شــــــــــــــاعرات من البــــــــــــــــــــــادية a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

شــــــــــــــاعرات من البــــــــــــــــــــــادية

المشاركة في الموضوع
 
خيارات الموضوع طريقة العرض
  #1  
قديم 01-11-2009, 11:51 PM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 
B9 شــــــــــــــاعرات من البــــــــــــــــــــــادية

 

السلام عليكم ورحمة الله وبركاته


*يحكى ان بنت عقاب العواجي العنزي غزيه فقدت أهلها ولجأت الى عمها، وكان له ابن احبته، فسافر في طلب الرزق مع صاحب له يدعى عيد فتغيبا مدة تقارب ثلاث سنوات ثم رجع صاحبه عيد وكان هناك رجل
يرغب الزواج من هذه الفتاة لكنه يعلم انها لن تقبله لحبها لابن عمها فقابل عيداً وقال له: لك عندي جمل إن أشعت ان ابن عم غزيه قد توفي.. لعلها تتزوجني بعد ان تيأس منه فلبى عيد طلبه وأشاع الخبر ان صاحبه
ابن عم غزيه قد مات فلما سمعت بالخبر أنشدت تقول:




تعززوا للـي عشيـره تنـوى
يم الشمال وحط حوران دونـه
اقفى وخـلا لـه يتيـم يلـوى
واليه عمامٍ ليتهـم يرحمونـه
فات الربيع وعشب الاجراد لوى
واخانة الطرشان ما يذكرونـه
يا عيد اسالك بالولي كيف سوى
هو ميت والا أهلـه يرتجونـه




*الشاعرة هلّة الهتيمية فقد تغزلت بمحبوبها وكانت تخفي حبها فتقول فيه:




كان أنت في دو الخـلا تمتنينـي
فأنا ترانـي كـل يـوم اتمنـاك
وان كان بالخافي تجـر الونينـي
وتمتنيني أكثر لعن أبو بطنٍ اضناك
حبك حرم على كثرة النوم عينـي
ريفي مراعاتك وشفـي بطريـاك
لاعاد عرفٍ صار بينـك وبينـي
أخـاف يـوردن حـبـل الأدراك


*الشاعرة نورة الهوشان الرشيدية وكانت تقطن في عين الصوينع في السر بنجد، وكان بينها وبين زوجها اختلاف أدى الى طلاقها ومرت بزرعه، فتذكرت أيام ألفتها السالفة، وما حدث اخيراً من جفوة وطلاق فقالت:




يا عين هلي صافي الدمع هليـه
وإذا انتهى صافيه هاتي سريبـه
يا عين شوفي زرع خلك وراعيه
شوفي معاويده، وشوفي قليبـه
إن مرني بالدرب ما أقدر أحاكيه
مصيبـة يـا ويّ والله مصيبـة
اللي يبينا عيت النفـس تبغيـه
واللي نبي عجز البخت لا يجيبـه


* والشاعرة بخوت المرية تفضل بيت الشعر على بيت الطين وعيش البادية على عيش الحاضرة فتقول:




وجودي على بيت الشعر عقب بيت الطين
وجودي على شـوف المغاتيـر منثـره
وجودي على خوة هل الموتـر المقفيـن
وجودي على شوف السهل من ورا الحره
ليا حلوا البدوان وصاروا علـى بيتيـن
ومن كان له خـلٍ مـع ذاك مـا غـره



* وأخيراً نختم هذا العرض بهذه المساجلة الشعرية بين الشاعرة مويضي البرازيه المطيريه وأختها بنّا التي تمدح زوجها وتنتقص زوج اختها مويضي تقول بنّا:




شوقي غلب شوقك على هبة الريح
ومحصلٍ فخر الكـرم والشجاعـه
ركاب شوقي كل يـومٍ مشاويـح
وإذا لفا صكـوا عليـه الجماعـه
يالبيض شومن للرجال المفاليـح
لا تقربن راعي الـردى والدناعـه



فأجابتها أختها مويضي بقولها:




ما هو بخافيني رجـال الشجاعـه
ودي بهم بس المناعيـر صلفيـن
اريـد منـدسٍ بوسـط الجماعـه
يرعى غنمهم والبهـم والبعاريـن
وإذا نزرتـه راح قلبـه رعاعـه
يقول يا هافي الحشا ويش تبغيـن
وان قلت له هات الحطب قال طاعه
وعجلٍ يجي بالقدر هو والمواعيـن
لو اضربه مشتـدةٍ فـي كراعـه
ما هو بشاكيني ولا الناس داريـن
* هذه شاعرة تدعى نفلاء من المساردة من قحطان أراد زوجها السفر وعندما شرعت في خرز قربته التي سيحمل فيها الماء في سفره أنشدت هذه الأبيات تداعب زوجها وتتمنى عودته من سفره:




