قصتي مع مستشفى عرقه المهجور مع الصور...موهاهاهاهاها a

آخر المشاركات المطروحة في منتديات قبيلة بني زيد

  لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    أجهزة المحمول الصينيه وصحة الانسان ( آخر مشاركة : خالدالراجحي    |    توقف رسمي لخدمة فايبر في السعودية ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : خالدالراجحي    |    أروع وأجمل تموينات ومخبز ممكن أن تراها بعينك (صور) ( آخر مشاركة : ساكتون    |    أجمل وأروع مشروع بريال واحد فقط (صورة) ( آخر مشاركة : ساكتون    |    معركة ( الثنية ) يارم افزعي لشيحان العقيد الشيخ على بن عطية ( آخر مشاركة : الطايل    |    ب 50 ريال فقط سيكون لك أجر مليون شخص وأجر خمس أوقاف بما فيها بئر للسقيا وجامع (صورة) ( آخر مشاركة : ساكتون    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    أعظم أوقاف القرن الواحد والعشرين فكرة إبداعية في مكة المكرمة داخل حدود الحرم (صورة) ( آخر مشاركة : ساكتون    |   


العودة   منتديات قبيلة بني زيد > الأقسام الشرعية والأقسام العامة > الـقـسم الـعـام
التّسجيل   جعل جميع المنتديات مقروءة

قصتي مع مستشفى عرقه المهجور مع الصور...موهاهاهاهاها

المشاركة في الموضوع
 
خيارات الموضوع طريقة العرض
  #1  
قديم 25-12-2009, 02:33 AM
الصورة الرمزية لـ دكتورنت
دكتورنت دكتورنت is offline
عضو مشارك
 





دكتورنت is an unknown quantity at this point
 
قصتي مع مستشفى عرقه المهجور مع الصور...موهاهاهاهاها

 

السلام عليكم ورحمه الله وبركاته
كل عام وانتم بخير
اول مره اكتب معكم موضوع في القسم العام وان شاء الله ما راح تكون اخر مره
وبصراحه كنت متردد ان انزل الموضوع خوفاً انهم يزبدون لي ويقولون اني احتك بـ { هلالي معالي } صديقي
المهم مالكم بالطويله
السالفه يا اخوان ابتدت يوم كنا نحوس وندوس في انا واخوياي في شوارع الرياض الجميله <<<ايه من جنبها

طبعا مهنا مكان نروح له
المهم احنا خمسه بذاك الوقت قلت لـ اخوياي : ترانا طفشنا من الدوجان نبي شي جديد
نقز خويي علي قالي : سمعت ان فيه مستشفى في عرقه مهجور ويقولون العيال ان مهجور من حرب الخليج جوه اخواننا الكويتيين وجلسو فيه وبعدها معد احد دخله
ويقولون فيه جن انا بس سمعت جن قلت له جايينه جايينه

عاد تعرفون مافي احد منا مايحب الجن ومايخاف منهم <<< كيف تجي ذي
مالكم بالطويله قلنا طيب تدله قال اييه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى وقصم انه اطلق من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قررنا ان احنا ننقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا الـ محنب خايفين من احد لكن من دخلنا ضاعت علومهم
المهم نقزنا وضبطنا امورنا جينا لـ باب مكسور نصه دخلنا معه
والمكان من داخل مغبببببر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوووي مرررره في الدور الثاني العيال خاافو وكل واحد صفقته ام الركب
وماااتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اهاا
روحو ولعد اشوفكم هنا مرتن ثانيه قلنا ايه طيب <<< سلكنا له طبعا
بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جايين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورتي
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا وجيهنا صارت كذا
قلنا اهااا
وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين
77777
التكمله ان شاء الله الرد الجاي << لاتقولون روايه وما روايه بس تعبت من الكتابه وان شاء الله بخلي خويي يرسل لي الصور واسدحها لكم فيذا





التكمله !!

