمهم يروي العطشان
وإن كتبته في شجاعتهم على مر السنين*** جبت شعر من صميم القلب من وجداني
وان كتبته في أخوتهم تملكني الحنين*** كن هذا عمّي الواقف وذولا أخواني
يا القصايد لو كتبتك من رحيق الياسمين*** ما وفيتك دام صرتي بجمعة السدحان
جمعة شيوخ القبيلة انتظرها كل حين*** حيثي القى بينهم فخر ورفعة شان
فيهم الراي السديد وفيهم العقل الرزين*** وفيهم الشيخ الإمام العالم الرباني
وفيهم الوجه السموح وفيهم الطبع الحسين*** وفيهم النخوة من الشيبان والشبان
يا بيوت الشعر جيتك من يسار ومن يمين*** احشميني حشمتك لنابغة الذويباني
اسمع القول المفيد واعرف العلم اليقين*** بوش.. قبل بلير.. قبله هتلر الألماني
كل منهم بيتمنى لو لزيدٍ منتمين*** وان نشدته قال أنا أصلي من آل فلان
بس يخسون الكلاب.. والشيوخ مكرمين*** واعذروني جتني حمية وزل لساني
وين حنا يا نسل سدحان والكفار وين*** وش يجيب الحر الأشقر لسود الغربان
حنا فينا العود قلبه عمره دنيا ودين*** والشباب القرم فينا مشمر الذرعان
والولد فينا عزيز النفس لو ماله عوين*** والنساء فينا بهن عفة وزود إيمان
وحنا فينا البنت تاخذ من طباع الوالدين*** كنهن الدر والياقوت والمرجان
منين ابتدي ياقصيدي بس خبريني منين *** كيف اببدى.. كيف ابنهي قصة الولهان
والله إن شقراء تزايد نورها نور يبين*** لحظة فيها تجمع من بني عماني
ياكثر ماكنت أفاخر بالشيوخ المنصحين*** ويا كثر ما كنت أفاخر لان شقراء أوطاني
حافظ حبك ياشقراء حفظي الشي الثمين*** يوم أحفظها بقلبي ويوم وسط أعياني
انتي يا شقراء تمني و اطلبي شلي تبين*** دونك أرقاب النشامى نقهر الطمعان
استعين الله لحبك وادحر بليس اللعين*** حيث أشوفك نور عيني،وقلبي،وشرياني
ياعسى ربي يحرسك من عيون الحاسدين*** ويا عسى ربي يديمك للوفا عنوان
في بني زيد القصايد كل بيت اسمعه زين*** ولا سمعت أمجاد ربعي القصيد أغراني
بآل سدحان القصايد كنها الدر الثمين*** وزان لأحمد في قصيده واسمع القيفان
شاعر توه صغير السن لكنه فطين *** من بني زيد القبيلة... والفخذ سدحان
والختم صلوا على اللي خاتم للمرسلين** الرسول محمد اللي من نسل عدنان


باعتقادي انها للشاعر .. احمد الثنيان ..

 


::: التوقيع :::

حنّا عيال الرجال ولا نهاب الرجال .... من صلب زيد و ما يعدي كلامي فهيم

ان جيتنا بالجدال تذوق طعم الجدال .... وان جيتنا بالحبابه فعرف الله رحيم


 
الرد مع إقتباس
  #20  
قديم 02-06-2008, 08:38 AM
ابو ريما ابو ريما is offline
كاتب متميز
 





ابو ريما is on a distinguished roadابو ريما is on a distinguished road
 

 

هذه قصيدة للشاعر حمد الحسيني ( دويميك) رحمه الله..ارسلها لمحمد بن هندي ابن حمبد امير عتيبة في ذلك الوقت
راكب من عندنا حر(ن) مثنى=
مثل هيق(ن) شاف بالعين ريبة
يلفي ابن حميد زبن المجنى=
شيخ برقا كلها تلتــــــــــوي به
قل ترانا بالقرايا ســــــــكنا=
قاضبين زمام نجد(ن) غصيبة
حن شبوب الحرب والحرب منا=
لاكتبر سو(ن) نطــــــحنا لهيبه
كم حبيب(ن) قدرته جــــات منا=
في نهار الكون يــنعى حبيــــبه
كم صبي(ن) فوقه الطير غنى=
واشهب الغارب تسمع قـــــنيبه
وخبر اللي يبغى الزود مــــنا=
يــــتبع القادي ويلقى نصـــــيبة
ابو ريما......الدوادمي

