ديوان :جندب المالكي a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

ديوان :جندب المالكي

المشاركة في الموضوع
 
خيارات الموضوع طريقة العرض
  #1  
قديم 30-07-2009, 05:58 AM
الصورة الرمزية لـ جندب المالكي
جندب المالكي جندب المالكي is offline
عضو جديد
 





جندب المالكي is an unknown quantity at this point
 
ديوان :جندب المالكي

 

بسم الله الرحمن الرحيم
السلام عليكم ورحمة الله وبركاته

قصيدة تعجيزية

قال الاستاذ النبيـغ البليـغ الجهبـذ =امبراطو ر الفحول الجها بذة
كم على يدي من اهل القصيد اتلمـذ = واغلب الشعار عندي تلامذة
من يريد ايصير بين العرب شاعر فذ= يفتهـم مملـو عليـه الاسـاتـذة
اه من قلب ن من الهم كنـه يحنـذ = بيد حنا ذا توقد محا نذه
والدما غ امن التفا كير كنه يفلذ= بيد حدادا بفولاذ فالذه
والعناء يهل المكارم علي استحـوذ = وانفتـح للمعضـلات الـف نافـذة
ابتغي في كل وجة طريـق ومنفـذ = لاهفا الهافـي وضاقـت منـا فـذه
وانا لاقررت شـي ن لـزوم ينفـذ = ون حلفـت يميـن بتصيـر نافـذة
والذي عايش وهـو دايمـا متلـذ ذ = كيف لو يبدي لـه الوقـت ناجـذه
والذي عن منهج الدين الاسلامي شذ = ماجـزاه الا الجفـاء والمنـا بـذة
كل واحد من كلامه يرد ويوخذ= والغبي لا زل محدن يواخذه
والكلام الزين بين الرجال امحبذ= واحتزم بالسيف لا صرت شاحذه



الى اخي ابو داوود اطال في عمره
لا صار دخل الاجودي محدود




سلامٍ ازكى من بخور العـود =وازكى من اليشموم والكـادي
سلام ينصى اخوي ابـو داوود =مشكاى لامن حد نـي حـادى
اسمه مسجل في سجل الجـود =ويعد عندي شيـخ الاجـوادي
بين النشامـا دايمـاً معـدود =وان غاب كلٍ عنـه نشـادي
حقايقٍ عندي عليها اشهـود =اشهود من حاضر ومن بـادي
عساك تحيا في هنـا وسعـود =وايام عمـرك كلهـا اعيـادي
واليوم اباعنـز لـك المـردود =مثايلٍ هاضـت مـن افـوادي
البارحـه والعالميـن ارقــود =اتقـول بالاعمـاق وقــادي
والقلب يابحر الصخـا ملهـود =اتقول ناشـة سـوط جـلادي
واسبابها غدر الليـال السـود =اللي علـيّ اسيوفهـا احـدادي
مما جرى لي يا مفيـد الفـود =اعتفت حتى الشرب والـزادي
واقول انا ياليـت عنـدي ذود =احوف به مـن واد فـي وادي
احب انا الصحراء بليا احـدود =واحب واعشق جوها الهـادي
اخصوص لا هبت هبوب النود =والا ليـا مـن دن رعــادي
لا اشوف لا عابـد ولا عبـود =وافتك مـن عايـد وعـوادي
وابعد عن اهل الحقد والمنقود =امولعـت نيـران الاحـقـادي
ياجعل دار اهل الردى بسكـود =يهوي بهـا والقـوم هجـادي
والوقت قيدنـي بغيـر اقيـود =ِِِِِِِوامرار يتفنـن فـي ازهـادي
لا صار دخل الاجودي محـدود =وش حيلتة في دفع الاقصـادي
والرزق بيد الواحـد المعبـود =ماهو بيـد احمـود وحمـادي
واشوف جفت يبن ابوي اعدود =تـروي مـن اول كـل ورادي
وان كان طق العود راس العود =لا تسمع النشرة مـن الـرادي
و الختم صلى الله على المحمود =الـلي بعثـه الله لنـا هــادي

