فاضت غصب !!!!!!! a

آخر المشاركات المطروحة في منتديات قبيلة بني زيد

  اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

فاضت غصب !!!!!!!

المشاركة في الموضوع
 
خيارات الموضوع طريقة العرض
  #1  
قديم 13-08-2009, 08:04 PM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 
فاضت غصب !!!!!!!

 

بسم الله الرحمن الرحيم

يوم كنت صغيرة يعني من سن الـ 10 وحتى 16 سنة تقريبًا كنت أعاني من أسناني اشد المعاناة ملخبطة لخبطة غير طبيعية فوق بعضها البعض يعني بدون مبالغة مافيه ولا سن صاحي (على قولة أبوي كنها مصارعة أو كنهم عيال حاره متطاقين مع بعضهم) ،، كنت أستحييييي أضحك أحس شكلي غلط لازم أحط يدي وأحاول بقدر المستطاع أني ما أضحك خصوصًا عند الغرباء أو عند البنات بالمدرسة.
كنت إذا عرمت لي تفاحة يظهر عليها صفة سنيناتي وإذا شافها أبوي قام يضحك ضحك وخذ أنواع التعليقات والطنازة (وأنا أبوتس حرام عليتس وش سويتي بالتفاحة تقولين كنها مضروبة بشوزل )
رحت عاد وراجعت طبيبة أسنان كان اسمها (إيمان) الله يذكرها بالخير،، يوم شافت أسناني قلت أكيد بترتاع بتعلق بتقول شي بس الحمد لله ساكته عادي ماقالت أي شي أدركت إنه يجيها عينات أشد مني ففرحت فرح شديد وارتفعت معنوياتي شوي. بس قالت مايصلح لك التقويم الآن ياله بعد سنة أو سنتين لأن باقي لك أسنان لبنية مابعد طاحت ،، شي غريب أو مرة تمر علي وحدة زيك بهذا السن وأسنانها اللبنية ماطاحت (باقي الرباعيات)،،
وكان وقتها عمري 14 سنة تخيلوا 14 سنة أسناني اللبنية مابعد طاحت كانت فارّة ومتحركة من مكانها بس ماطاحت (أسنان عنيدة بشكل)
وأنواع الخوف والصياح والقلق والمعاناة إذا بغى أبوي يقلع أسناني وهذا من الأسباب اللي خلا أسناني ملخبطة غير أنها أصلًا متشبثة بقوة صعب جدًا قلعها_ بدون مبالغة جلست في أحد أضراسي حول نصف ساعة تحاول تقلعه ماقدرت تعبت يدها وقامت تمغطها، ياعمري رحمتها، أحس ودها تقعد على بطني وتحط رجليها على أكتافي وتجر،، وطبعًا أبوي الله يخليه ويطول بعمره يموت لو مايعلق كان يدخل معي عند الدكتورة ويشوف المعاناة بعيونه يقول (أسنان حمار هذي مهيب أسنان آدمي)
وإن شاء الله أبشركم قلعت الاسنان اللبنية وطلعت الجديدة ويوم جا وقت تركيب التقويم طلعت لنا مصيبة جديدة _إنا لله وإنا إليه راجعون_ شافت الفك صغير مرة لا يمكن للاسنان أنها تتوسع فيه وتاخذ مكانها الصحيح،، قالت مالنا حل إلا أننا نقلع شي من الاسنان اختاري يا من الأسنان الأمامية أو الخلفية (ضروس)، قلت لها لا والله شيلي من اللي ورا (بلى ودي أضحك من دون حيا ومن دون ما أحط يدي) يعني تخيلوا لو بتشيل من اللي قدام أحس وجهي بيصير ناقص ،، والحمد لله شالت ضرسين فوق وضرسين تحت،
لولولولولولولولوليييييييييييي
ركبنا التقويم أبشركم وكان وقتها عمري 16 سنة
طبعًا أنا ماني مصدقة أبدًا صرت أضحك وأكبر الكشرة بعد وهي توها مابعد صفت زين بس علشان أعلم الناس أني خلاص ركبت تقويم.
وطبعًا بدأت معاناة ثانية ألا وهي أوجاع التقويم والأكل ياعمري محرومة من أشياء أحبها ما أقدر أعض على شي صرت بس آكل سوائل،، مرقة خضار،، سيريلاك ،،وماشابه (كني بزر أبو أشهر) << على قولت أبوي خلاص تعودنا اصلًا لازم تعقيب وتعليق على كل مرحلة.


