منتديات قبيلة بني زيد

منتديات قبيلة بني زيد (http://www.banyzaid.com/vb/index.php)
-   iPhone (http://www.banyzaid.com/vb/forumdisplay.php?f=95)
-   -   تعلّم استخدام التويتر في ( آيفون + آيباد ) (http://www.banyzaid.com/vb/showthread.php?t=120135)

عازف 28-08-2012 03:10 PM

تعلّم استخدام التويتر في ( آيفون + آيباد )
 
السلام عليكم ورحمة الله وبركاته

بعد ماشفت الموضوع اللي في المنتدى العام http://www.banyzaid.com/vb/t120084.html
قلت احط موضوع هنا عن التويتر طريقة التسجيل من الآيفون أو الآيباد وطريقة الإستخدام

نبدا بالشرح :n2:
أول شي تحمّل برنامج تويتر من AppStore وتفتح البرنامج بعد التحميل تطلع لك هالصفحة



طبعاً انت مستخدم جديد ماعندك يوزر وتبغى تسجل
اضغط اللي بالأزرق ع اليسار Sign up بعد ماتضغطها تجيك هالصفحة :



(1) الإسم الكامل : هو الاسم الذي سيظهر للمستخدمين الآخرين وفي واجهة صفحتك في تويتر ، تقدر تستخدم اسم عربي او اجنبي ،، وتقدر تكتب اسمك الحقيقي او المستعار .

(2) البريد الإلكتروني (الايميل) : حط ايميلك وبتجيك رسالة التأكيد عليه بعد التسجيل وأيضاً بتجيك رسائل تنبيه من تويتر اذا تابعك شخص جديد ( سنفهم مامعنى "يتابعك" فيما بعد في هذا الموضع ).

(3) اسم المستخدم : اسم لازم مايكون مكرر مثل المنتديات يعني لازم مايكون احد اخذه قبلك هذا الاسم سيكون في آخر عنوان صفحتك الشخصية ، على النحو التالي /

https://twitter.com/#!/Username

يفضل أن يكون هذا الاسم مختصر ومعبر في نفس الوقت عن صاحبه ، ويجب أن يكون باللغة الانجليزية.



(4) كلمة السر : يستحسن أن تكون صعبة بعض الشيء كي لا يسهل اختراق حسابك في المستقبل

بعد ماتخلص من هالبيانات اضغط sign up اللي تحت وينتقل لك للصفحة هذي :



أول أيقونه تحت ع اليسار Home طبعاً الصفحة فاضية لأنك جديد ماتابعت أحد واذا صرت تتابع احد بالمستقبل بتصير تغريداته تطلع لك هنا يعني اي شي يكتبه يطلع هنا .
مثل صفحتي الحين تطلع لي كتابات اللي انا متابعهم :



والخيار الثاني ع اليسار Connect وفيه قسمين
interactions هذا يجيك التحديثات حقتك يعني اذا احد سوا لك فلو يطلع لك هنا أو أحد شاف تغريده لك وسوا لها رتويت يعلمك هنا ان فلان سوا رتويت ( يعني هو ارسلها للي عنده وتطلع لهم بإسمك ) او حط تغريدتك بالمفضلة عنده .
هذي صفحتي وفيها التحديثات :



والقسم الثاني Mentions ( المنشن ) يعني اذا احد حط تغريده موجهه لك يعني الكلام اللي فيها لك انت , طبعاً الكل يشوفها بس يدرون انها موجهه لك

مثل هالصورة فيها التغريدات اللي موجهه لي :



واذا بغيت تكتب تغريده لشخص معين فيه فوق على اليمين ريشه اضغطها تفتح لك صفحه بيضاء تكتب @وتحط اسم يوزر اللي بترسل له طبعاً اليوزر اللي بالانجليزي وتكتب اللي تبي وتضغط زر Tweet فوق ع اليمين واذا تبيها تغريده عامه اكتب الكلام بدون ماتحط اسم احد , وكل تغريدة لازم 140 حرف وأقل , لو كتبت اكثر من 140 حرف بيرفض وفيه عداد تحت ع اليمين يبين لك كم باقي لك من حرف مثل :



كذا اكون كتبت تغريدة موجهه للشيخ محمد العريفي ( هذي ماتعتبر رسالة خاصة , فيه رسايل خاصة محد يشوفها غير اللي موجهه له الرسالة بنجيها بعد شوي )

وبالصورة الجاية طريقة الكتابة في هاشتاق
حط اسم الهاشتاق واكتب اللي تبي واذا بغيت ترفق صورة مع التغريدة اضغط صورة الكاميرا



الخيار الثالث من الايقونات اللي تحت Discover هنا تكتشف الاشياء الجديدة مثل الهاشتاقات او اذا بغيت تبحث عن شي
الهاشتاق يعني موضوع معين يتكلمون عنه
ويكون مثل كذا : #بني_زيد
طبعاً حطينا شرطه لأن لازم مايكون فيه مسافه في الهاشتاق




وبالنسبة للخيار الأخير اللي هو Me هذا يخص صفحتك يعني فيه عدد التغريدات واللي تتابعهم واللي يتابعونك



TWEETS يعني عدد التغريدات
FOLLOWING يعني اللي انت تتابعهم اي شي يكتبونه يطلع عندك
FOLLOWERS الناس اللي يتابعونك ويقرون تغريداتك أي شي تكتبه يطلع لهم

Direct messages الرسايل الخاصة ( محد يشوفها غير اللي المرسل له يعني لو ارسلت لشخص رسالة خاصة محد يقراها غيره )

Drafts يعني المسودات , كتبت تغريده وماتبي تنشرها الحين تقدر تخليها بالمسودات بعدين ترجع لها .

