ذكريااااات منسدحه3 a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > الأقسام الشرعية والأقسام العامة > مكشات والرحلات السياحية
التّسجيل   جعل جميع المنتديات مقروءة

ذكريااااات منسدحه3

المشاركة في الموضوع
 
خيارات الموضوع طريقة العرض
  #1  
قديم 01-06-2009, 11:27 PM
الصورة الرمزية لـ Dr.QaWaFe
Dr.QaWaFe Dr.QaWaFe is offline
عضو مستمر
 





Dr.QaWaFe is an unknown quantity at this point
 
Talking ذكريااااات منسدحه3

 

اولا >>> تحياااتي لكل المتواااجدين فردا فردا وشخصا شخصا <<<طيب وش الفرق ,,,,


مساااااااءكم ورد مربص بعطر طبعا هذا العطر عباااره عن كااادي وياسمين وحركااات حلوه و لا ننسى البصل لمى تصير توك مسوى نثريه <<<طبعا تبي تقولون وش دخل البصل ...والبناات يبي يسألون وشي النثريه<<<شاركنا ممكن تربح معنا جوائز قيمه ارسل الاجابه ع **********05,,,,


كما عودكم اني اسدح لكم بعض من ذكرياااتي المنسدحه اللي اتمنى انها تحوووز ع رضااائكم واعجااابكم انا بس مجرررررد انقلكم الصوره الجميله او المنسدحه اللي عشتها او تعايشتها"وش الفرق" طبعا هذا لايمنع انوووو تشاركونا الانسداحه ونتسدح هنا ليوووم السدح الاكبر<<<متى هذا,,,

لان الحيااااه غثيييثه وبصراااحه نبي نستاااانس<<<اخلص تراك ازعجتنا,,,,

المهم مااطول عليكم<<<بدري,,

اليوم جايبلكم انسداحه من الانسداحات اللي حصلت لى.....


طبعا وانا اتجووول في بعض الموااقع واطااامر من مكااان لــ مكاااان فوجئت <<"اما عاد".. بهالصوررره,,,








طبعا الصوره هذي ذكرتني بحاااجه يوم اني صغنووون...اياااام التلفيزيووون هذاك اللي له بااااب الثقيل ...التلفزيوون اللي لو تبي تحركه من مكااان ل مكااان لازم تتخذ قرااار مصيري بتحريكه...

مشكلتي او سالفتي مع هالتلفزيوون سالفه حتى ان شركه سوني طورت الابحاااث حقاااتها لين وصلت لـ اخر تقنيه وذالك بالمصاايب اللي شافوها مني .."احمدوا ربكم ولا كان لحد الحين بـ ابو باب "....

مثل اي طفل احب الاستكشااف والمطااامر كل شي عرفته وشفته وعرفت وشوله يستخدم وايش يحطون فيه إلا شي واحد ,,,,,

المكتبه اللي يكون فيها التلفيزيون,,, قاهرتني كل مااخذوا مني شي العب فيه حطووه بالدرج اللي فوووق او فوووق التلفيزيوون وقهروني غثوووني فقعوووا مرارتي وانا صغير <<<ياااا حرااام ,,,

طبعا كأي طفل ملقوووف يبي يستكشف وش السااالفه او يبي يسترجع اللي اخذ منه...


هنا بداءت المعاااناه "نأخذ بالاعتباار اني صغير وطولى صغير ع حسب عمري" يعني بالعربي نتفه,,, بديت اتسلق المكتبه اللي عليها التلفيزيون مستخدما التلفيزون المرحله الاولى لي يعني امسك فوق التلفيزوون عشااان اتشعمط >>>طبعا النتيجه معروووفه التلفيزوون يجك مجاااوب بما اني اسحبه انا وذهااانتي عشان ارقى,,,

التلفيزيون يطيح لاكن المصيبه اوب انه يطيح المصيبه انه يطيح على ,,,مااابقى منى ظفر ماانكسر...عظم ساقي مره طلع قااال خلاص يرحم ولديك ملينا ... طبعا من كثر ماطاح على اهلى تعودوا بس يسمعووون صوووت طيحه يقولون ايه شكله التلفيزون طاح عليه....


متعووود صرت مااصيح إلآ اول مررره لاني ماتعودت ...ابد يطيح واقعد لين يجي احد ويرفعه واقوووم اطقطق نعااالى ودووووووووس للحوووش العب....


