قصيدة الخلوج من اروع صور الشعر والتاريخ a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

قصيدة الخلوج من اروع صور الشعر والتاريخ

المشاركة في الموضوع
 
خيارات الموضوع طريقة العرض
  #1  
قديم 10-07-2009, 05:56 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 
قصيدة الخلوج من اروع صور الشعر والتاريخ

 



قصيدة الخلوج ... أشهر قصائد الشعر النبطي في العصور المتأخرة، قالها شاعر بريدة الكبير محمد بن عبد الله العوني بعد الانتصار أمير جبل شمر عبد العزيز بن متعب ابن رشيد على خصومه مبارك الصباح أمير الكويت وسعدون باشا السعدون امير قبائل المنتفق ومَن معهما من أهل القصيم أهل بريدة وأهل عنيزة... وذلك في معركة الصريف المشهورة سنة 1318 هـ.

فبعد هذه الهزيمة أخذ عبد العزيز ابن رشيد ينكّل بأهل القصيم، فقال العوني هذه القصيدة وهو في الكويت يستنجد بأبناء القصيم العقيلات وهم تجار الإبل في بلاد الشام ويطلب منهم العودة إلى القصيم للدفاع عنها، كما مدح في هذه القصيدة أمير الكويت الشيخ مبارك الصباح ( أبو جابر) واثنى على امير المنتفق سعدون السعدون( أبو ثامر ) ... كونه كان في معيته كشاعر حروب المنتفق.

والخلوج: هي الناقة التي فقدت ابنها، وبكاؤها من أشد الأصوات تأثيراً في القلوب، تسمعه وتظن أنَّ أضلاع الناقة تتحطم من حرارة الحنين! ولذلك استخدم العوني حنين الخلوج ليقارنه ببكائه الأليم على بلده.

وقد اكتسبت هذه القصيدة شهرة واسعة جداً لجودة معانيها وجزالتها ولأنها على بحر الهلالي وهو بحر من بحور الشعر النبطي يمثّل قمة الجزالة والمتانة ولا يستطيع النظم عليه إلا الشعراء الفحول... كما اكتسبت هذه القصيدة شهرة أكبر حين غناها الفنان الكويتي الراحل عبد الله الفضالة على الكمنجة فكانت قمة الفن الأصيل حين التقت الجزالة البدوية باللحن البحري الساجي الحزين على أوتار الكمنجة العميقة الرتيبة

وهذه الرواية التي سأنقلها ليست هي أجود روايات القصيدة، فهناك روايات أجزل وأجود
-------------------------------------------------





