حذراك00حذراك a

آخر المشاركات المطروحة في منتديات قبيلة بني زيد

  معركة ( الثنية ) يارم افزعي لشيحان العقيد الشيخ على بن عطية ( آخر مشاركة : الطايل    |    ب 50 ريال فقط سيكون لك أجر مليون شخص وأجر خمس أوقاف بما فيها بئر للسقيا وجامع (صورة) ( آخر مشاركة : ساكتون    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    أعظم أوقاف القرن الواحد والعشرين فكرة إبداعية في مكة المكرمة داخل حدود الحرم (صورة) ( آخر مشاركة : ساكتون    |    وسّع لصدرك مدامك حي = العمر ياصاحبي مره ( آخر مشاركة : مطول الغيبات    |    اكفل طفل يتيم ب 5 ريال فقط ( صورة ) ( آخر مشاركة : ساكتون    |    مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

حذراك00حذراك

المشاركة في الموضوع
 
خيارات الموضوع طريقة العرض
  #1  
قديم 25-11-2009, 01:51 AM
الصورة الرمزية لـ ريميه
ريميه ريميه is offline
عضو مشارك
 





ريميه is an unknown quantity at this point
 
01 حذراك00حذراك

 



من زمرة الطاغوت حذراك حذراك
لا تبتلي بجروح يصعب دواها



وإلى مشيت اعرف دروبك وممشاك
احرص على نفسك وخالف هواها


أمّارةٍ بالسوء ما هي بتنهاك
اقبض عليها لين يجلى صداها


اقطع نواياها بدينك وتقواك
هلّل وعند الله سريعٍ شفاها


والعين لا تنظر بها من تعدّاك
المحصنه لو تلتفت لك وراها


اصبر على همّك وغمّك وبلواك
عف وتعفف لا يغرّك حلاها


واترك حرام القوت ما هو بيملاك
كل البطون الجايعه ما ملاها


رشفة حلال اتسد جوعك ومضماك
تسوى مشاريب الحرام وغثاها


النار في جوفك وتصلى حناياك
نار الجحيم تزيد للي وطاها


واحفظ لسانك لا يجرك ويبلاك
اخذ الثمينه لو غلى مشتراها


الهرج ميزانك ويكشف خفاياك
كلمة تعيبك لا تبيّن نباها


صون الكلام وصون نفسك ومبداك
للنفس حشمة لا تفصّم عراها


اصمت مدامك عارفٍ سير مجراك
لا تنقل النّمة وتبحث خفاها


يزول قدرك عند أقرب دناياك
لو هو ولد عمّك حياتك جفاها


واحلم تراه الحلم يرفع مزاياك
هو سيّد الأخلاق هو مبتداها


وصّى به المبعوث ما هو بيخفاك
شفعينا يوم الملاقاة طه


خل الجهل لا تجعل الغيظ ياطاك
ترى الجهل سم القلوب وعماها


وإلى ابتليت ارفع إلى الله شكواك
لا بدّها الأيام تكشف غطاها


اصبر يزين الحظ ويزين مرماك
الله يفرجها ويدفع بلاها


لا تمنع المحروم لا من تنصّاك
الناس لأجل الناس وأحسن عطاها


ابذل لوجه الله والله يجزاك
مثل الغروس اتطيب للي سقاها


لا ضاع معروفك ولا ضاع حسناك
إن كانها لله تلقى جزاها


جارك ولو هو جار تسقيه من ماك
عليه لا ترفع يدينك عصاها


أحسن جوار الجار لو كان يشناك
ترى العرب تحشم كلاب اقصراها


بكره يشد ويكتب الله فرقاك
عساه يذكر جيرتك ما نساها


الظلم شين ويجعل النار مثواك
راع الظليمه عيشته ما هناها


فوقك إله العرش عالم نواياك
ينظر قلوب الناس وش محتواها


يسمع بما تجهر وعارف خفاياك
بأمره شروق الشمس ترسل ضياها


هو عالمٍ غيبك وركّب خلاياك
هو خالقٍ فيك العروق ورواها


والضيف له حقٍ إلى حل بحماك
قلّط ضيوف الله وأكرم لحاها


لا تحقر الضيفان واتشح بغذاك
من ما عطاك الله قلّط عشاها


وعليك باللي حزة الضيق يفداك
لا شانت الدنيا ودارت رحاها


لا من زهمته لو على الموت لبّاك
عيني لجل عينك وروحي فداها


ترى الخوي نبراس روحك وملْجاك
لا كلّحت بقعا وزادت غثاها


حذراك من بعض المخاليق حذراك
بعض العرب ما تفرقه من نساها


تايه وضايع بين ذولا .. وذولاك
فيه الجهالة واصلٍ منتهاها

 


::: التوقيع :::



 
الرد مع إقتباس
  #2  
قديم 25-11-2009, 01:55 AM
الصورة الرمزية لـ Tulip
Tulip Tulip is offline
عضو v.i.p
 





Tulip is on a distinguished road
 

 

يعطيتس العافيه

خيتوو

 


::: التوقيع :::

يارب .. الجنة وماقرب إليها من قول وعمل ..


 
الرد مع إقتباس
  #3  
قديم 25-11-2009, 03:16 AM
الصورة الرمزية لـ سلطان المطوع
سلطان المطوع سلطان المطوع is offline
عضو مشارك
 





سلطان المطوع is an unknown quantity at this point
 

 

يعطيك العافية ريمية على القصيدة المليئة بالحكم
بس عتدي سؤال اختي؟
القصيدة لمن....
لانها بصراحة اعجبتني وابغا اعرف لمين ؟

 

الرد مع إقتباس
  #4  
قديم 25-11-2009, 04:15 AM
الصورة الرمزية لـ ريميه
ريميه ريميه is offline
عضو مشارك
 





ريميه is an unknown quantity at this point
 

 

راعيه المغااااتيرر الف شكرر لمرورك شرفتيني

 


::: التوقيع :::



 
الرد مع إقتباس
  #5  
قديم 25-11-2009, 04:18 AM
الصورة الرمزية لـ ريميه
ريميه ريميه is offline
عضو مشارك
 





ريميه is an unknown quantity at this point
 

 

اخي سلطان المطوع000الله يعافيك

والقصيده كما قرات انها لشاعر راشد بن زميع القحطاني

الف شكررر لمرورك الرائع

 


::: التوقيع :::



 
الرد مع إقتباس
  #6  
قديم 27-11-2009, 01:20 AM
الصورة الرمزية لـ ج ــــــووووووري
ج ــــــووووووري ج ــــــووووووري is offline
عضو ذهبي
 





ج ــــــووووووري will become famous soon enoughج ــــــووووووري will become famous soon enough
 

 

قصيدهـ أكثر من رائعهـ "

تسلمين


 


::: التوقيع :::

يا رب ّ

سترك و عفوك و عافيتك يا أرحم الراحمين ..


 
الرد مع إقتباس
  #7  
قديم 04-12-2009, 08:16 PM
دايم الخير دايم الخير is offline
عضو نشيط جداً
 





دايم الخير is an unknown quantity at this point
 

 

قصيدة رائعة مليئة بالنصائح والحكم التي نحتاجها لتهذيب اخلاقنا


تسلمين ويسلم غاليك على النقل الجميل



دمتي بخير

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 09:00 AM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www