ياشين طعنة واحد تعتـزي فيـه=وانت وفي وصايـر محـزم لـه
امنول لـو ينفـدا كـان تفديـه=وشلـون ماتفـدي رفيـق تجلـه
بعض العرب مايحتفظ في مباديـه=لاجا عليه الوقت جـا فيـه خلـه
تدري من اللي ودك انك تصافيـه=وتحرص على قربه وشوفت محله
الصاحب اللـي ماتغيـر هقاويـه=يرسي كما ذيك الجبـال المطلـه
ماهوب ذاك اللي يفشل بني خيـه=والا علومـه هزلـه ومضمحلـه
نقصٍ ماهوب كفوٍ انـك تخاويـه=مقرود من حط الردي مسنـد لـه
لولا الوفاء ماكل رجـل تماشيـه=ولولا الوفاء اقرب قريـب تملـه
الله على اللي كنت قبل امس مغليه=واخضع النفس الكبيـرة رضالـه
لكـن دورات الليالـي تـوريـه=تعطية من سـو الليالـي سجلـه
03-12-2010, 09:38 PM
النمط الخطي
