::: اول كشته في اجازه عيد الاضحى المبارك-شمال المملكه ::: a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > الأقسام الشرعية والأقسام العامة > مكشات والرحلات السياحية
التّسجيل   جعل جميع المنتديات مقروءة

::: اول كشته في اجازه عيد الاضحى المبارك-شمال المملكه :::

المشاركة في الموضوع
 
خيارات الموضوع طريقة العرض
  #1  
قديم 06-12-2009, 12:02 PM
الصورة الرمزية لـ mr.khalid
mr.khalid mr.khalid is offline
:: فريق مصممي المنتدى ::
 





mr.khalid will become famous soon enough
 
::: اول كشته في اجازه عيد الاضحى المبارك-شمال المملكه :::

 

بسم الله الرحمن الرحيم


السلام عليكم ورحمه الله

كيف حالكم عسااكم بخير ... ووشلون البرد والامطااار معكم ^_^

اليوم موضوعي عبااره عن رحله بريه الى شمال مملكتنا الحبيبه

انطلقت هذه الرحله من الرياض عصر يوم الخميس الموافق 9/12/1430هـ
وانتهت في يوم الخميس الموافق 16/12/1430هـ....

:: خطه الرحله ::
الرياض - حائل - طريق الجوف - جبل الروض - جبه - الغضاه داخل النفود الكبير - جبل العليم - الشقيق - الجوف
جبل عنيزه قرب جبه - شعيب مشار - شعيب الخويش الجنوبي - المستوي - شعيب الخليف - شقراء - الرياض .


كانت رحله جميله مليئه بالامطار والاجواء البااارده نوعاَ ما ...

نبدا الان وعلى بركه الله بعرض صور الرحله متمنياَ من المولى ان تحوز على رضاكم واستحساانكم ...

-=-=-=-=-=-=-=-=-=-=-=-=-=-=-=-=-=-=-=-=-=-=-

ملاحظه: اذا لم تظهر الصور
كلك يمين بالماوس بعدين اظهار الصوره.




بدايه الطريق من نقطه الانطلاق الرياض الى نقطه الوصول حائل



بعد ما انتصفنا في الخط وتبدا السماء تمطر يالله لك الحمد



وصلنا حائل في الليل وكنا جايعين وبعد معاانه وصلنا للمطعم الترااثي واللي على حسب ما اعرف انه بأشراف نسائي

وهذا واحد من العمااال حقين المطعم



صوره للمطعم من برا



وطلعنا من المطعم بأتجاه طريق الجوف واول ما مسكنا الخط دورنا لنا مكااان نرقد فيه

معد نشووووف من التعب هههههههه وهذي الصوره مع الاجواء الخنفشااريه في الصبااح البااكر




هذا النفود ممطور والجو غيم ووناسه وسعه صدر يالله لك الحمد



وهنا نشوف الجلسه حقتنا ننتظر باقي الشبااب يوصلون



ما شاء الله الامطار ما وقفت من يوم وصلنا



صوره لجبل الروض



وهذولي شباب لقينااهم مغرزين وما قصر ابو محمد سحبهم ^_^



وهذي المواااتر اللي قطعت بنا الفيافي والقفاار مجتمعه تأخذ قسطاً من الرااحه <<<<<<< اموووت على الفصحى انا



هذي بعض النقووووش على جبل الروض



وشو ذاا !!
هذا بركان طيني <<<< اقلب وجهك وبلا مصااله ^_^



صوره للشباب من فوق جبل الروض
هالطلعه ما بقيت جبل ما رقيته بغيت اجي على وجهي كذا مره لكن ربي ستر الحمد لله




لقطه اخرى من جبل الروض



بعض الكهوف الصغيره بالقرب من جبل الروض



راكب اللي كن زوله زول ذيب ... ان نطحته وان قفيته من ورا
وان عرض لك قلت مابالوصف ريب ... جنب ذيب لاحقه جوع وعرا
احلى تحيه لابو سعد



لاجاك مبدل من الواحد للأثنين ... برق ابيض ما تشوفه
شيوج الجيوب النياسين ... غضب في مشيته وفي وقوفه
احلى تحيه لابو زيااد



