ذيك السنه الي صامت فيها حصه a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

ذيك السنه الي صامت فيها حصه

المشاركة في الموضوع
 
خيارات الموضوع طريقة العرض
  #1  
قديم 16-06-2010, 05:33 AM
الصورة الرمزية لـ غزالة شقراء
غزالة شقراء غزالة شقراء is offline
عضو نشيط جداً
 





غزالة شقراء is on a distinguished road
 
ذيك السنه الي صامت فيها حصه

 

ذيك السنه اللي صامت فيها حصّه ( صوره شعبيه )


تقول حصه ...
اوّل مرّه صمت فيها رمضان كان عمري ثمان سنين وكنا ساكنين في حي ( الدوبـّيـه ) في الرياض ... وهو حي كان ومازال .. حي منسي ومهوب موجود على خريطة الرياض .. حتى اهل البلديه مايعرفون وينه فيه ؟ وللي مايعرفه ... حي ( الدوبـيّـه ) حي صغينون وسط حي معكال اللي حدوده ... احياء ... الديره ودخنه وسكيرينه وشارع سلام ... وكان بيتنا على شارعين له باب رسمي ماأقدر افتحه من كبره ... كلّـه خشب وش ثقله ... والباب الثاني على السكه الثانيه .. صغيّـر اقدر افتحه مسمينه .. باب النقبه ... نروح له من عند حوش الغنم ... السنه اللي بديت اصوم فيها رمضان كانت في الصيف .. كنت اشوف امي تنوم الظهر في بعض الاحيان ... تحت مقطار القربه ومهفتها في يدها .. .. وجدتي تقول ...: يالله براد الجنه.. كنا نفطر في بطن الحوي ( البيت ) وكانت جدتي ( طرفه ) تطلب مني افرش السماط ( السفره ) الى جا حول المغرب .. وكانوا يفطرون ) عندنا ( لولوه و هيلــه ) بنات عمي ( سعد ) .. كنت اشوفهم حريم كبار ... عشانهم دايم يتوزّون عني ولا يعلموني وش يقولون ؟ في ليله من ليالي رمضان .. كنّا قاعدين نلعب بالسطح ( حبشه ) .. رقت علينا جدتي وامي عقب ماصلّوا التراويح وجابوا معهم القهوه والشاهي و .. الحبّ .. وفرشت لهم .. لولوه .. الحصير .. وجابت هيله ... التريك .. عشان يسفّر علينا ... قالت امي : كان خليتيه محلّه الليله قمرا ... وجلسوا كلهم يسولفون ...
ولولوه ... تصب القهوه ... قالت لهم جدتي وهي تاخذ الفنجال من يد لولوه ... : ورا ماناديتي امك تقهوى معنا ؟

هيله : امي اليوم عندها اختها جايبتن ولدها يقرا عليه ابوي .
ــ امــي : هـوه .. عسا مهوب مصيخين ؟
لولوه : لا ... بس يقولون ان فيه ضيقه .
ـــ جدتي : الله يكفينا شر الضيقه يابنيتي .
امي : الله يعافينا كثرت الامراض والصخاين .