777777


المهم جينا مره ثانيه وكان عددنا حول الـ 18 شخص <<<<< جمعنا كل الي نعرفهم
معنا كشافات من هنا لليل
المهم وصلنا للمستشفى الساعه 2 ونص الليل <<< يقالك بنخربها
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل
ورحنا للباب نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه بـ وجهك <<< ومن قالك انهم بيدخلونه
المهم ماعلينا
رحنا لـ ثلاجه الموتى
ووالله على ما اقوله شهيد فيه دريشه على الباب طليت انا وواحد من اخوياي لقينا منور شوي وفيه ظل على الجدار ناس يمشوون كثيرييين وربي كثيرين
انا وخويي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احدقالو خلاص بنرقى للدور الي بعده قلنا لا محنب جايين بنجلس هنا قالو طيب بكيفكم
قلنا هااااه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح

المهم وجينا بنوخره طاح وانكسر ووالله الدور منوور كللله شي غرررريب وفيه اثار رجول كأنها من شوي ماااره المهم رحنا ودخلنا غرفه العمليات وورب الي خلقكم اننا لقينا شاهي يطلع منه بخااار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراااخ اخويانا الثنين
وركضنا للدرج بنشوف وش فيهم شطفونا داااعسييين نازلين لـ تحت والله وكلنا نلحقهم وواحد من العيال يقراء ايه الكرسي
قعدنا نلحقهم طولنا واحنا نركض وراهم الييين طلعنا
واحنا موب تعبانيين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خويي الي الحين ما يتكلم انا مسكت به وبعد جهد جهيد فكيته منهم ووصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سوووود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جدييييييييييييييده مررره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خويي انهم جو فيه الكويتيين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي

والصور ان شاء الله بكره

ووالله ياشباب ويا صبايا ان مازدت ولا نقصت ولا حرف ناقلها لكم نصاً
والله على ما اقوله شهيد
والي مو مصدق يروح يدخله ويشوف




هالصوره من غرفة الحاسب الآلي حقهم
يالله دخلوا الرقم السري حق لوست عشان يبدا العد التنازلي من جديد عشان ماتجينا الهزة الأرضيه




شوفوا ضخامه الأجهزة , تحسونها شئ قوي , وتذكروا انها من عام 1400
يعني صدق شئ يذهل << صورة مع يذهل







مدري وشو





مدري وشو بعد بس يمكن حق تسجيل مكالمات او هيك شئ





نو كومنت
لكن شكله من اثار الأذرس






مافيه احد منكم عمره اكثر من ثلاثين ؟ - عشان بس ماتوضح الفقشه -
هذا يقولكم ياطويلين العمر , قبل 30 سنه كانوا يسمون كبار الشخصيات كنار الشخصيات
لكن طبعا مع عوامل التكيف والتعريه تحولت من كنار لكبار



أحد الأسياب







عشان تصدقونـ(ـن) بس ان بعض الاجزاء منوره بس




اشونها مستودع اجهزه يلعبون علينا
هالغرفه داخلها كراااتييين hp وااجده الى السقف اجهزة جدييييده
ماقدرت اصور لان داخل الغرفه مظلم مره






احد غرف العمليات , باللهي ماتشبه غرف مستشفيات الأذرس
قايلكم لووست لوووست



جهاز بغرفة العمليات , شكله حق الاكسجين وتخطيط القلب والحاجات هذي




غرفة عمليات ثانية , شكلها حقت استنساخ على كثر الأجهزة اللي فيها



بسم الله علينا الرحمن الرحيم
نصابين رحنا لمكانهم ولا لقينا شئ




مخطط الدور الأرضي للمستشفى , الغريب اننا مالقينا الا دورين , ويوم قوقلت عنه
مكتوب انه 8 ادوار , يبيلنا روحه ثانية نشوف الأدوار الباقيه وين راحن



يوم شفت هالكيبورد تذكرت دقة كمبيوتر صخر , - تنننا تتننننااا تنننااااا




نعم نعم , هذا هو شكل المرأه قبل 30 سنه
قولوا بعد اني كذاب هااه , هذي الصوره دليل واضح امامكم انا لم آتي بخزعبلات من راسي



سوي ادفع فاتووورااااه بعدين سوي ارجع مره تاااني
الرسبشن حقهم



والله اجهزه قوية , حسافة مثل هالمستشفى يترك ويرمى !




قسم العناية المركزه



شكلنا ضايقناهم بهاللمبات , ويقولنا طفوهن لاخلصتوا
تف تف برى وبعيييد
طيب اسفين طال عمرك



منقوووووووول

 


::: التوقيع :::

الشعراء [img]http://bnyzid.com/uploads/1
6dc244d.jpg[/img]


 
الرد مع إقتباس
  #2  
قديم 25-12-2009, 03:16 AM
الصورة الرمزية لـ M7ammad 612
M7ammad 612 M7ammad 612 is offline
عضو دائم
 





M7ammad 612 is an unknown quantity at this point
 

 

موضوع جدا شيق..واستمتعت جدا بقرأته
جزيت خيراً..

