كل مادقيت في مانشستر وتد ..من رداة الحظ وافتني حصاة a

آخر المشاركات المطروحة في منتديات قبيلة بني زيد

  أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |    اعمل هذا العمل البسيط لكي لاتفوتك صدقة ليلة القدر صدقة 83 سنة بإذن الله (صورة) ( آخر مشاركة : ساكتون    |    هل تريد ان تكون لك سقيا صدقة مدى الحياة بإذن الله (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الــفصــيح والـفـرائـد الأدبـيـة > نزف القلم
التّسجيل   جعل جميع المنتديات مقروءة

كل مادقيت في مانشستر وتد ..من رداة الحظ وافتني حصاة

المشاركة في الموضوع
 
خيارات الموضوع طريقة العرض
  #1  
قديم 14-11-2009, 01:33 AM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 
New1 كل مادقيت في مانشستر وتد ..من رداة الحظ وافتني حصاة

 



كل مادقيت في ارضن وتد
من ردات الحظ وافتني حصاة


قصه من تأليفي
****





(الصوره من النت)

المكان محطة انتظار الباص في مانشستر ...على هالعنوان المفروض المكان
في شعيب من شعبان القويعيه
لكن فعلا المكان هو محطة الباص في مانشستر ...خالد ينتظر الباص وهو يتحلطم ويكلم نفسه ؟؟؟!!
ليه كذا يبه ليه..ليش فارس ولد عمتي .. يقولك اني كنسلت سميستر كامل وتصدقه
تسفه اتصالاتي والسبه هالفتيني الله لايعيده هو وزيارته ...طبعا هذي مقدمه لرسالة
خالد الطويله اللي قرر يرسلها لايميل ابوه الليله بما انه ماعاد يرد على جواله ؟؟؟!!
****
الساعه 4 بعد الظهر (لاحظوا ماقلت العصر) عشان تناسب الاجواء البريطانيه
المهم الساعه 4 وخالد راجع من الجامعه و يحاول يفتح باب بيت العائله اللي هو ساكن معهم
وهو يحاول يفتح الباب فجأه
(هوهوهوهوهوهو)
كلب العائله نبح عليه نبحة وش طوووووولها خلته ينقز من العتبه ويلعن فيه هو
وفارس مدري وش دخل فارس ؟؟؟
دخل خالد ...وقال ناسي
(يااااولد)
عقب تذكر انه في مانشستر بالتحديد في بيت العم (اندرو) مهوب في بيت العم (دحيم) اللي في البديعه ؟
!!
وهو داخل..... شباك الصاله كانت مفتوحه والهواء برا كان قوي ومن قوته صفق بالباب
الا طلعت عليه زوجة العم اندرو الخاله عراوي
كذا يسميها خالد عند ربعه والا هي اسمها مرسيدس !!!
طلعت عليه وكرشته طبعا بالانجليزي
يعني مهوب كرشته كرشته .....وبخته بشويش ؟
خالد خلقه متنرفز من ابوه:105:
اللي قطع عنه المصروف ومن فارس ومن كلب عراوي؟!
تأسف منها بس انه خنفس وقعد بغرفته ولا طلع يتعشى ذيك الليله
الله ياهالعشا الحمدلله على النعمه كلها 7زيتونات ونص واربع بيضات
وحده له ووحده للعم اندرو ووحده للخاله عراوي ووحده لبنتهم
باربرا (وكانت اسم على مسمى)
بربرتها وااااجد ؟؟؟؟
*****




(الصوره من النت)
بسم الله الرحمن الرحيم

والدي العزيز مساك الله بالخير وشلونك عسى ظهرك اشوى اليوم ؟
عسى ماشر ليش ماترد على اتصالاتي لايكون زعلان علي عقب
سالفة فارس ..ليش الى الحين ماانت مصدق اني ماحذفت سيمستر
كامل ...كل السالفه اني الغيت دراستي في معهد اللغه ...لاني مو محتاج
له ...الحمد لله لغتي تحسنت ؟؟؟لكن دراستي بالجامعه لازلت منتظم فيها ..
اتمنى ان الصوره توضحت لك يالغالي ...سلامي لاخواني ولخالتي نوال ..