من وارد اليابان والنوع فكسار ... صمم على قمه فخامه واصاله
يعجبك في المواقف ويعجبك لا سار ... ويعجبك صوت محركه واشتغاله
احلى تحيه لابو محمد



صوره علويه لاحد الخبب اللي مرينا عليها



لاحد يجيني ويقووول غبااار ثم اخل اذاني واذانه اربع <<<<< يا قدمكـ
هذا ضباااب <<<<< لا يااشيخ



للمكده والنفود غير الهلي لاتقود ... قوه وعزم وصبورو تحته الحصا مقهور
احلى تحيه لابو السلاطين



استراحه محارب ^_^


شاصي التصميم لاند كروز جيب ... مايبيعه من شراه لياشرا
مايبيعه غير مردي النصيب ... او من يحده على قروشه زرا
مايهمه لانفود ولاجذيب ... ولا الطلوع اللي مثل طلعه كرا
لاهمزو قير ادبله جاله نحيب ... مثل من ميته على باله طرا
احلى تحيه لابو عبدالله




سبحان الله



مدخل جبه
يالله حيهم





بعد ما دخلنا جبه توجهنا لقصر النايف الاثري
وهذي اول لقطاتي في هالمتحف الراائع



نقهويكم



بعد ما تقهوينا في غرفه الضياافه طلعنا نتمشى في القصر وهذي السواني



يا ويل حااااالي
احسن غرفه بالقصر ههههههههه
ما شاء الله فيها من انوااع الاسلحه الى قبل



ما اقدر اقااااوم انا



طلعنا من غرفه الاسلحه ورحنا لغرفه الاحجار الكريمه والعملات النقديه وغيرها
وهنا نشوف بعض الاختاام متفاوته التااريخ



بعض اشكال الحجر من صنع الانسان لها استخدامات عديده واسامي ايضاً منها :
نصل - مخراز - ساطور - مكشط - مثقاب



احجاار كريمه مثل / الزمرد المنقاء



احجار كريمه اخرى مثل
حجر الكوارتز وحجر الكرستال



عملات نقديه



عملات نقديه اخرى



انتقلنا الى غرفه العرووووس



ومنها الى المطبخ



ومن المطبخ الى المجلس
الذي بناه المرحوم عتيق المسلم عام 1171هـ



بعض الحيوانات المحنطه التي كانت متواجده في المنطقه



اخرى



بعض الادوات والاجهزة القديمه



بعض الاواني القديمه



اواني فخااريه



لقطه عامه للمكان



أحد يبي حطب ^_^
تتوقعون كم يبيلها عشاان تخلص ؟؟!



هااه وشرايكم نروح للاردن<<<< لايكثر بس رح للجوف وخلك ساااكت

يتبع

 


::: التوقيع :::



 
الرد مع إقتباس
  #2  
قديم 06-12-2009, 12:13 PM
الصورة الرمزية لـ mr.khalid
mr.khalid mr.khalid is offline
:: فريق مصممي المنتدى ::
 





mr.khalid will become famous soon enough
 

 


قبل ما نوصل وقفنا ودورنا لنا مكان كويس
وجمعنا بعض الحطب


فتحنا محل خضاار يالله من فضلك براااد ما عليها خوف تخرب ان شاءالله


اها الحين دخلنا في العميق وبدا ابو عبدالله يبرز موااهبه
بعد ما صفينا البطاطس تحت نحط السماان فوقهن ...



