متحطم , مالك نفس تذاكر ؟ .. تعال وأكتشف مهاراتك | incredible - يجي نروح ونجي .! a

آخر المشاركات المطروحة في منتديات قبيلة بني زيد

  المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |   


العودة   منتديات قبيلة بني زيد > الأقسام الشرعية والأقسام العامة > المنتدى التعليمي
التّسجيل   جعل جميع المنتديات مقروءة

متحطم , مالك نفس تذاكر ؟ .. تعال وأكتشف مهاراتك | incredible - يجي نروح ونجي .!

المشاركة في الموضوع
 
خيارات الموضوع طريقة العرض
  #1  
قديم 13-01-2010, 02:00 PM
الصورة الرمزية لـ مداوي جروحه بروحه
مداوي جروحه بروحه مداوي جروحه بروحه is offline
من المسعود
 





مداوي جروحه بروحه is an unknown quantity at this point
 
02 متحطم , مالك نفس تذاكر ؟ .. تعال وأكتشف مهاراتك | incredible - يجي نروح ونجي .!

 


كح كح وش هالغبار الله يصلحكم من زمااان عنكم

السلام عليكم ,
اهلين ياحلوين .. اخباركم ..
الاختبارات قربت .. أكيد النفسيات محطمه وموش ولا بد :>
المهم اكيد الاغلب يعرفون الدكتور يوسف الخاطر .. هذا الانسان الجيد .. حضرت له دوره قبل فتره عن كيفية تطوير مهاراتك الدراسيه ومواضيع كثيره ..
واستفدت منها من جد حسيت ودي ابلع الكتاب .. فحبيت انه ما أكون انا المستفيده بس , عارفه انه هنا فيه كثير طلاب يحتاجون مساعده
فالموضوع لكم :$
" ترا حطيت الكلام بصيغة طالب ومدرسه ومعلم وفصل .. عاد يالجامعيين حطوه دكتور وجامعه ومحاضره "




[color=#FFFACD]
أول شي خلونا نتكلم عن مدربنا الدكتور يوسف الخاطر :
- مدير مركز مهارات الحياة للتدريب بالدمام
- مدير مركز حي عبدالله فؤاد الاجتماعي
- دكتوراه في الاداره والتخطيط التربوي
- بكالوريس رياضيات مع مرتبة الشرف / جامعة الملك فهد للبترول والمعادن
- 21 عاماً في التربيه والتعليم
- رئيس قسم التدريب التربوي بإدارة الحرس الوطني للقطاع الشرقي سابقاً
- مدرب معتمد في البرمجه اللغويه العصبيه من الاتحاد العالمي inlpta
- مدرب معتمد من الاكادميه البريطانيه لتمنية الموارد البشريه hrd
- ممارس متقدم في تقنيات خط الزمن من الاتحاد العالمي inlpta
- عضو الجمعيه السعوديه للعلوم التربويه النفسيه ( جستن )
- عضو الجمعيه السعوديه للإداره ..

انواع الدورات اللتي يقدمها :
- مهارات التفوق الدراسي
- الذكاء العاطفي
- كيف تكون مربياً مبدعاً ؟
- استراتيجيات التغيير والتأثير
والعديد العديد ...


قالوا عن الدوره :
- دوره أخرجتني من حياة الفشل الى حياة التفوق والنجاح ..

- كنت في حالة نفسيه سيئه للغايه , حيث انني طالبه في الثنويه العامه ..
ولكن بعد حظوري لهذه الدوره عادت ثقتي الى نفسي وكرامتي واصبحت الدراسه حلماً
بعد ان كانت همّاً واصبحت قريبه من تحقيق حلمي في ان اكون طبيبه بإذن الله ..

- رغم حصولي على درجة الدكتوراه الا انني استفدت من هذه الدوره استفاده كبيره
واتمنى تطبيق ذلك في حياتي العلميه والعمليه , ولتعليم ابنائي اسس المذاكره الصحيحه ..

