محمد بن صقيران ،، ملف وقصائد - صفحة 3 a

آخر المشاركات المطروحة في منتديات قبيلة بني زيد

  اجمل التغريدات وانفعها ( آخر مشاركة : ابوجريس    |    سارة الجبرين في ذمة الله ( آخر مشاركة : الأترجّة    |    وسّع لصدرك مدامك حي = العمر ياصاحبي مره ( آخر مشاركة : جبرين بن سعد الجبرين    |    السلام عليكم يا بني زيد الكرام ( آخر مشاركة : albairaq85    |    مولود جديد ( آخر مشاركة : أبن دليحان    |    محمد الهويمل في ذمة الله ( آخر مشاركة : أبن دليحان    |    وفاء الجبرين في ذمة الله ( آخر مشاركة : أبن دليحان    |    العم إبراهيم بن ناصر بن محمد ( أبن دليحان ) الجبرين يرزق بمولود ( آخر مشاركة : أبن دليحان    |    منيرة الجبرين في ذمة الله ( آخر مشاركة : أبن دليحان    |    العم محمد الجبرين في ذمة الله ( آخر مشاركة : أبن دليحان    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

محمد بن صقيران ،، ملف وقصائد

المشاركة في الموضوع
 
خيارات الموضوع طريقة العرض
  #31  
قديم 29-10-2005, 01:45 AM
احمد احمد is offline
عضو مستمر
 





احمد is an unknown quantity at this point
 

 

من روس زيد ٍ صدَّرت به سوانيه
،،،،،،،،،،،،،،، ومن صلب يعرب نوَّخت به قضاعه
رسوم جدي في ثرى الدار يا هيه
،،،،،،،،،،،،،،، ياللي تراضعنا عليها رضاعه


يا هاجسي صمتي تـرا مزعجنـي
ودِّي اجيـب القافيـة مدبولـه
يا هاجسي تكفى ترا ما احوجنـي
في مدح رجَّـال ٍ يعـادل دولـه

اطفي ونـار الغيهبـي تسرجنـي
عساي ما افقد طلِّته مـع زولـه



الله الله ياســــــــــــلام عليك يابن صقيران
يالطيف

صح والله لسانك يابوبراهيم

ولاهنت يالغيهبي وبيض الله وجهك

وانا والله من متابعين لقصيد بن صقيران وليتك يابوبراهيم ماتبخل علينا

 

الرد مع إقتباس
  #32  
قديم 08-11-2005, 10:10 PM
الصورة الرمزية لـ مهنا الغيهب
مهنا الغيهب مهنا الغيهب is offline
حــلم !
 





مهنا الغيهب will become famous soon enough
 

 