***
ارسلها خالد لابوه ...وتمدد عقبها على السرير
(قررررررر) هذا صوت بطن خالد ... يوم سمعه
تذكر انه ماتعشا من ضيقة الصدر...الحين وش ياكل
مستحيل تخليه الخاله عراوي ياكل شي ....هي محدده له
وجبتين (الفطور وخيرته بين الغداءوالعشاء )اختار العشاء
بحكم ان وقت الغداء يكون في الجامعه ...
في هاللحظه خنقته العبره وتذكر بيتهم في الرياض يدخل
المطبخ على كيفه وياكل على كيف بطنه ؟! وياما من مره
حاس المطبخ على خالته نوال (مرة ابوه) المسيكينه توه يعرف فضلها
في هالغربه ....
خالته نوال يااااااالله ؟؟؟؟وشلون راحت عن باله انه يدق عليها ؟؟؟!!!
فكر خالد :بس اخاف انها نايمه الساعه عندهم بالرياض 1 الليل
ثم قرر:من اصبح افلح ...خل آكل هالتويكس اللي في درجي اشوى اني شريت حبتين قبل البارحه
واسد به جوعي ...الشكوى لله ...(يااااخ تووووف ) استغفر الله وش ذا
غريبه مو منتهيه مدته ..وطعمه فليت ؟؟!!
انا وش فيني وين مااطقها عوجا ؟؟؟
خل انام ابرك لي (اللهم اني نويت الصيام الى الساعه 7الصباح وان ماامداني على الفطور
اللهم اني نويته الى الغداء)
بسم الله ....وراح خالد في خامس نومه لو انه متعشي صارت سابع نومه
بس المسيكين صار نومه متقطع ...كل شوي ينقز يشيك على ايميله
كود ان ابوه رد عليه ؟؟؟؟؟؟



يتبع



 

الرد مع إقتباس
  #2  
قديم 14-11-2009, 08:40 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 






الصوره من النت


كاااااااااليد .....كااااااااااااليد

ياسلام وش هالصوت الملائكي اللي يقومني
فعلا اول مره خالد يحس ان صوت باربرا البشع صار حلو
واخيرا (حان وقت الافطار) ؟!!

****

طلع خالد من غرفته وطبعا كان اول واحد يجلس على الطاوله
واكل واكل واكل ا لين قال بطنه ياخي ارحمني ماعاد
فيه مكان ؟؟؟!!
ويوم خلص تأسف للي حوله انه اكل بهــ الشراهه
بحكم انه البارحه نام من غير عشاء ..وعلمهم عن
التويكس اللي بغى ياكله يوم حس بالجوع ...بس لقى طعمه فليت ؟؟؟

****

طالعته باربرا باستغراب عقب جلست تكركر من قلب؟؟؟؟
اعترفت انها هي اللي رشت الفليت لانها امس الصباح
جلست تطارد صرصور دخل غرفته وماخلت مكان الا وبخته
بفليت ومع ذلك فلت من يدها ؟؟؟؟
خالد :#$*&%### الله يقطع هالخشه اللي ماحلاها ربي
والله لو مافيكِ بوهة من روان اختي ان كان من زمان وانا ساحب عليك ؟؟؟!!

***
ركب خالد الباص بسرعه قبل لايربص هو وهدومه بالمطر
ويوم تواسى في محله جلس يطالع السحاب المتراكم ويتأمله
بحزن.....



حدر وجنب ياسحاب وروح يم ديرة الاحباب
ديرة ابوي وعمي ديرة لادخلتها ينجلي همي

**
دخل خالد الجامعه وفي راسه مليون سؤال:

ليش ابوه مارد على ايميله؟
وليش خالتي نوال ماترد على جوالها؟

وليش ابوي ماحول لي فلوس ...من جده مصدق سالفة الالغاء؟؟؟

وليش الجامعه اليوم فاضيه ؟؟؟

فاضيه ؟؟؟!!!

(اووووف ) قالها خالد وهو يخبط جبهته بكتابه !!!اليوم عطله ؟؟؟!!

