مقــــــــــــــــــابلة مع سعد بن جــــــــــــدلان a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

مقــــــــــــــــــابلة مع سعد بن جــــــــــــدلان

المشاركة في الموضوع
 
خيارات الموضوع طريقة العرض
  #1  
قديم 18-10-2009, 11:47 PM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 
B9 مقــــــــــــــــــابلة مع سعد بن جــــــــــــدلان

 

بسم الله الرحمن الرحيم



اسم حفر في ذاكرة الشعر الشعبي ولن تمحوه رياح الزيف والتجديد الى الأبد..

شاعر في قمة البساطه .. لم يلهث وراء الاعلام ..

كــ بعض الشعراء ..

بل أتى الاعلام أليه ..

وأهوا في أقصى الجنوب ..

في ربوع الباديّه البيشيه ..

نعم في مدينة بيشه ..

تلك المدينه الهادئه .. التي تبتعد عن مايسمى ..

بالتكنولوجيا .. العلميّـــه ..

ورغم .. ماكانت عليه البيئه ..

كان أنسان ..يتعلم من حوليّه ..

تلك المفردات الحديثه ..

على الرغم .. من قلة المستوى التعليمي ..

فلما نسمع له البيت الذي يقول فيه ..

عشقتكـ نجحت بالعشاشيق ياشاطر ... نتائج وقايعها على المجتمع خطـره

وأيضاً البيت اللي يقول فيه ؟

كل الجوارح فيك تنطق لي من عيونك كـلام
يا حبذا لو مـن لسانـك تنطقـه يـا حبـذا
يا حبذا لو تتخـذ وضعـي بعيـن الاهتمـام
من كثر درهامي و را طرد الهوا حالي جذا


نجزم بــ أن شاعرنا .. ذو شهادات عليا ..

على الرغم .. من مستواه التعليمي .. العادي ..

شاعر لايشبه الا نفسه.. له اسلوب متفرد ومدرسه خاصه به ..

شاعر المفرده الصعبه والصوره البكر والفكره الجديده..

شاعر جعل من اسلوبه مدرسه شعريه ينهل منها شعراء هذا الزمان ..

أكاديميّه شعريّه كبيره ..

تخرج منها شعراء مع مرتبة الشرف .. منهم ..

الطالب الشاعر ضيدان بن قضعان

الطالب الشاعر سعد بن علوش

الطالب الشاعر سلطان الهاجـري

الطالب الشاعر محمد بن الذيب

وشعراء كثيرون لم يشملهم الاعلام ..

سعد بن جدلان الأكلبي .. اسم يعرفه جميع الشعراء جيدا وذلك من خلال قصائده التي تسري من الجنوب لتملأ الجزيره العربيه بريحانها وكادها ..

في هذا اللقاء ستعرفون ابن جدلان وتحبونه اكثر واكثر فأقرأوا مايقول ..


س1: في البدايه نريدكـ أن تعرفنا بنفسـكـ لكي يعرف الجمهور من أنت ؟


اناعشت بالشدات ماعشت بعنايه

وصحيح اني بدوي لياقلتوا ابدوي

عطاني زماني من تجاريبه اكفايه

وعرفت الخطا والصح والنقص واللوي

وبرق لي على الضيحه كما برق مرايه

ووردني سرابٍ من طمع فيه ماروي

س2 :
سعد بن جدلان المعروف عنّك القافيّه الصعبّه حيل ؟؟

السؤال .. ماهي أصعب قصيده واجهتك في عالمكـ الشعري ؟

شعاني حمامٍ فوق روس النوامي خلج = تغنّي على روس النعانيع منسجمه

الاحيه من فرقاك يابو خدودٍ بلج = عسى لايم الميلاف عبرود ابو نجمه

محبتك حطّة في محاني ضلوعي فلج = كما فلج سيلٍ الواديٍ ضكتّه عجمه

س 3 :
المعروف عن الشاعر أبن جدلان الوصف الدقيق ؟ وينكـ من الوصف ؟

صحيح واتفق معك في هذا ولكن فيه شي لازم تعرفه والجميع يعرفه .. وهو ان هناك ثلاث حاجات مهما تكلم فيه
الشاعر فانه سوف يكون مقصر وهي :
1- وصف الطير
2- وصف البندق
3- وصف الإبل