 


::: التوقيع :::

أكبر غلط ".. تجرح لك إنسان ( مجروح ) "..!
حٺى ۈڵۈ جڕحڪْ )||مجڕد .." ( دعٱبـہ ) "..!


 
الرد مع إقتباس
  #3  
قديم 25-12-2009, 03:18 AM
أميرهـ بكلمتيـ أميرهـ بكلمتيـ is offline
عضو نشيط
 





أميرهـ بكلمتيـ is an unknown quantity at this point
 

 

بسم الله الرحمن الرحيم
ناس مجدر الحمد لله والشكر ..
قاال ايش قال ماأخاف
ياشين الي يتميلح ويحد نفسه ذرب في اشياء زي كذا ..

 


::: التوقيع :::

سبحان الله عدد خلقه ورضى نفسه وزنة عرشه ومداد كلماته
أستغفر الله العظيم واتوب إليه
( واذكر ربك كثيرا وسبح بالعشي والابكار)


 
الرد مع إقتباس
  #4  
قديم 25-12-2009, 08:09 AM
سمو الشوق سمو الشوق is offline
عضو جديد
 





سمو الشوق is an unknown quantity at this point
 

 

يسلموووو على الموضوع ...

بصرااحه رحله تحمس وتخلي الواحد على اعصابه اغلبها اكشن

 

الرد مع إقتباس
  #5  
قديم 25-12-2009, 05:17 PM
الصورة الرمزية لـ ٍٍرؤؤج سحريٍٍٍ
ٍٍرؤؤج سحريٍٍٍ ٍٍرؤؤج سحريٍٍٍ is offline
عضو متميز
 





ٍٍرؤؤج سحريٍٍٍ is on a distinguished road
 

 

بسم الله الرحمن الرحيم
شكلك يادكتور كنت تعمل عندهم
هههههههه

 

الرد مع إقتباس
  #6  
قديم 25-12-2009, 10:08 PM
وحشي وحشي is offline
عضو مستمر
 





وحشي is an unknown quantity at this point
 

 

بسم الله الرحمن الرحيم


جزيت خيراً..

 


::: التوقيع :::

بني زيد 612


 
الرد مع إقتباس
  #7  
قديم 25-12-2009, 10:24 PM
الصورة الرمزية لـ إحساس نجمة
إحساس نجمة إحساس نجمة is offline
عضو نشيط
 





إحساس نجمة is an unknown quantity at this point
 

 

سبحان الله انا سمعت بقصته ويقولون ان الاماكن المهجورة يجب قراءة الورد
قبل الدخول لها وهذا المكان من ثلاثين سنة

 

الرد مع إقتباس
  #8  
قديم 25-12-2009, 10:54 PM
تكشيلة تكشيلة is offline
عضو مشارك
 





تكشيلة is an unknown quantity at this point
 

 

والله ماشفت اقوى من قلوبكم يا عيال العم ماشاااء الله تبارك الله على جسارتكم والله من جد يخوف هالمستشفى

 

الرد مع إقتباس
  #9  
قديم 25-12-2009, 10:56 PM
الصورة الرمزية لـ وجين
وجين وجين is offline
عضو نشيط جداً
 





وجين is an unknown quantity at this point
 

 

جـ------زيـ-------ت خـ------------------يرا

 


::: التوقيع :::




 
الرد مع إقتباس
  #10  
قديم 26-12-2009, 04:10 PM
الصورة الرمزية لـ ولد الخميس
ولد الخميس ولد الخميس is offline
عضو مثالي
 





ولد الخميس is an unknown quantity at this point
 

 

مشكووور

 

الرد مع إقتباس
  #11  
قديم 27-12-2009, 11:08 PM
الصورة الرمزية لـ روح انسان
روح انسان روح انسان is offline
عضو v.i.p
 





روح انسان is on a distinguished road
 

 

ماشفنا الاظلال او لابسين شين اسود؟


موب لابسين اسود .. هذا نوع من انواع الجن .. وحجم جسمه مثل الانسان العادي .. ولكن ان رايتهم فلا ترى غير جرم انسان يملئه السواد .. ومن قدراتهم السرعه الخارقه واختراق الجدران .