أبا أرقع صميل القرم حامي عقاب القود
أربـه إذا مـا راح يذكـر معازيـبـه
من خوفتي يظما ليا درهـم الجلعـود
ليا عرضوهـن تختـخٍ عـاويٍ ذيبـه
وحالي عليهم مثال حال أزرق مضهود
وزادوا على حمله وكثـرت شواذيبـه
الله على ما راك يا صاحبـي وتعـود
متى عوض الأنضا من جنوبٍ تلفي به


ارجو ان لايكون هناك خطاء في القصص واذاوجد فالعذر
وارجو ان ينال اعجابكم ..

 

الرد مع إقتباس
  #2  
قديم 01-11-2009, 11:58 PM
الصورة الرمزية لـ جدلاء
جدلاء جدلاء is offline
تراتيل النقاء
 





جدلاء will become famous soon enough
 

 

بصراااااااحه ما عرفت منهم الاا موضي البرازيه

نفسي تمنينى رجاال الشجاعه .... ودي بهم مير المناعير صلفين

وهذا البيت المشهووور <<<< دايم اسمعه

مشكووووووور

 


::: التوقيع :::




فل الحجاااج وخل عنك الهواااجيس ...... كلن يموت وحاجته ما قضاها


 
الرد مع إقتباس
  #3  
قديم 02-11-2009, 12:13 AM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 

 

الاخت / جـــــــــــــــدلاء

شكــــــــــــــــــــــرا للمرور

 

الرد مع إقتباس
  #4  
قديم 02-11-2009, 12:25 AM
الصورة الرمزية لـ موج الغلا
موج الغلا موج الغلا is offline
عضو مجلس الإدارة
 






موج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of light
 

 

مختارات رائعه

اذكر عند ابوي كتاب اسمه كذا ( شاعرات من الباديه )

ملاحظة اتمنى ماتزعلك ( بس لو حطيت فواصل او رقمت القصص افضل.. احس الموضوع داش ببعض )

ابو فارس .. الله يعطيك العافية

 


::: التوقيع :::

رحم الله جسداً تحت الثرى لم يفارقني الحنين اليه
الله يرحمك يا ( ابوي ) ويغفر لك ويسكنك فسيح جناتة


 
الرد مع إقتباس
  #5  
قديم 02-11-2009, 12:37 AM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 

 

الاخت / موج الغـــــــــــــلا
اشكرك للمرور اولا
وثانيا اشكرك للملاحظة وهي في محلها فعلا0

 

الرد مع إقتباس
  #6  
قديم 02-11-2009, 12:43 AM
الصورة الرمزية لـ A.D -ALjebreen
A.D -ALjebreen A.D -ALjebreen is offline
عضو نشيط جداً
 





A.D -ALjebreen is an unknown quantity at this point
 

 

يعطيك العافية ابو فارس


مختارات رائعة

 


::: التوقيع :::






 
الرد مع إقتباس
  #7  
قديم 02-11-2009, 08:23 AM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 

 



ابو عبدالرحمن شكرا للمرور لاهنت

 

الرد مع إقتباس
  #8  
قديم 02-11-2009, 06:40 PM
الصورة الرمزية لـ غيوض
غيوض غيوض is offline
عضو نشيط
 






غيوض is an unknown quantity at this point
 

 

يعطيك الف عافيه
موضوع جميل لك كل الود

 

الرد مع إقتباس
  #9  
قديم 02-11-2009, 10:56 PM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

إقتباس
اللي يبينا عيت النفـس تبغيـه
واللي نبي عجز البخت لا يجيبـه


كثير ما نسمع ذا البيتين ونرددها .

بس لأول مره اعرف قائلها ومناسبتها ..!

