قصيدة التعايد ... حدث مثير في قطن a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

قصيدة التعايد ... حدث مثير في قطن

المشاركة في الموضوع
 
خيارات الموضوع طريقة العرض
  #1  
قديم 30-05-2010, 09:08 PM
أبوسفيان أبوسفيان is offline
شاعر ، ومناقش محترف
 





أبوسفيان is on a distinguished road
 
قصيدة التعايد ... حدث مثير في قطن

 

(قصيدة التعايد)

كنا في رحلة برية إلى الربيع بالقرب من عقلة الصقور في نهاية شهر ربيع الثاني، وفي صباح يوم الجمعة كنا في جولة على جبال قطن شرق شمال عقلة الصقور،وبعد الإفطار في أحد الأودية السايلة ،وفي يوم مطير، دار الحديث حول امكانية تسلق أحد الهضاب،وكان لها جانب أشبه بالجدار ، وجانب آخر شديد الانحدار لكنه يمكن تسلقه، قام أبو سفيان(عبد الله المطوع)، وأبو عبد الرحمن (د/عماد الصغير)لصعود الهضبة من الجهة الأسهل، وكان جواب (الشنب) أنه يريد الصعود من الجهة الأصعب لأنها الأقرب،دار الحديث حول إمكانية الصعود وتم عرض ألف ريال، ثم ألفين ، انصرف أبو سفيان وأبو عبد الرحمن للجبل.
بعد قرابة الساعة ،إذا بالإيصال أن الشنب عزم على الصعود وأنه قبل التحدي رغم المحاولات بعدم التهور،وهو الآن في مأزق ولا بد من الاتصال بالدفاع المدني، اجتمع الجميع وتم احظار الفرش لوضعها تحت الجبل تحسباً لأي حدث لحين حضور الدفاع المدني، أرعد الخيال وأمطر المطر وهذا مأزق آخر لشدة ملاسة سطح الجبل، والكل يدعوا الله أن يتوقف المطر، وتوقف بحمد الله.
كان الموقف عصيب على الجميع،وتاريخي ، والحمد لله بعد أكثر من ثلاث ساعات تم إنزال الشنب،اللي فعل الشبب جعله ما يعسر، والقصيدة أبلغ من العرض.فمع قصيدة الشاعر سلمان بن محمد المطوع التي تصور هذا الحدث التاريخي.



لاوالله الا ضاعت علوم سلمان = على صفاة في قطن مستديرة
الطول حول مية متر دون نقصان= والعرض مدري مير ياهي كبيرة
ليتك خذيت الشور من عبد ارحمن = الصاحب اللي ما دور لغيره
لكن ياهل المعرفه ما للإنسان= عن الذي مكتوب شره وخيره
القلب في ابنادم ليا صار عميان= ماهوب شايف لو عيونه بصيره
والرجل ما يبزع برايه ولو كان = رايه سديد والعرب تستشيره
لو هو يحس انه من العقل شبعان = شوري عليه إنه يراوز مشيره
ترى الأمور اتغر في بعض الأحيان = والآدمي ما يندرى وش مصيره
خذها نصيحة من مجرب وفهمان = ما يسبح الا في بحورٍ غزيره
أنا اشهد ان ربعي من اطوال الأيمان = أهل الجمايل والفعول الشهيره
ابن الصغير والسويلم كحيلان = من روس قومٍ في الملاقا خطيره
وابن العريني و اولده وأبو سفيان = ترثة قروم بنطحون المغيره
ذولا رجال وللخوي شانهم شان = ما يتركونه في الشدايد بحيره
شعطت لي صماً محاطة بظلعان = معروفة وتاقع شمال الجزيرة
ووقفت في مثناتها غصب حيران= رجلي على ما قيل كنها كسيره
ناظرت من تحتي ولاها مزلقان = وناظرت من فوقي ولاها عسيره
ومن حظي ان ربعي تشاهد بالاعيان = الموقف اللي صار قبل الظهيره
وصاحوا لي الظفران وش فيك يافلان = وأنا بعرض الصوح نفسي عسيره
قلت الشنب ناشب يبي الفزعة الآن = ما عاد قدامه دروبٍ يسيره
تزاهموا واستفزعوا والخطر بان = وقالوا الدفاع المدني في مسيره
وجونا على شاصٍ مقفص ومليان = من بعد كيلوين نوحي صفيره
والي وراه اهلالٍ أحمر على شان = يمكن يجي علمٍ و يالله الستيره
ما عاد تنفعني عزاويٍ بجدان = لانا أن من زيد ولا انا اخو منيره
الخير مقبل السما كلها امزان =وانا اترجى من يعلم السريره
البرق كنه لمعة السيف شامان = والرعد صوته مثل صوت الذخيره
واخطى الله بشر السحابة في الأوطان = راحت جنوب وثم هلت مطيره
وقاموا النشاما اشمام والكل عجلان = يستعجلون أهل العقول الخبيره
ورقوا الجبل والأرشية فوق الامتان = كنهم بممشاهم على جمر نيره
وذبوا المهيلة واحدروا لي بليهان = مثل الدلو لامن حدر جوف بيره
وانا اتشدد مع فهد طير حوران = برشاً مجودته يدينٍ شطيره
حتى استقرينا على بر الأمان = يا فرحتي عادت عيوني قريره
وبعد تهاني الربع من قلب و لسان = كلن حكى بالي يكنه ظميره
ثمٍ تقهوينا من ادلال رسلان = فنجالها يغسل كبودٍ مريره
ويوم استرحنا كثرت حلوف وأيمان= ونذرت لكرمهم بليا قصيره
وجبت الشحم يوم الشحم غال الأثمان = لكن يرخص للوجيه السفيره
ودسمت شارب كل نشمي وذيبان = من خاطرٍ سامح وأبيها بريره
يستاهلون الطيب في كل الأزمان = يستاهلون الطيب في كل ديره
والحمد لله خالق الإنس والجان = فالأولة والثانيه والأخيره
وارجيه يرزقنا لشهادة والإيمان = ونشفع لسبعينٍ من أغلى العشيره
وعساه يجمعنا بهم جمعة اخوان = في جنة الفردوس رفقه وجيره
قاله مطوع من سلالة سليمان = وده يوثق قصةٍ له مثيره
صاغ المعاني بالقوافي والأوزان = لاهيب لا عارٍ ولا هيب عيره
واختامها واعداد ما هل ودان = صلوا على اللي سيرته خير سيره

