كشتتين (كشتة بثاره ) و(كشتة خكاره مع شهرزاد) [ مشارتس ]

السلام علاكم

تصدقون عاد امس كشتنا <-- ياوسع وجهتس
وسهارتن كل ليلي ادنفس بهالصور ابي اسنع لكم هالكشته واعلمكم اني كشت عقب حب الخشوم ونطل البراقع
انواع البثاره بهالكشته الظاهر على قولة اميمتي رايحين تبلعون تسنكم جايين من مجاعه
طبعاُ كل واحد يخمط له شي اللي يبي شقليطه واللي يبي اقط <-- مهب اميمتي
وسمحت لنا فخامة اميمتي بالغازيات عاد يا جعلني ما ابتسيها تحسب انا ماذقناها من عقب ما اعلنت المقاطعه

اول ماحطينا الرحال انبثوا وراعينا
درقن درقن يم الطعوس
وانا خامتن كميرتي الحقيره اللي طفت عقب ما صورت به 3 صور جعلها الفقش
طبعاُ مالي الا الجوال <--- تبي تقول ترا تصويري زين مير البلا بالجوال

وهذي بعض الصور
واستروا ماواجهتوا






[img]http://www.*****.com/get-2-2010-*****_com_7lzdgoy8.jpg[/img]

لا تغركم الصوره والحوسه تراه يهبل هالحلا

[img]http://www.*****.com/get-2-2010-*****_com_2e8850yt.jpg[/img]

[img]http://www.*****.com/get-2-2010-*****_com_0qw8xx47.jpg[/img]
هذاخمامنا وحوستنا

[img]http://www.*****.com/get-2-2010-*****_com_hjb27uxu.jpg[/img]
فنجالي مع الحلا والحب خاش عرض

[img]http://www.*****.com/get-2-2010-*****_com_b9d5fr20.jpg[/img]

اخوي يهايط عندنا بعزبته يبي يكيف
[img]http://www.*****.com/get-2-2010-*****_com_b9l8wado.jpg[/img]

خميت بريدزه وبيالته واخذت لها لقطه <-- ماهاوشن ابد
[img]http://www.*****.com/get-2-2010-*****_com_5covfbb9.jpg[/img]

اخوي قدام الضو ومعه بريدزه متخلوي ومظهرن سرواله عشان يكيف صدز

يوم اظلمت خمينا خمامنا وتفقدنا بزارينا واللي ضايعتن نعاله واللي يبي الحمام واللي معيي يركب ياوك ياشين بزية البزران
وسرينا وشلنا قراطيسنا وجعلنا المكان افضل مما كان<-- اقول امرحي

و الكشته كلها تراها رحمتن في شهرزاد وتحدي .. لأني قابلتها الاسبوع اللي فات
وتشكي لي تقول ودي اكشت واشارك في فعالية الكشتات
قلت ازهليها والله لأخليتس تكشتين
عشان تسذا ترى هالكشته قطه بيني وبينها
وللامانه هاذي صور كشتتي الخكريه مع ام الاحمر شهرزاد

من زمان وانا بقابلها مير مافضت لي التسلبه يوم جا اسبوع الاجازه
اتقفنا نتقابل في كريب كوفي



وصلت قبلها
والله ياهي لطعتن لطعه وازهم وتصكه بوجهي
لين طلعت ريحتي والبزران قروشوني الينها جايتن تسنها ثلجه
بعد السلام
قعدت اهاوش قالت عادي ثم انه امر طبيعي

صرفت اللي معي عقب مابلعوا
همن فكيت خشتي لشهرزاد قلت يالله وش تبين تزرطين بس لا تكثرين







والله ياهي بغت تصكني تقول ترا حامت تسبدي من جوالتس اللي بكل محل رازته<-- بلهجتها طال عمرها



ميكس بيري بانكيك



ستروبري ديلايت كريب




ستروبيري فيلدز وفل




جت الفاتوره وانا اسوي نفسي ما انتبهت
وهي تقل ثلجه بغت تقول اخلصي ادفعي يامره <--- هذي اخرة الهياط ياجويزي