اذكر اول مره طااح على وكااان تلفيزووون كبير <<تلفيزون خالى ...طاح طيحه شنيعه عاد انا ماادري هي شنيعه ولا انها اول مره ورهبه المووقف "طبعا ماجربت ثانيه لانوا التلفيزون الوحيد اللي طاح وانكسرت شاشته في حوضى"...المهم اذكر كان ماجد الشبل يسوي مسابقته برمضااان وانا اتسلقه,,,طبعا هو طاااح ماتسمع إلا صياااااح والالم ,,,المهم شالوني للمستشفى تصدقووون تحت سري بشوي شنب ماجد الشبل طابع من قوه الضربه ...

اما شعاار القناااه السعووديه فهو ليووومك مووجود من كثر ماطاحت على التلفيزونااات.....


الضريف في هذا<<<بدري.. .

طبعا الاهل اخذو علي يعني لاجوا يروحون لنااس يدقون عليهم يقووولون نزلوا كل اللي فووق التلفزيوناات ولا شيلوها عشاان ماتطيح ويجيها شي<<<اوب خيفين علي "صرت محترف"...

المهم مره كنا عند خاااالى"نفسه اللي كسرت تلفيزونه " وكنا بالصاااله جااالسين وفجأه راحو الحريم للمطبخ طبعا انا جلست وقلت خلني افتش شنااطهم ماتدري يمكن حلاوه ولا لبااانه ولا شي نوسع صدرنا فيه,,,لعلى مليت مالقيت شي واحوس الشناااط عناااااااااد.. ..

رحت للمطبخ طبعا كان مليااان بخالاتي وحريم خالاتي << يبي يحسسكم انهم كثارين...المهم كانوا طوالين بالنسبه لي وانا نتفه يوم انى صغنوون المهم دخلت ولا احد حس فيني وفجأه يسمعووون صوووت طيحه وكلللهم يركضووون <<طبعا اولهم امي "تحسب التلفيزيون طاح على"...وماتسمع إلا بسم الله عليه,,,,الله اكبر <<قويه هذي هع هع...المهم طايرين لصاااله ...المهم دخلوا وانا وراهم ابشوووف وش السااالفه<<<تحمست.....

المهم اول مادخلو وكلهم يقولون الحمد لله اوب هووو خخخخخخخ,,,انا طبعا جاي مدرعم واسحب تنووره امي ابعرف وش السااالفه هم شااافوني وفقعووو ضحك ...طبعا انا ضحكت معهم لاني ماادري وش السااالفه بس حسيت انو شي يضحك وخااصه انهم يضحكوون وينااظروني...المهم شرحولى السااالفه بكل بسااطه لين فهمتها<<<كنت غثيث ماافهم علطووول"تعرفون نظااام البزر لمى تقوله كنا نحسب التلفيزون طايح عليك ثم تقول ليه اوب محمد<<وتحس ان امك تبي تصبخك"الله يعين الحريم ع البزززارين"...

المهم بالسااالفه لحد الحين ماجاء ,,,راح الوقت وانا اطامر مابين هناااك وهوونيك اروح منا ومناااك اخر شي رحت للحوش العب مع البزارين كوووره "يحس انه كبير وقتها"...المهم كبتن ماجد مااعجبته الكووره ..متعود يلعب بكووره مليااانه هوا<<ارحم يامسى...
قلت لولد خالى الوضع مايصير ماتدبرنا هالكوره لازم نتفخه... قال الطرمبه موجوده>>>> ^الطرمبه:آله لتعبيه الهوااء^...بس قال المشكله ان الدبووس حقها فوق التلفيزوون ...قلتله بس لا تهيضني هي فوووق التلفيزوون فوووقه ... قال ابد بالدرج القزاز اللي فووق قلت شوي واجيبها وانت جب الطرمبه...

قبل ما اهم اومشى لصاله قاال خلنى اقول لااحد كبير لان الدرج بعيد لاكن انا نظرت له نظره كلها غرووور ووحشيه قلتله عيب عليك ورح جب الطرمبه ياطرمبه<<<الولد الذي هو قوي...

دخلت الصاله وبحركه فنيه ارفع الثوووب واحطه تحت السروال <<<ورع طاف بثوب وسروال....واقمز اتشعمط بالتلفيزوون لاكن الشعمطه ماجت مثل ما انا ابي ...إلآ وإذا بي التلفاااز يهوي علي ويطيح <<<ياليل الليل من جد اوب وقته وراي مبااراه ...المهم يوم طاح ... احتري قلت شكلهم يبي يجوون ولا احد جاء... اتقلب واحط رجل ع رجل <<"قويه" ياولد لعلهم جوا ماجاء احد... قلت مابدهااااش شكله جاب الطرمبه قبلي سبقني يعني مالك إلا نااادهم.......