عدنا من جديد
هذه قصيده شارك بها فارسنا في احتفالات الدوادمي
لعيد عام 1426هـ



بديت والمـبدى على الجمع السلام
،،،،،،،،،،،،، سلام مسلم للحضـور المسلمي
سلام واحلا من هماليل الغمام
،،،،،،،،،،،،، سلام يا اهل الدار من خط قلمي
سلام يا روس المناعـير الكـرام
،،،،،،،،،،،،، قافي وانا للقاف جيت مترجمي
سلام تسليمة عـيون المستهام
،،،،،،،،،،،،، سلام مـني ياربوع دوادمـي
سلام يا دار ٍ ومقـصـور الكلام
،،،،،،،،،،،،، حـرام مـالك لا شبيه ولا سمي
دار ٍ بها غنيت في روس العـدام
،،،،،،،،،،،،، قصيدة ٍ ما بين جنـِّي وآدمي
دار ٍ ربت روس المناعـير الحشام
،،،،،،،،،،،،، هم كلهم عزوة وفيهم تحتمي
في عـيد داورد الهنوف ام الزمام
،،،،،،،،،،،،، جيت استثير خطاي واحث قدمي
في حفلها في عيدهـا في كل عام
،،،،،،،،،،،،، ابا اشترك واخذ مع الناس سهمي
من دولة الاسلام والبيت الحرام
،،،،،،،،،،،،، من راية التوحيد علَّقت علمي
في ظل حكم اللي حكمها باحتكام
،،،،،،،،،،،،، عبدالعزيز بـن سعود الصيرمي
اللي عليها صاح صيحات الهمام
،،،،،،،،،،،،، واومى عليها بين مركاض ورمي
حدد طوارفها وبالسيف الحسام
،،،،،،،،،،،،، ما قـال ابتنى عين عجلان تعـمي
يوم اصطـفق بالجـو بارود وقـتام
،،،،،،،،،،،،، شامت وفي حضن السعودي ترتمي
وتوارثوها عـقب هذاك القـطـــام
،،،،،،،،،،،،، اللـي بسيفـه قال قرِّي وانعـمـــي
اقفى عقب ما مد لسعود الخطام
،،،،،،،،،،،،، وسعـود قال اليـوم يا دار إسلمي
وجاء عقبه الفيصل امام ٍمن امام
،،،،،،،،،،،،، فارس وغى من نسل ذاك الضيغمي
ثم ارتكى خالد وقالت له تمام
،،،،،،،،،،،،، وقامت مزون الخير بالخير تهمي
وجاء عقبه اللي ما رضى جاره يضام
،،،،،،،،،،،،، فهد فهد للجار طب وبلسـمـي
راحو عساهـم في رفيعات المقام
،،،،،،،،،،،،، في جنة الرب الغـفور المنعمي
والـيوم للي بالسماء سـتَّـل وحام
،،،،،،،،،،،،، حر ٍ يحل الكايده والمبهمي
اللي لنا بالموقـفة درع وحزام
،،،،،،،،،،،،، خادم لبيت الله ونعم الخادمـي
هذاك ابو متعـب ليا من قام قام
،،،،،،،،،،،،، على عدو الدار سم وعلقمي
له في عضيد الخير سلطان الهمام
،،،،،،،،،،،،، نعم العضـيد اللي يحل المبرمي
عوق الخصيم اللي تحزَّب ثم زام
،،،،،،،،،،،،، يطمي عـداه بساحة الهيجا طمي
يا دار وان بانت خـفافـيـش الـظـلام
،،،،،،،،،،،،، وتلبِّست للدين ثوب المجـرمي
دونك ليا من ثار فالجو العـسام
،،،،،،،،،،،،، نصير دون الدار فرِّيس وكمي
حنا لهم يا دار من دونك كعام
،،،،،،،،،،،،، مير استهيدي واستريحي واحلمي
يا دار حنا لك مدى وانت مرام
،،،،،،،،،،،،، حنا على حبك نشيب ونفطمي
مدام شرع الله لنا نهج ونظام
،،،،،،،،،،،،، فانت بعـين الخالق اللي يرحمي
شيخي وخوذي بالريادات الوسام
،،،،،،،،،،،،، وامشي على نهج الرسول الاكرمـي
وختامها يا دار دام العـز دام
،،،،،،،،،،،،، سيري وفـي درب المعالي درهمي
تمت وصلى الـله عـلى خـير الانام
،،،،،،،،،،،،، علـى النبي اليعـربي الهاشمي

 


::: التوقيع :::

كٓانْ هُنا ،، يٓتٓنفسُ الـ هٓذيٓان !

لازال قٓلبُه ، يٓستٓنشِقُ هذيانه !!


 
الرد مع إقتباس
  #33  
قديم 19-11-2005, 10:26 PM
الصورة الرمزية لـ مهنا الغيهب
مهنا الغيهب مهنا الغيهب is offline
حــلم !
 





