كذا يا الحزن ؟! a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

كذا يا الحزن ؟!

المشاركة في الموضوع
 
خيارات الموضوع طريقة العرض
  #1  
قديم 13-01-2010, 10:35 AM
مطول الغيبات مطول الغيبات is offline
شــاعر
 





مطول الغيبات is an unknown quantity at this point
 
كذا يا الحزن ؟!

 

للشاعر : محمد الدحيمي


برق برق المشيـب ولا لقيـت الاّ اربـع ٍ تختـال = سوالف غربتي .. وطعون فقري .. همي .. احزاني
يخلف الله يـا عمـر ٍ .. قضيتـه طرقـي ونقّـال = تكاثر فيني الدنيا وطـن .. مـن بيـن الأوطانـي
على ذا الحال .. ذي عاشر سنه قد لي على ذا الحال = ادوج خطوتـي واقـول : عـلّ الهـم ينسـانـي
ولا ادري الاّ وهو في هجعة الغـدراء يـدقّ البـال = تقـل ويّـاه عـذال ٍ تـدلّـه ويــن عنـوانـي
صبرت .. وقلت : كفارة ذنوب إلين صبـري طـال = وتهاونـي عـدوي .. واهملونـي كـل خـلانـي
خطاي اني سنين اسمع وصايا العاذل اللـي قـال : = تسلّى .. وش من الدنيـا بتآخـذ غيـر الآكفانـي
وانا بحروة حلاهـا .. جرعتنـي المـرّ باالفنجـال = وانا ماسمّنـي غيـر انـي .. المظلـوم والجانـي
احد مثلي .. نشب مابيـن قلبـه والفكـر غربـال = إليا اشتد الخصام يجيـك كـل ٍ ... يلعـن الثانـي
احد مثلي .. حرق ثوبه واخذ ثوب القصيد سمـال = وغدت بي هقوتي واحلى قصيـدي مـات بلسانـي
ذبحني حظـي اللـي ماقـدر مـره ينـط ّ الجـال = تردى ليـن سولـف بـي لسـان فـلان وفلانـي
كذا ياالحزن ؟! .. ماكنّـا تخاوينـا سنيـن طـوال = انا وياك في الدنيا : فضولـي .. طـاح .. بآنانـي
كذا ياالحزن ؟! .. ماكنـاّ تعاهدنـا وحنّـا اطفـال = نوفـي بعضنـا واللـي يخـون العهـد خـوانـي
تنثرني .. حزن فاجر .. حزن كافر .. حـزن قتـال = حزن خلى شموخ اقصـاي يلعـن رحمـة الدانـي
وتعيرنـي بفقـري .. والفقـر ماعيـب الـرجـال = انا وش ذنبي ان جـار الزمـن والوقـت عيانّـي
معودني يصيرون اصـدق الاصحـاب لـي عـذال = وعلّمني اشـوف اصـدق وفـا بوجيـه عدوانـي
انا ياالحزن مـا خـذت المراجـل غتـرةٍ وعقـال = وانا عـون الخـوي ومزبـن ٍ للضيـف والعانـي
انا من صغر سنّي عشت ... يانـزال ... يارحـال = ابوي مربّي اخواني .. وانا اللـي الوقـت ربانـي
تقول امي : ( قبل تولد توفـى لـي ثـلاث عيـال) = لابو حظٍ تكاثـر فينـي اصبـح .. رابـع اخوانـي
الا يالله تعجـلّ بالفـرج يـا مـفـرّج الأحــوال = اخاف أموت وحداني ... مثـل ماعشـت وحدانـي
على أيّة حال .. ياعاشر سنه مرت على أيّة حـال = تكاثر فيني الدنيا ... وطـن مـن بيـن الآوطانـي

 

الرد مع إقتباس
  #2  
قديم 13-01-2010, 11:09 AM
طير شلوى 2005 طير شلوى 2005 is offline
عضو نشيط
 





طير شلوى 2005 is an unknown quantity at this point
 

 

شكرا لك على هذه القصيدة الجميلة .