جعله مايحدر ياشهرزاد فقرتينن


همن قالوا نبي رايكم
هي مامعها قلم عطيتها قلمي حق الاختبارات يقال لي حاشمتها
عاد القلم يالله كتب عقب الشقى


شهرزاد حتست تعنقطت بالورقه يالله فكيناها <--ابكم فضحتنا


فخامتي احتسي
خبركم ما اتعامل الا بالانجليزي اتميلح قدام الماخوذه


وبعدين دق جوالها وقالت معليش عندي موعد وبروح له
وانا احس انها تسذوب وملت مني
قلت طسي
الشرهه مهيب عليتس
الشرهه على اللي شاحذتن من امها 200 عشان تقهويتس في ذا الكوفي

وتفارقنا ولاهقيت انها بتقابلني مرتن اخرى

الصدز انا فليناها وماخلينا دابة في جحرها في المنتدى الا حشينا فيها
من الاداره والمشرفين والمشرفات والاعضاء
حتى الايقونات حشينا فيها



وخلاص صرت احب شهرزاد واشجع النصر مثلها وابكتب بالاحمر مثلها >>> تهقون سحرتني
والله مدري اشوف في شنطتها خمام واجد ^^

يالله عاد ضفوا عفشكم مع السلامه
ماعاد به شي

|||على فكره .. تراني امزح كشتتي مهيب مشاركه بس ابي اسوي اكشن ماصل هع|||

ماشاء الله

كل وحده احسن من الثانية

وتصوير رايق واعداد مميز واسلوب رائع

[img]http://www.*****.com/get-2-2010-*****_com_b9l8wado.jpg[/img]
والله ياذا البريق طاقته الغلقه من كثر ماعذبتوه



اجل مادري بالانجليزي

عوافي اختي الجازي والله يجمعكم على الخير دوماً

تحيتي وتقديري

يالله صلاح النية والذرية


سبحآن الله
صور زينه وتقرير روعه والطلعه بعد ولا احلى

لكن سبحآن الله احس ان ما فيه امل تفوزين


وفقين يا مدري

"
ههههههههههههههههههه ياملحك بس
تقرير يجنن
,,,وكشتتكم تهبببل ..
تصويرك موب صاحي
اوما شهرزاد سحرتك والله انك خبله

وذا الكريب داايم زححمه

تسلمين عالتقرير

تقرير رائع

الله يجمعكم على الخير

واجن ويل
شكل قهوتكم زعفرانها واجد
بعدين وشذا الخط ذكرني بخطي

للبيع الاستيشن

مشاء الله عليك تصوير اوب صاحي
فالك البيرق

ياعليكم كشته شئئئئ
احلا مافيها الحلا والله ياعليه طعم خياااالي

هههههههههههههههههههههههههههههههههههههههههههههههه

اسلوبك يمزع التسبد من الضحك ..

الله يمزع تسبدك من الوناسة << تراها تدعي لك

إقتباس وسمحت لنا فخامة اميمتي بالغازيات عاد يا جعلني ما ابتسيها تحسب انا ماذقناها من عقب ما اعلنت المقاطعه

ياويلكم من ربي تحسبها متفضلتن عليكم الضعيفة مادرت انكم ماجبتوا خبر فخامتها

إقتباس قعدت اهاوش قالت عادي ثم انه امر طبيعي

الله يقطع شيطانك ياالعيارة




كنه خطي



ياماشاء الله ياماشاء الله على هاللغة

استري عاد على عمرك لايدرون عنك cia ويوظفونك ثم عااااد نبلش ماعاد يصير عندنا الجازي

إقتباس وانا احس انها تسذوب وملت مني

إقتباس وتفارقنا ولاهقيت انها بتقابلني مرتن اخرى

مهيب مشكلة

بس السؤال اللي يبطح نفسه وشلون بس توافقتوا ؟؟ يعني صار بينكم وفاق واتفاق وهي بالشمال وانتِ بالجنوب !!