خلـوج تجـذ القلـب باتـلا عوالهـا



تكسـر بعبـرات تحـطـم سلالـهـا



تهيـض مفجـوع الضميـر بحسهـا



الى طوحـت حسـه تزايـد هجالهـا



له قلت أنا يا ناق كفـى عـن البكـا



لا تبحثين النفـس عمـا جـرى لهـا



لا تفجعـيـن الـبـال بالله هــودى



ولـى خلـوج خبـث البيـن بالـهـا



تبكيـن فرقـا بكـرة شـده العـرب



ضاعت يميـن البـوش والا شمالهـا



تجيك يـا نـاق الخطـاء أو تجينهـا



وان كان ضاعت لـك بديـل بدالهـا



لكن أنا اليـوم مـا تنعـد مصاوبـى



ولا علتـي تبـرا ولا ينشكـى لـهـا



فلو البكـاء يـا نـاق عنـى يحلهـا



بكيـت بيـض أيامهـا مـع ليالـهـا



ولو البكاء يـا نـاق يرجـع لغايـب



بكيـت ليـن العيـن ييبـس ثمالهـا



وأبكى على الا ثنين ما ذعذع الهـوا



مدى الدهر لين النفس تلحق زوالهـا



وأبكى على ما صاب نفسى وما جرى



وابكى على فتخـان الأيـدي زلالهـا



وأبكـى علـى دار ربينـا بربعـهـا



معلوم خشـم الرعـن مـن شمالهـا



ومن شرق طعسيـن الأرخـم تحدهـا



بين اللوى والسر مااطيـب سهالهـا



دار بنجـد جـنـة كــان قـبـل ذا



ومن صكته غبر الليالـى عنـا لهـا



وصفه من الخفـرات بيضـا عفيفـه



يفـوق كـل البيـض باهـر جمالهـا



حسودها يغضـى الـى مـر حولهـا



مـن خـوف عيـال تربـوا بجالهـا



هـي امنـا وا حلـو مطعـوم درهـا



غذتنـا وربتـنـا وحـنـا عيالـهـا



برور بنـا مـا مثلهـا يكـرم الضنـا



وصـول بنـا لكـن نسينـا وصالهـا



تلقى علينـا الجـوخ والشـال فوقنـا



وهي عاريه تبكى ولا احد بكـى لهـا



ولا أحد جزع من صيحته يوم سبلـت



ولا أحد نشد من بعد ذا وش جرى لها



قلت آه واويـلاه يـا خيبـة الرجـاء



كيـف أمنـا تهضـم وحنـا قبالهـا



يا طارش من فـوق سراقـة الوطـا



هميم ال،ى سارت ذعرها ظـلا لهـا



حابل ثمان أسنين مـا مـس خلفهـا



ولا بركـت للشيـل جملـة حمالـهـا



إلـى بـدالـي لازم قـلـت شـدهـا



واضبط عن الفزات مقضـب حبالهـا



ولا تعتنـى بالخـرج مـاذي بحزتـه



شل قربـة واجعـل زهابـك عدالهـا



فالى شلت خذلى بالرسن قدر ساعـه



أبلغك فـي دق المسايـل جـلا لهـا



والـى ختمتـه بالـسـلام فحثـهـا



من دار ابو جابر سقى الغيـث جالهـا



اوصيك يا مرسال بالسيـر والسـرى



واحذرك نـوم الليـل عينـك ينالهـا



إلى سرتها عشـر وخمـس مغّـرب



مرواحـك الميـدان منهـى منالـهـا



والى جيت سوق العصر ياتيك غلمـه



تخثـع بزينـات البريسـم انعالـهـا



يقولون لك ياصـاح عطنـا علومـك



بلدان نجـد عقبنـا وش جـرى لهـا



قـل كـل بلـدان القصيـم وغيرهـا



عن الخوف زاموا دون جاله رجالهـا



مير داركم من عقبكم تنـدب الثـرى



تبكى علـى الماضيـن واعزتـا لهـا



لعبوا بهـا الاجنـاب لا رحـم حيـك



والبيـض بالبلـدان شتـت لجالـهـا



شيابكم تضرب علـى غيـر موجـب



من عقب كبر الجـاه تنتـف سبالهـا



أولاد علـى اليـوم ذا وقـت نفعكـم



لا رحم أبـو نفـس تتاجـر بمالهـا



أولاد علـى أن الليـالـي قصـيـرة



ولا للفتى غيـر الثنـاء مـن نوالهـا



أولاد على اليـوم مـا هـوب باكـر



قومو بعـزم الليـث ماضـي فعالهـا



لا تتبعون الهـون والعجـز والعسـى



أو ربمـا أو ليـت يعتـب سوالـهـا



جود ورجا يا ناس ما هيـب عندكـم



هذيك ما لحقـوا هـل القـول جالهـا



وذى قالـه مـا ينطحـه كـود نـادر



اولاد على مـن بكـم قـال انـا لهـا



ترى مركب الاخطار هو مصعد العلـى



ولا يدرك المقصـود غيـر احتمالهـا



وترى بالسيوف المال والعز والبقـاء



والجنـة الخضـراء بخضـر ظلالهـا



قومـو بـراى الله واقضـوا ديونكـم



أنتم هل القـالات مـا أنتـم رذالهـا



مدام( ابو جابـر) علـى العـز والبقـا



عنا ثقيـلات الحمـول ارتكـى لهـا



الى أحتـرك سبـع القبايـل تحركـت



والى رسى ترسـي رواسـي جبالهـا



قومـوا برايـه ثـم راي( ابـو ثامـر)