بعض العرب يسوى من الناس طابور

قال الذي في نظم الامثال دكتور =واليا قصد شكل قصيده خطوره
املك مع الشعار شهره وجمهور = جمهورا اقدر كثافة حضوره
لاقلت قولن جا من احساس وشعور = وكلن يعبر عن حقيقة شعوره
وابسند امثالي و شعري على الفور = على اجودين طايلاتن شبوره
سلامن ازكى من رياحين وزهور= والذ من ذوب العسل في قدوره
يلفي على صقرن تسلسل من صقور = ابن القروم اهل العزوم الجسوره
بو حاتم اللي بين الاجواد مذكور=ابن الكرام اهل النفوس الوقوره
يا مسندي ورتني ايامي الجور = حتى استتدارت بي ثمانين دوره
دنين لها ياخوك قلبه وتغيور = دنين تراها يالعديم امعثوره
اليا اقبلت شادت لنا دور وقصور = واليا ادبرت قامت علينا بثوره
لا كن ابشرح لك مواضيع وامور =واسرار قلبن با الضمير محشوره
للمجتمع نضره وانا انضر بناضور=وكلن بناضوره يحدد سبوره
ومن العشاء يا خوك لا شقت النور= والقلب كنه في حلوق النموره
اتقول صايبني على الكبد صاطور = من يد جزارن يقصب جزوره
بسباب امورن تودع الحر معقور = وتشيب اللي تو تطلع ضفوره
احدن سعيدن في حياته ومسرور = واحدن بوقته ما تحقق سروره
والناس مختلفين غياب وحضور= واحدن غيابه خير لك من حضوره
واكثر شباب اليوم بفجور وشرور= من شرب قاروره على لعب كوره
في مجتمعهم صايرن مالهم دور = ون سولفو صارت سوالف بزوره
البيت لوزانه ستاير وديكور = ينهد لا صارت ضعيفه جسوره
واشوف لي ناسن سواليفهم عور = يا شين حظ اللي طلبهم مشوره
لو اضحكوله وابدو الراي والشور = ماهو محصلهم بوقت الضروره
وبعض العرب يسوى من الناس طابور = نسل الرجال اهل النفوس الغيوره
ويامسندي با الف بالقول وادور = واجنح بموضوعي مع اخر سطوره
ياحن قلبي حنت اتروس ماطور= ماطور جمسن موثقاتن سيوره
على هنوفن نورها يتبعه نور = سبحان من نور عليها بنوره
اشكي مفارقها من اسنين وشهور = اقيم بالطايف وهي في شروره
عنها ابعدوني خمة الزيف والزور = امبعدين انوار عن دار نوره
وجتك البيوت ومابها بيت مكسور = ابيوت شعرن يالشجيع امحكوره
من شاعرن شعره مع الناس مشهور= ياما التقط بفلاش الافكار صورة
قصيدة تعجيزية

قال من للشعر يهل الوفا متفرغ=طالما الساحة من الشعر فارغة
الذي يوحي لهذا الكلام ايبلغ=دامت اشموس الطواريق بازغة
احمد الله واشكره بالغ(ن) لي مبلغ=مبلغ(ن)بالعزم والجد بالغه
والحقيقة قبل نجمي يطل ويبزغ =والعرب تطلق علي اسم نابغة
والذي بيقول ما للكلام امسوغ=ما ذكرته صدق ماهو مبالغة
وان طغى الباطل وهيمن فلا زم يدمغ=بالدليل وحجة الحق دامغة
وحسافة كيف جلد الغضنفر يدبغ =الله انه لا يبقي لدابغه
والردي لو صار واصبح عظيم المبلغ=مع رداته ما تفيده مبا لغه
وانت يالي للمشاعر نويت اتدغغ= خل عنك الفبركة والمراوغة
واه من قلب(ن)يالاجواد كنه يلدغ= لدغة الرقطا بنابين لا دغة
والسبب فيما جرالي من ابو لغلغ=موذي العالم بصيحة لغا لغه
وانشد العراف قدام قولي يفرغ=منهو الي علم الببغا لغة
غير ياعود الثمانين بطل تصبغ= منت مخفي الشيب لوكنت صابغه
واعرف الشيطان بين الخلايق ينزغ=لين ذاك الود يصبح مدامغة
وافصح امن القول ذا يالاكارم وابلغ=الله انعامه على الخلق سابغة