مهنا الغيهب will become famous soon enough
 

 



ريم الغيد

من روائع فارسنا

لكم المتعه هنا

قالت ورا شعرك كذا تقليدي
،،،،،،،،،،،، وراك ما تكتب قصيد الموضه
اكتب قصيد النثر والتبديدي
،،،،،،،،،،،، واترك قوالب شعرك المحفوظه
اكتب حداثي واترك التعقيدي
،،،،،،،،،،،، فيه المعاني ما تجي مفروضه
قلت القصايد يا تليع الجيدي
،،،،،،،،،،،، ما هيب سلعة للطلب معروضه
واللي غزا بالشعر للتجديدي
،،،،،،،،،،،، صلى نوافيله وكب فروضه
جنَّح خياله مير ما من صيدي
،،،،،،،،،،،، قصيدته تنقض وهي منقوضه
الهربدة ما تغني الهربيدي
،،،،،،،،،،،، بحر القصايد ما ينجِّي خوضه
يا شيخة الخفرات ريم الغيدي
،،،،،،،،،،،، دعواك يمِّي كلها مرفوضة
انا قصيدي في يمينه قيدي
،،،،،،،،،،،، ما والله اكسر في يميني حوضه
ان ساح باله جاء نهاري عيدي
،،،،،،،،،،،، وان قطب حجاجه ذهنت لحوظه
اقطع له فجوج البراح البيدي
،،،،،،،،،،،، واخيل برَّاقه واخايل نوضه
شعري ليا جت بالمواقف سيدي
،،،،،،،،،،،، اسوق رجلي في شغايا روضه
اردد افكاري معه ترديدي
،،،،،،،،،،،، واقول سيحي وانت المحظوظه
شعر ٍ يخلد صادقه تخليدي
،،،،،،،،،،،، ما هوب شعر القبة المقضوضه
يا بنت بالله عن قصيدي حيدي
،،،،،،،،،،،، ما جيت ادور لي معك ملحوظه

لله درك أبا ريان

 


::: التوقيع :::

كٓانْ هُنا ،، يٓتٓنفسُ الـ هٓذيٓان !

لازال قٓلبُه ، يٓستٓنشِقُ هذيانه !!


 
الرد مع إقتباس
  #34  
قديم 20-02-2006, 01:32 AM
المحاور المحاور is offline
عضو نشيط جداً
 





المحاور is an unknown quantity at this point
 

 

من جديد شعيل
لكم مع التحية

ألا يا قلـب وش دعـواك قلِّـي=وراك ارجفت بي يا قلـب كلِّـي
أعرف انك هـواوي يـا معنَّـى=ووصف حبيِّبك هو وصف خلِّـي
وأعرف انك عشقت اللي هواهـا=ينوف اعـن المعلِّـي والمدلِّـي
وانا مثلك عشقـت العسوجيـه=وتلَّـت ليـن السرجـوف تلِّـي
ملكنـي حبهـا واستملكتـنـي=يجيني طيفها وان قمت اصلِّـي
انا احب الهنوف اللـي غلاهـا=بصـدري والمحانـي يستظلِّـي
مداها من سحق حمـرور حتـى=ضليع الضال حلَّي يـوم احلِّـي
والى غربت مـن حـد العلـوَّه=ليا ما البعج ودعـوب المفلِّـي
هذيك الدار يا مـال السحايـب=عساهـا للسحـاب المستهلِّـي
عساها للحقوق اللـي ليـا مـا=تفهـق والثـرى منـه متملِّـي
انا واليا مـلا صـدري نسمهـا=يطيبـن الروابـع واسفهـلِّـي
انـا فـي ليـل داورد العذيَّـه=اسج امع الهواجـس واستقلِّـي
وانا فـي صبـح داورد النديَّـه=اسوق العين فيهـا مـا تملِّـي
وانـا مـن ريـح داورد اتذكَّـر=زمان ٍ راح فيه اطـوي وافلِّـي
اعـوِّد للزمـان اللـي فقدتـه=زمـان ٍ فيـه للطيـب محلِّـي
اجول امع السواليـف القديمـه=سواليـف المرحِّـب والمهلِّـي
اروجع موجع الذكـرى بعبـره=ياكن اللي حصل لي ما حصل لي
واسج الرجل لرسـوم ومبانـي=سنا مجد الرجـال المضمحلِّـي
اسايلهـا وانـا بالـحـال داري=وانا اللي من زمانـه مستزلِّـي
اويق بعين حب وعيـن لهفـه=على قلبي غـلا الـدار متولِّـي
لو ان البعـد تطوينـي عباتـه=حرام اني على الديـره مطلِّـي
هواها مـن مواريـث ٍ قديمـه=من القلب المتيَّـم مـا يسلِّـي
قريت حروفهـا بـاول حياتـي=وجات حروفهـا بـاول سجلِّـي
بيوتـي قلتهـا بـام القصايـد=واعرف اني على الديره مقلِّـي
لـكـن الثابـتـه والاولـيَّـه=هوى داورد فـي دقـي وجلِّـي