خالد خالد خالد
التفت يم الصوت الا هذا رفيقه عبدالله واقف عند البوابه ومعه مظله ؟؟؟
عبدالله صديقه لكن مهوب اعز اصدقائه ...والسبب فيه لقافة زايده
وبثارة فايضه ؟!

(ها ها ها شكلك ناسي ان اليوم اجازه)

استحى خالد وقال : لا ادري ادري بس قلت
خل اروح ادور كتابي ناسيه
اي كتاب ؟؟قالها عبدالله بخبث؟؟
خالد..ياشيخ حل عني ترا ماني فايق ولا رايق لك
ايه ناسي ارتحت ؟؟؟؟؟؟

فيك شئ ياخالد قل لي وانا اخوك فضفض لاتستحي؟؟!!

خالد:اول شئ خل نروح نشرب لنا قهوه احس اني مصدع
عقبها اقولك وش فيني!


يتبع



 

الرد مع إقتباس
  #3  
قديم 15-11-2009, 09:34 AM
الصورة الرمزية لـ ابوالعبد البلوي
ابوالعبد البلوي ابوالعبد البلوي is offline
حلم لم يكتمل . . !
 





ابوالعبد البلوي is an unknown quantity at this point
 

 

< يحتسي القليل من الشاي وياكل فصفص ويقرى القصه

< متابع وينتظر مابعد يتبع

عوافي رنين الحروف

 


::: التوقيع :::

اللهم آشفي وآلدي ومتّعه بالصحه والعافيه ، ، واشفي جميع مرضى المسلمين . . } ~ (F)


 
الرد مع إقتباس
  #4  
قديم 15-11-2009, 11:43 AM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

روعه شدتني باسلوبها السهل الشيق ..

متابعه لك رنين ,, لا تبطين

 

الرد مع إقتباس
  #5  
قديم 15-11-2009, 12:16 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 

لي عوده مع ردوكم بارك الله فيكم

::::::::::::::::





(الصوره من النت)


بس هذي كل السالفه ياعبدالله ؟!
عبدالله :ولاتضيق خلقك ياخالد ولايهمك رقبتي سداده
اللي تبي وانا اخوك من ميه لمية الف انت بس آمر ..
قسط الجامعه وفلوس العم اندرو ..كلها ان شاءالله
بتتسدد ...

ابتسم خالد وتغير موده ...مو عشانه بيسلفه
لكن لان عبدالله زاد في عينه ؟؟!!!
خالد ...تسلم والله ...صدق من قال الصديق عند الضيق
انا من شفت عقالك مايل وحنا في المطار وانا داري انك
نشمي ولد نشمي ...

ايه على طاري العقال ...فيه سؤال يقرقع في قلبي
من مده؟!
تواسى خالد وحط يده تحت خده لاهمية السؤال القادم بالنسبه له طبعا ؟؟؟!!!
ليش مالبست بدله في المطار وليه غيرت
في حمام الطياره وليش مالبستها في البيت ؟؟؟؟

عبدالله وهو يحك اذنه بمفتاحه :وش اسوي ياخوك بيتنا ذاك اليوم كان
مليان .....عمااااني وخواااالي ؟! يارجال استحيت منهم !
مع العلم انه الوالد قال ...ماعليك من احد البس وانا ابوك بدله وكرافته
بس قلت مهوب لازم الثوب ابرد ؟؟؟!!!

خالد ...ايييييييه بدله وكرافته ؟؟؟..اشوى انك لبست الثوب ابرد
*****

(الصوره من النت)

الساعه 8 الا ربع وقت غياب الشمس في مانشستر ...خالد في غرفته
يتعبث بجواله ويهندس فيه الا لمح زول ابيض من شباك
غرفته ... حك عينه بعدين قال يمكن يتهيأ لي ورجع يهندس بجواله ؟؟؟
لمح الزول مره ثانيه لكن المره هذي واضح
شاف راس وش كبره وعيون سود لها دموع من الدم
وشوشة منفوشه وجه مخيف بكل معنى الكلمه ؟؟؟ّ
خالد نقز من فراشه وقام على حيله وجلس
يقرأ المعوذات ويسمي ونفسه شوي وينقطع ...
(بسم الله علي وعلى ذريتي ) <<مع العلم ان ماله ذريه
الوجه اختفى ...خالد جته شجاعه مفاجئه فتح الشباك
بسرعه وطل منها الا هذي (باربرا ) منسدحه تحت الشباك
وتقول له وهي ميته عليه من الضحك (هااااااابي هالوين)