قصيدة في مدح قبيلة بني مالك



قال الذي عنده للاحوال تحليل =ون هاض جاب المفردات الجزالي
حنا بني مالك رجال(ن) حلا حيل=اهل الشيم واهل القيم والمعالي
قوما(ن)لنا بين الرجاجيل تبجيل=ولنا المقام المعتبر والمثالي
الغانمين الحازمين المشاكيل=اهل السلوم امومنة كل جالي
تشهد لنا الهيجا وتشهد لنا الخيل=يوم احتدام المعترك والنزالي
والمعتدي دايم نحده على الويل=بالنيمسي ومصقلات السلالي
والضيف يلقا عندنا كل تكميل=والسكرية قبل صب الدلالي
وحنا مصابيح السرا لضلم الليل=بالعصر الاول والسنين التوالي
ما نارد الا صافيات المناهيل=واليا تكلمنا قطعنا الجدالي
وحنا الكرام امثقلين المعاديل= واهل الوفا كله من اول وتالي








واللاش لوتعطيه من جيبك الخاص

قال الذي في بحر الامثا ل غواص=ونفوس خلق الله بحدسه فحصها
يا مال فرقى العين يابعض الاشخاص=ناس(ن)تهين انفوسها من لبصها
لا ثارت الغارات بصياح ورصاص=حاصو ولا صو من بداية حصصها
لو اخلص الوافي لهم كل الاخلا ص=جوه ابعلوم(ن)خافقه ماخرصها
والوقت لعزوم الرجاجيل مصاص=ياكم علوم(ن) بالفواجع خبصها
والذيب اشوفه داخل اشبوك واقفاص=وام الصياح اتحررت من قفصها
وصار النحاس منافس اللول والماص=وزادت على احلوق النشاما غصصها
لا قفت الايام بعلاج الاقراص=وقصت على اصحاب المطالب قصصها
قلنا بعالي الصوت لدان والقاص=وشلون بالله منتهزنا فرصها
واللي بوسط البحر يالربع ما غاص=لو عاين اسماك البحر ما قنصها
واللي عن الواجب ودرب الوفا حاص= مخباة ماله بالعطا ما نقصها
واللاش لوتعطيه من جيبك الخاص=لو هي شويكة في يدك ما نبصها






ما في اللاش خير ولا براسه حماسة

قال منهو بدا بالشعر عرف وفراسة =كل فنا عرفه وكل حكمة درسها
والله مشره على راعي الردى والخساسة=مشره الا على قرما علومه طمسها
وضعك اليوم يالهافي درسته دراسة=واكتشفت العلوم الي ضميرك حبسها
ما في اللاش خير ولا براسه حماسة=غرسة(ن) لا عسى الله يرحم الي غرسها
لوقضيت العمر مابين كرسي وماسة=منت مستوعب اعلوم(ن) يضوي قبسها
اعرف الدرة البيضا واعرف النحاسة=واستشف الامور الغامضة واقتبسها
والحب اعرف متى حصده وحزة دياسه=والميادين اعرف احصانها من فرسها
واصحب الي يجي بالراي من مخ راسه=راية الخصم بالميدان ياما نكسها
واتجنب قليل المعرفة والسياسة=مهفي الروح بدروب الخباث ودنسها
واصحب الي ليا جيته لقيت الوناسة =اجودي(ن) لبوس اهل المكارم لبسها
جعل مثله بوقته مايشوف التعاسة=والليالي السعيدة مايطوفه ونسها






