عبد الله الشريف و الشيب a

آخر المشاركات المطروحة في منتديات قبيلة بني زيد

  معركة ( الثنية ) يارم افزعي لشيحان العقيد الشيخ على بن عطية ( آخر مشاركة : الطايل    |    ب 50 ريال فقط سيكون لك أجر مليون شخص وأجر خمس أوقاف بما فيها بئر للسقيا وجامع (صورة) ( آخر مشاركة : ساكتون    |    موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    أعظم أوقاف القرن الواحد والعشرين فكرة إبداعية في مكة المكرمة داخل حدود الحرم (صورة) ( آخر مشاركة : ساكتون    |    وسّع لصدرك مدامك حي = العمر ياصاحبي مره ( آخر مشاركة : مطول الغيبات    |    اكفل طفل يتيم ب 5 ريال فقط ( صورة ) ( آخر مشاركة : ساكتون    |    مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

عبد الله الشريف و الشيب

المشاركة في الموضوع
 
خيارات الموضوع طريقة العرض
  #1  
قديم 23-03-2009, 12:21 AM
الصورة الرمزية لـ حـــ(الصمت)ـــديث
حـــ(الصمت)ـــديث حـــ(الصمت)ـــديث is offline
عضو دائم
 





حـــ(الصمت)ـــديث will become famous soon enough
 
عبد الله الشريف و الشيب

 

اعزائي ابناء عمومتي
هذة القصيدة راقت لي
وحبيت انكم تشاركوني روعتها
وما تحمل بين ابياتها من حكم
هذة الرائعة رائعة من روائع الشاعر// عبد الله الشريف بعنوان الشيب



لمه لمه يا راسـي الغالـي وأنـا أعـدّك لبيـب؟
يضحك عليك الشيـب ياراسـي وتحمـل مشعَلـه


يبـدأ يدغـدغ جانبـيّ ابـلا رقيـب ولاحسيـب
ويبتسـم ويقـول هـذا العز..هـذي المرجـلـه


وينتشر ما دمت له ياعـزوة الـروض الخصيـب
مـدري متـى سمّـى ولا أظنـه بـدأ بالبسملـه


لاهو يخاف من الصياح ولا يحـن مـن النحيـب
ولايبالـي تمـدحـه والا تكـيـل الشـتـم لــه


لاهـو عـدوّ ٍ تعرفـه ولا تظـن إنـه حبـيـب
لاهـو حميـم ٍ تعـذلـه ولا خصـيـم ٍ تقتـلـه


يقول أنا مثل الصبـا يقـول أنـا مثـل الحليـب
يقول أنـا كالزهـر الابيـض غايتـي ودّ وصلـه


وأنا اعرف إن الشوك الأبيض يجرح الكف الرطيب
بعض الزهور البيض لو جـادت تجـود بحنضلـه


الشيـب ماخـلا ردي والشيـب ماخـلا عريـب
أقول ساع ٍ ما أظلمه وأقـول سـاع ٍ مـا أعدلـه


الشيب ضيف ٍ لو نـزل لاهـو يمـل ولا يغيـب
وإن حل فـي راس الكريـم يزيـد حتـى يشملـه


وكل ما زاد البيـاض أخشـى سويعـات المغيـب
تـرى بيـاض السنبلـه يعنـي حصـاد السنبلـه


الشيب ماهو عيب لكن مافعل بـي الشيـب عيـب
لاهـو يطمّنـي ولـو طمّنـت ظـبـي ٍ جفّـلـه


ولو صبغت الشيب خانتني جذوعـه مـن قريـب
وأصبحت في عين الضبى غشّاش والدهر أهملـه


ما أبغا الفتاه اتقـول واعمّـاه يالشيـخ العجيـب
صوتك يقول إنك شباب وشيـب راسـك يخذلـه


ما ابغا يقولون أنـت شايبنـا ومحزمنـا القطيـب
مـدح ٍ يكـدّر خاطـري مـا سـرّه إلا علعـلـه


من يجتهد يا راسي الغالـي يجـد حـظ ونصيـب
وأنـا اجتهـدت وشيبـك يهلهـل كيانـي هلهلـه


ما ابغاك تُحبَس في شماغي كنك الكنـز المريـب
اذا حجبتـه معضـلـه واذا كشفـتـه معضـلـه


النـاس تثنـي عالعنـب ولا يذمّـون الزبـيـب
لكـنّ يبقـى للعنـب بــأول قطـافـه منـزلـه


أبكي على حالي ومن يبكي علـى حالـه مُصيـب
وأضحك على حالي ومن يضحك على حالـه دَلَـهْ


يسقي زمان ٍ كنت أنا فيـه المخاطـب والخطيـب
أقطف من الزهر أجمله وأنظم من الشعـر أغزلـه


واليوم أنا أعد الخُطا وأخاف مـن عيـن الرقيـب
ولو نظمت الشعر أخاف أخاف وإن قلـت أجزلـه


قد كان لي جسم ٍ نحيل وكان لي صـدر ٍ رحيـب
أسري ولو غاب القمر والهـم أبـد مالـي ولـه


واليوم أقول إني صحيح ومانـي ابعـد م الطبيـب
وأقول أنا مستانـس وصـدري حـراك وجلجلـه


كم كنت أغني ربمـا يطـرب لصوتـي العندليـب
أو ربما أغشى البحر ما أخـاف البلـل والبلبلـه


وأجعل مـن القاسـي مـذاب ولايذوّبنـي مُذيـب
ومنهجي فـي السابعـه والثامنـه فـي الزلزلـه


ولو نهاري غرّنـي أمسيـت فـي ليلـي منيـب
ولـو زمانـي ضرّنـي كسّـرت بيـدي معولـه


ولا يوقفنـي جبـل ولا يهـرول بــي كثـيـب
العاقـل إللـي مـا يقـف ولا يهـرول هـرولـه


أحد ٍ مشى فيها مرح وأحـد ٍ يـدبّ إبهـا دبيـب
وأنا قصـدت المشـي يكفلنـي زمانـي وأكفلـه


واليوم غيّرني الزمن كأني علـى نفسـي غريـب
لانـي قويـت أمضـي معـه ولا قويـت أفرملـه


آقـف وأنـا متماسـك ٍ لاكانـي اودي واجـيـب
الدهـر وإن مـا طيّـح الشامـخ تـراه ايململـه


حتى إختراعات الزمـن أشوفهـا لغـز ٍ عصيـب
من فاته قطار الزمـان أصبـح عـدو ومايجهلـه


ياراسـي الغالـي تشيـب اليـوم والا ماتشيـب
إللي يشوف أتلـى الزمـان يقـول يازيـن أولـه





.........................

حدووووووثة

 


::: التوقيع :::

إضغط على الصورة لمشاهدتها بالحجم العادي


 
الرد مع إقتباس
  #2  
قديم 23-03-2009, 12:24 AM
الصورة الرمزية لـ ذكريات الطفوله
ذكريات الطفوله ذكريات الطفوله is offline
 





ذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of lightذكريات الطفوله is a glorious beacon of light
 

 

إقتباس
الدهـر وإن مـا طيّـح الشامـخ تـراه ايململـه



صح لسان الشاعر

ومشكوره حديث الصمت

قصيده روعه

 

الرد مع إقتباس
  #3  
قديم 23-03-2009, 12:41 AM
الصورة الرمزية لـ بــيــزاوي
بــيــزاوي بــيــزاوي is offline
عضو نشيط جداً
 





بــيــزاوي is an unknown quantity at this point
 

 

صح لسان الشاعر

ومشكوره حديث الصمت

قصيده رائعة

 

الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 03:03 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www