خالد ....في ذيك اللحظه مسك اعصابه كالعاده
وعد للعشره ....قال في نفسه (هذي مشكلة اللي يسكن عند ناس ولهم بنت خبله)
(آبوك آبو من جابك ...انتِ ماتدرين ان ترويع المسلمين
هالحزه مهوب زين روحي مارسي شعائرك بعيد ياالخبله )

***

(الصوره من النت)


بعد نصف ساعه الخاله مرسيدس نادت على خالد يتعشى
طلع خالد لقاهم مسويين وليمه بمناسبة الهالويين
انبسط وشبع المسيكين وأكل عن اليوم وعن الايام الجايه
لاول مره يتمنى انه يصير بعير ويخزن في سنامه
خلصوا من الاكل واللي عنده كلمه قالها ...خالد قال ( بالانجليزي):
اكرمكم الله وكثر خيركم وعلى هالعشاء الزين الله يجعل ايامكم كلها مهلونه
ويعافي بنتكم ويشفيها من الخبال ...

باربرا ...ماتزعل من خالد وتحب فيه روح النكته البارده ضحكت على
كلامه وجلست تقص لاهلها وشلون روعته وخوفته؟؟!!






يتبع

 

الرد مع إقتباس
  #6  
قديم 15-11-2009, 01:04 PM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

هههههههههه

ممتعه

تسلمين .

 

الرد مع إقتباس
  #7  
قديم 15-11-2009, 09:25 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 

إقتباس
المشاركة الأصلية بواسطة ابوالعبد البلوي
< يحتسي القليل من الشاي وياكل فصفص ويقرى القصه

< متابع وينتظر مابعد يتبع

عوافي رنين الحروف

خخخخخخخ انتبه لاتكب الشاهي عاد من التحمس <<<ياشين الثقه :)

تسلم على المتابعه بارك الله فيك

 

الرد مع إقتباس
  #8  
قديم 15-11-2009, 10:33 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 

إقتباس
المشاركة الأصلية بواسطة ذكريات الطفوله
روعه شدتني باسلوبها السهل الشيق ..

متابعه لك رنين ,, لا تبطين

والاروع مرورك بارك الله فيك

 

الرد مع إقتباس
  #9  
قديم 15-11-2009, 11:55 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 








الصوره من النت

اليوم اول ايام ديسمبر ...والشمس على غير العاده في مانشستر طالعه
خالد طلع من البيت وهو عجل يبي يلحق على مكتب الخطوط السعوديه ...
وعساه يلقى حجز للرياض ؟؟؟ماكان مقرر يسافر إجازه الكريسمس لكن
زعل ابوه خلاه يغير رأيه ...قرر يسافر ويطيب خاطر الوالد
ويرضيه ؟؟؟


الصوره من النت

وهو في الطريق انتبه لوقت صلاة الظهر ...دخل المسجد
وصلى الظهر معاهم وسلم على صديقه حمزه ...
حمزه هذا بريطاني من اصول افريقيه و يعز خالد كثير ... وخالد بعد يعزه اكثر واكثر
جلس يسولف معه نص ساعه ..عقب ودعه قبل لايسكر المكتب ؟؟؟
ووعده بزياره ثانيه وانه ان شاءالله بيصلي بكره الظهر معهم ...
رغم انه هــ المسجد بعيد شوي عن بيت
العم اندرو وفيه مسجد ثاني اقرب؟!

....



الصوره من النت

دخل المكتب ولقى اغلب الزبائن من الطلبه والشئ هذا غير مستغرب
كلن بيروح لاهله خصوصا انه عيد الاضحى هـ السنه يتزامن مع الكريسمس

جلس على اقرب كرسي الين تخف الزحمه شوي ؟
1\2 الزبائن من طلبة الجامعه ...سلم خالد على اللي يعرف منهم
ودار بينهم مناقشات كثيره واغلبها عن الجامعه والملحقيه
ومشاكلها ومتى بيلحقونك بالبعثه يافلان ومتى يجي دورك ياعلان؟
بعدها رجع خالد وجلس على كرسيه
وقعد يقلب بالبروشرات والمجلات من الملل ...شوي الا ويلمح
واحد قد شافه بس مايدري وين ...وين ياخالد ...وين شفته فيه؟؟؟؟؟
جلس هالشخص في الكرسي اللي مقابل لخالد ...خالد كل شوي
يرفع راسه الا يبي يعرف وين شافه فيه ...الرجال يوم شاف
خالد يطالع فيه ابتسم له ...
خالد رد له الابتسامه ...بس لقيته ! هذا ان كاني ماني واهم مذيع سعودي؟؟؟؟
خل اسلم عليه ؟؟؟واشوف ؟؟؟ماهي من عادته اللقافه ...لكن هــ المره
مايدري ليش الا بيعرف من هو هالشخص؟؟؟؟
خالد رفع راسه ثانيه وهالمره ابتسم وقال السلام عليكم؟؟؟؟
رد الشخص اللي مقابل له : وعليكم السلام ورحمة الله وبركاته
:

:

سامحني على اللقافه ....قالها خالد وهو مستحي ؟؟؟بس
انا شايفك لكن مدري وين ؟؟؟؟انت يامذيع ياممثل ؟؟
صح والا انا غلطان ؟؟؟؟
ضحك الرجال وقال ...غلطان ....انا لاعب ؟؟
ايييييييييييه عرفتك عرفتك ....سامي الجابر ؟؟؟
اللاعب قال وهو يضحك :ماشاءالله مبين عليك تحب الكوره ؟؟؟
انا مو سامي الجابر انا


"




"




"



ياسر القحطاني


يتبع

 

الرد مع إقتباس
  #10  
قديم 16-11-2009, 12:16 AM
الصورة الرمزية لـ ~ALReeM~
~ALReeM~ ~ALReeM~ is offline
عضو دائم
 





~ALReeM~ is on a distinguished road
 

 

رووعهـ

بلــيز كملي ..~

 


::: التوقيع :::

يمـآهـ الآختبآرآت جآآت"
إضغط على الصورة لمشاهدتها بالحجم العادي


 
الرد مع إقتباس
  #11  
قديم 16-11-2009, 03:10 AM
الصورة الرمزية لـ ابوالعبد البلوي
ابوالعبد البلوي ابوالعبد البلوي is offline
حلم لم يكتمل . . !
 





ابوالعبد البلوي is an unknown quantity at this point
 

 

إقتباس
ايييييييييييه عرفتك عرفتك ....سامي الجابر ؟؟؟
اللاعب قال وهو يضحك :ماشاءالله مبين عليك تحب الكوره ؟؟؟

ههههههههههههههههههههههههههههههههههههههه


رنين الحروف ياكثر يتبع عندك

 


::: التوقيع :::

اللهم آشفي وآلدي ومتّعه بالصحه والعافيه ، ، واشفي جميع مرضى المسلمين . . } ~ (F)


 
الرد مع إقتباس
  #12  
قديم 16-11-2009, 04:47 AM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

متابعه وبشغف ..

 

الرد مع إقتباس
  #13  
قديم 16-11-2009, 10:50 AM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 

لي عوده مع ردودكم بارك الله فيكم

:::::::::::


(الصوره من النت)

اجل انت ياسر القحطاني ....قالها خالد بصوت عالي خلت
كل اللي في المكتب يلتفتون عليهم ؟؟؟!!!! وطبعا عن عمد
مسويها ...لانه تورط مايدري وش يقول ؟؟؟
لاهو يحب الكوره ولا الكوره تحبه ..
دق جوال خالد في الوقت اللي تجمعوا فيه الطلاب حول ياسر
طلع من المكتب عشان يسمع زين ؟
الا هذي باربرا على الخط وتطلب منه يرجع بسرعه
سألها فيكم شئ ؟
قالت لا بس ضروري لازم ترجع؟؟
قال هلا طيب بس احجز واجيكم بسرعه...قالت له لاااااااااا لاتحجز !!!!
:::
هاااااه وش فيها ذا الخبله تقول لاتحجز وتبيني ارجع ضروري ؟؟
خل اكلم احدٍ عاقل من اهلها يعطيني العلم ...اتصل على امها
ونفس الشئ طلبت منه انه يرجع؟؟؟؟!!
لاااا وش السالفه ...احتار خالد عقب قرر يرجع
الشكوى لله ..


(الصوره من النت)

قبل مايوصل لــ بيت العم اندرو بشوي ..كان فيه حركه غير طبيعيه قدام البيت
الكلب ماكان في مكانه وين راح ؟

وفيه سياره عند بابهم على غير العاده !


بعدين شاف الكلب جاك يمشي لكن ماهو لوحده !

معاه ولدين واحد تقريبا عمره 15 سنه والثاني اصغر بكثير
يمكن عمره 5سنوات ؟؟

ياحليلهم بنفس اعمار خوانه وليد وطلال ؟؟!!

قرب خالد عند البيت فجأه طلعت باربرا ومعها ؟؟!!!



؟



؟

روان اخته ,روااااااان قالها خالد بصوت عالي وهو مو
مصدق عيونه شوي الا ويلتفت يم الولدين ...الا هذا وليد
وهذا طلال اخوانه...كان بيسلم بس ماخلوا له فرصه
وليد نقز وتعلق بظهره ...وطلال خم سيقانه وروان تعلقت
برقبته كلن على حسب طوله ؟!

وهو بس يردد متى جيتوا ؟متى جيتوا ؟ولا احد جاوبه ؟؟؟
في الاخير قال :زين وين ابوي ؟؟؟

روان :ابوي داخل هو وامي ..
دخل خالد بسرعه لقى ابوه وخالته نوال
واندرو ومرسيدس في الصاله ..سلم على ابوه وحب راسه
وسلم على خالته نوال بس ماحب راسها ...(ماتحب احد يكبرها )
:::

جلسوا عشر دقايق ...عقبها استاذنوا من اندرو واهله
وخذوا خالد وراحوا يتغدون في المطعم....


وطول الطريق كان طلال في حضنه مهوب مصدق انه شاف اهله

اخباركم ...سألهم خالد وهو مستانس ...

ابد والله طيبين ...ليش جوالك مسكر؟سأله ابوه ؟

علمهم خالد انه غير رقمه من اسبوع ...وماقدر يعطيهم اياه
لانهم ماردوا عليه ؟؟لا بالجوال ولا بالايميل ؟

متى كلمتنا ؟؟؟لايكون يوم حنا في المزرعه ؟؟
من 3 اسابيع رحنا لمزرعتنا وجلسنا اسبوع؟وتعرف مافيها اتصال
وخليت جوالي في البيت مااخذته معي ...
ويوم رجعنا دقينا عليك مارديت ؟؟؟
المهم قلنا مالنا الا ناصلك ونتطمن عليك !
وجبت اخوانك معي تعرف عندنا اجازه الحين.
خالد:طيب يوم رجعت ماشفت ايميلي ؟
لاوالله وانا ابوك انشغلت ولا فتحت النت الى يومك هذا ...

وصلوا لمنطقة روشوم وقرروا يتغدون في مطعم كريم وهالمطعم من اشهر
المطاعم الهنديه في مانشستر ...

نزلوا ومشى خالد ورا وليد اخوه ...بعدين انتبه لــ اللبس اللي على وليد
قال خالد : وش هاللبنطلون اللي انت لابس؟
روان:هذا اسمه بنطلون(طيحني)
خالد: اي طيحني هذا طاح وانتهى؟؟؟!!!
وليد:خخخخخخ هذا وانت في بريطانيا المفروض
تكون باخص الموضه ..
خالد:ان كان الموضه كذا الحمدلله اني مابخصتها !

