الألفية الشقراوية (ثورة الصمت) a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

الألفية الشقراوية (ثورة الصمت)

المشاركة في الموضوع
 
خيارات الموضوع طريقة العرض
  #1  
قديم 03-07-2009, 12:18 AM
الصورة الرمزية لـ ريناد
ريناد ريناد is offline
عضو نشيط جداً
 





ريناد is an unknown quantity at this point
 
Mumayaz الألفية الشقراوية (ثورة الصمت)

 

- أ -

ألف ٍ : أولّف من ضميري فرايد
وأنضم من احساسي لشقراء قلايد
الديرة اللي فوق كل القصايد
تزداد زين ٍ كل يوم ٍ على زين


- ب -

والبا : بهاها عقب بن زيد زوّد
اللي على "قطع الخرايم" تعوّد
يالله جعل اللي سلف مايعوّد
يعاف طعم المرّ من جرّب التين


- ت -

والتا : تعذبنا على وقت جيلي
نزرع ونسقي بس مامن حصيلي
لاعادك الله يا " زمان البصيلي "
ماكننا إلا ديرة ٍ في فلسطين !!



- ث -

والثا : الثعالب ليه قامت تنوقَل
ولا شافت أحد ٍ مر صارت تحوقل
ياللي تدير اعمالك بـ " إرث قوقل "
إلى متى تصعد على سلم الدين ؟!!


- ج -

والجيم : جدة غير ؟ يمكن ولكن :
شقراء هواها داخل الروح ساكن
فيها سحر ماهو بكل الأماكن
لا يابعد لندن .. وروما .. وبرلين


- ح -

والحا : حلا شقرا تعدى الإثارة
لولا الحفر في كل شارع وحارة
"والله مانسى ياهلي حب سارة "
لينه يزفلت شارعك يـ " الثلاثين " !!



- خ -

والخا : خدم شقرا رجال البواريد
وآل المهنا والجميح الصناديد
وآل الرقيب وآل عيسى الأجاويد
والفاضل .. وباقي الرجال الميامين



- د -

والدال : درب الجود بالشوك عزِّز
كم واحد ٍ يوم إنتصف فيه غِزِّز
أحد ٍ عطاه بسر .. وأحد ٍ ترزِّز
وأحد ٍ عطا صاع ٍ لاجل ياخذ اثنين


- ذ -

والذال : ذا المطعم ترى فيه علّه
وهذاك شيعي كلب .. ياشيخ خلّه
وذاك أنا مدري على أي ملّه
" بابا عزيّز " . . لا تعدّاه يازين !!



- ر -

والرا : روينا من سخافات " دحباش "
اللي عَصَب عينه عن همومنا بشاش
واصبح مراسل عند اهل طاش ماطاش !!
لو للنخاسة سوق .. ماجاب قرشين



- ز -

والزا : زمان الصمت .. والكبت ولّى
في هـ " المجالس " كل شي ٍ تجلّى
عقب البصل .. يازين طعم المحلّى
فيني طرب .. ياليل ياليل ياعين !!



- س -

والسين : سور المجد بالطين يبنى
كم حنشلي لولا وجوده نهبنا
الموت الا جا الحنشلي من عربنا
مافيه حيلة لو مع السور سورين !!



- ش -

والشين : شقرا ليلها غير عادي
لاجيت للشلال .. والجو هادي
الماء .. والخضرة.. "ووجه الرمادي "
تزرع بك البهجة ولو خاطرك شين !!



- ص -

والصاد صار المنتزه في وصوفه
بيض الصعو يذكر ولا احد ٍ يشوفه
مدري إذا جا " العيد " تفتح ظروفه
أو كنسلت والشرط : عشرين / عشرين ؟!!



- ض -

والضاد : ضاق اعرابها فعل ماضي
مبني على ... ياشيخ هاك اعتراضي
وشلون يبنى وماتوزع أراضي ؟!!
أحدٍ بدون أرضٍ واحد ماخذ ارضين !!


- ط -

والطا : طماط ٍ من حليوه شريته
جابه من أهل العب عود ٍ لقيته
معه خضار ٍ جالبه في ونيته
شبابنا عن هالشغل ياولد وين؟!!



- ظ -

والظا : ظما شقرا روى من شعابك
وربيعها يابوحمد .. ذا زهى بك
لولا الهوا " الغربي " يشتت سحابك
كان الشوارع تكتسي بالرياحين



- ع -

والعين : عذروب الشوارع مطبات ..
والزفلته تفسد عقب عشر ليلات
حتى اساميهن بعضهن غريبات ..
مهمب فـ المعجم ولا في الدواوين


- غ -

والغين : غض ّالطرف تو انت بادي
لا طلت قرص ولا بلغت الرمادي
يكفي تمادى يا " وغَد " فـ التمادي
مافيه حاجب قد علت فوقه العين !



- ف -

والفا : فرحنا يوم حطوا هنيّا ..
للجامعه فرع ٍ بشقرا تهيــّا
مديرها خلى الوظايف " حميـّا"
و " الزير سالم "عارفٍ بالقوانين !!



- ق-

والقاف : قلي لا تردّيت حالك
وأنتَ فقير و ما يخدمك ريالك
يجوز لك تسلك طريق المهالك ...
وتجي لمستشفى ً "يعل " المصاخين ؟!!