قااامت تقووطر سعاابيلي اشتهيتهن مره ثاانيه



بعد ما نحط كل المكونات ونقصدر الصحون ,,,, نحطهن على الجمر

طبعا ما فيه صوره لهن بعد ما استون لاني يالله اعرف اكل في هذااك الوقت ^_^



بعد هذيك العشوه الزينه صكينااها نومه ويوم قمنا لقينا الدعوه ثلووج ^_^



البااترول يقول 3IEC



واللاند كروزر يقول 2 بس مهووب ايس ^_^



قزازه اللاند الاماميه مثلجه ^_^



طبعاً لازم نوثق التااريخ وما ننسى ديرتي الحبيبه شقراء



نو كومنت



صوره علويه لاحد الخبب اللي مرينا عليها



النهااايه

لا لا لا لا العب عليكم تونا ريضين باااقي واجد <<<<< الله يعينا عليك



ايضا طبخه من طبخااات الشيف ابوعبدالله



بعدها انطلقنا للجوف وتحديدا مهرجان الزيتون



بعض المصنوعات اليدويه



ابداااع صراحه



اتجهنا بعده لمقر المهرجان والمكان اللي عليه العلم
زيتون X زيت زيتون ^_^



بعض انوااع الزيتون وزيت الزيتون


بعدها اتجهنا الى مقر معرض التصوير الفوتوغرافي قلت عااد لازم امره واشوف وش فيه




ومن التصوير الفوتوغرافي الى الفن التشكيلي



وبعد ما خلصنا من المعرض طلعنا نتمشى في الجوف واتجهنا للبحيره

وهالبحيره عبااره عن :
هي ناتج لمشروع الري بدومه الجندل والذي بدا عام 1407هـ, وتقع على بعد 4كيلو تقريبا الى الشمال من محافظه دومه الجندل و33 كيلو مترا عن مدينه سكاكا وتتشكل البحيره في منخفض تحيط به التلال المرتفعه من جميع جوانبها
على مساحه تقدر ب1,1مليون متر مربع غير منتظمه الابعاد ويبلغ محيطها حوالي 8 كيلو مترات وتتراوح الاعماق
من 4 الى 17 مترا في وسط البحيره ومياهها مياه عذبه الا انها وبعد مرورها في الشبخه تتحول الى مالحه
ويتم تجميعها في خزانات تضخ الى موقع البحيره الحالي والتي بلغت حتى الان حوالي 30 مليون متر مكعب.




ومن البحيره الى مسجد عمر بن الخطاب رضي الله عنه



لقطه عامه للمسجد



محراب ومنبر المسجد

معلومات عن مسجد عمر بن الخطاب :

ينسب بنائه للخليفه عمر بن الخطاب الذي امر ببنائه أثناء عودته من بيت المقدس وتنبع اهميه المسجد من تخطيطه
الذي يمثل استمراريه لنمط تخطيط المساجد الاولى في الاسلام وهو من اقدم المساجد التي لم يتبدل تخطيطها
ويتميز كذلك بمئذنته وهندسه عمارتها وتعتبر من اقدم المآذن وتقع مئذنه المسجد في الركن الجنوبي الغربي وتنحرف
عن مستوى جدار القبله , وقاعده المئذنه مربعه الشكل طول ضلعها ثلاثه امتار وجدرانها الحجريه تضيق الى الداخل
كلما ارتفعت الى الاعلى حتى تنتهي بقمه شبه مخروطيه ويبلغ ارتفاع المئذنه الحالي 12,7مترا وتعتبر من اقدم
المآذن في الجزيره العربيه وقد استخدم الحجر ((حجر الجندل)) في بناء المسجد والمئذنه .




بعدها رحنا لقلع مارد ..العجيبه



منظر عام لاحد ممراتها



اطلاله من القلعه على مسجد عمر بن الخطاب وبعض الاطلال القديمه



نو كومنت <<<< بغيت اطيح من السوور ^_^



صوره تبين القلعه ومدى عظمتها

معلومات عن قلعه مارد/
يرجع اقدم ذكر للقلعه الى القرن الثالث الميلادي عندما غزت ملكه تدمر زنوبيا دومه الجندل وتيماء ولم تستطع اقتحام
القلعه فقالت مقولتها الشهيره ((تمرد مارد وعز الابلق )) والمارد صفه لكل شي يتمرد ويستعصي.
تحتوي قلعه مارد على مباان من مراحل مختلفه بعضها محكمه البناء تعود الى عهود حضاريه مزدهره وهي الاقدم
وتعود على ما يبدو للفتره النبطيه وذالك نتيجه للمجسمات الأثريه التي اجريت في داخل القلعه وخارجها وكشفت
عن معثورات تعود لهذه الفتره وبعض المباني مضافه او اعيد بناؤها بدلا من المباني المتهالكه . وتنسب الى فتره
متوسطه بعد ظهور الاسلام وبعض المباني رديئه الاسلوب في البناء ومبنيه بمونه طينيه تنسب الى فتره متأخره
يعتقد انها تعود الى ما يقارب الثمانين سنه.