 

الرد مع إقتباس
  #21  
قديم 23-08-2008, 01:21 AM
أبو سلطان أبو سلطان is offline
عضو v.i.p
 





أبو سلطان is on a distinguished road
 

 



.
.
.
.

بسم الله اللي كوّن الكون تكوين=بأمره تكون كل شي ٍ بحينه
خلق مخاليقه بسبع الأراضين=وطوى سماواته بقبضة يمينه
وخلق نجوم ٍ راجمه للشياطين=وايضا جعلها للسماوات زينه
أول بدا بآدم وسوّاه من طين=وذريته جت من مياه ٍ مهينه
ربي خلقنا من عدم بالملايين=لاجل نعبده ما نخالف لدينه
وارسل رسول ٍ خاتم للنبيين=رسولنا اللي مسجده فالمدينه
وانزل كتاب ٍ بيّن الحق تبيين=دستورنا و علاجنا ما نهينه
احكم حكيم حاكم ٍ بالموازين=بالعدل حكمه والحكم مرتضينه
فرض صلاته واجرها بأجر خمسين=نمشي لها مشية وقار وسكينه
امكبرين امهللين ومنيبين=امسبحين ٍ للولي مرتجينه
سبحانه اللي كلنا له مطيعين=والكل يسجد له خضوع ابجبينه
يدري وش اللي بالضماير مكانين=يعلم خفا الأسرار من دون بينه
الحمد له يوم ان حنّا مْسلمين=ابسرنا وجهارنا عابدينه
من بعد ذا ردوا معي قولو : آمين=ابطلب الرحمن منجي السفينه
الله يجمعكم على العز والدين=على المعزه بيتكم ناصبينه
والله يجمعكم على العسر واللين=جمع ٍ على النوماس يا كاسبينه
هاذي شعيرة خير والفخر ذلحين=وعندي نصيحه والنصايح ثمينه
ودي أوضح وافهموا يافطينين=رجل ٍ تمنى الخير والله يعينه
لا يفرق الأقراب هوش الوراعين=ياكم وكم يا اهل العقول الرزينه
ولا يفرق الأقراب كذب الحقودين=أهل النمايم والحكي مفترينه
اللي مقاصدهم فراق الشريفين=ناس ٍ تكلم فالظهور ولعينه
تبغا عيال العم دوم امتجافين=تبي تبث الحقد بين الضعينه
هم شرذمة شر وتراهم قليلين=الله يزيل اهل الفعول العفينه
الرجل يعرف يالنشاما بثنتين=لا جا خوي والى عرفنا قرينه
وحكي النهار ابينمحي عقب ليلين=والهرج ما هز الجبال المتينه
ويش استفاد اللي قطع فالعمامين=غير الذنوب ولا جمع له حسينه
صفحه جديده وافتحوها على زين=تنفح بريح المسك و الياسمينه
واللي سمع ما كنْه يسمع بالاذنين=وحده بها طينه و الاخرى عجينه
صفو القلوب السمر ما هوب بعدين=كل ٍ يشيل اللي خفا من غبينه
خلوا النوايا طيبه و متصافين=و الشر يقلع من عروق ٍ دفينه
و البر والتقوى عليها عوينين=ياطيبكم و الطيب متقاسمينه
واللي غلط ردوا له الصاع صاعين=حتاه يستسلم و يرفع يدينه
الجمع عز ٍ يالزحول السلاطين=دام التفرق و الجفا مبعدينه
انا اشهد ان في شوفكم تسعد العين=للي يبي ربعه وشوفة عوينه
عز الله انكم يا بني زيد غالين=يا اهل النقا وهل البيوت الحصينه
يا اهل الحميه يا صعوط المجانين=يا اهل الشجاعه و السلال السنينه
سلالة السرحان نعم السراحين=لطامة العايل و هيف السمينه
درعي بني عمي كعام المعادين=زبن الدخيل اللي ظروفه تدينه
يبقا طليق ٍ دامكم له موالين=عايش بخير و مهتني في سنينه
و النعم فيكم جيدين و فزوعين=رجالكم يارد على الموت عينه
ربعي لكم هيبه وللسيف حدين=خصيمكم لا جا الوغا متعبينه
أفعالكم عند الملاقا براهين=وقت ٍ مضى والليث يحمي عرينه
فالمعترك راسين مثل الضلاعين=يوم ان " قليب " اللاش مثل المكينه
عدوكم يا ملحقين المخلين=من فعلكم يسمع بكاه وونينه
و عاداتكم و سلومكم ورث جدين=و كلن يجيه الطيب من والدينه
قد قيل ثوب العز فوق العزيزين=وانتم على ثوب الوفا مكتسينه
عز وفخر واصل وفصل يالعريبين=تاريخكم فوق الصخر ناحتينه
لو اقعد أكتب ما تكفي دواوين=و اللي تمثلته ذهب من خزينه
وان كان فالأبيات نقص ٍوتخمين=فالعذر من روس الرجال الذهينه
و ختامها واعداد غرس البساتين=صلوا على اللي كلنا تابعينه


