ياخيمة الشعار شفت النور طافي.... a

آخر المشاركات المطروحة في منتديات قبيلة بني زيد

  المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |   


العودة   منتديات قبيلة بني زيد > القسم الادبي > الخيمة الشعبية
التّسجيل   جعل جميع المنتديات مقروءة

ياخيمة الشعار شفت النور طافي....

موضوع مغلق
 
خيارات الموضوع طريقة العرض
  #1  
قديم 06-06-2009, 11:27 PM
شاعر نجد شاعر نجد is offline
شاعر محاورة
 





شاعر نجد is an unknown quantity at this point
 
ياخيمة الشعار شفت النور طافي....

 

حي الله الشاعر...



ياخيمة الشعار شفت النور طافي بعد ما قد كان ضافي جو هالخيمه وصافي والعرب غادي ولافي قلت اجي واشعل من حروفي سراج=لكنّ من قبل ابتدي في رحلتي بالقاف وانهي حيرتي حبيت اسلم ياهلا يامرحبا باللي حضر من قبل ماسمي واولع نورها
ياوين شاعر مقتدر بالقاف ويرد الخبر للي سأل محدٍ ظهر من حضرة الشعار واللي قد حضر لامن لفاني لا يفكر بالخراج=واليا لفاني صاحبي لا لا يفكر يبتعد اوهو على بحر المعاني يرتعد والقاف ماياوي احد كود الذي باخص جميع ابحورها

 

  #2  
قديم 08-06-2009, 02:12 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

إقتباس
المشاركة الأصلية بواسطة شاعر نجد
حي الله الشاعر...



ياخيمة الشعار شفت النور طافي بعد ما قد كان ضافي جو هالخيمه وصافي والعرب غادي ولافي قلت اجي واشعل من حروفي سراج=لكنّ من قبل ابتدي في رحلتي بالقاف وانهي حيرتي حبيت اسلم ياهلا يامرحبا باللي حضر من قبل ماسمي واولع نورها
ياوين شاعر مقتدر بالقاف ويرد الخبر للي سأل محدٍ ظهر من حضرة الشعار واللي قد حضر لامن لفاني لا يفكر بالخراج=واليا لفاني صاحبي لا لا يفكر يبتعد اوهو على بحر المعاني يرتعد والقاف ماياوي احد كود الذي باخص جميع ابحورها


حي الله البادع

و الله اتعبت نفسك يا شاعر نجد على هذا الطاروق
و اشوف طال انتظارك لذلك سأرد و لو لمرة واحده
لأن مثل هذا الطاروق في نظري استعراضي و مرة منه واحده كافيه

استلم المحاولة:

(طبعا أكيد ابصير في نظرك ما ضبطت اللحن و مشاكلي واجد كالعاده ههههه)


يا حضرة المختار صفِّك للقوافي في بيوتٍ جت عجافي خلت الخيمه تعافي بعد ما كانت عوافي و جيّتك جيّة محرِّج للحراج= و قدام اقول لك في البدايه كلمتي و احثّ ثابت خطوتي اقول لك رد السلام بمسهلا ياللِّي ظهر و النور باهت ما تعدى سورها
ماني مدوِّر لي عذرْ قافٍ مثل هذا هَدِرْ و اللِي ينادي ما ذخَرْ لكن شعّار المكان ابعَدْ نظر و لا احدٍ يبي يدخل يفاصل في قراج= و اللِّي دخل للملعبه دايم يجيها مستعد لكن بحرك ميِّت و موجه ركَدْ و قافك قبل يبدا هجَدْ ولا فيه حاجه لاجل نسبر غورها

 

  #3  
قديم 08-06-2009, 09:30 PM
شاعر نجد شاعر نجد is offline
شاعر محاورة
 





شاعر نجد is an unknown quantity at this point
 

 

حي الله الصييفي

ردك سليم

لكن لو تشيل الواو بكلمة وقافك

وانتظر الرد

 

  #4  
قديم 08-06-2009, 11:09 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

إقتباس
المشاركة الأصلية بواسطة شاعر نجد
حي الله الصييفي

ردك سليم

لكن لو تشيل الواو بكلمة وقافك

وانتظر الرد

الله يحييك يا شاعر نجد

و شكرا لك على إجازة النَّصّ

و الواو ما حطيته و انا ابشيله ههههه

اعتبره مهوب موجود.