وفجأه نطّت هيله الملقوفه وقالت : الاّ ... ياخالتي ( تقصد امي ) ورا حصّه ( تقصدني ) ماتصوم ...
امي : توّها صغيّره .. ****لله بتصوم المقبله
ـــ جدتي : لا مهيب صغيّره .. الاّ حرمتن ماشالله عليها .
وتلقفت لولوه : هــاه .. يا حصّه ودّك تصومين باكر ... ؟
جاوبت عني جدتي : ايه بتصوم معد باقين من الشهر الا نصّه ... والى منّها صامته ياعندي لها حقاق ( هديه ) بس مانيب معلّمتها هالحين الين تصومه التفتت علي امي وهي تقشّم الحب وقالت : هـاه ياحصيصه بتصومين باكر ؟ رديت من غير تفكير : ايه ابصوم .
ـــ هيله : خلاص اجل لاعاد تنومين الين تسحّرين .. وقعدت ( هيله ولولوه ) يتضاحكون ... وحده تقول : الله من زين الصوم . والثانيه ترد عليها : صوم الدجاجة والديك .
نهرتهم جدتي : أها بس .. تعجبكم ****لله .
جا وقت السحور .... وانا اقاوم النوم وجلست معهم .. كانت امي حريصتن علي ... اكلتني من المراصيع ... وشرّبتني لبن .. مع ان جدتي تقول لها : خلاص يكفي شرب ( لا تزغّل ) بالفراش ؟ مع اني والله عمري ماسويتها في مرقدي .. لكن الحرص زين على قولت جدتي .
ومانسوا يوصوني عقب ماصليت الفجر اني اروح للصهروج ( الحمام ) قبل ما أنصى فراشي ..
نمت وقمت الضحى ... و... بحلت بعمري مدري وش اسوي ... العاده آكل شي ثمّن اقعد العب . لكن هالحين ماأعرف العب وانا جايعه
طيب البيت كلهم نايمين ... ورا ماآخذ لي شي آكله هم وش يدريهم كلهم نايمين ... وتذكرت الصوغه اللي مواعدتني جدتي ..
الصراحه بغيت آكل .. لولا اني سمعت امي تناديني من الحجره : حصه ... حصه .. تعالي ونا امك ... خذتني في حظنها وقعدت تحجي علي الين نمت ثانيه ....
قمت عقب العصر .. ودخلت المطبخ ... لقيت امي تصلّح القهوه والشوربه وبنات عمي يلفّون السمبوسه ويصلّحون التطلي ...
التفتت علي هيله وهي تحرّك التطلي بالملاّس وقالت لي : حيا الله الصايمين .
قالت لولوه : اي هيّن .. الله من الصدق .
قالت امي : حرام عليكم بنتي صايمه
قالت هيله : اي والله شوفي وجهها اصفر
قالت امي : روحي حبيبتي انسدحي بالغرفه الين يذّن المغرب
طلعت من المطبخ وقعدت ادور في البيت واناقز .. وعقب ساعة من المطامر ... حسّيت بالظما الشديد .. عوّدت لمّـي وانا ابولع ريقي .. وقلت لها وانا يالله احكي : يمّه معليش اشرب مويه ؟
ــ خلاص وناامك معاد الا خير شوي ويذّن المغرب
لكن هالحكي مايطفي ظماي ... وشخصت عيوني على ( الزّيـــر ) وهوينقّط على خيشة الجح اللي تحته ... ورجعت اقول لمّي : بس شوي ولانيب بالعته؟ وامي تشجعني وتصبّرني .
نطّت هيله الملقوفه راعيت فكرة الصوم : خالتي خليها تشرب وتفكنا ... عاد من زين صومها هالحين . لكن امي سفهتها وقالت لي عشان تشغلني : روحي افرشي السماط يمّه ..والتفتت على لولوه : عطيها السماط .. مدّت لي لولوه السماط من غير نفس : خذي ياحظي ماصام الا انتي .. الله يبلشك ياهيله انكانك ابلشتينا بهالدبقه.
وهيله تضحك وهي تصف صحون التطلي في الصحن الكبير وتغطيها بالشاش
جا ابوي من المسجد ... وفي يده مصحفه .. وجلسنا كلنا انا وامي وابوي وجدتي وبنات عمي ... نحتري اذان المغرب .. قالت امي لبوي : ابشرك حصة صايمتن اليوم .. قال ابوي : اوّل خير ... لكن يوم شاف شكلي يالله ارفع عيوني وخشتي وارمه .. قال لمّي : يكفيها اليوم .. يمديها على خير المقبله .
ناظرت بنات عمي لقيتهن ساكتات عشان ابوي موجود مسويات انفسهن مئدبات .
رمى المدفع واذّن المغرب وبدينا نفطر .. وابدى اقحن ( اشرب ) من التوت وامي تقول لي يابنيتي بسّك من هالتوت وانتفخ بطني وتصبب عرقي وانسدحت معد ادري عن الدنيا .. افطروا اهلي زي العاده .. قهوه وتمر وشوربه وسنبوسه وتوت .. ضفت هيله ولولوه السماط وقاموا كلهم يصلّون المغرب وانا منسدحه وبطني يعوّرني ....
جت .. هيله وطمّنت علي : حصه ... حصه .. وشفيك .
فتحت عيوني وقلت لها : يلله فارقي .. ردّت هيله : بعد ... هذا جزاي يالشينه وراحت وخلّتني
ناديت امي وجت من على سجادتها : وشفيك يابنيتي . توني ابقول لها وديني للصهروج ..( الحمام) ماأمداني ..و .. كل اللي في بطني على الحصير ... ارتاعت امي وفصخت جلال الصلاة وقعدت تمسحني به وتسمي علي وتقول : الله لا يعيد هالتوت . وصاحت تنادي لولوه لكنها ماردت بس سمعتها تخبط على ركبتها .. كانت تصلي .. عودت امي تنادي هيله .. وجت هيله تركض : وشفيك ياخالتي ويوم شافتني قعدت تضحك الين جلست على الارض من الضحك وامي تقول لها : انا مناديتك عشان تضحكين روحي جيبي بادية شوربه لحصّه خلّي كبدها تركد ..... وشربت الشوربه وارتحت ومانستني جدتي من الهديه ( مخنق زري وش زينه ) لكن ماعاد خلتني امي اصوم باقي الشهر ... بس صمت السنه اللي عقبها .


