يا عكاشه يا عكاشه يا عكاشه

طارق الحصان · #1 02-04-2008, 11:08 AM

هذا الصوت والصدى

بين أحد الشعراء الذي لقب نفسه خوي المطاليق وبين الشاعر سيف السيف ( عكاشه )

وهو يناشد عكاشه لماذا هو مبتعد عن الساحة الشعبية

\
/
\
/
\
/
\

مرحبا ترحيبةٍ قبل آتهرّج = بالهروج اللي بها ضحك وبشاشه
يا عكاشه راعي الثوب المفرّج = والعمامه والقديمي في قياشه
والفرس في طاعته قامت تسرّج = أشهد انّه لا ركبها تقول باشه
واللجام اللي وسط كفّه تدرّج = ماحدٍ غيره من العربان ناشه
غايبٍ قد له زمن ما عاد عرّج = للنداوي من علومٍ وسط جاشه
غيبته صارت كما الرمح المزرّج = صاب قلب الشعر وقّع في خشاشه
ما درى انّه لا لفى همّي تفرّج = و يوم جانا صار في الوضع انخراشه
صوّت الجمهور في وسط المدرّج = يا عكاشه يا عكاشه يا عكاشه

وهذا رد متنبي زمانه ( عكاشه )

\
/
\
/
\
/
\

قالها لك شاعرٍ ماقد تحرّج =من هواجيسٍ تترجم فوق شاشه
البقا باللي مسيره ماتعرّج =يا خوي الطيب في سهمه وكاشه
شاعرٍ من (حوزة المعنى) تخرّج=قاف سيد وقاف جيد وقاف حاشه
بيرقه من دم عدوانه مضرّج =كم خصيمٍ له هلك ما ادرك معاشه
المجامل زل .. والهرج المبرّج=والحقايق .. زبدة الهرج ونقاشه
لاتعجب عجبتك ماتنتدرّج=وانت باخص .. مير.. واش السمر.. واشه
والمؤذن والمحرج يوم حرّج=صوتهم مرفوع والفرق (الهشاشه)
والمهرب كيف ختّم ؟ كيف خرّج ؟=باع عمره من سبب نقص الاعاشه

رادار · #2 02-04-2008, 11:26 AM

صح لسانهم جميع

مشكور يا طارق ,,

المسافر · #3 02-04-2008, 11:30 AM

صحت السنة الشعراء

شكرا طارق

تحيااااااااااااتي

رفيع الدار · #4 02-04-2008, 01:36 PM

مشكور ياطارق على هذه الروائع
وفعلاً عكاشه شاعر متمكن

محمّد المنيع · #5 02-04-2008, 03:50 PM

لاهنت ياطارق

وسلمت أياديك

قصائد جزلة

هكذا يكون حضور العمالقة

وهذا عهدنا بعكاشه ..

شاعر من العيار الثقيل

"يضرب على الرماد ! ولا يسمّي"

ولا يهون "خوي المطاليق"

من القلب : شكراً ياطارق

ولاعدمناك

النايف25 · #6 03-04-2008, 01:01 AM

والمـؤذن والمـحـرج يــوم حــرّج
صوتهم مرفـوع والفـرق (الهشاشـه)

والمهرب كيف ختّم ؟ كيـف خـرّج ؟
باع عمره من سبـب نقـص الاعاشـه

اللة اللة يابو عبيد

تسلم ولا هنت ياطارق

تحياتي

النايف :::25

سيف شامان · #7 03-04-2008, 01:17 AM

صحت السنتهم

لاهنت يا طارق ..

راااائعه بروعة أبو عبيّد ..

لاهنت

فتى قضاعه · #8 06-04-2008, 11:52 PM

ما شاء الله على عكاشه

صح لسانه

ولا يهون خوي المطاليق

وتسلم يمينك طارق
على النقل الرائع

عين ابوي · #9 06-04-2008, 11:56 PM

والمـؤذن والمـحـرج يــوم حــرّج
صوتهم مرفـوع والفـرق (الهشاشـه)
والمهرب كيف ختّم ؟ كيـف خـرّج ؟
باع عمره من سبـب نقـص الاعاشـه

سبحان الله

وصح لساناتهم

طارق الحصان · #10 20-04-2008, 04:06 PM

صحت أبدانكم جميع

نيابة عن ابو عبدالله

ومشكورين على المرور

خيارات الموضوع
عرض نسخة للطّباعة ارسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر