قصيدة عبدالمحسن المطوع في حفل القويعية1430هـ a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

قصيدة عبدالمحسن المطوع في حفل القويعية1430هـ

المشاركة في الموضوع
 
خيارات الموضوع طريقة العرض
  #1  
قديم 28-09-2009, 08:55 AM
أبو سلطان أبو سلطان is offline
عضو v.i.p
 





أبو سلطان is on a distinguished road
 
قصيدة عبدالمحسن المطوع في حفل القويعية1430هـ

 

بسم الله الرحمن الرحيم

السلام عليكم و رحمهـ الله و بركاتهـ

اضع بين ايديكم قصيدهـ

الشاعر عبدالمحسن بن محمد المطوع

القصيدة التى ألقاها في عيد الفطر في احتفالات محافظه القويعية والتي يقول فيها


باسم الولي مبدا القصيد وقوافيه=الواحد المعبود رب العبادي
نسجد لوجهه كل يومٍ وندعيه=يعز دينه ويهدي كل غادي
ويحفظ ملكنا للمواطن ويبقيه=لبلادنا قبلة جيع البلادي
من بعدها والشعر ما أكثر معانيه=لكنها تحتاج رايٍ سدادي
وأنا احمد الله يوم أصوغه وأغنيه=أحرم عيون أهل الرقاد الرقادي
أتعب على بيتي وأجوّد مبانيه=وأنقى له أفكارٍ بكارٍ جدادي
واليوم في صدري ثلاث تغذيه=بأقوى القصيد اللي يكنّه فوادي
الأوله والحمد للي معافيه=سلامة اللي طول عمره ينادي
من كشّرت دنياه والوقت حاديه=ويفرش تحت رجليه بيض الأيادي
ياخذ همومه بابتسامه ويعطيه=ويعيّشه عقب السموم ببرادي
أهل الكرم تخجل ليا حلّ طاريه=وللفقر مداته سواة القيادي
كم واحدٍ يطلب من الله ويرجيه=لاشاف وجهه عبر الأقمار بادي
إنه يعود وجعل ربي يحييه=سالم وغانم في ليال العيادي
وكم مبتلاً لا جاه يشكي يداويه=وكمٍ فقيرٍ من عطاه استفادي
وياكم راسٍ قد حكم شرعنا فيه=ثم جاه أبو خالد بجاهه يفادي
فكه من السيف الحدب قبل يرميه=وأفهق عن البارود راس الزنادي
وهذي نتايج كل ماتبذل ايديه=الحمد لله صحته فازديادي
ولايهون اللي بجنبه يراعيه=في طاعة أمره مايعرف القعادي
سلمان نجد الله يحقق مناويه=ويردهم للدار والجو هادي
وسلطان مهما فاخر المدح نصخيه=فعله يخلي فاخرالمدح عادي
فإن كانها باطيب ما أحد مجاريه=سلطان ما مثله على الطيب سادي
وإن عوّدت للشر ما حدٍ يعاديه=ياكود من يكتب عليه النفادي
درع البلد عن من تغره هقاويه=اليا أنكر النعمه ردي المبادي
يسوق عمره دون داره ويحميه=وقدام لايشتد باس المعادي
ياطا على عزه وراسه يوطيه=وإن مانفع به حط راسه بدادي
وحنا معه لايمكن انا نخليه= وايماننا بالله هو أكبر عتادي
نبيع الأرواح دونه ونشريه=ولاجله نكب الغطرسه والعنادي
للسلم سلم وحقنا مانخليه=وأهل التمادي كان فيها تمادي
وأظن مافيها علينا مشاريه=اليا كسرنا راس عود العرادي
حدودنا نار حطبها نوفيه=بعزوم وافعال الرجال العوادي
في ضلّ من جيشه ليا حان داعيه=يقلب بياض أهل المطامع سوادي
أنهيت الأولى والمعاني تباريه=وأقفى وخلاها وعينه سنادي
والثانيه عندي سلامة ابن آخيه=اللي حماه الله من أهل الفسادي
حرٍ تبيض هدته وجه راعيه=ربّاه نايف لاجل يوم الهدادي
وإن هدّ والله ماينقّد مربيه=ما يطرح إلا من كبار الثنادي
العلم لاوصله على طول ينهيه=قياديٍ من نسل هاك القيادي
أمن البلاد الداخلي منه وإليه=يسعى لترتيبه بكل اجتهادي
ولو كان به ناسٍ تضيّع مساعيه=طبع الجمل مايلتفت للقرادي
مع طغمة الإرهاب ما أكثر حسانيه=مير المكابر ماله إلا يبادي
الكل شاف اللي حصل له وموحيه=ساعة غدر فيه الكذوب الربادي
مثل الطلي ياكل وتكبر علابيه=ونهايته بين المجازر يقادي
وراه ناس تلتوي به وتغريه=بالكذب وتحطه من أهل الجهادي
ثم جاك ينقل علته في مخابيه=وأوحيتوا اللي صار في كل رادي
سلم الأمير ونحمد اللي منجيه=وهذاك روّح كبر راس الجرادي
الله يكشف ستر من كان يغويه=ولعل تلبس له ثياب الحدادي
وإلا محمد جعل تبطي لياليه=ما فات يومٍ فيه ماقيل جادي
سبحان ربٍ بالتواضع محليه=ولعداه حطه مثل روس الهنادي
حبيت أبارك بالسلامه واهنيه=والا القدر من عند ربي وكادي
لاحلّ حلّ ولاحدٍ عنه مغنيه=قدامنا فرعون وأقوام عادي
أنهيت الاخرى وابن نايف خطاويه=تمشي ورى سلطان حسب اعتقادي
والثالثه للحفل هذا وراعيه=لعل عيد الله عليكم يعادي
فدياركم والكل منكم نلاقيه=في صحةٍ مايقتفيها نكادي
ياهل القويعيه بقى بس تنويه=عن من ترك درب الهدى والرشادي
شوفوا علامه واقرصوا روس أذانيه=والنصح للجهال مثل القنادي
إن سرّ والا ماربح من يداريه=للموت عنده موعدٍ بالجهادي
لازم تحثونه عسى الله يهديه=أنتم رجال الدين حضر وبوادي
وانتم رجال العز ومزون واديه=اليا اهتدرتوا سال به كل وادي
وأنا من اللي لاظما السيف يرويه=مطوعٍ ربعي من أهل الشدادي
من لابةٍ لاحدّها الخصم تفنيه=آلاد زيد أهل السيوف الحدادي
تاريخهم مايقدر الوقت يمحيه=تشهد عليه سروج شقر الجيادي
مثلتهم فأول قصيدي وتاليه=لاجبتها ماقيل فيها انتقادي
وختامها بيتٍ بصدري مبقيه=وأغلى البيوت اللي يكن الفوادي
سلامة السلطان ويّا ابن آخيه=في عيني أغلى من ليال العيادي