س4- طيب ماهو وصفكـ في البندق ؟؟

بقصيرات العدن روس الصناديق = عكف الأصابع رهيفات الكراسي

س 5- طيب يابو محمد ووصف الأبل ؟

- طوله فخوذ وسيق والعنق شاره = ومن طول زوره تحسب ايدينه قصار

س 6- طيب والطير

- الا واعيون الليّ كشف برقه راعيه = يتلّ السبوق وقام راع الولع يشعاه


س7: - ابو محمد فيه قصيده لكـ تطرقت فيها للبحر مع أنكـ انسان عايش في البر وادخلت عليها مفردات حداثيّه مثل الشطرنج .. والاعضاء السياسيّه شنو سالفة هالقصيده يابو محمد ؟؟


- كلامك عدل اخوي نبع الوفاء
بس حط في بالك انه لازم ان الشاعر يكون ملم بأمور الحياه ؟؟
وانا بنظري الثقافه اتتني من الشعر ؟؟

طيب ممكن نسمع القصيده اذا ماعليك أمر ؟

-
انا يوم اجيّ وأمركم ياوليفي حنج = ولا وديّ أقرابك تلدّ النظر فيّه

لعبّ بيّ غرامك فالخفا لعبة الشطرنج = ليا دار لعبه بين الأعضاء السياسيه

وسبح بي غرامك سبح موج البحر فاللنجّ = غفلت وغدابي حبّك شويّه ..شوّيه

لاشفت زولك قام يدخل أعظامي بنج = أسولف مع العالم وقلبي له نحيّه


س8: ابو محمد نطمّع بقصايدكـ اللي قافيتها صعبه ؟


ياكبديّ الليّ من الحرمان منهشمه = فيها من العام نجارٍ بشاكوشه

والليّ هشمها شفاتٍ دونها حشمه = أرهى على الليّ تبي نفسي ولا أنوشه

حجزٍ يرّد الرجاوي من ورى خشمه = وأنّ رده الحجز والاّ ضاع فالطوشه

عمّر بيوتٍ على بيبانها رشمه = وبطونها بأفخم الشيراز مفروشه





س9 : ابو محمد نذهب للغزل ؟؟ مثل ما انت عارف اقلوبنا خضـر
شنو اللي أول شي يطري عليك اذا شفت محبوبتك ؟

أجمع له سمان الهرج خوفٍ من التقصير = والى جيت ابشرح له كلامي تهيزلته

يجيني منّه هيبه . معزه . سحى . تقدير = اقابله عندي علم وأروح ماقلته



س10لبيت من الشعر تقول فيه (عيوني على سهر اخر الليل حدتني ....*.... تولع بها سهر الليالي وضريت به)) ..

هل لك ان توضح لنا الأسباب التي اجبرتك على السهر حتى اخر الليل؟


همومي على الرقده من النوم جزتني
................وقلبي هواجيسه مع الهم لعبت به

ولاحركت دقات قلبي تشاوتني
................وغنى لها الشيطان صوت تلاحت به

على مركب الأوهام والهم شالتني
................وعلى سيف بحر اليأس ركت ورست به

ولاصورت خلي على الطيف نبتني
................ولاقمت ماغير الخيال اتلفت به






س11: 5: ماهي الحاله التي تنتابك عندما تسمع اسم محبوبتك مع الناس؟

هني الذي لاحل طاري وليفه طرب
................وانا صاحبي لاحل طاريه عزربي

انا وين ابلقا واحدً زايره في قرب
................يجيب الخبر من صاحبي ويتوجربي

يداوي كبودً من سموم المفارق جرب
................كبود العرب ينقص عناها وهي تربي





س12: كلمه تبعثها الى محبوبتكـ عبر منتدى المشتاق للشعر والخواطـر ؟


الا يارسولي بلغّه ماقدرت أجيه = سلملي عليه وخذّ سلامه وعطنياه




س13: محبوبتكـ ماذا تعنى لــ أبن جدلان ؟

عروق الحشى ماتنبت الاّ على طاريه = تنامى على قربه وتهجر على فرقاه





س14

طب يابو محمد .. شرايك بالناس اللي يفرقون بين أثنين يحبون بعض ؟

-
فترى من يعذل مولعٍ من هوى غاليه = مثل من يحاول يعدل السيل من منحاه

فأنا شفت ناسٍ صلحوّ فالهوى تشويه = لا عيّن وليفه مخلصٍ كلّ يومٍ جاه

لوّ انّ الهوى ذالنوع محدٍ تعذّب فيه = الكل أهتنى فالحبّ حتى الطلي والشاه



س15: سولف لنا أكثر عن محبوبتك يابو محمد ؟


خلوني اسج عن موضوعه احسن لي
................والا الغلا والله ان يبطي وهو غالي




س16: وش اللي يطري في بالك الحين يابو محمد ؟



نور وجهك على من شاف منك القبول
................نور صبحً تبسم في رهاد الجبال

كني اقراء على طرة جبينك تقول
................انا قلبي يحبك ياحبيبي تعال

كان قدمي حدٍ فـالحب راح مهبول
................والله انه خطير لايجيني هبال

المحبه جملها مرسل ومعقول
................نعنبو من يقول ان المحبه خبال

والذي ليلة الأسراء عرج بالرسول
................ان حبك لحال وحب غيرك لحال




س17

طيب يابو محمد ماشالله عليك تقارب الخمسين سنه من عمـرك
شنو اللي استفدته من حياتـك أو قررته بعد هالعمر الطويل ؟؟