ألحييييييييين جينا للمهم والزبدة،،
أنا بصراحة ماني من اللي يحب الشعر أبدًا إلا بعد الفراعنه ولا حتى أعرف أقراه مالي ميول له نهائيًا (كنت أكره الأدب والنصوص) بس من شدة المعاناة اللي عانيتها فاضت روح القصيد غصب
وكتبت لي 11 بيت تحكي الشيء البسيط عن معاناتي
طبعًا اللي قرأ قصتي بيفهمها أكثر وأنا بصراحة كنت متفشلة أنزل قصيدة بدائية مثل هذي وهي قصيدة أقرب للفكاهه بغيت أنزلها بقسم سعة الصدر ،، بس حسيت أنه انجاز من وحده بسن الـ16 وتكره القصائد يعني عجيب، غريب وشلون قدرت تكتب بيت من الشعر فما بالكم بـ 11 بيت
وإليكم..
..






ياونة ونيتها = من أسناني عانيتها
لي ست سنين أنتظرها = يجيها أحد يرتبها
جاها التقويم وصفها = وفككها ورتبها
لولا الله ثم خبرتها = ما رجعت لحالتها
إيمان وشهرتها = ورتنا مهارتها
ضروسي وشالتها = وصبرنا على وجعها
أهم شي زينتها = بتقويمها عالجتها
بقوتها شدتها = والمصارعة وفكتها
والشابورة ماناكلها = والجزرة ومانطعمها
هذا أبوي وسدد مبلغها = والباقي عليها
لكن على ربي وربها = ونصبر لآخرتها
ياونة ونيتها = من أسناني عانيتها



وسلامتكم ن.ن.ع. الحسيني
تم كتابتها عام 28/7/ 1421هـ ،، الموافق 2001م



أكيد فيها كسور ورضوض بعد بس مبارك مني اللي طلعت شي
وطبعًا ماننحرم من تعليقاتكم وردودكم الله لا يخلينا منكم


تحياتي
بنت الحسيني

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
الرد مع إقتباس
  #2  
قديم 13-08-2009, 09:05 PM
الصورة الرمزية لـ رسم القصيد
رسم القصيد رسم القصيد is offline
عضو دائم
 





رسم القصيد is on a distinguished road
 

 

اختي بلقيس صح السانك انا بجامل واجد
من جد ضحكت ضحك اعجبتني المقدمه مررررره
والابيات على قولتك من المعناة محد يلومك
حلو اني اول واحد يرد تقبلي مروري

 


::: التوقيع :::

اللهم آسكن آمي عآلي جنآتك وجميع موتى المسلمين يآحي يآقيوم


 
الرد مع إقتباس
  #3  
قديم 13-08-2009, 09:17 PM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
المشاركة الأصلية بواسطة رسم القصيد
اختي بلقيس صح السانك انا بجامل واجد

صح بدنك أخوي،،، بس ترى عادي خذ راحتك الصراحة راحة على مايقولون

من جد ضحكت ضحك اعجبتني المقدمه مررررره

ههههههه أدري أن المقدمة طويلة بزود ،، يعني المفروض أألف قصص مهوب قصائد ،، بس عاد ملزومين علشان تفهمون
وجعل الضحكة دوم يارب


والابيات على قولتك من المعناة محد يلومك

ههههههه شكلها صارت عصيدة مهيب قصيدة

حلو اني اول واحد يرد تقبلي مروري

ياهلا ومرحبا شرفتني وآنستني وعطرت صفحتي

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
الرد مع إقتباس
  #4  
قديم 13-08-2009, 10:47 PM
الصورة الرمزية لـ عبدالرحمن الزيد
عبدالرحمن الزيد عبدالرحمن الزيد is offline
 






عبدالرحمن الزيد will become famous soon enough
 

 

إقتباس
بشوزل

حسبي الله على شرك قسم بالله أني ماعاد إلا أموووت من الضحك
بس تراها شوزن يمكن بني زيد لهم معاني ثانيه

 

الرد مع إقتباس
  #5  
قديم 13-08-2009, 11:21 PM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

^^^^^

هههههههااااي
توني أدري أن هذا اسمها
بس وراي أسمعها كذا؟؟!!


إقتباس
يمكن بني زيد لهم معاني ثانيه

ليش منتب منا؟!

أسعدني مروركـ أخي الكريم
ودوم الضحكة
والموت إن شاء الله بعد عمر طويل وعمل صالح مهوب بعد ضحكة

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 

آخر تعديل بواسطة بلقيس ، 13-08-2009 الساعة 11:39 PM.
الرد مع إقتباس
  #6  
قديم 13-08-2009, 11:36 PM
الصورة الرمزية لـ عبدالرحمن الزيد
عبدالرحمن الزيد عبدالرحمن الزيد is offline
 






عبدالرحمن الزيد will become famous soon enough
 

 

إقتباس
المشاركة الأصلية بواسطة بلقيس
^^^^^

هههههههااااي
توني أدري أن هذا اسمها
بس وراي أسمعها كذا؟؟!!