بيض الله و جهك يأبو سعود جملتنا جمل الله حالك مبدع في كل حالاتك

 


::: التوقيع :::



 
الرد مع إقتباس
  #2  
قديم 10-10-2009, 03:37 AM
الصورة الرمزية لـ سعود الصبي
سعود الصبي سعود الصبي is offline
:: نائب المشرف العام ::
 






سعود الصبي is just really niceسعود الصبي is just really niceسعود الصبي is just really niceسعود الصبي is just really nice
 

 

صح لسانه وبيّض الله وجهه

ويعطيك العافيه على نقلها

 


::: التوقيع :::

أحياناً يكون أبلغ رد هو عدم الرد


 
الرد مع إقتباس
  #3  
قديم 30-06-2010, 12:50 AM
الصورة الرمزية لـ سلطان بني زيد
سلطان بني زيد سلطان بني زيد is offline
عضو مشارك
 





سلطان بني زيد is an unknown quantity at this point
 

 

مشكووووور يابوسعوووووودي الف المبروك ومن العايدين والفايزينوالقصيدة كذا وننتظر جديدك

 

الرد مع إقتباس
  #4  
قديم 01-07-2010, 01:27 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

تسلم يمينك على هذا الاختيار المميز

وصح لسان الشاعر

والله يعطيك العافيه

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #5  
قديم 19-04-2012, 01:23 AM
تركي بن عبدالله تركي بن عبدالله is offline
عضو جديد
 






تركي بن عبدالله is an unknown quantity at this point
 

 

صحح لسانكك يابو سعود

ماقصرت بيض الله وجهك

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 11:37 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www