- انا حضرت هذه الدوره قبل سنتين وعند حضوري كنت قد اعدت السنه الاولى بالكليه
بـ 7 مواد وبعد الدوره , اصبحت المواد ممتعه في مذاكرتها لدرجة انني اتمنى كل الايام امتحانا ..
في السنه الثانيه الترم الاول والثاني .. أصبحت من الخمس الاوائل على الدفعه !




ببداية الدوره .. وزعّ الدكتور علينا نوت مرتبه فيه الافكار واحنا نكتب الاشياء المهمه
وفيها استمارات .. نعم اول لا عشان نعرف قدراتنا في المذاكره ..
وبعدين سألنا سؤال مهم ..

- كيف يتعلم الدماغ ؟!

اول شي قال معلومه مهمه / كثرة شرب المويه تزيد من قدرتك ع التعلم
قال الدكتور احصائيات كثيره عن قدرة الدماغ ع الحفظ والاستوعاب .. وأكثرها عقلانيه هي ..
ان الدماغ يقدر يحفظ مليون مليون مليون مليون مليون كتاب .. يعني الميموري حقته 10 اس 79 ! ... تعرفون اكبر هاردسك اخترعوه الحين
كم مقدار الحفظ حقه ؟ 10 اس 12 .. ويقدر يحمل لك مليون مليون مليون فلم

لما يتعلم الدماغ .. ينشئ رابط بيننه وبين الخلايا العصبيه الثانيه .. ولكن هذا الرابط اذا ماأكدت على المعلومه وراجعتها مع نفسك ف خلال 4 دقايق بس
راح يتلاشى الرابط .. لكن اذا بدينا بمراجعة المعلومه وتكرارها راح تصير هذي الروابط أكثر سماكه وقوه , وتبقى المعلومه ف دماغك ياعزيزي

- مهارات في قاعة الدراسه .
1 ) العلاقه الايجابيه مع المعلم :
كثير مننا نترفز من معلم معين .. او من طريقة تعلميه او اسلوبه مع الطلاب .. أو فقطنا مره واحنا منحاشين ومن هذا القبيل
ومع كرهنا له نكره مادته ويكون حلمنا الوحيد متى تنتهي الحصه ونتفك !
لكن لو فكرنا بالعقل .. المعلم لما ما ارتاح له واكره مادته بيخسر شي ؟ بيدري عنك اصلاً ؟ .. لأ هو راح يجي يعطي مادته ويشرح ويطلع وبينسى كل شي صار .. الخسران الاول والاخير هو انا ,
فلذلك .. لازم اكون علاقه حلوه مع المعلمين انبنت على التفاهم والاحترام عشان احب مادته وامشي معها .. [/color]2 ) التأقلم :
تتذكرون بأولى ابتدائي ؟ كان فيه معلم لكل فصل اسمه " مربي الفصل " .. كانوا يحطونه لان الطفل في المرحله هذي كان مايقدر يتحمل خمس اشخاص
يدخلون عليه باليوم وكل واحد له طريقته واسلوبه .. راح يتشتت صح ؟ , وشوي شوي يبدون يكثرون المعلمين لين الثانوي يصير الشخص من اول اسبوع يقدر
يتأقلم مع اسلوب كل المعلمين .. لكن فيه اشخاص .. كبار بالعقل أطفال بالتفكير .. يجيك يقول المعلم ذا ما احب حصته .. لييه طيب ؟ يقولك ابد ما احب طريقته بالشرح
عشان كذا .. لازم اعرف أنه " مو كل المعلمين زي بعض وكل واحد لطريقته فلازم احاول إني اتأقلم مع كل وحده وطريقتها " !


