قصة وقصيدة a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

قصة وقصيدة

المشاركة في الموضوع
 
خيارات الموضوع طريقة العرض
  #1  
قديم 18-05-2010, 06:16 AM
الصورة الرمزية لـ عبدالرحمن الزيد
عبدالرحمن الزيد عبدالرحمن الزيد is offline
 






عبدالرحمن الزيد will become famous soon enough
 
قصة وقصيدة

 

:
القصة هي: أن الشاعر إبراهيم بن زيد المزيد رحمه الله من الشعراء البارزين في منطقة سدير توفي رحمه الله قبل عدة سنوات وقد تجاوز عمره المئة عام
:
عُرف عنه الكرم فباب بيته دائماً مفتوح خصوصاً عندما انتقل للرياض فصار أهل سدير ينصون بيته كل ما راحوا للرياض وكان الباب دائماً مفتوح..
:
وفي يوم من الأيام وعندما كبر به العمر جلس يفكر في حال البيت عقب ما يموت ووش يبي يصير في باب البيت وأن العيال يبي يبيعون البيت أو يصكون الباب عقبه ..!
:
وهذا ما هيّضه رحمه الله وقال هالأبيات يتوجد على باب البيت من عقبه فقال رحمه الله :
:




ياعزتي للباب من صكـةٍ لـه=من عقب ما تركز علي النصايب
ما في عيالي واحدٍ فزعـةٍ لـه=إلى وقف تذرى عليه الهبايـب
من عقب يوم إن النشامـا تدلـه=خلوه مجناب سـواة الخرايـب
الباب يشكي عقب عـزة مذلـة=يا باب لا تشكي وأنا عنك غايب
لومك على اللي باعوا البيت كله= كلٍّ خذا قسمه وخلـوك سايـب
بعض العيال إذا ظهر ما تملـه= وبعض العيال لوالدينه عقايـب
خسـارةٍ تغـذاه خلـه لعـلـه= يبقى على الدنيا كثير المصايـب
لا مقلطٍ سفره ولا شـال دلـة= ولا مع اللي ينطحون النوايـب
لعل مـن يبكيـه رمـحٍ يشلـه= على عروق القلب بين الترايـب


:
ولكن عياله استمروا على نهج والدهم رحمه الله وبقى الباب مفتوحاً حتى اليوم وبيته رحمه الله في الرياض في حي المصيف .. ولذلك علق الشاعر محمد بن صالح الحسينان على قصيدة إبراهيم المزيد رحمه الله
:
ويذكر فيها حال الباب عقب موت الشاعر وأنه بقى على حاله وأن العيال صاروا مثل أبوهم :
:




بيتك يابو خالد أصحابـك تدلـه= الباب مفتـوحٍ ولا هـو بسايـب
من عقبكم باقـي ولا فيـه خلـه= ربعك يعودونه ولا غاب غايـب
البيت باقي فيـه فرشـه وزلـه= واليوم صار الملتقـى للحبايـب
من عقبكم ما كن شيٍ حصل لـه= البيت عامـر مدهـلٍ للقرايـب
خالد مع اخوانه عمـاره وظلـه= كـلاًّ يقـوم بواجبـه والنوايـب
لا غاب واحد سد الآخر محلـه= سفرتك ممدودة عليها الوجايـب
والبن والشاهي على النار كلـه= ودلال رسلان بها الهيل رايـب
الباب صاروا كلهم فزعـةٍ لـه= من يوم ما ركزت عليك النصايب

 

الرد مع إقتباس
  #2  
قديم 18-05-2010, 01:10 PM
خــالـد العـمـر خــالـد العـمـر is offline
عضو جديد
 





خــالـد العـمـر is an unknown quantity at this point
 

 

الله يرحمه ويغفرله

لاهنت علىا الطرح ,,

 

الرد مع إقتباس
  #3  
قديم 18-05-2010, 07:46 PM
الصورة الرمزية لـ عصام الحسيني
عصام الحسيني عصام الحسيني is offline
عضو متميز
 






عصام الحسيني has a spectacular aura aboutعصام الحسيني has a spectacular aura about
 

 

بعض العيال إذا ظهر ما تملـه= وبعض العيال لوالدينه عقايـب



الله يرحم الشاعر وبيض الله وجه عياله
عبد الرحمن الزيد شكرا

 


::: التوقيع :::



 
الرد مع إقتباس
  #4  
قديم 06-06-2010, 11:43 AM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

إقتباس
مـن عقـب يـوم إن النشامـا تـدلـه
خلـوه مجـنـاب ســواة الخـرايـب

البـاب يشكـي عقـب عــزة مـذلـة
يا باب لا تشكي وأنا عنك غايب

واصل رحم

صح لسآنك ولسآن شأعرها
تسسلم لنآ يمنآك على النقلً الطيب
تقـبل مروري

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 09:07 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www