ابو كلمـة يافـي بهـا حيـن قالهـا



عرق الصخا بحر الندى مرهق العـدا



لااشتبـت الهيجـا تعرفـه رجالـهـا



هيج سبـاع الحـرب بالبـر والبحـر



والشمس تشكي منـه عجـه ينالهـا



ومصقلات الهنـد تدعـي لـه البقـا



لولاه كـان اصـدت بغمـده سلالهـا



نشا مولع بالحرب والضـرب ماشكـا



والخيـل والعيـرات تشكـي هزالهـا



من كثر مامسه على السير والسـرى



من كثر ماخاضـت مهامـه سهالهـا



قـوي بـاس مايليـن الـى مضـى



الى ضكته صعب الحمول ارتكـى لهـا



شال الحمـول الثقيلـه يـوم جدعـت



عفـى زمـول جدعتـهـا وشالـهـا



تذرى به السرحان والفهـد والأسـد



من هيبتـه كـل وقـف فـي ظلالهـا



اقسمت بالمولـى وبالنـور والصمـد



واشهد بسكاب المطـر مـن خيالهـا



ماجابت الخفرات( سعـدون) او مشـى



مثله على وجه الوطـا مـن رجالهـا



من مثل( ابو ثامر) الى ضبضب القتـر



والخيـل زاد مـن البلنـزا جفالـهـا



لـه هـدة ماقيـل( ابـازيـد) هـدهـا



(ولاعنتـر) المشهـور ماقيـل نالـهـا



على سابـق تعطـى علـى مايريـده



ميتـم ضعافيـن القبـايـل عيالـهـا



تلقـى كمـا لطـم العرانيـن فوقهـا



مـن خـوف عيـال تذكـر مجالهـا



(شبيبيـة) تلـقـى مقـاديـم حربـهـا



وذا من قديـم طبـع عمـه وخالهـا



الى صاح( بالمنشا) وسـاروا وسبلـوا



وردوا مثل سيل حـدر مـن سبالهـا



نشاما يرون المـوت هـو متجرهـم



ومجـادل الفرسـان حـدر جدالـهـا



ابلحق انـا بعـض( الشبيبيـه ) ملامـه



وتكرم على شيـن الملامـه سبالهـا



قـل كيـف (عبـدالله) تعـدوه وابنـه



ملحـق قصيـرات السبايـا طوالهـا



خـلا مساعيـر الصريـف ترودهـم



والضبعـة العرجـا تنـادي عيالـهـا



وهم يزرعون العيـش ماكـن كارهـم



ويـلاه ياعـيـن تـزايـد همالـهـا



لـولا( ابـو ثامـر) يـبـرد بفعـلـه



فرض سنة الشغمـوم ميتـم اطفالهـا



سنـة( مهلهـل) عـن( كليـب) خليصـه



فرضها( ابـو ثامـر) وجـدد اسمالهـا



ذبـح( بعـبـدالله) شـيـوخ كثـيـره



مصابيح ظلمـا بالدجـى ينعنـى لهـا



ومن عقبهم ميـه وعشريـن لحيـه



ونفسه وعينه ماقضى عشـر مالهـا



وان عاش( ابو ثامر) وساعف له الهوى



كم خفرة ترمـي الغطـا مـن هبالهـا



تبكـي قصايرهـا وتبكـي حليلـهـا



وتبكـي مشافيقـه وترمـي دلالـهـا



هـذا وتـم القيـل والله بـه الرجـا



وصلوا على المختار مااهمـل خيالهـا




1-الشبيبيه نسب السعدون
2-المنشا نخوة المنتفق عامه
3-عبدالله هو اخو سعدون وسقط قتيل هو وابنه نجم
في معركة الصريف
واتمنى ان ينال الموضوع اعجابكم يالاجواد بهالملحمه التاريخيه

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #2  
قديم 13-07-2009, 11:10 PM
الصورة الرمزية لـ الفارابي
الفارابي الفارابي is offline
عضو مبدع
 





الفارابي is on a distinguished road
 

 

صح لسان الشاعر

 

الرد مع إقتباس
  #3  
قديم 30-07-2009, 07:01 AM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #4  
قديم 30-07-2009, 03:59 PM
الصورة الرمزية لـ إبن عيسى
إبن عيسى إبن عيسى is offline
عضو مشارك
 





إبن عيسى is an unknown quantity at this point
 

 

كفو والله اخوي عبدالعزيز
كنت ابحث عنها من زمان
الف شـــــــــــــــــــــــــــكر

 


::: التوقيع :::

خالد بن عبدالله بن سليمان العيسى
يقيني بالله يقيني


 
الرد مع إقتباس
  #5  
قديم 30-07-2009, 05:55 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

إبن عيسى

حياك ياالغلاء

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 02:18 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www