طلعاتنا < الشتوية < العائلية <<< ((( فعالية غير شكل)) a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > الأقسام الشرعية والأقسام العامة > مكشات والرحلات السياحية
التّسجيل   جعل جميع المنتديات مقروءة

طلعاتنا < الشتوية < العائلية <<< ((( فعالية غير شكل))

موضوع مغلق
 
خيارات الموضوع طريقة العرض
  #1  
قديم 02-01-2010, 04:13 PM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 
Mumayaz طلعاتنا < الشتوية < العائلية <<< ((( فعالية غير شكل))

 

بسم الله الرحمن الرحيم

والصلاة والسلام على أشرف الأنبياء والمرسلين

أما بعد،،،

السلام عليكم ورحمة الله وبركاته



أولًا مرحبا بالجميع


ثانيًا أحب أفتتح

الفعالية

الجلسة

الموضوع

بهالقصيدة


هـــواي الـــــبر




وطبعًا أحلى مافي الطلعات والجمعات الشتوية اللمة الحلوة والنفوس الطيبة المتفاهمة (واللي مافيها ثقال الدم) وأيضًا مانستغني عن...





الضويوه... الله ينجينا وإياكم منها برحمته








الزنجبيل








الحليبه <<< ولو أني ما أحبه،، بس يقولون أنه طيب بعد صلاة الفجر ومعه شوية زنجبيل








وبهالمناسبة الله يسلمكم وبعد هالصور التوضيحية اللي تقول كني قاعدة أشرح درس بالعلوم نبيكم تشاروكنا بفعالية كذا
فعالية محترمة ومهندمة زيكم... <<< ياحبها للواقة والتقردن




طبعًا لا شك أننا جميعًا نطلع للبران ونسوي لنا كشتات معتبرة
ونغير جو عن كئآبة المدينة وكتمتها وازعاجها
بعيدًا عن أسوار المنزل المحدودة

رغبة(ن) بالاجتماع والتئآلف
حب(ن) للوناسة والفله وسعة الصدر
سئما(ن) من الجو الروتيني الممل {نوم> دوام> غدا> عشاء> نوم> دوام > غدا> عشاء> نوم..........الخ
شوق(ن) لحياة البساطة المجهدة

وقد تكون طلعاتنا ثلاث أربع ساعات
وكثيرًا ماتصل إلى أيام



ومن هذا المنطلق نريد منكم أن تنقلوا لنا كاميراتكم إلى حيث تكشتون وتجتمعون أنتم وأهاليكم <<< تكشتون!!!!!!! أنواع العربية الفصحى
والمطلوب في هذه الفعالية:


1- صورة للضو (النار)
واسمحوا لي طلعة بليا نار مهيب طلعة. لو إن شاء الله تصور الطلعة كلها من أولها لتاليها ومافيه صورة للنار نطردك من الفعالية وتعتبر راسب << أشوا أنتس منتب مسؤوله بالوزارة.
ولا تغشون وتلطشون لي صورة من قوقل.

2- صورة للمخيم لو كنتوا مخيمين، أو لمكان الجلسة العائلية (البساط وماعليه)

3- ذكر عدد العوائل وإن كان ماعليك كلافة عدهم كم هم من نفر <<< راحمة اللي أهله واجدين وعجزن يعدهم

4- تصوير المائدة إن كانت فطور، أو غدا، أو عشاء اللي هو.

5- الفعالية فعالية عائلية يعني مهيب شبابية (عزابية) .. فهمتوا؟؟؟،،
يعني بالعربي [للعوائل فقط] . <<< ياربييييييييييه حتى بالمنتدى للعوائل فقط


6- حدد موقعك، اذكر اسم المكان اللي طلعتوا له مثلًا (روضة خريم، جبلة، السبلة، ....... الخ)


أخيرًا





تــنـــبـــيــه:

اللي أتم الشروط السبعة السابقة سوف يحصل على ست (6) نجمات يعني (فل ستار)
وكل مانقص شرط راح تنقص له نجمة
يعني مافيه صورة ضو ينقص
مافيه صورة للمكان ينقص
لم يذكر اسم المكان ينقص
الطلعة صارت عزابية فقط ينقص

وهكذا



مـــلاحـــظــــة::