3 ) التركيز :
هذي صراحه مشكلة الشعب .. تلقى الواحد انواع الذكاء والطاقه لكن مشكلته يسرح بسرعه ومايقدر يركز ..
اول شي خلونا نقول التركيز : عمليه اراديه .. يعني لما يجيك واحد يقول لك مشكلتي مقدر اركز بأجي لراسه وبكرزه لا مقدر ! هو من نفسه اذا بغى يركز بيركز ..
عشان كذا فيه طرق تساعد للتركيز ..
- أكون هنا وبالي هنا .. يعني انا صح جسمي معكم بالفصل او .. لكن بالي يا بالمستقبل او الماضي .. فلذلك " BE HERE AND BE NOW "
- أركز على هدف وجودي بالمكان .. ليه انا هنا ؟ ليه جايه المدرسه ؟ عشان اتعلم ويكون لي مستقبل حلو
- احبّ الماده , طيب انا ماحب الماده إذاً راح أحط " إيجابيات وسلبيات الماده " .. راح تلقى مافيه ماده لها سلبيات .. واذا مافيه ايجابيات بيكون فيه نقطه وحده
وهي راح تعطيك درجات

4 ) تدوين الملاحظات :
الطلاب المتفوقين يكتبون النقاط المهمه .
تفيد :
- التركيز والاستماع الجيّد .
- متابعة الشرح مع المدرس بصوره زينه .
- سرعة فهم الماده .




تنظيم الوقت :
قال الدكتور انه مره كان بمقابله .. دق عليه واحد قال له يادكتور ابيك تنظم لي وقتي ؟ قال له مافيه شي اسمه تنظيم وقت
يعني مثلا بكتب الساعه ست الصباح اقوم سته ونص انزل سبعه افطر وحده الظهر اطلع تثنين انام ... كله هذا خطأ خطأ
فيه شي اسمه ترتيب الاساسيات .. يعني يكون عندك اشياء مهمه تسويها بيومك " أقعد مع الاهل , اروح الجيم , اذاكر , الصلاه "
هذي اخليها بالاولويات .. وبعدين تجي الثانويات .. وهذا هو تنظيم الوقت .
إذاً تنظيم الوقت = تنظيم الاعمال .



مهارات التعامل مع الاختبارات :

1) شروط عمل الدماغ :
قال لنا الدكتور هنا عن استراتيجية عنتر بن شداد .. لما سالوه كيف دايم تتفوز بمعاركك ؟ قال ابحث عن السهل فأضربه ينتهي .
يعني تخيل ياحبيبي قدامك ورقة الاختبار .. فيها سؤال واحد .. " أجيب عن خمسة اساله من اصل سبعه " وبديت تحل بكل حماس وابتسامه تشق الراس
اول سؤال طلع اصعب سؤال , بتقول ينعن اموه ذا وبتترك السؤال وانت معنوياتك محبطه .. بتروح للي بعده تلقاه اصعب , بتجلس تسب وتلعن وتحبط معنوياتك ,
وراح تشوف كل الاساله من بعدهم صعبه !! وبتخبص ام الحل ! .. عشان كذا خذلك قاعده " ابدأ بالسهل فالاسهل بالاصعب "

2 ) كيف تذاكر للاختبار ؟
- إعمل لك جدول للمواد والمراجعه .
- لخص المواد من قبل الاختبارات باسبوع وقفل عليهم .. عشان بليلة الاختبار ماتبذل جهد كبير ويكون مجرد مراجعه .
- نام بعد ماتذاكر على طول , لانك لما تنام الدماغ راح يثبت المعلومات بفتره تدوم اكثر من 6 اضعاف الوضع




3 ) كيف تتعامل مع الاسأله ؟
بقاعة الاختبار :
استرخي واذكر ربك وحسن الظن فيه وتذكر " انا عند ظن عبدي بي " , تعال مبكر للمدرسه , حظ ببالك صوره حلوه للاختبار .
إقرا التعلميات بدقه .. واقرأ الاساله كلها وافهم المطلوب ياعزيزي .
كيف اتذكر الجواب داخل القاعه ؟ .. من مننا حاول يتذكر الجواب حق السؤال وعجز واول ماتطلع من القاعه تتذكره .. الاكيد كلنا مرت عليه ..
عشان تتجنب هالشئ بالمستقبل خذ لك 3 شروط
- انك تجي للاختبار وعقلك بكامل طاقته .. كيف انا اقول لك كيف
كل زين قبل الاختبار ولاتقول مالي نفس آكل - خذ كفايتك من النوم عشان تقدر تسترجع المعلومات - والنفسيه لازم تكون اوكيه .
- إسترخي , لأن مخك اذا شديت عليه مايتجاوب معاك .
- حدد الهدف من السؤال .