 


::: التوقيع :::

ما يموت الود في قلب الكـــريم
ولا تموت العاطفه عند الكرام

مثل ضي النور في ليل العتيــم
الصداقة باقية مثل الوشام

تحتويني حكمةالشخص الحكيم
كن بينه والأدب حب وغرام

كل طير مثل جنسه له نـــــديم
ماتخاوىالحر مع طير النعام


 
الرد مع إقتباس
  #3  
قديم 13-01-2010, 12:01 PM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

قصيده حزينه ومؤثره جدأ ~

عوفيت

 

الرد مع إقتباس
  #4  
قديم 13-01-2010, 10:18 PM
الصورة الرمزية لـ روح انسان
روح انسان روح انسان is offline
عضو v.i.p
 





روح انسان is on a distinguished road
 

 

برق برق المشيـب ولا لقيـت الاّ اربـع ٍ تختـال = سوالف غربتي .. وطعون فقري .. همي .. احزاني
.
.
يخلف الله يـا عمـر ٍ .. قضيتـه طرقـي ونقّـال = تكاثر فيني الدنيا وطـن .. مـن بيـن الأوطانـي
.
.

* لله ما قدر وكتب عليك مرّ الاحوال = اقدار رب ( ن ) كريم وعليم وعــالي

* خلك مثل الجبل ما تهزه الاهوال = و ان ما قدر عليها تراك خلق ثانــي



على ذا الحال .. ذي عاشر سنه قد لي على ذا الحال = ادوج خطوتـي واقـول : عـلّ الهـم ينسـانـي
.
.
ولا ادري الاّ وهو في هجعة الغـدراء يـدقّ البـال = تقـل ويّـاه عـذال ٍ تـدلّـه ويــن عنـوانـي
.
.

* على ذا الحال ثلاث عقود وهذا الحال = مرت علي صروف الزمان وشيبت راسي

* شـفـت من الدنـيـا امورا مـا تـنـقـال = وان قلتهــا صــرت مجـنـون زمــــــانــــي




صبرت .. وقلت : كفارة ذنوب إلين صبـري طـال = وتهاونـي عـدوي .. واهملونـي كـل خـلانـي
.
.
خطاي اني سنين اسمع وصايا العاذل اللـي قـال : = تسلّى .. وش من الدنيـا بتآخـذ غيـر الآكفانـي
.
.

* صبرت .. وقلت الي عقدها لها حــلأل = لـين ما صبري تـعـدى سالف زمــانــي

* لا يهمك كل حاسـد وكـثـرة الـعـذال = ترى ما للروح الطيبه الا الجنه منزالــي


وانا بحروة حلاهـا .. جرعتنـي المـرّ باالفنجـال = وانا ماسمّنـي غيـر انـي .. المظلـوم والجانـي
.
.

* وانا من وعد حرة النسب ومـلـح الجمال = وصبرّت سنين لــكن زماني عـصـانـي

* من بـعـدها مـرت علي سنين طـوال = تزورنــي كلها عتب في يقضتي واحــلامــي


احد مثلي .. حرق ثوبه واخذ ثوب القصيد سمـال = وغدت بي هقوتي واحلى قصيـدي مـات بلسانـي
.

احد مثلي .. شــق ثوبه في بحر الأحزان = ومـاتـت الـروح في جــسم أنـسـان فـانـي



صح لسان الشاعر
وسلمت على النقل

 


::: التوقيع :::



سبحانك اللهم وبحمدك...اشهد ان لااله الا انت... استغفرك و اتوب اليك.


 
الرد مع إقتباس
  #5  
قديم 13-01-2010, 11:02 PM
الصورة الرمزية لـ دجاجة من ذهب
دجاجة من ذهب دجاجة من ذهب is offline
عضو نشيط
 





دجاجة من ذهب is an unknown quantity at this point
 

 

صح لسانك أبيات رائعة

 

الرد مع إقتباس
  #6  
قديم 14-01-2010, 12:53 PM
الصورة الرمزية لـ طِـيـفْ
طِـيـفْ طِـيـفْ is offline
غفْوة ، حِ لْ م . . !
 