 


::: التوقيع :::

يعلن المحاور اعتزاله اللعب في هذه الخيمة نهائيا




 
الرد مع إقتباس
  #35  
قديم 20-02-2006, 03:10 AM
عاشق شقراء عاشق شقراء is offline
شـاعـر
 





عاشق شقراء is an unknown quantity at this point
 

 

يالربع بن صقيران هذا وينه

نسمع به ولا نشوفه

ليه مايكتب قصايدة في منتدى الشعر النبطي

الشاعر هذا داهية

مهنا الغيهب والله ماقصرت وفعلك كله غانم

وان كان له قصيد مانشر بالله لا تبخلون علينا وان كان لك معه صلة عرفه بالمنتدى خلنا نتواصل معه

 

الرد مع إقتباس
  #36  
قديم 27-10-2006, 05:12 PM
الصورة الرمزية لـ محمد بن صقيران
محمد بن صقيران محمد بن صقيران is offline
شاعر بني زيد
 





محمد بن صقيران is on a distinguished road
 

 

اشكر كل من مر هنا وكل من سأل عن ابن صقيران
وللجميع كل الثناء
,
وعودة الى القصيد
وهذه
القيت في احتفال اهالي الدوادمي بعيد الفطر لعام 1427 هـ

يا وطن عيدك مبارك مع طلوع هلالك =جيت اقدم لك قصيدة يا وطن عيديه
جيت ابا انخى لك قصيد ٍ كان ما غنى لك = جعل ما يبقى منه معنى ولا قافيه
وعاد عيدك يا وطنا مبتدا شوالك = والقصايد كل ابوها في غلاك شويه
ودام عزك يا وطن والخيردايم فالك = ودمت للاسلام واهله دولة ٍ مبنية
ينتعم من هو تذرَّى يا وطن في جالك = عقب ما اونس من زمانه ناب داب وحيه
كم غريب ٍ جاء يدور باردك وظلالك =وعوَّد لداره وعينه بالرضا مملية
يا وطن عبد العزيز اللي سرى برجالك =من ديار اخوان مريم والعزاوي حيه
هلل وكبر وعينه ما غفت عن حالك = ما تشاغل عنك في هاذي ولا هاذيه
ما تهيد لين نوخ شامخات جبالك = من بحر جده لياما شاطي الشرقية
يا وطن ما ضيك يشهد به شموخ اطلالك = في رسوم ٍ لك من التاريخ بالدرعيه
يا وطن عبدالله اللي فوق متنه شالك = يوم ينسف مشلحه بالعرضة النجديه
الزعيم اللي على شعبه صخى بريالك = جعل نفسه عند ربه راضيه مرضيه
مكرمات الوالد اللي مدها لعيالك = كل مدة من يدينه بالعطا مقفيه
يا وطنا قلب عبد الله غدى مدهالك = انشد معمر زعيم الثورة الليبيه
معه ابو خالد عضيد ٍ يرتكي لثقالك = ذاك سلطان المعرب قايد الجويه
راعي الكف النديه ما خفته احوالك = بلسم ٍ للي زمانه زاد فيه الكيه
يا وطن في عين ابو خالد غدى منزالك = مير هيد واسترح ورعيتك مرعيه
وللمواقف ساعة ٍ فيها حضر خيالك = نايف كعام العدو اللي تبين غيه
نايف الحامي حماك ومقدمي ابطالك = تحت عين الله وكل حدودنا محميه
يا وطن ربي يجيرك من سواد ٍ حالك = من شرور اللي نوى لك بالعظايم نيه
داعي الارهاب واللي يا وطن ما طالك =بينك وبينه رجال ٍ ترتكي للهيه
وداعي التغريب واللي يا وطن يبرى لك =بينك وبينه رجال ٍ ما سعو للسيه
وداعي البدعة وعبادة قبور الهالك = عنك ينطحهم رجال ٍ تهدم الشركيه
يا وطنا دون ضلعانك و قيظ رمالك = ننطح العايل ليا منه كشف خافيه
يا وطن جدع عن الشطة جميع حبالك =ولا تهون ارضك وهي لك بالفخر مرويه
كلنا لك يا وطنا والردى ما نالك=و اسلم وتسلم و وتبقى دولة سعوديه