قد قلنا قبل .. انه مايشترك تكون ذاكرتك حديديه عشان تكون متفوق , بس اعرف كيف تتعامل مع الماده ..
شوفوا هالتصنيف ..
مثال :
الفقه حفظ 20 % فهم 80 %
نحو حفظ 10 % فهم 20 % تدريبات 70 %
فيزياء حفظ 15 % فهم 25 % تدريبات 60 %
كيمياء حفظ 20 % فهم 30 % تدريبات 50 %
رياضيات حفظ 5 % فهم 15 % تدريبات 80 %









الوسائل الذكيه للتعامل مع أسئلة الاختبار اللتي لاتتذكر اجابتها :
* أسألة الصح والخطأ
فيه منها نوعين .. النوع اللي يجيك فيها جمله رئيسيه فقط
مثلاً : الرياض عاصمة المملكه العربيه السعوديه ( صح او خطأ ) فهذي دايماً يكون على حسب معرفتك ومذاكرتك ..

النوع الثاني :
الجمل المقيده ..
فيه ثلاث انواع للقيود
1 ) مقيده متطرفه ايجابياً : كل - دائما - الافضل - بالتأكيد - كلية - فقط .
2 ) مقيده بين وبين : معظم - بعض - احياناً - نادرا - يوجد - محتمل .
3 ) مقيده متطرفه سلبياً : أطلاقا - الاسوء - لا .

الجمل اللي تتضمن كلمات مقيده متطرفه سواء سلبيه او ايجابيه غالباً تجي خطأ .. مثلا : جميع الحيوانات تأكل اللحوم . هذي خطأ
أما الجمل اللي فيها كلمات مقيده بين وبين هذي غالباً صحيحه

- الاساله اللي فيها كلمات سالبه , يعني اوقات اللي يحط اسأله الاختبار يكتب قبل الجمله الرئيسيه : غير , ليس .. للجمله الرئيسيه
وعشان تعرف كيف تتعامل مع هالاسأله حط يدك على هالكلمه السالبه وشفها الجمله , إذا كانت صح إذا العباره الاصليه خطأ .. والعكس صحيح .
مثال : راس تنوره ليست اكبر مصدر نفط في العالم .. حول هذا السؤال للأسأله المباشره .. من خلال التعامل مع المقوله المنطقيه : نفي النفي اثبات

- التخمين : اذا ماش مرره مره ماعرفت .. خمّن .. العب حقره بقره قلي عمي اللي هي بس لاتخلي الاجابه فاضيه .

* إجابة أسئلة الاختيار :
اول شي اقرا التعلميات زين مازين واقرا نص الفقره كله .. اذا ماعرفت الاجابه اول شي احذف الاختيارات اللي انت متأكد من انها خطأ
لما نخلص .. نركز على ثلاث انواع من الباقي .. ( اختيار سخيف - اختيار غريب - اختيار مقيد متطرف )
مثلاً : يعد نهر الفرات :
- الاحلى طعماً ( اختيار سخيف )
- يتكون ماءه من فلزات ولا فلزات ( اختيار غريب )
- يفيض طوال العام دائماً ( كلمات مقيده متطرفه )
وواحد من هذولي بيكون صح .. طبعاً غير الاختيار السخيف والغريب .. بيكون الاخير
ملاحظات :
لما يكون ماعندك اي فكره عن الاجابه خذ الاختيار اللي يكون مليان معلومات لان المعلم اوقات يميل لتوضيح الاجابه الصحيحه بشكل سهل
حاول اجابة السءال قبل ماتشوف الاختيارات عشان تسمح لعقلك انه يفكر باجابه صحيحه بدون تأثير الاختيارات ..
لا تقرر الصح من اول ماتشووفه يمكن اللي بعده يكون هو الاختيار الصحيح .