ماعليش والله اني صادقة

إقتباس الصدز انا فليناها وماخلينا دابة في جحرها في المنتدى الا حشينا فيها من الاداره والمشرفين والمشرفات والاعضاء حتى الايقونات حشينا فيها

ياويليه شكلي انا وبلقيس على راس الهرم

إقتباس وخلاص صرت احب شهرزاد واشجع النصر مثلها وابكتب بالاحمر مثلها >>> تهقون سحرتني والله مدري اشوف في شنطتها خمام واجد ^^

واعديها مرتن ثانية وناديني ننبش شنطتها


الجازي كشتاتكم تهبل وتدنن وتوسع الصدر وكلشن زين فيها بس ياخسارة ياليتك تقدمتِ شوي عشان تصير مشارك ..

يلااااااا ياحلوة فالك التوفيق واللي انتِ خابرة

ماشاالله عليك يالجيجي كلك ملح وجعلك ماتعزميني اعوذ بالله طلعتيها مر على الحريمة بس كويس انك صورتي هالمقهى اللي عجزت رجلي تشيلني له مع ان مابيني وبينه الاكم متر شكلي اباروح له اليوم شكرا جازي

حلوه تظييعة وقت وسعة صدر

شكرالك

صراحه كشتتكوم روووعة
صدق احسهاكشتة خكارية
صراحة انتي فن في التصوير

[img]http://www.*****.com/get-2-2010-*****_com_b9l8wado.jpg[/img]

هذي روعة

الجآزي بهالموضوع يصلح لك البرنآمج اللي حطه سعد الحامد شوفيه يقسم الجرآفيكس

الله يهنيكم ويسعدكم ويجمعكم على الخير ولا يفرقكم إن شاءالله

اما مآجآزلكم شيئ الصرآحة انا أشوف الوآفل وهالخبزة اللي دآخلها موز وانا أقول الله يكرم النعمة << حدك فول وتميز

يعطيك الف عافية يآرب وسعتي صدرونا

تسني اشوف شهر زاد أول ما تقابلتوا مطيره عيونها في خشمتس تشيك على الاصابه



طلباتكم (( ميكس بيري ، ستروبري )) ما عاد باقي الا بلاك بيري العامل



الله يهنيكم

والتصوير


.

احب التقارير اللي تسذا

صور ولا اروع

تشكرات كثيرات

ياويلي عليتس يالجازي

تصدقين توني أدري أنتس قصمجيه عبالي إنتس قويعاوية << يعني من القويعية
ذاك اليوم أقرا لتس رد وإلتمست فيه اللهجة القصيمية بس قلت لا شكل المره جالسة(ن) تستهبل،، يعني أبد ماتوقعت أنتس من هاك الديار <<< ترى (إلتمست) متعوب عليها مرة


ماشااء الله موضوع 2×1




[img]http://www.*****.com/get-2-2010-*****_com_b9d5fr20.jpg[/img]

ياعمري عمره ذا البريق،، قسم أحسه تافل العافية


[img]http://www.*****.com/get-2-2010-*****_com_5covfbb9.jpg[/img]

هالصورة أعجبتن واجد << هو صح علي اللهجة كذا؟؟






ياحبي لهالسوق حباه والله أني أحيانًا ودي أروح أدور فيه وأطلع بس

إقتباس جعله مايحدر ياشهرزاد فقرتينن

أقول لا تحارشينها مهوب أحسن لتس ترى تحط لتس صفر % بالتصويت






هههههههه عمرتس فوق الـ 41

بس الله ياعليتس خط <<< من طلب رايتس

وبعدين وراتس نازلة عن السطر،، المفروض على السطر،، كسلانه، شهرزاد أشطر منتس

أقول وش أنت كاتبة عند الـ tel (تبطون عظم) ممكن تترجمين لو سمحتي؟؟

والشباصة وش يضيعها بالسوق قطتس تنفشين الشوشة إذا طلعتي
أعوووووذ بالله يالله سترك وعافيتك ياربي

إقتباس الصدز انا فليناها وماخلينا دابة في جحرها في المنتدى الا حشينا فيها

زاد ياربي ذاك اليوم أذني تطن طنيييييين

إقتباس حتى الايقونات حشينا فيها

إلا على طاري الايقونات الله يعافيتس رجعي علبة فقتس ذيك صرت أضيعتس بالمنتدى مدري وين أنت بوه

إقتباس |||على فكره .. تراني امزح كشتتي مهيب مشاركه بس ابي اسوي اكشن ماصل هع|||

إلا
تكفين
يابنت الحلال

قولي تم