Lists القوائم ماعمري استخدمتها ما احسها مهمه QQQ@*

Saved searches حفظ البحث برضو ماقد جربتها QQQ@*

البيضه اللي فوق هي صورتك اللي تطلع للناس :ha:
اذا بغيت تغيرها تضغط جنبها وتطلع لك هالصفحة :



اضغط جنب البيضة واختر الصورة اللي تبي من جوالك .

Name : اسمك اللي يطلع للناس
url : رابط موقعك او صفحتك يعني اي صفحه لك سواء منتدى او فيس بوك او اي شي
******** : يحدد موقعك في الخريطة يعني اذا نشرت تغريدة وانت مفعل الموقع بيبن وين مكانك اللي تغرد منه .
bio: تكتب وصف يعبر عنك

اذا بغيت تسوي لشخص فلو ( يعني تتابع تغريداته )
اضغط على المربع + اللي قدامه واذا جت علامة صح يعني انك صرت تتابعه
هالصورة فيها أول 3 انا اتابعهم والباقي ماسويت لهم متابعه :



واذا بغيت تسوي انفلو ( يعني كنت اتابعه وهونت ما اعجبتني تغريداته )
اضغط على علامة صح اللي قدامه ويجيك كذا اختر أول وحدهـ اللي بالأحمر يعني إلغاء المتابعه



والحين بشرح طريقة الرتويت
اذا شفت تغريده وتبغى تسوي لها رتويت ( اعادة ارسال للي عندك ) وأنت في Home اضغط على التغريدة وتجيك تحت خيارات


^
^
أول خيار من اليسار (السهم) يعني اذا بغيت ترد على الشخص اللي كتب التغريدة تضغطها وتطلع لك صفحة بيضاء اكتب اللي تبي له

الخيار الثاني السهمين اللي عكس بعض , اذا ضغطته يجيك خيارين
الأول رتويت وهو العادي يعني يرسل التغريدة للي عندك وتكون بإسم صاحب التغريدة
الخيار الثاني اللي هو رتويت ومع اضافة منك يعني يعيد ارسال نفس التغريدة مع اضافة كلام منك وتكون بإسمك التغريدة .



فيه علامة النجمة يعني المفضلة , اذا اعجبتك تغريدة ادخل عليها واضغط على النجمة وتلقاها بالمفضلة عندك




وآخر شي ع اليمين سهم وسط المربع ؛)
اذا ضغطت عليه يطلع خيارين

الأول ينسخ رابط التغريدة يعني بترسل التغريدة لأحد في واتس اب او اي برنامج تضغط على اول خيار ينسخ رابط يوديك للتغريدة مباشرة

الثاني اذا بغيت ترسل التغريدة لإيميل احد يعني اعجبتك تغريدة وبترسلها لأحد على ايميله تختار الثاني .




تقريباً هذي أهم الأشياء اللي في تويتر
واذا اشكل عليكم شي علموني وأشرح لكم اللي اعرفه ؛)
واعتذر على الشرح البسيط وأتمنى الفائدة للجميع :h1:

@راعي الفزعات@ 28-08-2012 03:45 PM

'


ما شاء الله تبارك الله :j8:

بيض الله وجهك ، شرح وافي جداً :f2:

احب اضيف نقطه / الرسائل الخاصه لا تتم إلا للشخص اللي مسوي له فلو وهو مسويلك فلو .. ايضاً فيه في الاعدادات ايقونه ( تسكر الخاص ) وترتاح منه QQQ@* :f2:

ويعطيك العافية ي الغالي ما قصرت
تستاهل التقييم +
:f2:

محمد السعدان 28-08-2012 11:06 PM

هلابك سلمك الله

الجلكسي نفس الشي لا تقول مدري:55:

النآيفه 28-08-2012 11:11 PM

يعطيك العافيه

إكليل الورد 29-08-2012 10:23 PM

وعليكم السلام ورحمة الله وبركاته

الله يجزاك خير والله ياإنك بتفك أزمه وأزمه QQQ@* .. فتحت على نفسك باب

والله يعينك ع الأسئله اللي بتجيك +*

سين سؤال ألحين التويتر اللي بالآيفون هو نفسه إللي بالآيباد؟

أو الإصدار يختلف؟ 11*@ .. أنا ألحين عندي برنامج الواجهه حقته كئيبه جداً 11*@

https://imtransfer.shapeservices.net...9833/Image.jpg

أبي أغيره وماعرفت كيف الطريقه؟ :+

وبعدين ألحين لما أجي أغيّر النيم كيف؟ عجزت ألقى له طريقه كل من سألت حاسني ولا عطاني المختصر المفيد }}÷÷*