 

الرد مع إقتباس
  #2  
قديم 30-05-2010, 09:32 PM
رورو العامر رورو العامر is offline
عضو جديد
 





رورو العامر is an unknown quantity at this point
 

 

روووووووعه

 

الرد مع إقتباس
  #3  
قديم 30-05-2010, 10:14 PM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

ونعم بالجميع

صح لسان ابو محمد وأعلى الله شانه

ويقول ويفعل وأنتم تستاهلون

يابو سفيان

ومبطين عن جديدك يا ولد خالي

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
  #4  
قديم 31-05-2010, 10:38 AM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

راحت عشرك وحدة يبوشنب

لكن الحمد لله على السلامة

ربك ستر

صح السانك يالقرم

ابوسفيان

كفيت ووفيت لا عدمتك

تحياااااااااااااااتي لك

 


::: التوقيع :::



 
الرد مع إقتباس
  #5  
قديم 31-05-2010, 09:54 PM
الماصول الماصول is offline
شاعر
 





الماصول is on a distinguished road
 

 

الحمد لله على السلامة
ولو ما جا من ها لمغامرة الا ها لقصيدة لكفى

 

الرد مع إقتباس
  #6  
قديم 31-05-2010, 10:06 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

الحمدلله على السلامة يا ابوسفيان

الطيب مايجيب الاعلوم الطيب والطيبين

وابوشنب يحري بالعلوم الطيبة والحمدلله على سلامته

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #7  
قديم 31-05-2010, 11:17 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

الحمد لله على سلامه ابو محمد

وتسلم يابو سفيان على العرض

 

الرد مع إقتباس
  #8  
قديم 01-06-2010, 09:18 PM
العصفور العصفور is offline
شاعر
 





العصفور is an unknown quantity at this point
 

 

بيض الله وجيه الجميع وخصوصا الذي صعد
ومن يتهيب صعود الجبال
يعيش ابد الدهر بين الحفر
ما عليكم من احد يابو محمد يوم عجزوا قامو يعذلون

 

الرد مع إقتباس
  #9  
قديم 01-06-2010, 11:25 PM
الصورة الرمزية لـ رسم القصيد
رسم القصيد رسم القصيد is offline
عضو دائم
 





رسم القصيد is on a distinguished road
 

 

ونعم في الجميع والحمدالله على السلامه
وصح لسان ابومحمد

 


::: التوقيع :::

اللهم آسكن آمي عآلي جنآتك وجميع موتى المسلمين يآحي يآقيوم


 
الرد مع إقتباس
  #10  
قديم 03-06-2010, 03:08 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

صح لسان سلمان (الشنب)

و الحمد لله على السلامه

توثيق رائع

لا هان ابو سفيان

و لا هان الشاعر


تحيتي و تقديري للجميع

 

الرد مع إقتباس
  #11  
قديم 05-06-2010, 12:32 AM
أبوسفيان أبوسفيان is offline
شاعر ، ومناقش محترف
 





أبوسفيان is on a distinguished road
 

 

رورو العامر/ سيف شامان/ المسافر/ الماصول /عبد العزيز الجبرين/ سعد الحامد/ العصفور/رسم القصيد/الصيفي/

سلمتوا جميعاً ، وصحت أبدانكم ،وشرفني مروركم الكريم.

 

الرد مع إقتباس
  #12  
قديم 05-06-2010, 01:17 PM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

إحتراف شعري في تصوير الحدث
والحمد لله على السلامه

 

الرد مع إقتباس
  #13  
قديم 06-06-2010, 03:32 AM
الصورة الرمزية لـ الـــنمر
الـــنمر الـــنمر is offline
محاور متميز
 





الـــنمر is on a distinguished road
 

 

والرجل ما يبزع برايه ولو كان..... رايه سديد والعرب تستشيره
لو هو يحس انه من العقل شبعان..... شوري عليه إنه يراوز مشيره
ترى الأمور اتغر في بعض الأحيان...... والآدمي ما يندرى وش مصيره


صح لسان الشاعر ..... حكم

سوى لكم اكشن ثم عشاكم على الشحم بيض الله مجهه


مشكور يا ابو سفيان

 


::: التوقيع :::

انا من داورد يكفيني هواها ------ ويبري لوعتي شربي لماها


 
الرد مع إقتباس
  #14  
قديم 06-06-2010, 07:33 PM
ابو مجيول ابو مجيول is offline
عضو نشيط جداً
 





ابو مجيول is an unknown quantity at this point
 

 

صح لسانك

والحمد لله على السلامة

 


::: التوقيع :::



بني زيد


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 08:17 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www