ملحمة القاضي (( الصبر محمود العواقب)) a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

ملحمة القاضي (( الصبر محمود العواقب))

المشاركة في الموضوع
 
خيارات الموضوع طريقة العرض
  #1  
قديم 20-06-2010, 10:26 AM
الصييفي الصييفي is offline
:: شاعر متمكن ::
 





الصييفي will become famous soon enough
 
ملحمة القاضي (( الصبر محمود العواقب))

 

ملحمة القاضي (( الصبر محمود العواقب))

--------------------------------------------------------------------------------



الصبر محمود العواقب فعاله=والعقل أشرف ما تحلت به الحال
والصمت به سرٍّ سعد من يناله=والهذر به شرٍّ وشومٍ وغربال
وأشر آفات الفتى بخل ماله=وأشر منه المطل في كل ما قال
ولا خير باللي ما يصدّق مقاله=فعلٍ بحالاتٍ طويلات وقصار
فالابل معلومٍ بالأيدي عقاله=والخيل تزلج بالشبيلي والأقفال
والرجل بالواجب لسانه عقاله=لا قال علمٍٍ تم لو حال به حال
والمال كثره عار إلا بحاله=فضلٍ ومعروفٍ إلى نال ما نال
ومن جاد جدّه صار ضده نعاله=ومن ساءت أخلاقه فراقه هو الغال
ومن لا يفارق موضع الهضم غاله=فالقهر مثل السيف والحيف قتّال
ومن هاش حاش المرجلة والشكاله=ومن ذَل ذِل ومن حال يقتال
ومن جاد ساد ومن يشح بحلاله=ما أدرك مرام ولا صعد مصعد عال
والفقر هدّامٍ براسه صعاله=والجود من ماجوده إن ثار بعقال
ولا يفتخر من جاد جده وخاله=هي بالهمم لا بالرمم مثل من قال
فالجمر يمسي كالخلاص اشتعاله=ويصبح رمادٍ خامدٍ مغبرٍ بال
ومن قالب الدنيا بالأريا لحاله=أخطى وأصاب وله دليل بالأقوال
كم خيّرٍ ما نال منها سؤاله=وكم ثور هورٍ ساعفت له بالاقبال
فالسبع رزقه من جيفها ختاله=وجيشٍ ضعيفٍ مرغدٍ رزقه أشكال
ومن كرر إفكاره بالأشيا بدا له=ضغاينٍ تكشف خفيّات الأحوال
فإن جلّ رجلٍ في عيونك فماله=وأوزنْ ثقل عقله بعقلك بمثقال
وتكشف ضغاين غايته بالرساله=أو لفظ مرساله بعنوان ما قال
ويبين لك فضل الرجال بمجاله=إن جا جدال فيه فضّ للإشكال
فالصاحب الصافي تِحِمِّل خماله=يلزمك وإلا الضد حِدّه على الجال
واصحا ترى طرد المقفِّي عذاله=يتعبك والمقبل عطه وجه وإقبال
ترى بوجه اللي يودك دلاله=وضده بمن تكره تراهن بالإغزال
واحفظ وصح وصاة أمين الرساله=لا تغضب أو تجزع إلى حل بك حال
من ضاق ما أدرك مرامه محاله=والبصر قبل يريّع الفكر لك تال
فالدهر له حال اكترابٍ وحاله=يِنفكّ منه العسر باليسر ينجال
كم ضيقةٍ ينفكّ مشكل مجاله=بلطفٍ مْنُه ما عاد يخطر على البال
إن رمت رايٍ فاستخر ثم واله=واعزم وزمّ واجزم على الحال بالحال
كم فات راع الهون عليا يناله=وكم حصّل العليا غشومٍ بالاجزال
إلى صدر بالراي والشور قاله=ما طاع ذلالٍ برايه وعذّال
ومن يفشي أسراره وقع بالجهاله=عطا العدو زمام عقله وهو عال
فالسد له خلٍّ وثيقٍ صفا له=نقّاض مفتولٍ بالاريا وفتّال
إلى احتجت راي فرّ فكر بحاله=يخاطب عواقب كل أمرٍ بالاجمال
يبصرك بأشيا مشكلات صحا له=يوريك ما صوّر على صفحة البال
واشك الحوال لمن تحول بحواله=يسعدك ويبصّرك ويشرح لك البال
هذا وكل من ادّعى بالشكاله=عمّج وتاه بمظلم الليل باللال
ومن اغتر بالدنيا فهو من هباله=ما يعتبر بآجال جولات الأجيال
لصولات دولاتٍ عصاةٍ مضى له=ملْكٍ وحطّتهم تواريخ وأمثال
ذهْبوا وذِهْب المال من له وماله=والحمد هو والمجد يبقى إلى التال
والعمر فيّ زايلٍ لا محاله=وبالحشر ينشر من عمل وزن خردال
فالله توّابٍ منيبٍ يساله=عفوه إلى نشر الصحايف والأعمال
إلى جا غريم الروح باغي زواله=زفّوه عجْلٍ لين جوا به على جال
قبرٍ يشوف الهول به والهواله=مِتْفرّدٍ في موحشٍ مظلمٍ خال
طالبك روحٍ لا عليها ولا له=يغفر خطا ما فات ياغافر الزال
وصلوا على المختار والصحب وآله=ما التجّ حجاج بهاذيك الأميال