المهم وانادي ياهييش<<<ورع زاااحف.....

يااااهييييييييييييييييش...

تعبت وانا انادي اخر شي جت بنت خالتي الكبيره وتشوووف"نن" وتضحك وتروح تركض وانا اناديها ياانتي يا بنيه يا....<<بداء يلعن خخخخ

المهم ثووواني واثر المطبخ كله محظر عندي وضحححححححححححك وضححححححححححك اولهم امي ...ليومك اذكرهاطايحه من الضحك امي بمكااانها وانا اللي فيني الصيحه لانوا شكلى مااقدر العب كني احس بالالم ...المهم قعدولهم شوي يضحكووون لين حسوا ان فيه طفل يعاااني تحت شنب حسن كراااني ....<<<بس كاان يدغدغ خخخخخخ ...


لاكن يومها صرت مضحاااكه وستااانسووو فيني <<< لاقينك ماغير تتكسر لتسعد الناااس هع هع هع.....



هذا مااردت ان اقدمه لكم<<<كنك قلبت صدقى....

واعذروني ع التقصير والملالالاغه....

وإلى القااء إلى ذكريااات منسدحه اخرى



اسأل الله ان يوفقني وكل اللي يعرفني واللي مايعرفني بالاختباارات...دعواتكم هو غايتنااا..

 


::: التوقيع :::

[
وووووووووه بس ملينا وش نسوي


 
الرد مع إقتباس
  #2  
قديم 02-06-2009, 01:34 AM
النوار النوار is offline
عضو دائم
 





النوار is an unknown quantity at this point
 

 

أضحك الله سنك يا شيخ ..
بس السؤال كم تلفزيون كسرت ؟

 

الرد مع إقتباس
  #3  
قديم 04-06-2009, 08:41 PM
الصورة الرمزية لـ توولين
توولين توولين is offline
عضو مثالي
 





توولين is an unknown quantity at this point
 

 

ههههههههههههه اجل نتفه <<<اي بطني


إقتباس
<<<طبعا تبي تقولون وش دخل البصل ...والبناات يبي يسألون وشي النثريه<<<شاركنا ممكن تربح معنا جوائز قيمه ارسل الاجابه ع **********05,,,

اممممم
نثريه
اتوقع انها شكشوكه ذيك الطبخ اللي يحطون معها بصـــــــــــــل وطماطم ومدري ايش
شح؟؟؟
ياالله ارسل الجائزه في البريد المنتاز حق اخوي محيميد بس ماابي الجائزه تلفزيون <<تعقدت



إقتباس
راحو الحريم للمطبخ طبعا انا جلست وقلت خلني افتش شنااطهم ماتدري يمكن حلاوه ولا لبااانه ولا شي نوسع صدرنا فيه,,,لعلى مليت مالقيت شي واحوس الشناااط عناااااااااد..

هههههه تفتيش شناط ياالظالم يمكن لوك مفتش جولاتهم ارحم خخخـ <<تبي تردها



إقتباس
المهم وانادي ياهييش<<<ورع زاااحف.....

يااااهييييييييييييييييش...

مهيب غريبه علي ذا الكلمه دايم اسمعها من جدي خخخـ


إقتباس
اسأل الله ان يوفقني وكل اللي يعرفني واللي مايعرفني بالاختباارات...دعواتكم هو غايتنااا..

امــــــــــــــــــــــــــــــين
اوووووف مليت متى تخلص ذا الاختبارات شايله هم ع الفاضي

 

الرد مع إقتباس
  #4  
قديم 05-06-2009, 01:55 PM
الصورة الرمزية لـ Dr.QaWaFe
Dr.QaWaFe Dr.QaWaFe is offline
عضو مستمر
 





Dr.QaWaFe is an unknown quantity at this point
 

 

إقتباس
المشاركة الأصلية بواسطة النوار
أضحك الله سنك يا شيخ ..
بس السؤال كم تلفزيون كسرت ؟

لو سمحت مالك دخل بسني :).....

الله يطولى بعمرك بس اول تلفزيوون انكسر اما البقياااااات يعني يقلب اللون اخضر وانوااع الضحك....

اشكرك ع مرووورك........