- ك -

والكاف : كنّي فاقد ٍ طير قرناس
أديبنا اللي كلمته مثل الألماس
يالله طلبتك تجلي الهم والباس
وأحمد تعافي علته قولو آمين !!



- ل -

واللام : له نهج ٍ عن الناس فارق
فـ الجود والمعروف والطيب غارق
وفي كل قمه راكز ٍ له بيارق
أبوزكي .. ؟ بالله قلّي أجل مين ؟!!


- م -

والميم : مجلس ربعنا صار واهي
جلسة .. ورصّ أوراق ..وبريق شاهي
وبسكوت مالح من " محلات راهي"
وْمافيه مع ذا الجعجعة ذرّة طحين


- ن -

والنون : نادينا " علينا ينادي" ...
يبي عطا وتصفيق بعض الايادي
ننفخ وننفخ والبلا في رمادي
لو فيه نار ٍ كان شبّت من سنين !!



- هـ -

والها هوامير ٍ بسوق القراشيع
استوطنوا فـ السوق مثل الجرابيع
ودك تهدّه بـ " العتل والفواريع "
وإلا يخلّى للحريم المساكين


- و -

والواو : وش سوى عقب هاك الآمال ؟
ماكنه إلا يوم فـ المدرسة آل ...
"جلمود صخر ٍ حطه السيل من عال "
ياعزّتي .. للي يدرّس بزارين !!



- ي -

واليا يطول الشرح لوني تكلمت
واللي كتبته شيّ من "ثورة الصمت "
لولاي عن بعض الخلايق تحشمت
لـ " ادّقهم " دق الدخن بـ " الكوابين " !!

 


::: التوقيع :::



 
الرد مع إقتباس
  #2  
قديم 06-07-2009, 12:27 AM
الصورة الرمزية لـ ريناد
ريناد ريناد is offline
عضو نشيط جداً
 





ريناد is an unknown quantity at this point
 

 

ويييييييييييييييييييييييييييييييين الردوووووووووووووووووووووووود

 


::: التوقيع :::



 
الرد مع إقتباس
  #3  
قديم 06-07-2009, 11:09 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

ريناد صح لسانك والله يصلح الحال الوضع عم اغلب المناطق

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #4  
قديم 06-07-2009, 11:52 PM
الصورة الرمزية لـ إكليل الورد
إكليل الورد إكليل الورد is offline
مشرفة قسم اسـرتي وصـحتـي
 





إكليل الورد is a jewel in the roughإكليل الورد is a jewel in the roughإكليل الورد is a jewel in the rough
 

 

وفقك المولى أختي الفاضله


أبيات جميله

 


::: التوقيع :::

ما لنا غيرك يا الله !


 
الرد مع إقتباس
  #5  
قديم 13-07-2009, 11:23 PM
الصورة الرمزية لـ الفارابي
الفارابي الفارابي is offline
عضو مبدع
 





الفارابي is on a distinguished road
 

 

يعطيك العافيه


وفقك الله

 

الرد مع إقتباس
  #6  
قديم 19-07-2009, 11:55 AM
الصورة الرمزية لـ ريم الحلاوالغلا
ريم الحلاوالغلا ريم الحلاوالغلا is offline
عضو مشارك
 





ريم الحلاوالغلا is an unknown quantity at this point
 

 

 


::: التوقيع :::



 
الرد مع إقتباس
  #7  
قديم 19-07-2009, 11:59 AM
الصورة الرمزية لـ ريم الحلاوالغلا
ريم الحلاوالغلا ريم الحلاوالغلا is offline
عضو مشارك
 





ريم الحلاوالغلا is an unknown quantity at this point
 

 

الف شكر اختى ريتادوقصيده رائعه وتسلمين وماادرى كيف طلع التوقيع بدون الرد وتحياتى

 


::: التوقيع :::



 
الرد مع إقتباس
  #8  
قديم 19-07-2009, 12:00 PM
الصورة الرمزية لـ ريم الحلاوالغلا
ريم الحلاوالغلا ريم الحلاوالغلا is offline
عضو مشارك
 





ريم الحلاوالغلا is an unknown quantity at this point
 
Talking الرد على قصيده الالفيه الشقراويه

 

الف شكر اختى ريتادوقصيده رائعه وتسلمين وماادرى كيف طلع التوقيع بدون الرد وتحياتى

 


::: التوقيع :::



 
الرد مع إقتباس
  #9  
قديم 04-08-2009, 08:36 PM
ولد الصالح ولد الصالح is offline
عضو مشارك
 






ولد الصالح is an unknown quantity at this point
 
كلام كبير

 

قصيدة رائعة ممكن اعرف من كتبها
ومن يقصد بأحمد في حرف الكاف

 

الرد مع إقتباس
  #10  
قديم 09-03-2010, 01:33 PM
الصورة الرمزية لـ شقراء 1
شقراء 1 شقراء 1 is offline
:: عمدة أخبار الجماعة ::
 





شقراء 1 has a spectacular aura aboutشقراء 1 has a spectacular aura about
 

 

إقتباس
المشاركة الأصلية بواسطة ولد الصالح
قصيدة رائعة ممكن اعرف من كتبها
ومن يقصد بأحمد في حرف الكاف

اعتقد بأن المقصود باحمد هو
احمد بن عبدالله بن عبدالعزيز الصالح
نسأل الله له ولجميع مرضانا ومرضى المسلمين الشفاء والعافية
اما قائلها فغير معروف بأسمه الصريح

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 04:32 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www