وش تبون يالجنس الناعم ؟؟؟؟؟

ابغا شي يخلي زوجي على كيفي ...


ابغا كريم يوحد لوني عشان زوجي ينبسط ...


يارب اتزوج عشان اغسل شماغ زوجي وثوبه ...



انا زوجي جاب لي شاورما وش رايكم أكلها ولا لا ...



هذي مهيب طلبات او وحده تدعي الله !!!


لا والله هذي عبارات تتكرر بشريط شات باحدى القنوات


السالفه مهيب سالفه الشات ولا سالفه قناه ...


السالفه بنماذج مختلفه من النساء ....

للاسف هذا حدهن وهذا محور اهتمامهن!!

يعني لو لاحظتوا ان كل وحده منهن حاشره زوجها بكلامها..

بمعنى مخليه زوجها هو المحور لها وبالتالي :

فالنتيجه انها مهمشه نفسها....

وبهالطريقه الرجل لا يمكن ان يقيم أي اعتبار لأمرأه بهالمستوى ولو أظهر العكس..

الزواج بالنسبه للرجل مرحله او محطه يرى انه لا بد ان يمر بها ليكمل رحلة حياته..

يعني زي الي ماسك خط الشرقيه لازم يوقف يعبي بنزين ويشري فصفص ..

عشان ينبسط بالخط وبيكمل الخط..

(يمديكم على التشبيه)

بس المرأه .. الاغلب..( عشان ماحد ينط بحلقي يقول مو كلهن)..

اقول بس المرأه ترى انها نهاية الرحله .... الزواج .. او نهاية المطاف..

يعني للاسف اشوف.. بالمنتديات والتشات نت او تلفزيون تلقاها دايم..


هذا اول همها انها تتزوج وماتعنس ..

بعد ما تتزوج تشتغل على هالضعيف اللي ماخذته ..

هي فاهمه ان الزواج مكانك سر....

وهو فاهم انه لليمين در وكمل ..

هو يقول : حركه وهي تقول : صنم ..

جبت لكم كل العاب منول ... ويبدون عاد يلعبون غميما..

هو يتهرب ويتغبا وهي عاد تشد حيلها تلاحقه..

او انها تنشغل كيف بتسيطر عليه كيف بتحكم تصرفاته بتتفنن لطلعته ودخلته ..

ودائما وابدا تشتكي منه ومن اهماله يعني تاكل لحمه وتغتابه ..


الله يجزاها خير تبغا له الاجر وبيدخل الجنه من حشها..



ياعزيزاتي عمر الزواج ماكان نهايه بل هو بدايه لحياه جميله وتكوين اسره.. ايه هين

واذا كنت تبين السيطره على زوجك احبيه بكل عيوبه وتقبلي نواقصه على انه بشر..

ولايخلو من النقص والتقصير ..

نصيحتي :

لكم يالمتزوجات لا تلعبون غميما .. العبوا شجره نمله..

صدق عاد المرأه اللي تلاحق زوجها تخسره بسرعه ..

لان الانسان بشكل عام اذا صار تحت ضغوط ..من أي نوع ..

لا يمكن يتصرف بتلقائيه ولا يتصرف بطبيعته تأكدي انه يأما :

يبدأ يكذب ويمثل ...

او يتهرب ويطنش ...

او يقسو ولا يرحم ..

وهذي ردود افعال الرجال عندما تلاحقهم زوجاتهم ...

في النهايه :

انا اشوف انو لازم كلا الطرفين يتفهم طبيعه الطرف الاخر ..

و يتفهم نظرته للزواج ويتعامل على هالاساس ..

والاهم ان كلا الطرفين يعيش حياته باستقلاليه تامه..

وكلا الطرفين يواصل اهتماماته وهواياته بعد الزواج ..



منقول بكل محتوه

كم قلت وأقول أن أبوعبدالله

هو نجم أو بعبارة أخرى هو من نجوم هذا المنتدى

إقتباس المشاركة الأصلية بواسطة عبدالعزيز عبدالله الجبرين يبدأ يكذب ويمثل ... او يتهرب ويطنش ... او يقسو ولا يرحم .. وهذي ردود افعال الرجال عندما تلاحقهم زوجاتهم ...

الزوج اذا يكذب ويقسو ويطنش ولايرحم .... يبرر ذلك ويقول ردود أفعال

الزوجة تقول بالخط العريض الجزاء من جنس العمل .... وأنا ردود أفعال

إقتباس المشاركة الأصلية بواسطة عبدالعزيز عبدالله الجبرين انا اشوف انو لازم كلا الطرفين يتفهم طبيعه الطرف الاخر .. و يتفهم نظرته للزواج ويتعامل على هالاساس ..

الزوج بيده كل شئ اذا أراد

فهو الرجل وهو صاحب المسؤلية والقوامة

الله يهديم بس

الله يهديهم ان شاء الله

الفارابي00 الوكيل ... اسعدني مروركم العطر .... والله يعطيكم الصحه والعافيه

ويتوقاكم الله من كل اذى

والله الموضوع مره حلو


والأسلوب مررررررررررره رايق


الله يعافيك

مرحبًا منسم:

ازدانت الصفحة بمروك ... جزاك الله خيرًا

× я ù Ļ ξ s ×,

ازدانت الصفحة بمروك ... جزاك الله خيرًا

دمت بخير .

الظاهر انك تقصد قناة بدية بصراحة اذاكنت طفشانة احط عليهم يضحكوني كل اسرارهم وكل مالايخطر على بالك عندهم

إحساس نجمة

شاكر لك المرور والمشاركه الرائعه


أخــــو ابوالريم ـــك

يعطيك الف عافية على الوصف الرائع
بس اذا كانو هذول حريمنا او بناتنا مانقول الا الله يخلف
والله احس انو في اغلب الاحيان الي يكتب مو حريم كانهم ادارة القاناة عشان تفعل الشريط وتجعلة متجدد <<وجهة نضر
وعقول حريمنا وبناتنا اكبر من كذا بكثير
وفعلا يقهر انو الكل يتصور انو هذي عقليات حريمنا وحريمنا اكبر واعقل من كذا بكثير
ولو ان القاناة وضعت الشريط للفائدة لما سمحت لهذا الكلام يمر عبر الشريط
ولكن ماذا تقول عن مقاصدهم الربحية واكبر دليل على مقاصدهم سماحهم لمثل هذة التفاهات تكتب وتنشر
وشكرا

صادقة ساعات احسها الادارة هي اللي تكتب هالاشياء لغاية بنفوسهم
واذا كان صحيح انهم ارادوا الاستهزاء بنساء هذا الوطن فالله يرد كيدهم بنحرهم ويجعل من ارادوا السخرية مننا لارضاء نسائهم تنرد عليهم ونرى الاستهزاء بهم في كافة القنوات العربية والعالمية ايضا