 


::: التوقيع :::

[img][/img]
قصر واسط


 
الرد مع إقتباس
  #37  
قديم 27-10-2006, 06:38 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

حي ذا الراس يابو ابراهيم

جديد والا قديم فأنت الأول

صح لسانك لين يتعب لساني

 

الرد مع إقتباس
  #38  
قديم 27-10-2006, 09:35 PM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

ابو ابراهيم
كل عام وانت بخير
وصح السانك كل لحظة
وانا اشهد انك عسفت القاف

صح السانك مليوووووووووون يابعدي

ودمت

تقبل تحياااااااااتي
نتواصل
المسافر

 


::: التوقيع :::



 
الرد مع إقتباس
  #39  
قديم 15-11-2006, 01:17 AM
الصورة الرمزية لـ محمد بن صقيران
محمد بن صقيران محمد بن صقيران is offline
شاعر بني زيد
 





محمد بن صقيران is on a distinguished road
 

 

إضافــــــــــــــــــــــــــة
,
يا صاحـــــــــــــــبي
,

يا صاحبي وش خافيـات الدعـاوي=وش تحسب ان القلب يا نافل الجيـل
ويش انت فيني يا اتلع الجيد نـاوي=يا ابوعيـون ٍ ناعسـات ٍ مظاليـل
اذهبتني يـا عيـن فـرخ النـداوي=في خرسك اللي هدت الحال والحيـل
حطيت في قلبـي عطيـب المكـاوي=واجزلت لي يا ناعس الطرف بالكيل
يا مبعد الخطـوات ويـن الحـراوي=صدك على مثلي شقى واكبر الويـل
وزرع الخفوق امسى من الصد ذاوي=لا عاد لا جتنـي علـوم ومراسيـل
حيث ان قلبك من غلايـه سنـاوي=وانا احسب إنك لي تشيل الغلا شيل
يا بنت فيني مـا تضيـع الهقـاوي=ما نيب انا من يقبل الحيف والميـل
ما ني على طـرد المقفيـن قـاوي=يردنـي سلـم الرجـال المشاكيـل
ولا ني على من صد واقفى مـلاوي=الله ولا حـب ٍ يــذل الرياجـيـل
يا بنت لو الوضـع كـان متسـاوي=لأرخص لك الغالي وما يملك شعيـل
ومدام نجمك عـن سمايـه نحـاوي=فانا لـي الله يـا حسيـن التعازيـل
والجرح له صيـور وقتـي مـداوي=يبرى وانا اسلى والليالـي مقابيـل
وارجع وقلبي من هـواك متشـاوي=وآطى على جمـر العنـا والغرابيـل
واسج بالقلـب السقيـم الشقـاوي=وانت ِ لك الدنيـا عساهـا تساهيـل
تلقين و القى لي من الناس هـاوي=خل ٍ يجنبني شقـى القـال والقيـل
يمد لـي حبـل الغـلا والرجـاوي=وامد له حبـل الوفـاء والمواصيـل

 


::: التوقيع :::

[img][/img]
قصر واسط


 
الرد مع إقتباس
  #40  
قديم 15-11-2006, 01:26 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

اول مشاهد لها

صح لسانك يابو ابراهيم

إقتباس
يا بنت لو الوضع كـان متسـاوي
لأرخص لك الغالي وما يملك شعيل

الله الله الله

 

الرد مع إقتباس
  #41  
قديم 15-11-2006, 08:00 AM
الصورة الرمزية لـ مهنا الغيهب
مهنا الغيهب مهنا الغيهب is offline
حــلم !
 





