تو . . طين a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

تو . . طين

المشاركة في الموضوع
 
خيارات الموضوع طريقة العرض
  #1  
قديم 08-07-2009, 04:20 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 
تو . . طين

 

قصيدة رائعة لشاعر إماراتي يشكي الحال



وش عاد يا دار ٍ بها صار ( توطين )


و في مكتب التوظيف سوسن و ميسون !


مديرهم مدحت و نائبْته نسرين


و على الرسبشن حمّص و فول و زيتون !


كل ما اتصلت اسمع ( الو مرحبا مين ؟


بدّك وظيفه ؟ .. مين دلّك على هون ؟ )


اقول انا لي اتصل صار شهرين


و انتوا وعدتوني متى بس توفون


اسمي ( مواطن ) ( جامعي ) طيب و زين


كني ابخطب عندكم و اتّغلون !


عندي شهادة طايحه بجبدي سنين


عشش عليها شي له ستة عيون !!


لو للشهاده لسان قالت ( على وين


ناوي توديني . . تلف فيني الكون ؟ )


من كثر ما صورتها غارق بدين


للهندي راعي المطبعه صرت مديون


لا ليلي ليل ولا نهاري نوى يبين


دقيت راسي لين ما صرت مينون !


مطلوب خبره عالأقل في مجالين


ولا ّ تجينا بواسطه و سير مدهون !


ولا انثبر في بيتك . . افرك بكفين


يومك يشابه امسك و عيش مغبون


تعدادنا ويّاهم اربع ملايين


و اهل البلد للحين ما صاروا مليون !!


ويلاه من باكر اذا وضعنا الحين


و احنا اقل من الربع حالنا شجون !


و اللي ابتسم له حظه والله مسكين !


حصّل وظيفه . . بس ف ي وين .. تدرون ؟


ساكن في راس الخيمه .. حطوه في العين !!


و اللي سكن في الذيد .. في السلع مدفون !!


يشوف اهله بس في الأسبوع يومين


و اذا حسبتوا الدرب كم ساعه . .. تبكون


يعني في كل احواله ذاق الأمرين


شغّال محزون و بلا شغل محزون


و الأجنبي اللي راتبه فوق عشرين


فله و سياره و تذاكر . . و طاعون


عنده بدل كل شي عالراتب الفين


حتى بدل معجون اسنان و صابون !


و من بعد ما يجمع من بلادي فلسين


و يربّي من القعده على الكرسي بطون


و يصير في بلاده غني و عنده برجين


يرحل و هو جاحد . . و كم مثله ملعون !


و حتى الجماعه قوم مدحت و نسرين


مردّهم لبلادهم لو يطولون


يرضون بشوية دراهم . . و شفتين


صبح و عصر . . لو حتى في الليل يرضون


بس لو سمعتوا همسهم بينهم بين


وسط القهاوي يلعنون و يسبون !


لا تحسبوني عنصري . . كلنا طين


و الخِـل لو عاتب محبينه يمون


داري و انا اولى بها من الغريبين


ما يوصلون لحبها لو يموتون


و ( الأقربون اولى ) . . كلام ٍ من الدين


ما جبته من شعري مع الهام و ظنون


ولد البلد ما يبغي لبلاده الشين


بالروح بالدم يفتديها ولا يخون


لكن سؤاله يوم قلتوا له ( توطين )


يا كيف بيد الغرب توظيفه يكون ؟؟!!


شعا رهم معروف ( راجعنا بعدين )


و باين من التأجيل .. انهم ي خافون


اذا معك خبرة .. يا اهلين و سهل ين


و اذا شهاده بس .. عن ّ ك يصدون


ما عندنا شاغر . . و بطلنا تعيين


ولو تحرق الهاتف ترى ما يردون !


من وين اجيب الخبره ؟ من وين من وين ؟


دام الوظيفه عند سوسن و ميسون !


عندي بمطبخ بيتنا خبره سنتين !


تنفع اذا صاروا المطاعم يوطنون ؟؟!


ولاّ أهاجر و آخذ الخبرة في الصين ؟


صح العيون صغار . . لكن يقدْرو ن


سؤال يا دار ٍ ..صراحه بترضين ؟


اني أسافر و اطلب الغرب لي عون ؟


و سؤال يا ناس ٍ على الراس و العين


صدق الوظايف واسطه و سير مدهون ؟


اما الجواب الشافي يجيني الحين


او هاتوا تأشيره . . اذا كنتوا ترضون !

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #2  
قديم 13-07-2009, 11:20 PM
الصورة الرمزية لـ الفارابي
الفارابي الفارابي is offline
عضو مبدع
 





الفارابي is on a distinguished road
 

 

صح لسان الشاعر

 

الرد مع إقتباس
  #3  
قديم 17-07-2009, 02:53 AM
الصورة الرمزية لـ الـــنمر
الـــنمر الـــنمر is offline
محاور متميز
 





الـــنمر is on a distinguished road
 

 

لو للشهاده لسان قالت ( على وين


ناوي توديني . . تلف فيني الكون ؟ )



مسكين........ ذكرني فيني


و الأجنبي اللي راتبه فوق عشرين


فله و سياره و تذاكر . . و طاعون


عنده بدل كل شي عالراتب الفين


حتى بدل معجون اسنان و صابون !



دابلين تسبده



مشكور عبدالعزيز

 


::: التوقيع :::

انا من داورد يكفيني هواها ------ ويبري لوعتي شربي لماها


 
الرد مع إقتباس
  #4  
قديم 17-07-2009, 11:20 PM
الصورة الرمزية لـ حلم الحياة
حلم الحياة حلم الحياة is offline
عضو دائم
 





حلم الحياة is on a distinguished road
 

 

صح لسانه
قصيدة في الصميم
يعطيك العافية على النقل الراااااائع

 


::: التوقيع :::

إضغط على الصورة لمشاهدتها بالحجم العادي


(((آللهم آجعل لي من كل هم فرجآ ومن كل ضيق مخرجآ وآرزقني من حيث لا آحتسب )))


 
الرد مع إقتباس
  #5  
قديم 18-07-2009, 11:36 PM
الصورة الرمزية لـ إكليل الورد
إكليل الورد إكليل الورد is offline
مشرفة قسم اسـرتي وصـحتـي
 





إكليل الورد is a jewel in the roughإكليل الورد is a jewel in the roughإكليل الورد is a jewel in the rough
 

 

موفق أخي قصيده جداً جميله


تحكي معاناة الشباب هذه السنوات


بوركت للنقل

 


::: التوقيع :::

ما لنا غيرك يا الله !


 
الرد مع إقتباس
  #6  
قديم 19-07-2009, 12:20 AM
الصورة الرمزية لـ عبدالعزيز العماني
عبدالعزيز العماني عبدالعزيز العماني is offline
مدير النشاطات الخارجية
 






عبدالعزيز العماني has a spectacular aura aboutعبدالعزيز العماني has a spectacular aura about
 

 



بسم الله الرحمن الرحيم

نقل موفق اخوي ابوالريم

 


::: التوقيع :::





 
الرد مع إقتباس
  #7  
قديم 19-07-2009, 01:59 AM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

حي الله الجميع على مروركم العاطر

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:26 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www