السبحونه .. رقم (10).............. ((( شايب قلبة خضر وبنت ملكعة))) a

آخر المشاركات المطروحة في منتديات قبيلة بني زيد

  أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : ساكتون    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    ماهي الأسباب المؤديه لبعض الأعضاء ترك منتدياتهم ؟!!! ( آخر مشاركة : ربيع الحق    |    أضِـف بصّـمَـتُـك اليَـوّمِـيّـة ( آخر مشاركة : سعود الصبي    |    كل عام وانتم بخير ( آخر مشاركة : خالدالراجحي    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

السبحونه .. رقم (10).............. ((( شايب قلبة خضر وبنت ملكعة)))

المشاركة في الموضوع
 
خيارات الموضوع طريقة العرض
  #1  
قديم 26-03-2009, 12:19 AM
الصورة الرمزية لـ حـــ(الصمت)ـــديث
حـــ(الصمت)ـــديث حـــ(الصمت)ـــديث is offline
عضو دائم
 





حـــ(الصمت)ـــديث will become famous soon enough
 
السبحونه .. رقم (10).............. ((( شايب قلبة خضر وبنت ملكعة)))

 

بســم الله الرحمــــن الرحيـــــم


الســــلام عليــــكم ورحمـــة الله وبركاتـــــه


قصه وابيات اعجبتني واتمنى ان تنال القبول




بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن فيهاا

و فيه بنت ملكعه وصاحبة مقالب

قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون

راحت له وردت عليه السلام كيف حالك يا شايب ؟؟

رد السلام والله بخير الله يعافيك...

وفجأه عطته ظهرها ومشت ولا استئذان ولا شي !!!!

عصب الشايب من حركتها

قال فيها كم بيت يستعطفها فيها ويقول انها ذكرته الماضي

و اذا ما عطيتيني وجه لحقت باخوي حمود اللي في قبره

ويذكر التاريخ واليوم اللي قابلها فيه



يقول الشايب :







يا بنت خوذي خاطري وارحميني
.......................لا تجرحين العود بعيونك السود
غضي نظرك وغطي الوجنتيني
......................لعل يومٍ جدد الجرح ما يعود
يوم انتهى مع مرمسات السنيني
......................جتني صواديفه على غير مقصود
باول شهر عشره نهار الثنيني
.......................حمدان مروا به على جنازة حمود





البنت كانت تقصد من استفزازه انها تجاريه في الشعر وترد عليه !!
والمسكين ما كان يدري انها شاعره وعلى باله ما خذ راحته في التغزل ...


ردت عليه وهزأته تقول ::







يا شايب الرحمن وينك وويني
......................عزي لحالك قدمك الباب مسدود
قلبك عطوف وجاه قلبٍ متيني
......................والبنت ما تشفق على مغازل العود
حبل الرجا مقطوع بينك وبيني
......................مثل الغليث اللي رعا قلبه الدود
اقفى شبابك والعرب مقبليني
......................يا عود ما يرجع من العمر مفقود




حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت
يقول لها صدي عني انه ما يبي الغزل بعد ما وصل عمره ثمانين سنه


يقول حمدان :






يا بنت صدي بالعيون الظليله
.......................لا صد عنك الله نهار القيامه
مالي ومالك يالفروع الطويله
.......................لو فيك من رسم البداوه علامه
يابنت ما لي بالثمانين حيله
.......................اهدف كما تهدف على البير قامه
اقفى شبابي والدهر شفت ميله
.......................يالله حسن الخاتمه والسلامه
اعطيك موجز والبضاعه قليله
......................واخذت لك من صافي الماء سنامه



راحت الايام والشايب مسكين !!