تطلعنا ثلاثه قطاوه سوووود وتشطفنا رايحتن للسطح ؟

وهذا نوع آخر من الجن .. يتشكل في هيئة حيوانات مثل الكلاب والقطط والحيات ..!!



وهذه الصوره الدليل القاطع على وجود الجن .. ونوع من انواعهم الكثيره .. وهذا النوع مثل الشحنات الكهربائيه .. او احيانا مثل الفلاش !!

url=http://bnyzid.com/][/url]

واذا فحصت الصوره سوف تراه ؟



احس اني جبت العيد :)


الصراحه هذه هي الحقيقه في القرآن الكريم والسنه النبويه .. عن وجود الجن والشياطين والمرده وابليس .. وهمهم الاول ان لا يصدق الناس بوجودهم .. وقد حدثت باسم التطور والتقدم .


وشكرا

 


::: التوقيع :::



سبحانك اللهم وبحمدك...اشهد ان لااله الا انت... استغفرك و اتوب اليك.


 

آخر تعديل بواسطة روح انسان ، 27-12-2009 الساعة 11:15 PM.
الرد مع إقتباس
  #12  
قديم 28-12-2009, 07:11 PM
الصورة الرمزية لـ روح انسان
روح انسان روح انسان is offline
عضو v.i.p
 





روح انسان is on a distinguished road
 

 

السلام عليكم ورحمة الله


اليوم جلست اعدل في الصوره .. من ناحية تعديل الوضوح والتوهج والظل .. في برنامج ويندوز لايف قالري .. ولم استخدم برنامج الفوتوشوب ولا الفلاتر .. لقلة خبرتي في البرنامج .. واتمنا من له الخبره في البرنامج ان يستخدم الفلاتر ويظهر
لنا بوضوح صورة الجني .

التي بدت في الصوره .


وهي الدائره بـ الاسود .. ولم اريد ان اكبر الصوره حتى لا تضايق بعض الناس .


url=http://bnyzid.com/][/url]



وياليت يتدخلون اصحاب الخبره بـ تعديل الصوره

لان الموضوع مهم جدا .. ويحسب للمنتدى في اثبات حقيقه ثابته في القرآن .. لمن انكر وجود الجن .. وهم كثيرين ونسبه منهم مسلمين .

اذا كان الغرب المسيحي اسس موقع خاص على الانترنت في دراسة الجن والاشباح .. واثبتها بـ الصور الواضحه ومقاطع الفيديو .. فـ الواجب علينا نحن ان نضهرها للناس وليس ان نخفيها .. فنحن اولى منهم في هذه .. خصوصا ان القرآن يذكرهم في مواضع كثيره .. وهناك سوره كامله بـ اسمهم وهي سورة الجن .



وشكرا

 

الرد مع إقتباس
  #13  
قديم 28-12-2009, 07:58 PM
الصورة الرمزية لـ خالي البال
خالي البال خالي البال is offline
مصوّر شهر ابريل 2011
 





خالي البال is an unknown quantity at this point
 

 

فلم رعب

وانا مطفي النور وخاش جو معك كل مايجي مشهد رعب بغيت انحااش من البيت

والله وسوست شكيت في صوت المكيف هههههههههههه

بس ماشاء الله عليك جريء وقلبك جاامد

اقوول اذا جيت مكه علمني اخبرلك بيت بيعجبك اذا دخلته يا انك تطلع شاعر ولا مجنون وحده منهم

ومشكووور على الفلم

ننتظر الجزء الثاني اذا رحت تشيك على الدور الثامن

 

الرد مع إقتباس
  #14  
قديم 29-12-2009, 12:40 PM
غرور انثى غرور انثى is offline
عضو مشارك
 





غرور انثى is an unknown quantity at this point
 

 

عفاك ربي ‏‏<‏‏<دكتور انت الي رايح

 

الرد مع إقتباس
  #15  
قديم 29-12-2009, 06:30 PM
الصورة الرمزية لـ افنان
افنان افنان is offline
عضو دائم
 





افنان is an unknown quantity at this point
 

 

بسم الله الرحمن الرحيم

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 11:48 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www