يتبع

 

الرد مع إقتباس
  #14  
قديم 16-11-2009, 02:48 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 




:::::

(الصوره من النت)

مسافرين بريطانيا وفي الاخير تغدونا في مطعم هندي اشوى ان ماعندهم مطعم سعودي
ترا ماتعوق مع ابوي بيغدينا مندي ؟؟؟


خالد: ياحليلك ياروان انتِ الى الحين تحنين ماخليتي طبعك
نوال:ماشفت شئ ياخالد تصدق كلما تكبر كلما تزيد حنتها
هذا الشبل من ذاك الاسد قالها ابو خالد وهو يضحك

نوال وهي رافعه حاجب ومنزله الثاني :وش قصدك؟
قصدي انها حلوه مثلك ؟؟؟عرف يصرفها ابو خالد

خالد:وليد مين تتوقع شفت اليوم؟
وليد :مين؟

خالد:ياسر القحطاني
وليد:ايييه فعلا انا قريت انه مانشستر طالبته ينضم لهم
خالد:مانشستر مره وحده
وليد:ايه وهم بعد بياخذون ياسر مره وحده ؟؟؟ هذا القناص ؟؟؟
....
اهل خالد جلسوا في بريطانيا حول الــ10ايام قضوها بين مانشستر ولندن
آخر يوم ودعهم خالد في المطار وساعة دخولهم للمطار ...خالد حس انه الدقائق والساعات والأيام صارت تمر بطيئه
:::::

:::::::::::::::::::


(الصور من النت )


اليوم الاحد وتحديدا 15ديسمبر
اول ايام اجازة الكريسمس ...خالد قرر مع بعض الطلبه اللي ماراح ينزلون لاهلهم
يطلعون لديره قريبه وبعد مشاورات كثيره قرروا يروحون
لباريس عن طريق قطاراليورو ستار
وصلوا الشباب لندن وبالتحديد محطة واترلو الساعه 4
وحجزهم كان الساعه 5....
جلسوا في المحطه ينتظرون
كانوا 3... عبدالله وهشام وخالد
عبدالله طبعا تعرفونه اما هشام فهو صديق خالد الصدوق
في المحطه جلسوا في قهوة كوستا ...
وكلن على همه سرى ...هشام كان يهندس بكاميرته
يركب ميموري ويطلع الثاني ؟؟؟
خالد يطقطق باللاب ويشيك على ايميلاته بما
ان خدمة النت مجانيه ...
عبدالله استغل الجلسه الهاديه
والرواق طلع ورقه وقلم وجلس يكتب خاطره :

يانقطة خضراء في حيااااااتي

ســأسمعك كل حروفي وكلماااااتي
::
خالد:عبدالله ترا ماحولك احد مهنا الاانا وهشام اللي نسمعك
وماهقيت ان حنا نقطة خضراء في حياتك الله العالم انها سودااااء

هشام بلهجته الحجازيه المحببه: ايشبك ياخالد سيب الولد يعبر
عن حبه ويفضفض ..فضفض ياعبادي ؟؟؟!!
عبدالله طنشهم وكمل كتابة خاطرته :

يانقطة خضراء في حيااااااتي

ســأسمعك كل حروفي وكلماااااتي

كل مابخلتي في حبكِ ياسيدتي سأقول لكِ هاااااتي
::
خالد وهو يطقطق على اللاب ويضحك:عاد لاتصير حقنه ياعبدالله ...
ماتحبك خل تنقلع في الشيطان؟؟!! اللي خلقها خلق غيرها ؟؟؟!!

يتبع


 

الرد مع إقتباس
  #15  
قديم 17-11-2009, 01:29 AM
الصورة الرمزية لـ عنود شقراء
عنود شقراء عنود شقراء is offline
عضو مثالي
 





عنود شقراء is an unknown quantity at this point
 

 

عوافي رنين
أبدعتي والله

<<< تذكرت اخوي وانا اقرى قصتك الله يرجعه بالسلامه ..

 


::: التوقيع :::



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 09:53 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www