ومرّت السنين ...

وجلست هيله ولولوه يسولفون مرّه عن شي صار مبطي وهيله تحاول تذكّر لولوه ... ولولوه ناسيه ...و اخيرا لقت هيله علامه بتخلّي لولوه تذكّر ... قالت هيله : ذيك السنه اللي صامت فيها حصّه ؟!
وذكرت لولوه مع ان ذيك السنه اللي حطّوها علامه ماصمت فيها الا يوم... الله لايعيده ... خلاص صارت ذيك السنه تاريخ عند هيله ولولوه يعني مثل : سنة السبله وسنة الهدام وسنة الرحمه ...
الله يذكركم بالخير يابنات عمي .. وبالاخص هيله اللي بسببها .. صمت ذاك اليوم وقحنت
التوت وصار اللي صار ..
هيله اللي حطت لي تاريخ : ذيك السنه اللي صامت فيها حصه ؟




منقووول


مايستفاد من القصه

((يمكن أنا أو أنت نكون مثل حصه ونذكر ونتذكر الأحداث بأحداث وقعت وتميزت بها سنة من السنوات))

 


::: التوقيع :::



وترحل..فيمضي ليلي كله وأنا أردد مواويل التمني


 
الرد مع إقتباس
  #2  
قديم 16-06-2010, 05:50 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

إقتباس
والى منّها صامته ياعندي لها حقاق

الله ياهالكلمة ، ذكرتني بعجوز كنت العب قدام بيتها قبل ادخل المدرسه وتناديني مع الباب في بيتها الطين تعال ياسعد باعطيك حقاق

والصوم مازلت اذكر اول سنه صمت فيها ، بس كنت احسبه بالساعات يعني اول يوم صمت الى بعد الظهر

واخر الشهر كملت اليوم

والسنه اللي بعدها صمت السنه كامله

الله يعطيك العافيه اختي غزالة شقراء

 

الرد مع إقتباس
  #3  
قديم 16-06-2010, 06:57 AM
الصورة الرمزية لـ بحر تركي
بحر تركي بحر تركي is offline
عضو نشيط جداً
 





بحر تركي is an unknown quantity at this point
 

 

قصه رااائعه

 


::: التوقيع :::

[img]http://www.banyzaid.com[/img]


 
الرد مع إقتباس
  #4  
قديم 16-06-2010, 11:06 AM
الصورة الرمزية لـ عصام الحسيني
عصام الحسيني عصام الحسيني is offline
عضو متميز
 






عصام الحسيني has a spectacular aura aboutعصام الحسيني has a spectacular aura about
 

 

قصة رائعة من الموروث النجدي

غزالة شقراء شكرا على النقل

 


::: التوقيع :::



 
الرد مع إقتباس
  #5  
قديم 17-06-2010, 05:06 PM
الصورة الرمزية لـ ام لمى
ام لمى ام لمى is offline
عضو متميز
 





ام لمى will become famous soon enough
 

 

يعطيك العافيه على القصه

ننتظر جديدك القادم

 


::: التوقيع :::



 
الرد مع إقتباس
  #6  
قديم 17-06-2010, 10:58 PM
الماصول الماصول is offline
شاعر
 





الماصول is on a distinguished road
 

 

تسلمين يا غزالة شقراء
نقل جميل

 

الرد مع إقتباس
  #7  
قديم 17-06-2010, 11:10 PM
الصورة الرمزية لـ مـلـك
مـلـك مـلـك is offline
عضو ذهبي
 





مـلـك will become famous soon enough
 

 

يازين الرمضان متى يجي بس

يعطيك العافيه

 


::: التوقيع :::

انت الزائر رقم ..