ليش منتب منا؟!

هههههههههه

 

الرد مع إقتباس
  #7  
قديم 14-08-2009, 12:19 AM
الصورة الرمزية لـ بـنـتــكـم
بـنـتــكـم بـنـتــكـم is offline
عضو نشيط جداً
 





بـنـتــكـم is an unknown quantity at this point
 

 

بلقيس من جد أنتي منتهيه يالبي قلبك أنتي وسنيناتك الله يصلح أمرنا جميع...

شاااعرتن مملوووحه يكفي أن أبياتك مفهومه و تحمل الفكاهه
أبدعتي في كلش بس أول مررره أشوف مقدمه أطول من قصيده
بس أظاهر هذا سر الزيييين والإبداااع

 


::: التوقيع :::



 

آخر تعديل بواسطة بـنـتــكـم ، 14-08-2009 الساعة 12:21 AM. السبب: 7
الرد مع إقتباس
  #8  
قديم 14-08-2009, 12:45 AM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
المشاركة الأصلية بواسطة بـنـتــكـم
بلقيس من جد أنتي منتهيه يالبي قلبك أنتي وسنيناتك الله يصلح أمرنا جميع...

شاااعرتن مملوووحه يكفي أن أبياتك مفهومه و تحمل الفكاهه

الملح والله كله بذوقتس وأنا أختس

أبدعتي في كلش بس أول مررره أشوف مقدمه أطول من قصيده

ههههههههههههههههههههههههههههههههههههههههه
من جد أحسها هالقصيدة ضايعة ،،، قايلته المفروض أألف قصص مهوب قصائد

بس أظاهر هذا سر الزيييين والإبداااع
أكيد مافيه كلام <<<< اقول أرفقي على عمرتس شوي


مشكورة يابنيتنا على المرور الكريم أسعدني وأفرحني

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
الرد مع إقتباس
  #9  
قديم 14-08-2009, 04:47 PM
الصورة الرمزية لـ لحن القصيد
لحن القصيد لحن القصيد is offline
عضو نشيط
 





لحن القصيد is an unknown quantity at this point
 

 

إقتباس
المشاركة الأصلية بواسطة بلقيس

.gif[/img] وكان وقتها عمري 14 سنة تخيلوا 14 سنة أسناني اللبنية مابعد طاحت كانت فارّة ومتحركة من مكانها بس ماطاحت
[/color][/u][/i]

 

الرد مع إقتباس
  #10  
قديم 14-08-2009, 05:44 PM
الصورة الرمزية لـ حمد الزيد
حمد الزيد حمد الزيد is offline
عضو نشيط
 





حمد الزيد is on a distinguished road
 

 

خخخخخخخخخخخ



سلمي لي على أبوك مهوب عيّار أبد ..


صراحة مقدمة حلوة مرّة ..


بس بشري عسى خشتك زانت ..


وكثري من الضحك والفراهه رجعي ماضيك ..


بالتوفيق وضحكة دايمة ..

 

الرد مع إقتباس
  #11  
قديم 14-08-2009, 09:29 PM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
المشاركة الأصلية بواسطة لحن القصيد

من ناحية معاناة هي والله كانت معاناه من جد
الله المستعان أيام عدت وراحت مثل لمح البصر وأصبحت في زمن كان


اشكرك

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
الرد مع إقتباس
  #12  
قديم 14-08-2009, 09:41 PM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
المشاركة الأصلية بواسطة حمد الزيد
خخخخخخخخخخخ



سلمي لي على أبوك مهوب عيّار أبد ..

لااااا أبد الله يعظم أجره مهوب يعرفها
بس والله تقبلها منه ماتزعل منه أو يجي في خاطرك شي عليه
صدقني مهوب علشانه أبوي لا والله بس الكل يقول كذا
الله يسلمكـ ويعافيكـ من كل شر أخوي
وصل سلامكـ


صراحة مقدمة حلوة مرّة ..

ههههههههه والله <<< مهيب مصدقة
الله يحلي أيام ويسلم ذوقك


بس بشري عسى خشتك زانت ..

لا أبشرك الحمد لله طلعت وش زينها
وفكينا التقويم من زمااااااان
بس كنت مترددة أنزل العصيدة وإلا لأ

وكثري من الضحك والفراهه رجعي ماضيك ..

^^^^^^
أفا عليكـ



بالتوفيق وضحكة دايمة ..