عزلت من صدقـان عطلةالاسابيـع
وعزلت من ضحك الوجيه الصناعي
وعزلت من بنين بامالـي مشاريـع
جميد برد ولانس الشمـس ماعـي




س18: بو محمد وش تقول في الصداقه ؟؟

في اسواقها ماعاد لشـري ولابيـع
لخطيت من رفقة طويل الذراعـي
اللي على الرفقـه يسوقـه دوافيـع
هـذاك تشـرى رفقتـه ماتباعـي
امايشجعني على الطيـب تشجيـع
والايعلمنـي حمـيـد المسـاعـي
والا ليامنـه رمعـنـي روامـيـع
وضاقت على كل الفجوج الوساعي
جيته ويسرلي عسيـر المواضيـع
وخلاخفايا خاطـري لـه وساعـي
معرفته ماهـي معرفـة طماميـع
ماتنتـج الاالغطرسـه والضياعـي






س19: طيب يابو محمد وش تقول للجيل الجديد اللي أظهرهم الاعلام ؟


ياأهل القصيد مراسلين الجرايد
................تكفون صونوا كلمة الشعر تكفون

خلوه يلقا من وراها فوايد
................فيدوا وخل غيركم يستفيدون

لاتعرضون نفوسكم للنقايد
................الرابح اللي من غثى الناس مصيون



س 20 : ابومحمد بيت دايما تردده ودايم على طرف السانك ؟


رفقة الطيب ليا غير اطباعه
................اشهد انها كية توجع اوجاعي


س 21 :
س نصيحه اخيره يابو محمد تقولها حق كل الناس ؟؟

ابـن آدم يلعـن الله مختـال فخـور
من تواضع تحـت ربـه يعليـه درجـه
لجل ما تدخل جهنـم علشـان الغـرور
للعرب حاول تواضـع وتعطيهـم وجـه
من لقى عذب المشارب مثمرة الزهـور
ما قعد يغرف من البحر ويسوق حدجه


نصيحه ثانيّه ؟؟

يدك لامدت وفاء لاتحرى وش تجيب
كان جاتك سالمه حب يدك وخشهـا

في النهايه .. اخوي سعد ابن جدلان مشكور كل الشكر ؟؟

على المقابله اللي اكثر من رائعه ؟؟

وبالتوفيق يابو محمد ؟

 

الرد مع إقتباس
  #2  
قديم 18-10-2009, 11:58 PM
الماصول الماصول is offline
شاعر
 





الماصول is on a distinguished road
 

 

أبا فارس الرياض
تشكر على النقل
والغريبة أن مجموعة من شعراء بيشة ورنية
لهم قصب السبق

 

الرد مع إقتباس
  #3  
قديم 19-10-2009, 12:16 AM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 

 

إقتباس
المشاركة الأصلية بواسطة الماصول
أبا فارس الرياض
تشكر على النقل
والغريبة أن مجموعة من شعراء بيشة ورنية
لهم قصب السبق

الاخ / الماصول اشكر مرورك وياليت توضح لنا المقصود ان مجموعة من الشعراء
لهم قصب السبق)
مع الشـــــــــــــــــــــــــــــــــــــــــــــــ ـــــــــــكر

 

الرد مع إقتباس
  #4  
قديم 19-10-2009, 12:33 AM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

إقتباس
أجمع له سمان الهرج خوفٍ من التقصير = والى جيت ابشرح له كلامي تهيزلته

يجيني منّه هيبه . معزه . سحى . تقدير = اقابله عندي علم وأروح ماقلته

من اجمل ما قريت !

متصفح ثري بالجمال

مشكور أبو فارس

 

الرد مع إقتباس
  #5  
قديم 19-10-2009, 10:16 AM
الصورة الرمزية لـ ابوفارس الرياض
ابوفارس الرياض ابوفارس الرياض is offline
عضو نشيط
 





ابوفارس الرياض is an unknown quantity at this point
 

 



الاخت ذكـــــــــريات الطفولة

اشكــــــــــــــــــــر لك مرور

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 11:55 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www