قال الذي غنى على كل طاروق


قال الذي غنى على كل طاروق=ويجيد بدع امعوسرات الطروقي
ابا تمثل كان للمستمع ذوق=وابين الي في خفايا خفوقي
مثايل(ن)يطرب لها الحر ويروق=وتسلي الي خالفته الوفوقي
جار الزمان وصار في مقدمي عوق=ودنيا الحتوف اتفننت في عقوقي
بغيت حق وصرت يالربع محقوق=واصبحت بين اهل الحقوق امحقوقي
ومن الخطا صارن في قلبي احروق =ازرا يعالجها طبيب الحروقي
بسباب ناس(ن)تعشق الغش والبوق=وقلوبهم بعد المعاهد تبوقي
ولا السنتهم ما حكت حلو منطوق=ومن النقايص ثوبهم به شقوقي
اقصد عفون(ن) عندها الشر معشوق=عوج الهروج امدنقين العنوقي
اهل العيوب امتابعة كل مطفوق=امشغلة للشر صوت البروقي
امسوية لشر بين البشر سوق=سود الوجيه امعاملة كل سوقي
امفرقة ما بين معتق ومعتوق=خباث الطباع امدورين النشوقي
الي على الفتنة غدا شوقهم شوق=ودهم بشر ايحوق الاجواد حوقي
حتى تشب وتنشب احلوق بحلوق=في ساعة (ن) يبلش بها الي حموقي
هاذا ولولا الخوف من واحد(ن) فوق= الي خلق يالربع كل امخلوقي
لرد لهل البا طل الطاق مطبوق=صباح يوم(ن) ما لشمسه شروقي
ذا قول من قوله موكد وما ثوق= ما هو بقول السيفهان الطفوقي
وانكان عند الناس ضاعت لي احقوق=مولا ي عنده ما تضيع الحقوقي




اللي درس حل الطلاسم دراسة


سلام يامن خوته ترفع الراس=سلاما اسمى من سمو الحماسة
واثمن من الياقوت واغلى من الماس=واحلىمن الذوب المصفى بكاسة
والذ حتى من مذاق الا نا ناس= في دوحتن غنا تجيب الوناسة
يلفي وينصى صيرمين وقرناس=امعرب المجنى من اصله وساسه
بن جابر اللي كاسبن كل نوماس=صافي ذهب ماهو بمعدن نحاسة
ابن الذي لا عدو اهل التفراس=عدوه الاول بين ربعه وناسه
من لابتن تعرف وتذكر مع الناس=اهل الوغا واهل الوفا والفراسة
ويا خالد افهم ما كتب فوق الاطراس=معاني اللي بحر الاشعار قاسه
معانين تلبس من الحكمة الباس=جواهرن فيها الحلى والنفاسة
الوالدين اشرب مع برهم كاس=كاس الرضا ومسايستهم سياسة
واحرص على السنة فهي خير نبراس=ومرافق اهل العلم واهل الكياسة
والدين يا خالد هو الاصل والساس=ورجلن بليا دين ينهد اساسه
اجلس مع العلم في كل مجلاس=وافهم دروس العلم والبس لباسه
واحذر هل الغرات والناس الانجاس=اهل العلوم الهابطة والنكاسة
واحذر من الهلاس تباع الادناس=اللي يدوبح للنقايص براسه
وحق الخوي يلزمك ياراعي الباس=واليا حدنه عوج الايام واسه
واللاش لو يملك من الثروة اكياس=ترى علومه كل ابوها طفاسة
واليا بغيت اتحدد احوال الارماس=وتحيط بغموض المسا ر ومجاسه
دورلها اللي يعرف ارموز الاقواس=اللي درس حل الطلاسم دراسة
هذا وانا عندي للاشخاص مقياس=والرجل مايخفى عليه مقاسه
واسلم ودمت وكل معنى من الراس=معاني اللي شيب الوقت راسه
والختم صلى الله على خيرة الناس=اللي على اهل الشرك داس بمداسه
محمد الشافع لنا يوم الاتعاس=لا ضيع الانسان جملة حواسه