البعض يحب أن يشارك بالفعالية بس ماحصل لهم طلعة بر ، أو مايقدرون يطلعون لظروف ما..
حرام مايصلح نحرمهم من المشاركة معنا <<< ماشاء الله على الروح الرياضية

فلا بأس عليهم لو صوروا لنا أي طلعة إما باستراحة أو بمشب البيت
بس أهم يشي يوضح من الطلعة أو الجمعة أنها جمعة شتوية يعني فيها ضو <<< الله ينشبتس أنت وهالضو،،، جلعتس تشبين فيها


كل عضو يفتح له موضوع مستقل خاص بطلعتهم لا تكدسونه بهالموضوع

هذه الفعالية كانت فكرة الأخت أم دانة طلبت مني أسويها لها، عاد يوم سويتها لها قلت لها نزليها بس عيت و قالت لا أنت اللي كتبتيها أنت اللي نزليها،، ونزلتها ولو أني متأخرة بتنزليها المفروض من اسبوعين بس إن شاء الله مايخالف


// فكرة //
ام دانة

// إخراج //
بلقيس


نــكتـــة عالطــــايـــر

«®°·.¸.•°°·.¸¸.•°°·.¸.•°®»الكشتة اللبنانية:«®°·.¸.•°°·.¸¸.•°°·.¸.•°®»
*وين البئدونس لنعمل تبوله
*اشعل النار لنشوي عليها.
*لكي الصبايا عم يلعبوا ما أحلاهن.
*شوفو هالورد شو حلو.
*بدي أأطف هالعنب لعيونك حياتي.


«®°·.¸.•°°·.¸¸.•°°·.¸.•°®»الكشتة السعودية:«®°·.¸.•°°·.¸¸.•°°·.¸.•°®»
*وجع تغطو
*أص ولا بنرجع.
*لا تبعدون.
* لاتقضون المأ.
***************
*لا تحفر غبرت علينا.
*وين القبلة معه.
*حط السيارة منا غط الحريم
*يالله أعمه مالقى يمر إلا منا .
*مشينا ما عاد إلا خير.



والسلام عليكم

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
  #2  
قديم 02-01-2010, 04:39 PM
الصورة الرمزية لـ الجازي
الجازي الجازي is offline
 





الجازي is a glorious beacon of lightالجازي is a glorious beacon of lightالجازي is a glorious beacon of lightالجازي is a glorious beacon of lightالجازي is a glorious beacon of lightالجازي is a glorious beacon of light
 

 

وعليتس السلام يامره

إقتباس

أولًا مرحبا بالجميع


ثانيًا أحب أفتتح

الفعالية

الجلسة

الموضوع

بهالقصيدة


هـــواي الـــــبر



إقتباس
الضويوه... الله ينجينا وإياكم منها برحمته

هذي عياره ولا تصغير ولا دلع
قصدتس الضويه

وصورة الحليب وهو متكبكب.. بثاره الله يجزاتس خير هذا وانتي العريفه


1
إقتباس
- صورة للضو (النار)
واسمحوا لي طلعة بليا نار مهيب طلعة. لو إن شاء الله تصور الطلعة كلها من أولها لتاليها ومافيه صورة للنار نطردك من الفعالية وتعتبر راسب << أشوا أنتس منتب مسؤوله بالوزارة.
ولا تغشون وتلطشون لي صورة من قوقل.

طيب مثلاً..مثلاً .. طلع طرف رجل امي ولا طريف ثوب جدتي ولا خشم احد خواني تحسبونها لي <<<<

إقتباس
3- ذكر عدد العوائل وإن كان ماعليك كلافة عدهم كم هم من نفر <<< راحمة اللي أهله واجدين وعجزن يعدهم

طيب عدد السيارات ؟

خلصنا مصاله .. نجي للجد

ان شاء الله ان شاء الله ان الله كتب لنا عمر ان نطلع عشانتس والا منا نزلنا العفش والعزبه وكلش خليتهم يركبون السيارات عشان يفضى لي الجو واصور مهب لاصورت الين ملثم جدتي ظاهرن لي

خن احقظ شروطتس قبل لا اتوهق
وان ماكتب ربي لنا طلعه كشتت بالسطح بالبرود
إقتباس
// فكرة //
ام دانة

// إخراج //
بلقيس

تسلم لي الفكره ويسلم لي الاخراج
فعاليه خطيره وربي
وان شاء الله بتلقين تفاعل لأن الفعاليه حمااااس

طيب الا مني فزت وش تعطوني


فلتحيا بلقيس وام دانه وليحيا قسم المكاشيت واهله

سجلوني

 

  #3  
قديم 02-01-2010, 05:52 PM
الصورة الرمزية لـ الغدير العذب
الغدير العذب الغدير العذب is offline
عضو v.i.p
 





الغدير العذب is on a distinguished road
 

 

أهلاً بالست بلقيس ..