يعطيك عافيه أبو فارس الرياض

 

الرد مع إقتباس
  #10  
قديم 02-11-2009, 11:11 PM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 

 



الاخوات غيوض**** ذكريات الطفولة

تحية لكم واشـــــــــــــــــــــــــــكركم للمــــــــــــــرور

 

الرد مع إقتباس
  #11  
قديم 03-11-2009, 11:59 PM
الصورة الرمزية لـ الجازي
الجازي الجازي is offline
 





الجازي is a glorious beacon of lightالجازي is a glorious beacon of lightالجازي is a glorious beacon of lightالجازي is a glorious beacon of lightالجازي is a glorious beacon of lightالجازي is a glorious beacon of light
 

 

الله على القصيد الزين مهب مثل شاعراتنا هالحين حبني واحبك وضمني يمال المصع لا ومن زين الوجه هالحين يشاركن بشاعر المليون

/
اسمح لي يا أبو فارس فيه قصائد اعجبتن وودي اضيفها :

:
الشاعره ذكر بنت شويحط الشمريه
قصيدة في ابنها دهش تأخر وطال غيابه في سفره وصارت
تتحسس اخباره من المارين المسافرين


نطيـت انـا راس ملمومـه
وادمـوع عينـي ذواريفـي
ارقب على اللي ورى الحومه
اقفـا ولا مـن مصاريفـي
قمت اتنشد عـن اعلومـه
راع البكـار المواجيـفـي
والنجر عقبه علـى نومـه
هـو والـدلال المهاديفـي
وايضاً لها توجد على ابنها دهش عندما طول غيابه :
لايادهش علمي بكم بالضحيه
واليوم هذا التوم بيـن هلالـه
ودموع عيني سيلن الشغيـه
مثل صبيب السحب سود خياله
البارحة عيني عن النوم عيـه
حتى ضحى اليوم مما جرالـه
عقلا وربعه لارمتهـم بسيـه
حين اركبوني يوم طول محاله
هو راعي اللزمه وراع الحميه
امزبن المضيوم واللي عنالـه


:
نوره بنت هطيل الشمريه
نوره بنت هطيل بن خالد الزريقي من العطون من الجعفر من شمر ,,,,
كانت مع ابل والدها ومروا عليها اهل ركايب واسالوها عن اهلها وقالو يمكن صلبه
فقالت هذه القصيده:-

يايبه أهل الركايـب نشدونـي
حش قلبي يوم قالوا ياصلبيـه
لعن ابوكم بحرو وسم العطوني
لعن ابوكم والله اني ضيغميـه
كانكم بالوسم واهله تجهلونـي
نوخوهن عند حامـي الونيـه
يالركايب لاتهجـن بالعفونـي
ياحسيف فدكن كـل ضحويـه
والله لنشد عنكم ياما تعرفوني
ماركب ركابكـم كـود الدهيـه
كلمة الحقران علي ما تهونـي
ماني من صليب واصلي شمريه
الضياغم عزوتي مايرحمونـي
يوم جلب الروح باسواق المنيه



:

وهذي اخرى
تبتسي على قولتها يافري قلبي فرياه

:

مويضي بنت زعيفر العتيبيه
عتيبه كانت تعشق رجلا فرفضت الزواج به لأنها تعتقد انه لايرغب
الزواج بغيرها ولكنها فوجئيت في اخر الأمر بنبأ زواجه من فتاة
غيرها فعابت عليه عدم وفائه وأنشدت
الأبيات التاليه تلومه :

ياسعود يوم أنك لحق العزيـب
لاوهنيـك يالمقاطـي هنـيـاه
انتـه تدورلـك بكـار ذهيـب
ونا ذهيبي ضايع وين ابا القـاه
اعوي توالى الليل كني صويـب
كني صويب يسهر الناس بعواه
عيني تخايل كـل نجـم يغيـب
الليل كله بس اهوجس بطريـاه
قالواتطيب وقلت والله ماطيـب
يافـري مولـع القلـب فريـاه
يفدى وليفي كـل قـرم تعيـب
وشيوخ برقا كلهم مـن فدايـاه
ويفداه ابن هندي مجري الرعيب
ولو كان شيخ والمراكيب تناصاه
ويفداه ابن سحمان سقم الحريب
اللي نطالع ظلم مع درب شلفـاه
السود من عندي تنصا صحيـب
اللي فهق حوضه وقدم ظمايـاه



:

وسلامتكم

 

الرد مع إقتباس
  #12  
قديم 04-11-2009, 10:58 AM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 

 




الاخت // الجــــــــــــــــــــــــازي اضافة جميــــــــــلة*

الله يعطيك العـــــــــــــــــــــافية

شكرا على المرور

 

الرد مع إقتباس
  #13  
قديم 13-11-2009, 12:57 AM
راعي مقناص راعي مقناص is offline
عضو جديد
 





راعي مقناص is an unknown quantity at this point
 

 

الله يعطيك العافيه

 

الرد مع إقتباس
  #14  
قديم 14-11-2009, 11:25 PM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 

 



شكــــــــــــــــــــــــــرا لك اخوي راعي مقناص
على المــــــــرور

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 10:50 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www