وزي ما قلت من قبل طاروق مثل هذا مضيعه للوقت.

تحيتي و تقديري لك

 

  #5  
قديم 09-06-2009, 07:38 PM
الصورة الرمزية لـ عبدالعزيز محمد البيز
عبدالعزيز محمد البيز عبدالعزيز محمد البيز is offline
عضو نشيط جداً
 





عبدالعزيز محمد البيز is an unknown quantity at this point
 

 

صح لسانك و كفوو يبووليد وقدها ومايردك مرداد
وصح لسانك ياشاعر نجد

 


::: التوقيع :::

يالله على داورد سوق المداهيم...دهم ٍتكاشف برقها في سماها
وتروي ديار ٍ ظاميات المرازيم...هملول سفاكٍ يروٌي ظماها


 
  #6  
قديم 10-06-2009, 06:30 AM
شاعر نجد شاعر نجد is offline
شاعر محاورة
 





شاعر نجد is an unknown quantity at this point
 

 

يقولون وش حدك على المر واقول اللي امر منه

والعوض ولا القطيعه



لا ياعميلي يوم بحرك ماستوى اشوفك اللي بالحرايب قد نوى ياكيف اعدي زلة اللي انكوى مني ولكنّه يبي مني علاج=وانا تراني راحم اللي مادرى عن زلته بالقاف يوم تكسرى يوم اني اللي بالقصايد ممطرى نويت اعدل له جميع اكسورها
لا صار مايدري عن بحور الشعر لو انه اللي بالقوافي قد سهر لا شك مثلي والله انه ماظفر بالقاف او هو قد تقلد منّه تاج=بعدي الزله وادور غيرها ياليت خصمي مايطير طيرها لا صار جاهل شرها مع خيرها يحذر على الميدان كل صقورها

 

  #7  
قديم 10-06-2009, 06:31 AM
شاعر نجد شاعر نجد is offline
شاعر محاورة
 





شاعر نجد is an unknown quantity at this point
 

 

صح بدنك ياعبدالعزيز

ومتابعتك شرف

 

  #8  
قديم 10-06-2009, 12:26 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

إقتباس
المشاركة الأصلية بواسطة شاعر نجد
يقولون وش حدك على المر واقول اللي امر منه

والعوض ولا القطيعه



]

ههههههههه يعني هذي سبه لي
أنت هنا حطيتني أحسن الموجود
و هذي مهيب زينه بحق المنتدى و اهله

و انت مصرّ على هذا الفلم الهندي:


البحر بحرك يا قليل الخاتمه و لا انتب كفو للحرب مثلك كاتمه و الكيّه بغاربك صارت قاتمه اصبحت كنك صايبك داء الدجاج= ما يرحم الا الله و لولا رحمته ما صار مثلك سايم(ن) في نعمته و مثلي بقافه ما تحصِّل زلّته القاف تحت امري و انا دكتورها
ما انتب شبيه(ن) للزلامي أو جرير حتى تحكَّم بالقوافي يا غرير مغرور لكن ما انت فالح يالبشير بكره تبي تحكر لوحدك في سياج= لا لا تعدِّيها و هات اللِّي وراك و خصْمك بنارك كان ما تدري كواك و ان كان ما تعقل يبي يمهن ثواك و لا حَسَب للحِدْأه و دنقورها

 

  #9  
قديم 10-06-2009, 02:54 PM
الصورة الرمزية لـ عبدالعزيز العماني
عبدالعزيز العماني عبدالعزيز العماني is offline
مدير النشاطات الخارجية
 






عبدالعزيز العماني has a spectacular aura aboutعبدالعزيز العماني has a spectacular aura about
 

 



بسم الله الرحمن الرحيم

متابعين لاعدمناكم

 


::: التوقيع :::





 
  #10  
قديم 10-06-2009, 08:14 PM
الصورة الرمزية لـ عبدالله الأصيقع
عبدالله الأصيقع عبدالله الأصيقع is offline
مشرف لجنة المقابلات
 