* أسئلة المقابله ( صل عمود أ بعمود ب ) :
لا تحاول انك توصل اي فقره من هذا السؤال قبل لا تقرا كل العامودين واقرنهم ببعض بحيث تبدا بالفقره الاولى من العامود الاول وبعدين تبحث عن الاجابه
بالعامود الثاني وبعدها وصل .

* أجابة أسئلة اكمل الفراغ :
- حدد طول الاجابه من طول الفراغ الموجود لك .. وهذا الشئ راح يساعدك بتخمين الاجابه الصحيحه .
- اذا كنت ابد منتب عارف الاجابه .. فحاول انك تقرب من الاجابه وهذا يخليك ع الاقل تجيب نص الدرجه .

* اجابة اسألة المقال :
- اختار الاسئله اللي راح تجاوب عنها واحذف اللي قررت انك ماتجاوبها بناء على التعليمات ورتب الاسئله اللي راح تجاوبها .
- حلل اي سؤال راح تجاوبه عن طريق قرايته واقراية ناقده والتدقيق في الكلمات اللي يتضمنها واكتشف معانيها .








إقتباس
جينا لنهاية الموضوع ..
موقع الدكتور مركز مهارات الحياة للتدريب
البريد الالكتروني mail@mhayah.com






منقووووووووووول

 


::: التوقيع :::



">لفتح مقطع الصوت والصورة - إضغط هنا






 
الرد مع إقتباس
  #2  
قديم 13-01-2010, 02:18 PM
الصورة الرمزية لـ جدلاء
جدلاء جدلاء is offline
تراتيل النقاء
 





جدلاء will become famous soon enough
 

 

الله يجزاك خير والله ينفع بها اللي يذاااااااكرون ويوفقهم يااارب

 


::: التوقيع :::




فل الحجاااج وخل عنك الهواااجيس ...... كلن يموت وحاجته ما قضاها


 
الرد مع إقتباس
  #3  
قديم 14-01-2010, 12:57 PM
الصورة الرمزية لـ بنت عزيز
بنت عزيز بنت عزيز is offline
عضو نشيط
 





بنت عزيز is an unknown quantity at this point
 

 

جزاااااك الله خيييييييييير

 


::: التوقيع :::

مآ أوقع ألآ على شيكآت


 
الرد مع إقتباس
  #4  
قديم 24-01-2010, 02:22 AM
الصورة الرمزية لـ اميرة الصمت
اميرة الصمت اميرة الصمت is offline
عضو نشيط جداً
 





اميرة الصمت is an unknown quantity at this point
 

 

يعطيك الف عافية ويوفقك في دينك ودنياك كانك افدتني

 

الرد مع إقتباس
  #5  
قديم 06-02-2010, 03:37 AM
أم هنو أم هنو is offline
عضو مشارك
 





أم هنو is an unknown quantity at this point
 

 

[color=F6C9D2]شكرا على هذه المعلومات فقد افادتني كثييييرا ...,,,...,,,,...
يسلموووو [/color]

 

الرد مع إقتباس
  #6  
قديم 06-02-2010, 03:45 AM
الصورة الرمزية لـ Tulip
Tulip Tulip is offline
عضو v.i.p
 





Tulip is on a distinguished road
 

 

يآآآآآآآآآآآآآآآربي لكـ الحمد
انا منيب متحطمهـ و لا عندي مذاكرهـ


بس عندي مهآآ{ات خخخ


مشكوورهـ اخوي
يعطيكـ الف عآآفيهـ

 


::: التوقيع :::

يارب .. الجنة وماقرب إليها من قول وعمل ..


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 11:37 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www