إقتباس
المشاركة الأصلية بواسطة توولين
[size=4]ههههههههههههه اجل نتفه <<<اي بطني [/

size]

يعني صغنووووووون لا ولا بس ثوووب هع هع هع

إقتباس
المشاركة الأصلية بواسطة توولين
[size=4]اممممم
نثريه
اتوقع انها شكشوكه ذيك الطبخ اللي يحطون معها بصـــــــــــــل وطماطم ومدري ايش
شح؟؟؟
ياالله ارسل الجائزه في البريد المنتاز حق اخوي محيميد بس ماابي الجائزه تلفزيون <<تعقدت[/

size]

وكلك طموووووووح وتتشرطي بعد ماتبي جوال.....هذا واخوووك راعي براااان وسارقه جواله وكبسه "نثريه"ضباان...<<<اتمنى انها واضحه الحين..عموووما انتي اساليه حتى يسويها عندك وتعرفينها......قااال منتاااز قااااال لا تهون بس شكشوووكه ذي اللي ماادري وش تبي....يعني كل شعوووب العاالم يسموونها شكشوكه حتى الامريكاان يسموونها شكشوكا...<<<انثبر يا انا...

إقتباس
المشاركة الأصلية بواسطة توولين
[size=4]هههههه تفتيش شناط ياالظالم يمكن لوك مفتش جولاتهم ارحم خخخـ <<تبي تردها[/

size]



خخخخخخخخخخخخ شناطهم احسن وخاصه لمى تلاقي اغراض الميك اب ...وتسوي ميك داااون....دوووووووووووووس يالفله..عاد قديم تعرفون نظام القلم اللي يبروونه خخخ هع هع هق هق هق


إقتباس
المشاركة الأصلية بواسطة توولين
امــــــــــــــــــــــــــــــين
اوووووف مليت متى تخلص ذا الاختبارات شايله هم ع الفاضي

[/quote]

شايله همها ع الفااضي<<<فسر ماسبق...

خلينا نفهم ياشلتي ياحطيتي .....







اشكرك ع مروووووووووووووووووووووووووووووووووووووووووورك

 


::: التوقيع :::

[
وووووووووه بس ملينا وش نسوي


 
الرد مع إقتباس
  #5  
قديم 05-06-2009, 02:25 PM
الصورة الرمزية لـ شوووق الاحباب
شوووق الاحباب شوووق الاحباب is offline
عضو مثالي
 





شوووق الاحباب is on a distinguished road
 

 

رحت للمطبخ طبعا كان مليااان بخالاتي وحريم خالاتي ???
كيف حريــــــــم خالاتك؟؟؟

والحمدلله على السلامه

ذكرتني بخوي مايلقى جدار الا ويسطح عليه ,,خخخخخخخ

والتلفزيون الوان احمر واخضر من الطيحات ,,

 

الرد مع إقتباس
  #6  
قديم 05-06-2009, 02:42 PM
الصورة الرمزية لـ دهران
دهران دهران is offline
مشرف قسم مكشات والرحلات السياحية
 





دهران is a jewel in the roughدهران is a jewel in the roughدهران is a jewel in the rough
 
Mumayaz

 


الأخ الغالي / Dr.QaWaFe









ننتظر المزيد من هذه الذكريات الجميلة .


وتقبل أعذب وأرق تحية .

 


::: التوقيع :::



 
الرد مع إقتباس
  #7  
قديم 06-06-2009, 01:05 AM
الصورة الرمزية لـ Dr.QaWaFe
Dr.QaWaFe Dr.QaWaFe is offline
عضو مستمر
 





Dr.QaWaFe is an unknown quantity at this point
 

 

إقتباس
المشاركة الأصلية بواسطة شوووق الاحباب
رحت للمطبخ طبعا كان مليااان بخالاتي وحريم خالاتي ???
كيف حريــــــــم خالاتك؟؟؟

والحمدلله على السلامه

ذكرتني بخوي مايلقى جدار الا ويسطح عليه ,,خخخخخخخ

والتلفزيون الوان احمر واخضر من الطيحات ,,

مافيها شي حريم خلاتي<<<توهق :)...

اشكرك ع مروووووورك ياقاعدلهم,,,,,

إقتباس
المشاركة الأصلية بواسطة دهران

الأخ الغالي / Dr.QaWaFe









ننتظر المزيد من هذه الذكريات الجميلة .


وتقبل أعذب وأرق تحية .



تراني لحد الحين وانا خاااااق مع الصفقه<<<وين في جلسه انت....

اشكرك ع مروووووووورك ومنوووووور بطلتك....

 


::: التوقيع :::

[
وووووووووه بس ملينا وش نسوي


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:37 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www