طِـيـفْ will become famous soon enough
 

 

يـآآللللللله

اييييييه هذي الدنيـآ الله يصبرنا عليها بس

قصيدة رآئعه بكل ماتحمله الكلمه

مطول الغيبات

لآهنت يخوي

شكرا لك

 

الرد مع إقتباس
  #7  
قديم 22-01-2010, 08:54 PM
مطول الغيبات مطول الغيبات is offline
شــاعر
 





مطول الغيبات is an unknown quantity at this point
 

 

طير شلوى
ذكريات الطفوله
أمير الفرسان
إنسانه من ذهب
طيف آبتسامه

شكرا ً على مروركم وتعليقاتكم
وهذا يشرفني ويسعدني

والله يعطيكم العافيه

 

الرد مع إقتباس
  #8  
قديم 23-01-2010, 05:48 AM
الصورة الرمزية لـ شقراوية متغربة
شقراوية متغربة شقراوية متغربة is offline
عضو v.i.p
 





شقراوية متغربة will become famous soon enough
 

 

مطول الغيبات...

اختيار موفق..

 


::: التوقيع :::

(رب اجعلني مقيم الصلاة ومن ذريتي ربنا وتقبل دعاء)


 
الرد مع إقتباس
  #9  
قديم 30-01-2010, 11:44 PM
الصورة الرمزية لـ دجاجة من ذهب
دجاجة من ذهب دجاجة من ذهب is offline
عضو نشيط
 





دجاجة من ذهب is an unknown quantity at this point
 

 

شكرآ "مطول الغيبات" أعجبتني إنسانة من ذهب
ولكن للأسف في الواقع "دجاجة"

 

الرد مع إقتباس
  #10  
قديم 02-02-2010, 07:19 PM
الصورة الرمزية لـ ام لمى
ام لمى ام لمى is offline
عضو متميز
 





ام لمى will become famous soon enough
 

 

صح لسانك أبيات رائعة

 

الرد مع إقتباس
  #11  
قديم 07-02-2010, 10:35 PM
مطول الغيبات مطول الغيبات is offline
شــاعر
 





مطول الغيبات is an unknown quantity at this point
 

 

إقتباس
المشاركة الأصلية بواسطة دجاجة من ذهب
شكرآ "مطول الغيبات" أعجبتني إنسانة من ذهب
ولكن للأسف في الواقع "دجاجة"


وشلون في الواقع " دجاجة "
طيب نفترض انك دجاجة فسري لي " من ذهب " يعين فيه دجاجة من ذهب !

لالامايصير لازم تطلبين تغيير للإسم بطلب من الإدارة وهم مايقصرون

 

الرد مع إقتباس
  #12  
قديم 08-02-2010, 11:12 AM
الصورة الرمزية لـ روح انسان
روح انسان روح انسان is offline
عضو v.i.p
 





روح انسان is on a distinguished road
 

 

إقتباس
المشاركة الأصلية بواسطة مطول الغيبات
وشلون في الواقع " دجاجة "
طيب نفترض انك دجاجة فسري لي " من ذهب " يعين فيه دجاجة من ذهب !

لالامايصير لازم تطلبين تغيير للإسم بطلب من الإدارة وهم مايقصرون

* دجاجه من ذهب .. ماخوذه من القصص القديمه " مثل اساطير الاولين " وفي اوروربا تحديدا ..

والمقصود انها دجاجه حيه ولكن تبيض بيض من ذهب .

" دجاجه من ذهب " كأسم موجود من زمان .. ولا يعرف صحه القصه .

لانه احتمال يكون " مثل " ايضا .

مع انه على ايام الاسكندر المقدوني .. كان هناك فعلا بيض من ذهب .. ولكن احتمال يكون مصنع على شكل بيض .