عامله أيه يابت ؟؟

فعالية ماعليها كلام .. تستاهل التصفيق لها

أنا من محبين البر .. مع أنه يعدمنا و زياده غثى هالشباب : تغطوا جت سيارة لا تمشون بعيد جهز غدانا و من هالأشياء إلي تكرهس بالبر

و الله ياحبيبتي هالسنه مابعد كشتنا وشكل ماحاصل لنا كشته مع أن عبود واعدن بس مدري متى

لو أن هالفعالية السنة إلي راحت كان شفتي الكشتات إلي يحبها قلبك و روضة الحمادة شاهده على ذلك

بس و لا يهمك ياقلبي بأذن الله لا أزن على رأس العبدي لين يطلعن نكشت
و أبشري بالصور إلي توسع صدرك

دعواتك لي بالنجاح في مهمتي

تمنياتي لفعاليتك بالنجاح و الأستمرار و الحماس الغير منقطع

كل الشكر لك يالغلا .. و لا هنتي

 


::: التوقيع :::



 
  #4  
قديم 02-01-2010, 06:14 PM
الصورة الرمزية لـ ام دانة
ام دانة ام دانة is offline
مشرفة قسم تواصل
 






ام دانة will become famous soon enoughام دانة will become famous soon enough
 

 



وأخيراً طلعت للنور هالفعالية ..

والحمد لله اللي اعجبتكم ..

وتراها سهله مايبي لها شي ..

بلقيس كل الشكر لك ياعمري على هالإخراج الفذ عافاك الله حبيبتي ..

إقتباس
هذه الفعالية كانت فكرة الأخت أم دانة طلبت مني أسويها لها، عاد يوم سويتها لها قلت لها نزليها بس عيت و قالت لا أنت اللي كتبتيها أنت اللي نزليها،، ونزلتها ولو أني متأخرة بتنزليها المفروض من اسبوعين بس إن شاء الله مايخالف


ولو ماتنعطين سر فضحتي كواليسنا


ننتظر باقي الاعضاء ان شاء الله تلقى هالفعالية قبولهم ..

 

  #5  
قديم 02-01-2010, 06:51 PM
الصورة الرمزية لـ إكليل الورد
إكليل الورد إكليل الورد is offline
مشرفة قسم اسـرتي وصـحتـي
 





إكليل الورد is a jewel in the roughإكليل الورد is a jewel in the roughإكليل الورد is a jewel in the rough
 

 

الله الله


فعآليه جدآً جميله


بس ع قولة الغدير العذب هالسنه مآش مآطلعنآ للبر


لكن إن شآء الله إن طلعنآ مآرآح أقصر بأنزل لكم مويضيعي


سلِمَت رآعية الفكرة وصآحبة الإخرآج

 


::: التوقيع :::

ما لنا غيرك يا الله !


 
  #6  
قديم 02-01-2010, 07:12 PM
الصورة الرمزية لـ بنـوتهـ مووج
بنـوتهـ مووج بنـوتهـ مووج is offline
الصيتـ
 





بنـوتهـ مووج will become famous soon enoughبنـوتهـ مووج will become famous soon enough
 

 

إقتباس
بس ع قولة الغدير العذب واكليل الورد هالسنه مآش مآطلعنآ للبر ..!

مو بس انت حتى حنآأإ ..
ان شاء الله ان طلعنا انا ابكون اول من ينزل موضوع ..
اختي بلقيس .. مشكووره ع الخرآأإج .. قداَ ..
ام دأآإنه .. الله يعافيك ع الفكره الحلوه .. "

 

  #7  
قديم 02-01-2010, 07:42 PM
الصورة الرمزية لـ المحبه لبني زيد
المحبه لبني زيد المحبه لبني زيد is offline
:: بـنـت الـقـصيـم ::
 





المحبه لبني زيد is on a distinguished road
 

 

مشكوووورة ام الداانة وبلقيس ع الفعااالية
وان شااءالله بسدحلكم كشتتنا

موووفقين

 


::: التوقيع :::

سبحـــــــــــــان الله العظيم ,, سبحــــــــــان الله وبحمده

ربي اغفرلي وثبتني على دينك مادمت حيا" ,, واغفرلي واحسن خاتمتي ونور علي قبري..
واصفحوووا عني ولاتنسوني من صالح دعاائكم وسامحووني ....يوم اودعكم واودع دنيتي وكل أحبتي ...