عبدالله الأصيقع will become famous soon enough
 

 

بحر ممتاز

بحر يميز المبدع في الشعر

متابع لكم لاعدمتكم

 


::: التوقيع :::



 
  #11  
قديم 11-06-2009, 06:21 AM
شاعر نجد شاعر نجد is offline
شاعر محاورة
 





شاعر نجد is an unknown quantity at this point
 

 

عبدالعزيز العماني

عبدالله الاصيقع

حياكم الله ومتابعتكم شرف

ولا ندمتوا

الصييفي

لا تقلب الكلام على كيفك ... شعار الخيمه والله والنعم فيهم من اولهم لآخرهم ومن كبيرهم لصغيرهم

القصد من كلامي اني نزلت اكثر من مره مشاركات ولا حصلت رد .. لكن انت رديت وانت مشاكلك كثيره وتدور الحرش لاجل كذا قلت العوض ولا القطيعه

ومن شروط الشعر والمحاوره اول شرط الوزن وانت اخلفتها كثير... لاجل كذا

انتهت المحاوره وصح لسانك

واتمنى الموضوع يقفل

 

  #12  
قديم 11-06-2009, 11:50 AM
الماصول الماصول is offline
شاعر
 





الماصول is on a distinguished road
 

 

أولا أتمنى الا يقفل الموضوع وأن يفتح للنقاش
وذلك للفائدة ، ،
ولا أحد معصوم من الخطأ ،
وشاعر نجد شاعر قوى بلا شك ،
والصييفى أيضا شاعر قوى وله ردود مفحمة
ولكن اذا أمكن النقاش حول هذا فليته يكون
بأسلوب هادئ ، هدفه الفائدة
لى عودة ان شاء الله

 

  #13  
قديم 11-06-2009, 12:49 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

إقتباس
المشاركة الأصلية بواسطة عبدالعزيز العماني


بسم الله الرحمن الرحيم

متابعين لاعدمناكم

يا هلا بك يا عبد العزيز

شكرا لك على المتابعة

 

  #14  
قديم 11-06-2009, 12:50 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

إقتباس
المشاركة الأصلية بواسطة عبدالله الأصيقع
بحر ممتاز

بحر يميز المبدع في الشعر

متابع لكم لاعدمتكم

يا هلا بك يا عبد الله الاصيقع

شكرا على المتابعة

 

  #15  
قديم 11-06-2009, 12:53 PM
الصييفي الصييفي is offline
:: شاعر متمكن ::
 





الصييفي will become famous soon enough
 

 

إقتباس
المشاركة الأصلية بواسطة شاعر نجد
عبدالعزيز العماني

عبدالله الاصيقع

حياكم الله ومتابعتكم شرف

ولا ندمتوا

الصييفي

لا تقلب الكلام على كيفك ... شعار الخيمه والله والنعم فيهم من اولهم لآخرهم ومن كبيرهم لصغيرهم

القصد من كلامي اني نزلت اكثر من مره مشاركات ولا حصلت رد .. لكن انت رديت وانت مشاكلك كثيره وتدور الحرش لاجل كذا قلت العوض ولا القطيعه

ومن شروط الشعر والمحاوره اول شرط الوزن وانت اخلفتها كثير... لاجل كذا

انتهت المحاوره وصح لسانك

واتمنى الموضوع يقفل

هههههههههههههه

هذا و الله الحقنه!

منتب قلت في البدايه أن:

"ردك سليم"

و هالحين صرت: "اخلفتها كثير"

ليش ما تقول انك جبت هذا الطاروق و لا توقعت أحد ير عليك

(رغم بساطته)

و تفاجأت بالرد ثم بديت تغلط على المنتدى ورواده

و هالحين شعرت ببياخة موقفك و بدأت تبحث عن أعذار واهيه كالعاده

يا رجل ما فيه داعي لهذا كله و عامل الناس كما تحب أن يعاملوك

و الدعوى كلها سهالة وسعة بال

و نرجسيتك أعد فيها النظر . . .


 

موضوع مغلق


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] غير متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 10:43 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www