والله اعلم

 

الرد مع إقتباس
  #13  
قديم 12-02-2010, 04:26 PM
الصورة الرمزية لـ رسم القصيد
رسم القصيد رسم القصيد is offline
عضو دائم
 





رسم القصيد is on a distinguished road
 

 

صح لسان الشاعر
وسلمت يمناك اخوي مطول الغيبات من كل شر
مقدر اقول اكثر بيخوني التعبير
يكيفي انها من ذوقك وختيارك اخوي واستاذ الشعر مطول الغيباااات

 


::: التوقيع :::

اللهم آسكن آمي عآلي جنآتك وجميع موتى المسلمين يآحي يآقيوم


 
الرد مع إقتباس
  #14  
قديم 18-02-2010, 07:10 PM
ابو مجيول ابو مجيول is offline
عضو نشيط جداً
 





ابو مجيول is an unknown quantity at this point
 

 

صح لسانك الشاعر الدحيمي
وشكراً لك على إنتقائك الرائع




إقتباس
المشاركة الأصلية بواسطة امير الفرسان
* دجاجه من ذهب .. ماخوذه من القصص القديمه " مثل اساطير الاولين " وفي اوروربا تحديدا ..

والمقصود انها دجاجه حيه ولكن تبيض بيض من ذهب .

" دجاجه من ذهب " كأسم موجود من زمان .. ولا يعرف صحه القصه .

لانه احتمال يكون " مثل " ايضا .

مع انه على ايام الاسكندر المقدوني .. كان هناك فعلا بيض من ذهب .. ولكن احتمال يكون مصنع على شكل بيض .

والله اعلم

شكراً لك امير الفرسان على التوضيح يعني انها تبيض بيض من ذهب

فيه اسامي لقصص عديده قديمة ومن التراث أيضاً مثل ( حمار جحا) ولكن غير لائق ان يتخذ احد اسمه المستعار من عنوان القصه يجب على الإنسان ان يختار ما يليق من الأسماء الحسنه .
وانا كنت معترض على اسم ( دجاجة من ذهب ) من قبل لكن حذف الرد .

 


::: التوقيع :::



بني زيد


 
الرد مع إقتباس
  #15  
قديم 20-02-2010, 05:36 PM
الصورة الرمزية لـ روح انسان
روح انسان روح انسان is offline
عضو v.i.p
 





روح انسان is on a distinguished road
 

 

إقتباس
المشاركة الأصلية بواسطة ابو مجيول
صح لسانك الشاعر الدحيمي
وشكراً لك على إنتقائك الرائع


شكراً لك امير الفرسان على التوضيح يعني انها تبيض بيض من ذهب

فيه اسامي لقصص عديده قديمة ومن التراث أيضاً مثل ( حمار جحا) ولكن غير لائق ان يتخذ احد اسمه المستعار من عنوان القصه يجب على الإنسان ان يختار ما يليق من الأسماء الحسنه .
وانا كنت معترض على اسم ( دجاجة من ذهب ) من قبل لكن حذف الرد .

الـعـفـو

اذا ركزت معاي شوي .. بتلقى اني ما تكلمت عن الائق والغير لائق .. او عن المنطق وغير المنطق .
ذكرت ان الاسم موجود من زمان .. وقلت انه مثل اساطير الاولين .. ولو عرفت عن اساطير الاولين .. كان ما استغربت من الاسم .. لان المنطق بعيد عنها كل البعد في اكثر الاحيان !

ونروح بعيد ليه .. عمر بن الخطاب .. كان يعبد صنم صانعه هو من التمر .. واذا جاع كله !!

قبل ان يسلم .. وهو بنفسه ضحك عندما تذكر وقالها لمن كان عنده !

وين المنطق في الكلام هذا !

يعني ممكن اسطوره تقول ان التنين يولد حمار .. ابدور المنطق في هـ الكلام

وفعلا فيه ( حمار جحا ) .. و ( مسمار جحا ) .. و ( جحش جحا ) قبل لا يصير حمار


ولا اعترض على اسم احد .. اذا كان بحدود الدين والادب .

 


::: التوقيع :::



سبحانك اللهم وبحمدك...اشهد ان لااله الا انت... استغفرك و اتوب اليك.


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 11:08 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www