عدد زوار مواضيعي من 28/4/28


محبتـــــــكــــــــم


 
  #8  
قديم 02-01-2010, 10:04 PM
اجودية اجودية is offline
كاتبه يحتفى بها
 





اجودية is on a distinguished road
 

 

الله يعطيك العافية ياأخت بلقيس
صراحة منظر الحليب رائع ويازين شربه جنب الضو

 

  #9  
قديم 02-01-2010, 11:34 PM
الصورة الرمزية لـ موج الغلا
موج الغلا موج الغلا is offline
عضو مجلس الإدارة
 






موج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of light
 

 



منذو مبطي ماكشت الكشته اللي بمزاجي ومع اللي ابي

فعاليه حركة

ان شاء الله نلقى التفاعل

بلقيس / ام دانه .... الله يعطيكم العافية

 


::: التوقيع :::

رحم الله جسداً تحت الثرى لم يفارقني الحنين اليه
الله يرحمك يا ( ابوي ) ويغفر لك ويسكنك فسيح جناتة


 
  #10  
قديم 02-01-2010, 11:52 PM
وانت طيب وانت طيب is offline
عضو دائم
 





وانت طيب is on a distinguished road
 

 

هذي عياره ولا تصغير ولا دلع
قصدتس(((((((((((((( الضويه))))))))))))))

 


::: التوقيع :::

[img]http://thumbs.bc.jncdn.com/0e2b0cab0...e4eb5b1_lm.jpg[/img]


 
  #11  
قديم 03-01-2010, 12:07 AM
الصورة الرمزية لـ روح انسان
روح انسان روح انسان is offline
عضو v.i.p
 





روح انسان is on a distinguished road
 

 

البعض يحب أن يشارك بالفعالية بس ماحصل لهم طلعة بر ، أو مايقدرون يطلعون لظروف ما..

الفعالية فعالية عائلية يعني مهيب شبابية (عزابية) .. فهمتوا؟؟؟،، فهمنا .. هين


كل عضو يفتح له موضوع مستقل خاص بطلعتهم لا تكدسونه بهالموضوع << طيب

سيري على موضوعي بعنوان .. (( الكشته المستحيله صارت ))


صورة الضو زينه بس اللي مخرب عليها ابو فلينة قوس قزح ..


 

  #12  
قديم 03-01-2010, 12:41 AM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
المشاركة الأصلية بواسطة الجازي
وعليتس السلام يامره







هذي عياره ولا تصغير ولا دلع
قصدتس الضويه

كلهن، عيارة، و تصغير، وتدليع، وإذا تبين بعد تمليح، يامملوحة

وصورة الحليب وهو متكبكب.. بثاره الله يجزاتس خير هذا وانتي العريفه

وأنت الصادقة قولي الفسقة، وإلا رفاله ههههههههه

طيب مثلاً..مثلاً .. طلع طرف رجل امي ولا طريف ثوب جدتي ولا خشم احد خواني تحسبونها لي <<<<


افرض مثلًا مثلًا يعني اني خصمتك يوم... <<< قلبتها اغنية

لا مانحسبها إلا لين تطلين علينا ببريقعتس


طيب عدد السيارات ؟
هاه ...!!!
والله مهيب شينه


خلصنا مصاله .. نجي للجد

إي والله وأنت قلتيها... مصالة

ان شاء الله ان شاء الله ان الله كتب لنا عمر ان نطلع عشانتس والا منا نزلنا العفش والعزبه وكلش خليتهم يركبون السيارات عشان يفضى لي الجو واصور مهب لاصورت الين ملثم جدتي ظاهرن لي

خن احقظ شروطتس قبل لا اتوهق
إيه هذي أهم شي،، ثمن عاد ماتاخذين العلامة الكاملة
وان ماكتب ربي لنا طلعه كشتت بالسطح بالبرود

السطح...!!!!

