لا إخوان لا عمان لا من خوالـي a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص وأجر خمس أوقاف بما فيها بئر للسقيا وجامع (صورة) ( آخر مشاركة : ساكتون    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    أعظم أوقاف القرن الواحد والعشرين فكرة إبداعية في مكة المكرمة داخل حدود الحرم (صورة) ( آخر مشاركة : ساكتون    |    وسّع لصدرك مدامك حي = العمر ياصاحبي مره ( آخر مشاركة : مطول الغيبات    |    اكفل طفل يتيم ب 5 ريال فقط ( صورة ) ( آخر مشاركة : ساكتون    |    مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

لا إخوان لا عمان لا من خوالـي

المشاركة في الموضوع
 
خيارات الموضوع طريقة العرض
  #1  
قديم 16-04-2009, 07:01 AM
ام فياض ام فياض is offline
عضو جديد
 





ام فياض is an unknown quantity at this point
 
لا إخوان لا عمان لا من خوالـي

 

يالله يا والي على كل والــــي = ياخير من يدعى لكشف الجليلـــه
المالك المعبود محصي الرمالــي = الكون والدنيا وما به فهي لــــه
ما كان له أول وما كان تالـــي = ملكه يدبر به على ما يبي لــــه
يقضي ويمضي قادرٍ ما يبالــي = والخلق ما تفعل بلا امره فعيلــه
ماله شريك جل فوق متعالــي = علمه أحاط بدقها والجليـــــه
أشهد فلا غيره آله ولا لــــي = ربٍ سواه أخشاه وأرجي النيلــه
ياواحدٍ فوق السموات عالـــي = من سطوته كل الخلايق ذليلـــه
يا فارج الشدة بضيق الحوالـي = افرج لعبدك يامنجي خليلــــه
وانظر بعينك يا آلهي الحالـي = فردٍ غريبٍ والمصاغي قليلـــه
وحيد مالي غير ظلك أظلالـــي = ذليل مالي غير عزك وسيلـــه
ياراحم ارحم شيبتي وانخذالـــي = ياجابر اجبر عثرتي والفشيلـــه
والطف وناظر ياالولي في سوالـي = لا تواخذان فيما مضى من فعيلـه
لا إخوان لا عمان لا من خوالـي = ولا من صديقٍ بالوزى نشتكي لـه
لو كان ما يجلي سوى الله جالـي = ماشفت عبدٍ هرجته لي جميلــه
تقطعت وذم العرى والمدالـــي = من جملة الخلان والمستخيلــه
قضيت من المخلوق ماحدٍ بقالي = إلا أنت ياللي ما يخلي عميلــه
عادوني كل الناس شرق وشمالـي = ولا بقى غيرك ذراً نلتجي لــه
شافوني مذلولٍ وحيدٍ وخالــي = والا لي من الفزعات مومي شليله
وأنا بعون الله امتانٍ احبالــي = متجودٍ بحبال منشي المخيلـــه
لو كان كلٍ له صديقٍ أموالـــي = أخوال واقرابٍ ولحدٍ قبيلــــه
أنا لي اللي زابنه ما يسالــــي = جزل العطا مبري الجسوم العليله
إلى دعوا حيانهم فز بالــــي = رفعت طرفي له وقمت أشتكي له
واللي تنادوا بينهم للنوالـــــي = ناديت بإسمك يامنشي المخيلـه
من لاذ بك ما صار بالضيق تالـي = يصير الأول لو اعظامه هزيله
أنا دخيلك يا عزيز الجلالــــي = حاشا كرم جودك يضيع عميلـه
تبريت من غيرك بحالي ومالــي = وزبنت أنا بحماك عن كل ميلـه
من شر خلقك لايذٍ بك ومالـــي = غيرك ملاذٍ شامخٍ ينعني لــه
يارب مالي غير جدواك وإلـــي = وإن كان خليتن فلا لي عقيلـــه
ياعالمٍ با المخطيه والعدالـــــي = تشوف مالي غير عدلك وسيلـــه
فلا تؤاخذني بماضي أفعالـــي = يا ساتر العورات مضفي الجميلـه
لو كان ذنبي راجحٍ بالجبالــــي = عفوك عظيم ليس ذنبي عديلـــه
أطلبك تقبل توبتي عن خمالـــي = وأطلبك عني كل كربٍ تزيلـــه
وأطلبك تغفر لي وتصلح أعمالــي = يا مزبن الخايف إلى باد حَيلـــه
مولاي لا ملجأ ولا ملتجأ لــــي = إلا أنت ياللي ما يضيع نزيلـــه
يا فزعة المضيوم منشي الخيالــي = يا فارج الشدات لوهي ثقيلــــه
أفرج لمن بالحبس دونه أرجالــي = ابواب واقفال حصونٍ ثقيلــــه
في وسط دبابٍ وحيدٍ الحالــــي = أظلم ولا أدري وش نهاره وليلـه
متروك مالي من يرد المقالـــي = لا أحد يبي قولي ولا أحد يشيلــه
ولا أحد غيرك عليه اتكالــــي = إلا أنت يامنجي دريك الدبيلـــه
ما دام تنظرني وتسمع مقالـــي = ما خاب عبدٍ يدري أنك وكيلــه
يا سامعٍ بالليل حس النمالــــي = وصوت يونس في البحور الطويله
دعاء وضرب الموج مثل الجبالـي = فوقه أجيبت دعوته وتهليلـــه
يا مصرف الأيام هي والليالـــي = في قولته كن يجري القلم بتعديله
أدعوك بأسماك العظام الجزالــي = وبحق ما خصت لك من فضيله
وبحق عظمة قدرتك والجلالــي = وبحق نورك والأفعال الجميلــه
وبحق ما نزلت أول وتالـــــي = تجيرني من شر خلقك طويلـه
وتزيل كرباتٍ علينا اثقالـــــي = تغطلست مالي سوى الله دليلــه
أمن على قلبٍ يجول اجتوالـــي = يامسكن الروعات سكن جفيلـه
اسرع علينا يا قريب النوالــــي = لا تجعل الشده علينا طويلـــه
يا فارج الكربه بضيق الحوالـــي = أومر العبدك بالفرج واتعجيلــه
واجل الأمور المعظله والجلالـــي = عن كل عبدٍ مسلمٍ يندعي لــه
صلاة ربي عد رمل السهالــــي = على نبيٍ وضح الله دليلــــه
صفوة قريش اللي مشى بالعدالـــي = نبينا المعصوم عن كل ميلـــه
تمت وفرجها عزيز الجلالـــــي = فرحت بالطارش وقمت ادعي له


منقول

 

الرد مع إقتباس
  #2  
قديم 16-04-2009, 07:10 AM
الصورة الرمزية لـ Sultan Najd
Sultan Najd Sultan Najd is offline
عضو ملكي
 





Sultan Najd will become famous soon enoughSultan Najd will become famous soon enough
 

 

مشكورهـ ام فياض على القصيده وعلى نقلها

 


::: التوقيع :::

انت الزائر رقم

لمواضيعي ومشاركاتي
من تاريخ
8/2/1432هـ


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 03:27 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www