الشاعر / سلمان بن محمد بن ابراهيم المطوع آل سليمان

 


::: التوقيع :::



 
الرد مع إقتباس
  #22  
قديم 18-09-2009, 09:10 AM
الصورة الرمزية لـ $ صقر القويعية $
$ صقر القويعية $ $ صقر القويعية $ is offline
عضو نشيط جداً
 





$ صقر القويعية $ is an unknown quantity at this point
 

 

الله يعطيكم العافية على هالقصايد الجزله

بإنتظار جديدكم يا شعارنا

 


::: التوقيع :::

ارجو من اللي غلطت عليهم يسااامحوني


 
الرد مع إقتباس
  #23  
قديم 01-10-2009, 11:19 AM
الصورة الرمزية لـ الحناش
الحناش الحناش is offline
عضو نشيط
 





الحناش is an unknown quantity at this point
 

 

لا اله الا الله محمد رسول الله الهم صلي على محمد
الله يعطيكم العافيه جميعا
فيصل بن ابراهيم بن صعب ارررررررررررررررررررررررررررررحب ترليييووون يا الذيب قصيده جزله من شاعر جزل

 


::: التوقيع :::



 
الرد مع إقتباس
  #24  
قديم 09-12-2009, 09:04 PM
الصورة الرمزية لـ فخذ ال علي
فخذ ال علي فخذ ال علي is offline
عضو نشيط
 





فخذ ال علي is an unknown quantity at this point
 

 

تسلمون

 

الرد مع إقتباس
  #25  
قديم 16-12-2009, 08:29 PM
الصورة الرمزية لـ ولد السداحين
ولد السداحين ولد السداحين is offline
عضو مشارك
 





ولد السداحين is an unknown quantity at this point
 

 

يعطيكم العافيه

على القصايد

ننتظر كـل جديد

 

الرد مع إقتباس
  #26  
قديم 13-01-2010, 09:02 PM
العوفاني العوفاني is offline
عضو مشارك
 





العوفاني is an unknown quantity at this point
 

 

اللي جمبي يقول ورى خشمك ينتفخ وانت تقرا..ههههههه
الله يعطيكم العافيه على الفكره الجيدة

اطفالنا يجب ان يقرؤا هذه القصائد ويحفظوا بعضها ستكون لهم نبراس ودافع في حياتهم للفضائل الحميدة والشجاعة والنخوة والفزعة لابناء عمهم اذا احتاج الأمر

شكرا..
ابو فارس
نورفلك-فرجينيا

 