الله يجزاكـ خير
وتدوم لك يارب

لك مني ألف شكر وتقدير

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 
الرد مع إقتباس
  #13  
قديم 16-08-2009, 02:39 AM
الصورة الرمزية لـ ام دانة
ام دانة ام دانة is offline
مشرفة قسم تواصل
 






ام دانة will become famous soon enoughام دانة will become famous soon enough
 

 

ياملح اسلوبك تكفيـــــــــــــــــن
ولو ان المقدمة اطول من القصيدة
بس اشوى انك حطيتي مقدمة والا كان ماتلقين ولا رد على قصيدتك الوعه خخخخخخخخخخخخخخخ احس ودك تفقعين وجهي بس صدق والله مهيب زينه قصيدتك ابد ابد
ازين مافيها ياونتن ونيتها ..
ودوك الرد وانا بنت عمك
آآآآآآآآآآآآآآآآآآآآخ ياونتن ونيتها من ضرس العقل ..
انا مدري من ذا اللي مسميه ضرس عقل ؟؟!!
ذا ضرس الهبال والله انه يطير العقل
بلقيس اخاف ان سنوننا وراثة

 

الرد مع إقتباس
  #14  
قديم 16-08-2009, 06:22 AM
الصورة الرمزية لـ بلقيس
بلقيس بلقيس is offline
من الحسيني
 






بلقيس is on a distinguished road
 

 

إقتباس
المشاركة الأصلية بواسطة ام دانة
ياملح اسلوبك تكفيـــــــــــــــــن
ولو ان المقدمة اطول من القصيدة
بس اشوى انك حطيتي مقدمة والا كان ماتلقين ولا رد على قصيدتك الوعه خخخخخخخخخخخخخخخ احس ودك تفقعين وجهي بس صدق والله مهيب زينه قصيدتك ابد ابد

لحااااول ولا قوة شكلها جابت لتس ازمه وكرهتس بالقصيد وحامت تسبدتس منها بعد،،أقول بس احمدي ربتس اني قدرت اركب كلمة على كلمة وقيل أنها ياكافي قصيدة
و لاتخافين منيب مكفختس مهوب غصب تعجبس ،،،
وأصلًا واضح أنها ياقلبي قلبها ذا العصيدة محد جاب خبرها كل التعليقات على المقدمة اللي وش طولها،،،
ولا بعد كل يوم أدخل أتطقس الوضع واشوفها وأقول شكلهم قلعوها لقسم سعة الصدر <<< تهيئ نفسها
بس هين لو هالقصيدة ماطلع للقصة ملح ولذة الله مير يسلمني ويصحي بؤي ولاعد يرقد


ازين مافيها ياونتن ونيتها ..
ودوك الرد وانا بنت عمك
آآآآآآآآآآآآآآآآآآآآخ ياونتن ونيتها من ضرس العقل ..

خخخخخ والله إننا فطاحله

انا مدري من ذا اللي مسميه ضرس عقل ؟؟!!

أكيد مابعد طلع لتس لأنتس مهبوله
وإلى منه طلع بتعقلين ثمن سيزول عنك العجب (إذا عرف السبب بطل العجب)


ذا ضرس الهبال والله انه يطير العقل
بلقيس اخاف ان سنوننا وراثة

<<< هاه والله مدري الله يستر ،،، خخخخخخخخخ
بس أنا من وين ورثتها ؟؟!!! كل اللي حولي وش زين سنونهم خاف أنه أنتم جاذبيني ،،
بس تراها والله زانت تعالي سيري علينا يوم وشوفها بس شوفيها ورحي منب مقلطتس ولا شي ماعلينا منتس خلتس هذا اللي يقول وعه ولاهيب حلوة أبد أبد


أخيرًا أشكركـ شكرًا جزيلًا على مروكـ الذي خيس صفحتي لا عدمناكـ عزيزتي

 


::: التوقيع :::


اللهم لا سهل إلا ماجعلته سهلا وأنت تجعل الهم والحزن إذا شئت سهلا


 

آخر تعديل بواسطة بلقيس ، 16-08-2009 الساعة 06:34 AM.
الرد مع إقتباس
  #15  
قديم 16-08-2009, 06:43 AM
الصورة الرمزية لـ إكليل الورد
إكليل الورد إكليل الورد is offline
مشرفة قسم اسـرتي وصـحتـي
 





إكليل الورد is a jewel in the roughإكليل الورد is a jewel in the roughإكليل الورد is a jewel in the rough
 

 

بلقيس ، ، ،


أسلوب جميل جداً لجذبك للقارئ ، ، ،


صدقيني عزيزتي بالممارسه والقراءه سوف تصلين إلى هدفك ، ، ،


أشكر لك روحك الرياضيه ، ، ،

واللتي كانت مبينه بردودك

موفقه يالغاليه ، ، ،

 


::: التوقيع :::

ما لنا غيرك يا الله !


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:10 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www