بعد ما خلصنا من الجوف انطلقنا في طريق العوده الى حائل
وتحديداً منتزه مشار
ولقينا ابو الشباااب منقلب



بعدين دورنا لنا مكاان نتغدى فيه

وجلسنا هنا



بعدين شفنا هالناااس رااقين الجبل
وهم فريق همر السعوديه



عاد رقيت لهم وصورتهم صور كثيره لكن ما رااح انزل كل الصور هنا بنزل شي بسيط والباقي في موضوع خاص ان شاء الله




HUMMER H1<<<<< لا ياشيــخ



للقوه هيبتها



وبعد ما صورت اصحا الهمرات
رجعنا ولقينا الغداء جاهز من يدين ابو عبدالله الله يعاافيه على هالطبخه



ومن حائل انطلقنا الى طريق القصيم وفرقنان لشعيب الخويش الجنوبي وتحديدا المستوي

رقدنا فيه ومن بكرا رحنى لشعيب الخليف

ومنه انطلقنا الى الرياض مرورا بشقراء.

-=-=-=-=-=-=-=-=-=-=-=-=-=-=-=-=-=-=-
اتمنى ان يكون الموضوع ارتقى الى ذائقتكم الرفيعه

كان معكم من خلف العدسه
اخوكم
خالد الربيعه
MR.KHALID




هذا الموضوع اهداء لكل من مر من هنا
وخصوصا عزيزي دهران ولا يهونون باقي الاعضاء



::: ردودكم تثبت وجودكم :::

 


::: التوقيع :::



 

آخر تعديل بواسطة mr.khalid ، 06-12-2009 الساعة 12:19 PM.
الرد مع إقتباس
  #3  
قديم 06-12-2009, 12:55 PM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

يا سلام , يا سلام , ياسلام


تعجبني مثل ذا المواضيع كشتات وتراث وطبيعه وصحبه طيبه والأجمل التصوير الإبداعي ..


عساكم تهنيتوا مبدع خالد

 

الرد مع إقتباس
  #4  
قديم 06-12-2009, 12:59 PM
الشمّاخ الشمّاخ is offline
عضو متميز
 






الشمّاخ is on a distinguished road
 

 

والله مشاء الله رحله موفقه وجميله والاجمل منها التصوير وسلمني على الي يكبس

يعطيك العافيه

 


::: التوقيع :::

سبحان الله وبحمده سبحان الله العظيم
استغفر الله استغفر الله استغفر الله


 
الرد مع إقتباس
  #5  
قديم 06-12-2009, 01:03 PM
الصورة الرمزية لـ موج الغلا
موج الغلا موج الغلا is offline
عضو مجلس الإدارة
 






موج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of light
 

 

ماشاء الله تبارك الله

تقرير رائع جدا وصور خياليه

رحلة موفقه .. الله يهنيكم يارب

اشتهيت الكبسة وصحين السمن

من جد ماشاء الله الجو ياخذ العقل

خالد .. الله يعطيك العافية ويحرم ايدينك عن النار

 


::: التوقيع :::

رحم الله جسداً تحت الثرى لم يفارقني الحنين اليه
الله يرحمك يا ( ابوي ) ويغفر لك ويسكنك فسيح جناتة


 
الرد مع إقتباس
  #6  
قديم 06-12-2009, 01:17 PM
الصورة الرمزية لـ عبدالله بن شلعان
عبدالله بن شلعان عبدالله بن شلعان is offline
:: مراسل أخبار آل علي ::
 





عبدالله بن شلعان is on a distinguished road
 

 

الله يعطيك العافية على التقرير الرائع

 


::: التوقيع :::



 
الرد مع إقتباس
  #7  
قديم 06-12-2009, 01:36 PM
الصورة الرمزية لـ فهده
فهده فهده is offline
عضو دائم
 