 

الرد مع إقتباس
  #2  
قديم 20-06-2010, 11:46 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

إقتباس
فالابـل معلـومٍ بالأيـدي عقـالـه
والخيل تزلـج بالشبيلـي والأقفـال
والرجل بالواجـب لسانـه عقالـه
لا قال علمٍٍ تم لو حـال بـه حـال

الله يرحمه ، شاعر حكمه وعلوم رجال

تسلم يابو وليد

 

الرد مع إقتباس
  #3  
قديم 20-06-2010, 05:07 PM
الماصول الماصول is offline
شاعر
 





الماصول is on a distinguished road
 

 

ومن هاش حاش المرجلة والشكاله=ومـن ذَل ذِل وكل مـن حـال يكتـال
ومن جاد ساد ومن يشـح بحلالـه=ما أدرك مرام ولا صعد مصعد عـال
والفقـر هـدّامٍ براسـه صعـالـه=والجود من ماجوده إن ثـار بعقـال
........
القاضى الشاعر الفحل
أبيات تتنافس على القوة
......
تسلم يا أبا أديب على حسن الاختيار

 


آخر تعديل بواسطة الماصول ، 20-06-2010 الساعة 05:15 PM.
الرد مع إقتباس
  #4  
قديم 21-06-2010, 02:18 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

إقتباس
المشاركة الأصلية بواسطة سعد الحامد
الله يرحمه ، شاعر حكمه وعلوم رجال

تسلم يابو وليد

حياك يبو عبد الرحمن

و سلمت من كل شر

 

الرد مع إقتباس
  #5  
قديم 21-06-2010, 02:23 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

إقتباس
المشاركة الأصلية بواسطة الماصول
ومن هاش حاش المرجلة والشكاله=ومـن ذَل ذِل وكل مـن حـال يكتـال
ومن جاد ساد ومن يشـح بحلالـه=ما أدرك مرام ولا صعد مصعد عـال
والفقـر هـدّامٍ براسـه صعـالـه=والجود من ماجوده إن ثـار بعقـال
........
القاضى الشاعر الفحل
أبيات تتنافس على القوة
......
تسلم يا أبا وليد على حسن الاختيار


يا هلا بك يالماصول

بيض الله وجهك على التعديل

فيه أكثر من بيت تحتاج تعديل

لكن ما أدري وش الكلمات الأصليه التي كانت في القصيد كما كتبها القاضي

 

الرد مع إقتباس
  #6  
قديم 21-06-2010, 04:03 PM
الصورة الرمزية لـ عصام الحسيني
عصام الحسيني عصام الحسيني is offline
عضو متميز
 






عصام الحسيني has a spectacular aura aboutعصام الحسيني has a spectacular aura about
 

 

ومن اغتر بالدنيا فهو مـن هبالـه
ما يعتبر بآجـال جـولات الأجيـال

الصييفي شكرا

 


::: التوقيع :::



 
الرد مع إقتباس
  #7  
قديم 23-06-2010, 06:49 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

سلمت أبا الوليد
على جودة الطرح
وصح لسان شاعرها محمد القاضي

مع شكري وتقديري
ودعائي لك ولوالديك بجنة عرضها السموات والأرض

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 04:10 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www