الله يملحتس
ثم يملحتس
ثم يملحتس

تسلم لي الفكره ويسلم لي الاخراج
ويسلمون لي اللي يردون ويتحمسون والله

فعاليه خطيره وربي
وان شاء الله بتلقين تفاعل لأن الفعاليه حمااااس

يارب ،، إن شاء الله
طيب الا مني فزت وش تعطوني
أمري وتدللي
شو مابدك
<< قلبت سوري


فلتحيا بلقيس وام دانه وليحيا قسم المكاشيت واهله

قلبتيها مظاهرة ياحبي لقلبتس

سجلوني

يله بانتظارك
لا عدمناك

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
  #13  
قديم 03-01-2010, 12:51 AM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
أهلاً بالست بلقيس ..
لا أنا وحدة مهوب ست
عامله أيه يابت ؟؟
والله العظيم تلاته، معملتش حاقة، دي أم دانة مش أنا
فعالية ماعليها كلام .. تستاهل التصفيق لها

صفقوا أم دانة لا تصفقوني <<<


إقتباس
أنا من محبين البر .. مع أنه يعدمنا و زياده غثى هالشباب : تغطوا جت سيارة لا تمشون بعيد جهز غدانا و من هالأشياء إلي تكرهس بالبر

والله أدري وانا اختس، عارفة هالنوعيات من الشباب الله يعين حريمهم عليهم، وعلشان كذا أنا حاطة النكتة ختامًا للموضوع، مع أنهم حذفوا نقطة تعتبر مهمة، بس ماعليه،


إقتباس
بس و لا يهمك ياقلبي بأذن الله لا أزن على رأس العبدي لين يطلعن نكشت
و أبشري بالصور إلي توسع صدرك

إيه عاد لا أوصيتس وانا اختس

دعواتك لي بالنجاح في مهمتي

يالله ياربي أنك توفقها،، وتهون عليها وتسخر لها


تمنياتي لفعاليتك بالنجاح و الأستمرار و الحماس الغير منقطع

كل الشكر لك يالغلا .. و لا هنتي

العفوووو عزيزتي
الشكر لأم دانة الله يعافيها على هالفكرة الخنفشارية

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
  #14  
قديم 03-01-2010, 01:03 AM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
المشاركة الأصلية بواسطة ام دانة


وأخيراً طلعت للنور هالفعالية ..

أبشرتس ،، ولادة قيصرية
والحمد لله اللي اعجبتكم ..

أي والله الحمد لله، الفضل لتس بعد الله
وتراها سهله مايبي لها شي ..

ههههههه حلوة سهلة ،، صار اختبار مهوب فعالية

بلقيس كل الشكر لك ياعمري على هالإخراج الفذ عافاك الله حبيبتي ..

أفا عليتس وأنا اختس ،، شكرًا لك أنت صاحبة الفكرة
حرمة(ن) سنعة
أعجبتس أن شاء الله ،، صح أني أحيانًا أزرع الواحد،، بس ماعليه ، تأخير على سنع
وعلى ماقالوا ( كل تأخيره وفيها خيره)




ولو ماتنعطين سر فضحتي كواليسنا

خخخخخخخخ
هذامهوب سر،، هذي ذمة وضمير
مقدر.. يأنبني ضميري لازم أقول
(((حقوق الطبع محفوظة)))



ننتظر باقي الاعضاء ان شاء الله تلقى هالفعالية قبولهم ..

يالله عسى

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
  #15  
قديم 03-01-2010, 01:07 AM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
المشاركة الأصلية بواسطة إكليل الورد
الله الله


فعآليه جدآً جميله

الله الله إكليل الحبوبة هنا

بس ع قولة الغدير العذب هالسنه مآش مآطلعنآ للبر


لكن إن شآء الله إن طلعنآ مآرآح أقصر بأنزل لكم مويضيعي
إيه عاد ياويلكم،،وقفت علينا حنا يعني،،ماعلي منكم لازم تطلعون لو إن شاء الله بساحة البيت أهم شي تتفاعلون معنا باللي تقدرون عليه،،


سلِمَت رآعية الفكرة وصآحبة الإخرآج

الله يسلمتس ياقلبو

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
موضوع مغلق


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 06:40 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www