الرد مع إقتباس
  #27  
قديم 23-01-2010, 12:05 AM
شقراء العاصمة شقراء العاصمة is offline
عضو مشارك
 





شقراء العاصمة is an unknown quantity at this point
 

 

صح لساااااااااااااااااانكم

 

الرد مع إقتباس
  #28  
قديم 23-01-2010, 02:38 AM
الصورة الرمزية لـ شَهرزاد بَنيّ زيد
شَهرزاد بَنيّ زيد شَهرزاد بَنيّ زيد is offline
يَمامة
 





شَهرزاد بَنيّ زيد is a jewel in the roughشَهرزاد بَنيّ زيد is a jewel in the roughشَهرزاد بَنيّ زيد is a jewel in the rough
 
Mumayaz هُنا مكانها . لنُحاكم بهَا الزمنْ فخراً

 

لـ شاعرنا : محمد بن صقيران
سؤال وجواب

.
.


قال أنت ويش أنته وجدِّك وش ينادى عقب زيد=ووش له من فعول الرِّجال اللي يذكَّر صيتها
وش له من فعول الرَّجال اللي لهم باس ٍ شديد=اللي عليهم نجد خاوى دمعها تنهيتها
قلت انت تنشدني هزو والاَّ تبي علم ٍ وكيد=والاَّ سواليف ٍ تسولفها مثل ما اوحيتها
قال انشدك حيثك من عياله ومنكم نستزيد=مقالتي لك بينه يا صاحبي وألقيتها
قلت النّشايد بابها مفتوح للي يستفيد=وأنا أدري إنك تدرك النِّشدة ولو كنِّيتها
وانا أدري إنك ترمي الهرجة وتبغاها تفيد=عادتك هذي يا وليد الناس ما كبِّيتها
مير إنشد التاريخ تلقى الطِّيب له حرز ورصيد=في كل صفحاته مواقف عز في توقيتها
مواقف اللي ما تحدَّر غير من ساس ٍ جويد=مواقف النوماس سجِّلها ليا عدِّيتها
موقف نزوله ما معه يا كود قلب ٍ ما يحيد=يقطع فيافي نجد بالغدرا وهو خرِّيتها
ما له عوين الا إله ٍ كل ابونا له عبيد= اليا انتهض للطيبة ما قال عل وليتها
حول لحاله ما معه يا كود قلب ٍ ما يهيد= ما يوم قال اني بغيت الصاملة واخطيتها
يسري لحاله ما تسلح كود بالراي السديد=وقلب ٍ جسور ٍ ينطح الهيَّه ويطفي ليتها
خذ نجد طول وعرض ثم اختار له عنود صيد=ناحى لها يا لين طلَّقها ومن عتعيتها
جاها وقدَّم سوقها الغالي ومن دم الوريد=وامست على حظِّه ومن حظِّه وهي في بيتها
يا كم لطم من دونها عايل وطماع وعنيد=منه العدا كلَّت وسالمها يكفن ميتها
( هذا بعض من كل ) من تاريخ لطَّام الضديد=هذي مواقف زيد بالايجاز لك سميتها
من شان لا سولفت في عقبان نجد اللي تصيد=تذكر مواقيف العديم اللي عليك أمليتها


عانقوا السحابْ بِها

 


::: التوقيع :::

مَا أسهل الكَلام .. !


 
الرد مع إقتباس
  #29  
قديم 04-03-2010, 03:43 AM
عبدالعزيزالعبيد عبدالعزيزالعبيد is offline
عضو جديد
 





عبدالعزيزالعبيد is an unknown quantity at this point
 

 

ابغى القصايد
كيف اقرااااها؟؟؟؟؟؟؟؟؟؟؟

 

الرد مع إقتباس
  #30  
قديم 04-03-2010, 03:53 AM
عجلان1 عجلان1 is offline
عضو جديد
 





عجلان1 is an unknown quantity at this point
 

 

يعطيكم العافيه

على القصايد

ننتظر كـل جديد

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 01:23 AM ] .


Powered by vBulletin Version 3.6.4
Copyright ©2000 - 2022, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www