لمواضيعي ومشاركاتي


 
الرد مع إقتباس
  #8  
قديم 18-06-2010, 03:29 PM
مملوح القصيم مملوح القصيم is offline
عضو مثالي
 





مملوح القصيم is on a distinguished road
 

 

هههههههههههه ... حلووووه القصنه

ذكرتينا بصوم الجاجه والديك
يعطيك الف الف عافيه غزاله على القصه الطينيه .. يعني من ايام الطين مو من ايام السمنت والمكيفات السبلت وغيره ...
شكرا .. غزاله

مع تحيات مملوح : ابن بشر

 

الرد مع إقتباس
  #9  
قديم 19-06-2010, 08:09 AM
الصورة الرمزية لـ غزالة شقراء
غزالة شقراء غزالة شقراء is offline
عضو نشيط جداً
 





غزالة شقراء is on a distinguished road
 

 

إقتباس
الله ياهالكلمة ، ذكرتني بعجوز كنت العب قدام بيتها قبل ادخل المدرسه وتناديني مع الباب في بيتها الطين تعال ياسعد باعطيك حقاق
والصوم مازلت اذكر اول سنه صمت فيها ، بس كنت احسبه بالساعات يعني اول يوم صمت الى بعد الظهر

واخر الشهر كملت اليوم

والسنه اللي بعدها صمت السنه كامله

الله يعطيك العافيه اختي غزالة شقراء


وفي روايه يسمونها شروط

تعال يافلان اشرط لك

الله المستعان

شاكره مرورك وتعليقك اخوي سعد الحامد

 


::: التوقيع :::



وترحل..فيمضي ليلي كله وأنا أردد مواويل التمني


 
الرد مع إقتباس
  #10  
قديم 19-06-2010, 08:10 AM
الصورة الرمزية لـ غزالة شقراء
غزالة شقراء غزالة شقراء is offline
عضو نشيط جداً
 





غزالة شقراء is on a distinguished road
 

 

إقتباس
قصه رااائعه

بحر تركي

شكرا على تواجدك

 


::: التوقيع :::



وترحل..فيمضي ليلي كله وأنا أردد مواويل التمني


 
الرد مع إقتباس
  #11  
قديم 19-06-2010, 08:11 AM
الصورة الرمزية لـ غزالة شقراء
غزالة شقراء غزالة شقراء is offline
عضو نشيط جداً
 





غزالة شقراء is on a distinguished road
 

 

إقتباس
قصة رائعة من الموروث النجدي

غزالة شقراء شكرا على النقل


عصام الحسيني

شاكره مرورك اخوي

 


::: التوقيع :::



وترحل..فيمضي ليلي كله وأنا أردد مواويل التمني


 
الرد مع إقتباس
  #12  
قديم 19-06-2010, 08:12 AM
الصورة الرمزية لـ غزالة شقراء
غزالة شقراء غزالة شقراء is offline
عضو نشيط جداً
 





غزالة شقراء is on a distinguished road
 

 

إقتباس
يعطيك العافيه على القصه

ننتظر جديدك القادم


تفارقني الفرحه

شكرا على هذا المرور

 


::: التوقيع :::



وترحل..فيمضي ليلي كله وأنا أردد مواويل التمني


 
الرد مع إقتباس
  #13  
قديم 19-06-2010, 08:13 AM
الصورة الرمزية لـ غزالة شقراء
غزالة شقراء غزالة شقراء is offline
عضو نشيط جداً
 





غزالة شقراء is on a distinguished road
 

 

إقتباس
تسلمين يا غزالة شقراء
نقل جميل


الماصول

اسعدني هذا التواجد وياهلا

 


::: التوقيع :::



وترحل..فيمضي ليلي كله وأنا أردد مواويل التمني


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 03:36 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www