ابيات بدون نقط

ولد مالك امس العصر عدا على المدهال =ودار الهوى واهدى على ام الحلى حله
الا ردد الملهم على اهل الهوىمـــــوال =احالوه لهل الحلم والعلم والمـــــــــــله
احس الالم والهم والسل والســـــــلال =وحلو الملامح ما رحم والهوى عــــــله
واهل المدامع كلما الد للا طــــــــــــلال =ولا اود ولا اهوى سوى ساحر الطـــله
هواحلى الملاح وللحوالك سطوع اهلال =واله السما الواحد عطاه الحلىكـــــله
اهلل مع الاسحار وادعو مع الاصـــــــال =واسال الله الماوى مع مدلع الحـــله
اصور على المسرح حلول اول الاحــــوال=واحل الطلاسم واحكم الامر واحــــله
وامر الامور اهدار الاعمال والامـــــــــا ل =وامرالامور امرار مسلم على مــــله






مجـــــــــــــــــــــــــــــــــــــــالسي


الا ياالله يا مجري الهوى =ويا منهو على العرش استوى
ويا عالم بقلبي وش نوى=وياعالم خفايا كل نية
اسالك وانت علام الغيوب=ويا من تعلم اسرار القلوب
الاياالله على عبدك تتوب=وتغفرلي وتمحى كل سية
دعيتك وانته الرب الكريم =تثبتنا على النهج القويم
وتهدينا السراط المستقيم=وتحيينا الحياة اللي رضية
والا يهل الوفا واهل الثبات=تهيض خاطري بالمفردات
طواريقن كما سكر نبات=تحتمها الضروف الواقعية
والايا مرحبا بغلى ضيوف=واكررها ملايين الالوف
وفي جيتكم نصف الصفوف = ويا صباب دير الشاذلية
لفيتونا على راس الشجيع = رفيق الجنب لنسد كل ريع
حليف الجود محمد الصنيع= ابو خالد مفرق كل هية
ليا حل الملاقاء والهواش= على الاخصام سلال وعماش
وللا صحاب هتان ورشاش = من اللي يرفعون المعنوية
ولن جا ذكر خالد بالكلام = مقول الا كريمن من كرام
له التقدير هو الاحترام= كريم اسبال وكفوفه ندية
وابو راكان مزبان الدخيل = له القالات والذكر الجميل
ولن صار المعاند له قبيل = طويل اذراع وعزومه قوية
وماجد مانسيت ولارجب= هل الفزعات اذا الواجب وجب
تجدهم دايمن عند الطلب= تقل عسكر بوضع الجاهزية
وشرفتم على سمن وسمان = وحنا اخوة على طول الزمان
ومن شخصي لكم عهد وضمان =ويالله لاتجيب المكرهية
لفيتم يارجاجيل العزوم =وراحت وانتهت كل العلوم
ولا عد بيننا غير السلوم=كلامن صدق والعهدة علية
ويصحاب المكارم والنبا=ترو حنا عواني واقربا
ومن يشنا لكم جعل ايهبا=ويالله لاتبقي له بقية
ولخواني على شخصي حقوق = ملاذي لاتلاشن الوفوق
ولن نشبت حلوقن في حلوق=بدوكنهم كتيبة عسكرية
واحب اقول في هاذا النشيد=كثير العد قالو مايفيد
ومن قول العوارف نستفيد=ولاتصعب على القاضي قضية
وفي هاذا المقام احب اقول =كلامن تفهمه كل العقول
كلامن ياهل العرف امعقول = على ضوء الحروف الابجدية
منا الايام شيب مفرقي = وبالغبات حول زورقي
وكن القلب ناشه مطرقي = وبا الاعماق عله داخلية
ومن طاوع هوى نفسه ندم= ومن عثرات بقعا ماسلم
ومن بالدين يالربع التزم =فلا يرضى الحياه الفوضوية
وتقوى الله وخوفه خير زاد= ومنهو طاع خلاق العباد
هداه الله لدروب الرشاد= وصارت عيشته عيشه رضيه
وكل الخير وفي الاتباع = وشر الشر شر الابتداع
ودرب ابليس تاليه الضياع= وعوده للحياة الجاهلية
وربي ماخلق عبده همل= ولاكنه مكلف بالعمل
ودين الله على الحق اشتمل = ودين الله خيرن للبريه
ومنهو حاد عن درب الصواب = تعرض للمتاعب والصعاب
ولسواله فلى يلقى جواب = وبين الناس ماله قابليه
وتم القول واختم بالصلاه= على المبعوث نورن للحياه
عدد ماحدثو عنه الرواه= وما هلت من المنشا نشيه