مقهور لأنها ما عطته وجه

بعد فتره مرته مره ثانيه

وردت عليه السلام واستفزته وراحت وخلته

عصب الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف
بالكرم واني ما ابي منها غير التحيه والترحيب


يقول حمدان:





يا بنت ما جاك الكبر والخشونه
...................وعادت شباب اليوم يجفل من الشيب
ياسرع ما وبلك تمزع مزونه
...................يالفاتنه يا ام الثمان الرعابيب
يا بنت ما بيني وبينك مهونه
..................كلمة شرف نبي تحيه وترحيب
الله من عودٍ ثقيله طنونه
.................ينصاه راع المشكله والمواجيب
على الكرم والدين نفسه حنونه
...................تلقاه بالاجواد شرق وتغاريب



جهز الأبيات وأرسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات

وقالت البنت مثل ما جيتي بابياته ترجعين له بابياتي

ردت البنت ابيات اقوى من الاولى واكثر تحطيم

تقول البنت :





العود عود وطايحاتٍ سنونه
.......................من كثر ما يرقد على جرة الذيب
عودٍ مهرقل والعرب ما يبونه
........................ياعود ما لك في طويل المراقيب
اقفى شباب العود راحت حتونه
........................مثل اليتيم اللي بكا ما له مجيب
جداه ينثر دمعة ٍ من عيونه
.........................غريق موجٍ ما لقا له مقاضيب



.................................................. ...........................................


اتمنى ان تنال استحسانكم ...,

اختكم حدوووووثة

 


::: التوقيع :::

إضغط على الصورة لمشاهدتها بالحجم العادي


 
الرد مع إقتباس
  #2  
قديم 27-03-2009, 10:35 PM
الصورة الرمزية لـ عبيدالعتيبي
عبيدالعتيبي عبيدالعتيبي is offline
عضو دائم
 





عبيدالعتيبي will become famous soon enough
 

 

جميله هذه الابيات ياحديث الصمت
مساجله من العيار الثقيل ومضحكه في نفس الوقت
واستطاعت هذه البنت ان تحرك مشاعر الشاعر ويترجم احاسيسه وذكرياته
اشكرك حديث

 

الرد مع إقتباس
  #3  
قديم 27-03-2009, 11:39 PM
الصورة الرمزية لـ الأترجّة
الأترجّة الأترجّة is offline
عضو متميز
 





الأترجّة is on a distinguished road
 

 

مسيكين حطمته تحطيم


تسلمين يالغلا

امتعتينا يهالقصة والقصيدة

 

الرد مع إقتباس
  #4  
قديم 28-03-2009, 12:27 AM
الصورة الرمزية لـ موج الغلا
موج الغلا موج الغلا is offline
عضو مجلس الإدارة
 






موج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of light
 

 

يافرقا مهيب سهله ذا البنت ليتها تعطيني شوي من شعرها

بس من جد مسكين ذا الشايب حطمته

سبحونتس روعه

الله يعطيتس العافيه

 


::: التوقيع :::

رحم الله جسداً تحت الثرى لم يفارقني الحنين اليه
الله يرحمك يا ( ابوي ) ويغفر لك ويسكنك فسيح جناتة


 
الرد مع إقتباس
  #5  
قديم 28-03-2009, 12:47 AM
الصورة الرمزية لـ المحبه لبني زيد
المحبه لبني زيد المحبه لبني زيد is offline
:: بـنـت الـقـصيـم ::
 





المحبه لبني زيد is on a distinguished road
 

 

رحمة ذا الشوووويب خخخخخخخخخخخخخخ

تسلمين وتسلم ابيااات بنت الرجااال يستااهل ماجااه وشوية فيه بعد
دووووووووومك ذويقة ...

 


::: التوقيع :::

سبحـــــــــــــان الله العظيم ,, سبحــــــــــان الله وبحمده

ربي اغفرلي وثبتني على دينك مادمت حيا" ,, واغفرلي واحسن خاتمتي ونور علي قبري..
واصفحوووا عني ولاتنسوني من صالح دعاائكم وسامحووني ....يوم اودعكم واودع دنيتي وكل أحبتي ...



عدد زوار مواضيعي من 28/4/28


محبتـــــــكــــــــم


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 01:16 AM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www