مهنا الغيهب will become famous soon enough
 

 

رغم بعدني

إلا انني هنا ، دائماً !
بجانب هذا الرجل الشهم !

 


::: التوقيع :::

كٓانْ هُنا ،، يٓتٓنفسُ الـ هٓذيٓان !

لازال قٓلبُه ، يٓستٓنشِقُ هذيانه !!


 
الرد مع إقتباس
  #42  
قديم 28-11-2006, 12:54 AM
الصورة الرمزية لـ محمد بن صقيران
محمد بن صقيران محمد بن صقيران is offline
شاعر بني زيد
 





محمد بن صقيران is on a distinguished road
 

 

تواصلا
,
( بني زيد )
,
,

من لا تعزوى ما جلا الوقت له همْ=ومن صد عن ربعه تعشّـاه همّـه
عدو عينك عل ما لـه بنـي عـمْ=اليا غدره الوقت مـا سيـق دمّـه
يا زيـد ياللـي كلنـا فيـك نلتـمْ=يا شايب ٍ للطيـب يطـوي معمّـه
فيك الثلاث حروف معنـى ومغنـمْ=للي لهم بالطيـب هقـوه وهمّـه
( الزاي ) زينات المراجل على تـمْ=في كـل نومـاس ٍ بديتـه تتمّـه
( والياء ) يمين الطيب تمدح بلا ذمْ=رجل ٍ يحوش الطيب محـد ٍ يذمّـه
( والدال ) دل معرب الساس والدّمْ=طيبه ينومس راس جـدِّه وعمّـه
وحنا ولو صرنا تفاريـق واقْسَـمْ=نرجع على مبـداك حولـه ويمّـه
في ترثتك يا زيد منصـى ومحـزمْ=ربع ٍ زمو للطيـب نايـف وقمّـه
كل ٍ على الجزلات شـاش وتولـمْ=مايلحق النضَّـاح منضـوح جمّـه
أصغر صغيِّر مـن عمامـه تعلّـمْ=يبرك على النومـاس والاَّ يخمّـه
ذولا بني زيـد الرجـال المحشّـمْ=هم للعدو عوقـه وسوقـه وسمّـه
ربعـي وابمـدح لابتـي واتكلـمْ=وقافي ليا من قلـت محـد ٍ يكمّـه

 


::: التوقيع :::

[img][/img]
قصر واسط


 
الرد مع إقتباس
  #43  
قديم 28-11-2006, 01:15 AM
الصورة الرمزية لـ دانية
دانية دانية is offline
تتوشحُ الصمتَ عطاءً
 





دانية will become famous soon enough
 

 

إقتباس
ربعـي وابمـدح لابتـي واتكلـمْ

**************وقافي ليا من قلـت محـد ٍ يكمّـه

هذا البيت عن قصيدة

صح لسانك ياشاعرنا

.

 


::: التوقيع :::

اللهم إجمعنا في الجنة


 
الرد مع إقتباس
  #44  
قديم 28-11-2006, 01:15 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

إقتباس
ذولا بني زيـد الرجـال المحشّـمْ
هم للعدو عوقـه وسوقـه وسمّـه
ربعـي وابمـدح لابتـي واتكلـمْ
وقافي ليا من قلـت محـد ٍ يكمّـه

ياويلي من بيلومه وهذولاء عزوته

ابو ابراهيم اسمحلي بإفراد مكان لها في الواجهة

 

الرد مع إقتباس
  #45  
قديم 01-12-2006, 07:45 PM
شمالية شمالية is offline
عضو نشيط جداً
 





شمالية is an unknown quantity at this point
 

 

م ح م د ب ن ص ق ي ر ا ن

شاعر لوحده يجمع كل الحروف والمعاني

عشت مبدعاً اخوي الصقيران

 


::: التوقيع :::

أم النور كله ." نورة ".


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 03:18 AM ] .


Powered by vBulletin Version 3.6.4
Copyright ©2000 - 2022, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www