|
الله عــــلى بـــيتآ لـــنا خــــابرة طين
 الله عــــلى بـــيتآ لـــنا خــــابرة طين .... في قرية مـادنــس الغـدر ماها الله عــلى ذيـــك الــغــرف واللـيـاوين .... مـحـلا برودتـهـا ومــحـلا دفـــاهـا ياجا المطر نرقى على السطح عجلين .... نـــفتح مــرازيــم الغـرف ونتـباها الله عــلى جــيران ابــوي الــقديــمين .... هــكا الوجــيه اللي كثـيرن حـلاها الله علــى جــيــران ابــوي الـعزيزين .... اللـي على الصاحــب قليلٍ جـــفاها نيــاتــهم حــلــوة وللــجـــار حـــلوين .... تـعتـز حـرمـة جــارهم بقــصراها الله عــلى صــدقــان ابــوي الـــوفيين .... اصــحاب شدات الزمان ورخــاها الله عــلى صــدقـان ابوي الحبـيــبـين .... ياشـافـوا الـخمـلة حديـــهم رفـاها مـــهم علـى زلات الاصحاب شفــقين .... ليـاجــتهم العـوجـا تـبــين قـــداها هــكا الــوجــيه الــطاهـــرين النقـيين .... لـودارهــا درب الــردى مـالــقـاها مافــيه أمــل ترجــع هــذيك الديـاوين .... وهكا الرجال اللي كـرامن لــحـاها فــعــاله الــمعــروف شـــــيالـه الدين .... فـكاكـة الـمـلـهـوف كـانــه نصـاها شالـــتهم الــدنـيا وشــالـت كــثــيرين .... دولابـها يـمـشي وتطـــحن رحـاها وجدي على ناسن على القلب غالــين .... راحـوا وانا عـيـني جـــداها بـكاها عمي وابـــوي وجمله الربـع الأدنـين .... اقــبروهم جـعل السحـاب يغــشاها يعــلـهـم فــي جــنـه الـخـــلد باقــــين .... والــنار مايـضفي عـــليهم سـنـاها ماعــقبــهم رحــمــه ولاعـقبــهم لين .... قـلـوبنا زحـمه وضـيـقن فــضــاها يومــنهــا قـــريــة تـــــرانا ســعيدين .... صفحات والتاريخ مـبــطي طـواها الـــناس مع شح الموارد بســيـطيــن .... وقلــوبهم جــمع الذهب ماشـقاها ماسووا الشـــينه ولاداســوا الشــين .... ولاتــقــبله عـــاداتـــهم من نقاها قعــدت من نــومي وشفت العنـــاوين .... رسالـتن حتـى المــغمـض قــراها ياليــتني نـــــايم لـوالنــاس صــاحين .... وليت الحلوم ابطت وطـول مـداها والــيــوم ياوقــتي تبـــيـبي اليـــاوين .... ادخـــلتــني غــبـات بـــحرً تـطاها رجعــــتني لوجــــية نــاسً غريــبـين .... ناسن تزوك انفوسـهـا من عيـاها فيهم قليل من الـــرجـــال المــســمين .... اللي تزبن بـالــوزى مـن نــخـاها وفيـــهم كثير من الرجال المـــساكين .... لوهي رجــال مـسـنـعـتها انـساها رجالــهم لولــه مــن الـــوزن طنـــين .... ريــشة هــوى يلعــبها مـن لــقاها ياشــفتـهـم تــقول وش ها البعاريـــن .... لاشك عنــد الحـمل تسمـع رغـاها قلــــــته وفــــي قلبي سوات البراكين .... تقذف حــممها ويتــوقــد لــضـاها عجزت انا لــدواك ياجـــرح الأدنــين .... والاجـروح الـغــير سـهـلـن دواها يالله ياقــــابل صـــلاة الـــمــــصــلين .... ياخــالــق المـــخلـوق ياملـتـجـاها يالــواحــد اللــي لك عبـيــدك ذلــيلين .... ياباسط ارضك وانـت رافع سماها انك تـثــبتـنا عـلى الـعـــقـل والــــدين .... تجـلي ســواد قلـــوبنا وتــــهـداها تم الكــلام وقـفـلة الـــقـاف خــمسين .... وصلوا على المختار في منـتهـاها ووسلااامتكم |
صح لسانك وتسلم
|
إقتباس:
قصيدة رائعة |
إقتباس:
|
إقتباس:
|
كل الشكر والامتنان على روعهـ بوحـكـ ..
وروعهـ مانــثرت .. وجماليهـ طرحكـ .. وننتظر جديدك بشووووق أحترامي لك |
صح لسانك يالرحال على القصيدةالجزلة
ذكرتنا بالماضي الله يذكر ذيك لايام بالخير ولا اظن انها بتعود لكن الله يخلفها علينا بالجنة صح لسانك مرة ثانية وتقبل مروري |
صح لسانك يا الرحال على القصيدة
والصورة |
شالـــتهم الــدنـيا وشــالـت كــثــيرين .... دولابـها يـمـشي وتطـــحن رحـاها
...هذا حال الدنيا... أبيات رائعه وقصيده مميزه صح لسانك |
ماشاء الله عليك اخوي
كفيت ووفيت |
صح لسانك ملايين على هالخمسين قصيدة رائعة وكتابتها أضافت لها جمال لأنها مكتوبة على اللهجة.
ما شاء الله تبارك الله. |
صح لساانك...
والله يسلمك.. |
صح لسآنك , ودآم عزك
والله يوفقك الكل خير آمين ,,, |
صح لسآنك
|
ياحلو القديم كله ..حياة هانئه رغم قلة ذات اليد !
صح لسانك :f2: |
| جميع الأوقات بتوقيت السعودية. الساعة الآن » [ 02:07 AM ] . |
Powered by vBulletin Version 3.6.4
Copyright ©2000 - 2022, Jelsoft
Enterprises Ltd.
حقوق كل مايعرض في هذا المنتدى محفوظة لمنتدى بني زيد