الى اخي ابوغيث
البارحة وامة محمد هواجيع

البارحة وامة محمد هواجيع=قضيت انا ليلي على راس كوعي
تقول ينزع بالمحاني منازيع=وبقصى الضماير مثل نار الشموعي
كله سبايب كايدات المواضيع=مشاكلن يهل المعرفة تروعي
مشاكلن يبلش بها الرجل ويضيع=وتخضع الرجال كل الخضوعي
هذا وبا اسند على حامي الريع=امعرب المجنى بعيد الرموعي
صاطي الليمين امطوع المال تطويع=امومن المفزوع يوم الفزوعي
ميدي لغياث الضعوف المجاويع=اللي على كسب المراجل ولوعي
شوق الملاح الفاتنات المفاريع=ابن الرجال امفرقين الجموعي
اخويه الوافي بعيد المطاليع=بوغيث لا هوم الغشوم الطموعي
له مجلسن بوبه بليا مصاريع=ومهيلاتن يقتفيها القدوعي
ومفطحا تن في صحونن لواميع=اتحوفها الخيرات من كل نوعي
وسوالفن تشرح صدور السواميع=مابين قال الله وقال الشفوعي
وسلامن ا صفى من زلال اليا نبيع=وازكى من الازهار بين الزروعي
هذا وبا افرع لك العلم تفريع=وابين اشيا خالفتها رموعي
تبدى مشاريعن وتنهى مشاريع=وانا مشاريعي سرابن لموعي
ومن العثاير صدع الراس تصديع=واعلنت لاحداث الليالي خضوعي
واسلم وتبقى واخر القاف توقيع=والعد ماهو مثل ماي النقوعي
القصيدة اطول لاكن لتطرقي لبعض الامور الخاصة لم اوردها كاملة