ولما أبي أسوي أنا بنفسي هاشتاق كيف الطريقه؟ ولا لازم واسطه؟ 😁

<< الله يعينك من جد }}÷÷*

ومشكور مقدماً + :f2:

الخيّالة 29-08-2012 10:28 PM

عازف :j8:

ماقصرت والله ، يعطيك الف عافيه

همس 30-08-2012 05:50 AM

الله يعطيك العافية

انا اعجبني برنامج tweetbot أكثر من التويتر العادي (|)

اقدر افتح حسابين في وقت واحد مثلاً لي شخصياً أو حسابي وحساب احد معي إذا كان الايباد معي ادخل حسابي بالضغط عى صورة الحساب في القائمة ويطلع لي حسابي
وإذا اللي مشترك معي بيدخل حسابه يضغط صورته ويدخل حسابه بدون مايسوي خروج عااادي. QQQ@*



(Lists القوائم ماعمري استخدمتها ما احسها مهمه ) <<<< هذا كلا عازف؛)
7
7
هنا الفائدة منها ;)

القوائم اللي على شكل شرطات فوق بعض_
=
=
عبارة عن حسابات تحب تتابعها لكن ماتحب احد يطلع عليها من المتابعين لك فتقدر تضيف اي حساب وتتابعه وتغريداته ماتطلع لمتابعينك مثلاً مثلاً انا ودي اتابع حسابات للفاشن والازياء او الطبخ أو الترفيه وبتملل متابعيني من كثر الرتويت اقدر احط لهم قائمه خاصه اتابعهم متى ماحبيت :،÷
وبامكانك تضبط لك أكثر من قائمة حسب مزاجك وميولك وهواياتك عن طريق تحرير واضافة.
مثلاً قائمة لتعليم اللغة تجمع فيها حسابات اللغة
وقائمة تسميها دورات تتابع فيها حسابات الخاصة بالدورات
وهكذاQQQ@*

علماً انك لو سويت رتويت بتطلع دايركت في صفحتك الرئيسية وبيّطلع عليها جميع متابعينك

شي ثاني QQQ@* فيه في بروفايلك مع المتابعين والتغريدات واللي انا اتبعهم شي اسمه( مدرج ) هذا يعني انك مضاف عندي في قائمة محدده زي ماسبق ذكره اعلاه وكثير ماتشوفون مدرج 4 او اي رقم ممكن 220 واكثر
وهذا يعني ان فيه متابعين مصنفيني في قوائم مسمينها حسب رغبتهم
وهذا زي ترتيب المتابعين وتصنيفهم.

مثلاً عازف مدرج في قائمة بني زيد عند احد ما في تويتره QQQ@*

يارب فهمتوا ودي انها بالصور ويارب يجي من يصورها لكم QQQ@*

Sultan Najd 30-08-2012 07:25 AM

يعطيك العافية اخوي

عازف 30-08-2012 03:20 PM

إقتباس:

المشاركة الأصلية بواسطة @راعي الفزعات@ (المشاركة 2712870)
'


ما شاء الله تبارك الله :j8:

بيض الله وجهك ، شرح وافي جداً :f2:

احب اضيف نقطه / الرسائل الخاصه لا تتم إلا للشخص اللي مسوي له فلو وهو مسويلك فلو .. ايضاً فيه في الاعدادات ايقونه ( تسكر الخاص ) وترتاح منه QQQ@* :f2:

ويعطيك العافية ي الغالي ما قصرت
تستاهل التقييم +
:f2:


شكراً شكراً ع الاضافه ياحلو ؛)

عازف 30-08-2012 03:21 PM

إقتباس:

المشاركة الأصلية بواسطة محمد السعدان (المشاركة 2712940)
هلابك سلمك الله

الجلكسي نفس الشي لا تقول مدري:55:

هلا فيك
الا نفس اشي اتوقع

عازف 30-08-2012 03:22 PM

إقتباس:

المشاركة الأصلية بواسطة النآيفه (المشاركة 2712942)
يعطيك العافيه

الله يعافيك

عبدالعزيز عبدالله الجبرين 30-08-2012 03:45 PM

موضوع مميز سيكون مكانه المفضلة:f2:

موج الغلا 30-08-2012 05:27 PM

:j8:

الله يعطيك العافية :f2:

موضوع مهم ووضحت الكثير عن التويترQQQ@*

وشكرا للغالية همس(|) على الاضافة :j8:

نورة ابوزيد 30-08-2012 08:31 PM

والله عجزت مدري وش سويت خربطة

نورة ابوزيد 30-08-2012 08:48 PM

طيب الاي باد غييير


جميع الأوقات بتوقيت السعودية. الساعة الآن » [ 08:47 PM ] .

Powered by vBulletin Version 3.6.4
Copyright ©2000 - 2022, Jelsoft Enterprises Ltd.
حقوق كل مايعرض في هذا المنتدى محفوظة لمنتدى بني زيد


SEO by vBSEO 3.1.0 ©2007, Crawlability, Inc.