فهده is on a distinguished road
 

 

الله يعطيكم العافيه
تمشيه بدون تعب <<< حنا يا المشاهدين
جزاك الله خير

 


::: التوقيع :::

أستغفر الله الذي لااله الا هو الحي القيوم وأتوب اليه
*
الحمدلله والشكرلله كماينبغي لجلالك وعظيم سلطانك


 
الرد مع إقتباس
  #8  
قديم 06-12-2009, 01:44 PM
الباخص الباخص is offline
خبير سياحة وسفر
 





الباخص is on a distinguished road
 

 

مبدع اخوي خالد
مميز في التصوير والتسطير
لاحرمنا الله من قلمك وقلبك يالغالي

اخوك الشاكر لك

 

الرد مع إقتباس
  #9  
قديم 06-12-2009, 05:31 PM
الصورة الرمزية لـ دهران
دهران دهران is offline
مشرف قسم مكشات والرحلات السياحية
 





دهران is a jewel in the roughدهران is a jewel in the roughدهران is a jewel in the rough
 

 







الهدية مقبولة يا طويل العمر وشهادتنا فيكم مجروحة فأنتم الإبداع بذاته



 

الرد مع إقتباس
  #10  
قديم 06-12-2009, 06:28 PM
الصورة الرمزية لـ شقراوية متغربة
شقراوية متغربة شقراوية متغربة is offline
عضو v.i.p
 





شقراوية متغربة will become famous soon enough
 

 

اللـــــــــــــــــــــــــــــــــــه عليك

شي موطبييييييعي

كشته ووناسة ورحلة سياحية ومعلومات تاريخية وعامة..

وش نبي بعد؟؟


اشهد انك ماقصرت....

لاعاد تكشت الا مصوور لو سمحت....

 


::: التوقيع :::

(رب اجعلني مقيم الصلاة ومن ذريتي ربنا وتقبل دعاء)


 
الرد مع إقتباس
  #11  
قديم 06-12-2009, 06:50 PM
الصورة الرمزية لـ محمد السعدان
محمد السعدان محمد السعدان is offline
مشرف قسم ضوء
 





محمد السعدان has a spectacular aura aboutمحمد السعدان has a spectacular aura about
 

 

موضوع رائع جدا

بارك الله بك


صور رائعه تسلم

 

الرد مع إقتباس
  #12  
قديم 06-12-2009, 09:07 PM
الصورة الرمزية لـ بنت الضريب
بنت الضريب بنت الضريب is offline
عضو متميز
 





بنت الضريب will become famous soon enough
 

 

تقرير حلووو

تسلم تسلم

الله يوفقك

 


::: التوقيع :::

سبحان الله وبحمدة سبحان الله العظيم

http://a5.sphotos.ak.fbcdn.net/hphot... 9997507_n.jpg


 
الرد مع إقتباس
  #13  
قديم 06-12-2009, 09:10 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

ماشاء الله ياخالد

تصوير لحظة بلحظة وعشنا الجو والمكان معكم

يمكن يعيبها فقط انكم ماتعيدتوا مع جماعتكم لكن مثل هالطلعة تستاهل التضحية

بارك الله فيك خالد

 

الرد مع إقتباس
  #14  
قديم 06-12-2009, 09:11 PM
وجه الطفوله وجه الطفوله is offline
عضو جديد
 





وجه الطفوله is an unknown quantity at this point
 

 

موضوع اكثر من رائع
والاروع منه هالطبخ الزين مشاء الله
موفقين ان شالله

 

الرد مع إقتباس
  #15  
قديم 06-12-2009, 10:24 PM
الصورة الرمزية لـ عزوف
عزوف عزوف is offline
:: مراسلة المهنا ::
 





عزوف is on a distinguished road
 

 

والله انها طلعتن وش زينها حتى ان عيالي بغو يسيرون عليكم ولكن غصبانهم يعيدون معنا

 


آخر تعديل بواسطة عزوف ، 06-12-2009 الساعة 10:34 PM.
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 06:18 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www