خـــــــــــــــــــــــــــارج التغطية

يا هل العرف عندي قصتن شاب منها الراس شاب =
قصتن واقعية صدق ما هي بشين من خيالي=
قصتن بذني اتوحيتها من فتاتن مبتلاه=
واول القصة اني كنت يالربع بالسوق اتسوق=
الا وانا انظر البنتن تروح وتجي وبلا حجاب=
واستمرت قرابة ربع ساعة وهي تمشي تدلع=
وتكسر وتتبختر وتعرض مفاتن حسنها=
قلت يا بنت هذا الفعل في ديننا شين محرم=
وان ما تفعلينه ما يليق ابفتاتن مسلمة=
غير يابنت من ذ الساعة استغفري ربك وتوبي=
قبل تنزل من المولى عليكي عقوبة عاجلة=
لن ما تفعلين ايعد بلوى لخلق الله وفتنة=
وانتي الفاتنة والفتنة اكبر واشد امن القتال=
قالت انا ضحية لنشغالات ابوي وغفلة امي=
مع وجود الامور المغرية وانعدام التربية=
غير ابا اعلمك ياشيخ واقص لك قصة حياتي=
لاكن ارجوك تصغي لي وتنصت وتسمع بهتمام=
من وانا طفلتن وانا بيدين خدامة وسايق=
وانته اكيد ما يخفاك خبث الخدم والسايقين=
اما ابويه فعايش بين لبنان وامريكا واروبا=
بين صفقات الاستيراد وايجاد بعض المنتجات=
مرة امقيم في بيروت واحيان في لندن مصيف=
وافضل ايام عمره لا قضاها بجزر الما لديف=
وامي امولعه بالفن ومواكبة صيحات الازيا=
وانشغالن بحفلات التعارف وحفلات الزفاف=
شغلها الشاغل الصاق التهم بالدعاة وبالمشايخ=
والتطاول على كل القيم والثوابت والاصول=
لوثو فكرها اصحاب الضلالات ودعاة التفسخ=
زمرة الغي والتضليل والفسق واهل الانفلات=
واصبحت تدعي العالم بدعوى التحضر والتحرر=
والهدف ياوسيع العرف بث التميع والسفور=
واخوتي ياوسيع المعرفة كل واحد في مدينة=
ما نشا هد بعضنا غير في عيد ولا في زواج=
والحقيقة ان الاسرة كلها غارقة في بحر الاهوا=
والسبب كله الاعراض عن منهج الدين الحنيف=
وانا في ضل كل اللي ذكرته وبينته وقلته=
صرت ياشيخ لا اميز ولا اعرف حلالن من حرام=
واصبح الجو للسايق وللخادمة صافي ورايق =
لين قامو بتعويدي على كل اساليب الضياع=
انشئوني على الجوال والنت والبث المباشر=
والتقاط المشاهد عبر شين يسمى البالتوث=
واهتويت التكشف والتعري وتخصير العباية=
والتسكع في الاسواق واللعب بقلوب الرجال=
واجبروني على الوشم المحرم وتنميص الحواجب=
والتعود على لبس القصير ولبس البنطلون=
صرت ما انام ولا استيقظ الا على صوت الموسيقى=
وانجرافن ورى بعض التفاهات والوان المجون=
دوم اشجع زميلاتي على الغي وادعو للتبرج=
وانتقاص الحجاب وكل من هي تمسك بالحجاب=
غير ياشيخ من ذالحين ابا اتوب انا توبة نصوحة=
واسأل الواحد اللي يقبل التوب يقبل توبتي=
لاكن ابغى تحذر مجتمعنا السعودي والخليجي =
بل والاسلامي امن امخططات النصارى واليهود=
وانذر المجتمع ياشيخ من بعض كتاب الصحافة=
واجتهد واجتهد في نصح الاباء ونصح الامهات=
وانتهى العلم والموضوع يالربع قصة واقعية=
قصتن واقعية صدق واليوم هاذا نصها =
شعر: جندب المـــــــــــــــــــــــــــــــــــــالكي

 

الرد مع إقتباس
  #2  
قديم 30-07-2009, 07:22 AM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

صح لسانك يااخ جندب وعلى شانك على هالدرر بارك الله فيك شاعرنا

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #3  
قديم 30-07-2009, 08:43 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

صح لسانك ياغالي

وجبه دسمه هذا الصباح

ننتظر جديدك

وبالتوفيق

 

الرد مع إقتباس
  #4  
قديم 30-07-2009, 04:23 PM
الصورة الرمزية لـ ظيم الدهر
ظيم الدهر ظيم الدهر is offline
عضو v.i.p
 





ظيم الدهر is on a distinguished road
 

 

صح لسانك وعلى شانك

لاتحرمنا من هالدرر

 

الرد مع إقتباس
  #5  
قديم 31-07-2009, 10:50 PM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

صح لسانك

 


::: التوقيع :::



 
الرد مع إقتباس
  #6  
قديم 31-07-2009, 11:58 PM
الصورة الرمزية لـ مشاري الهويمل
مشاري الهويمل مشاري الهويمل is offline
pRiCeLeSs
 





مشاري الهويمل will become famous soon enoughمشاري الهويمل will become famous soon enough
 

 

ماشاء الله

ابداع لا متناهي


صح لسانك

 


::: التوقيع :::



 
الرد مع إقتباس
  #7  
قديم 02-08-2009, 07:37 PM
مطول الغيبات مطول الغيبات is offline
شــاعر
 





مطول الغيبات is an unknown quantity at this point
 

 

صح لسانك يا الغالي

اعجبتني القصائد جميعها
وخاصة القصائد التعجيزية

 

الرد مع إقتباس
  #8  
قديم 04-08-2009, 03:14 PM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

صح لسانك يا جندب

والقصيده الأولى رائعه وغريبه بنفس الوقت


يعطيك العافيه

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 03:27 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www