آتظلم سيدي وأطلب لفت النظر a

آخر المشاركات المطروحة في منتديات قبيلة بني زيد

  موبايلي ايقاف مبيعات باقة الانترنت اللامحدود ( آخر مشاركة : خالدالراجحي    |    لمن يشتكي من ازعاج من رسائل المسابقات ( 7000 ) ( آخر مشاركة : خالدالراجحي    |    حقيقة مقتل بنيدر الدويش ومن هم الرماة واهل البنادق ( آخر مشاركة : أمل الخير    |    أضِـف بصّـمَـتُـك اليَـوّمِـيّـة ( آخر مشاركة : همس    |    المولودة ماجدة تنظم لأخواتها ليكونن تسعاً ( آخر مشاركة : عبدالعزيز عبدالله الجبرين    |    قصة مقتل بندر الدويش. ( آخر مشاركة : محمد بن صقيران    |    من معارك بني زيد (3) معركة عرجا ( آخر مشاركة : محمد بن صقيران    |    جدتي في ذمة الله ( آخر مشاركة : خالدالراجحي    |    اعراض كورونا ( آخر مشاركة : مطول الغيبات    |    هل تريد صدقة جارية وحسنات لاتنقضي في الحياة وبعد الممات في مكة المكرمة (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

آتظلم سيدي وأطلب لفت النظر

المشاركة في الموضوع
 
خيارات الموضوع طريقة العرض
  #1  
قديم 17-01-2009, 04:28 PM
الصورة الرمزية لـ زعفـ فاخر ـران
زعفـ فاخر ـران زعفـ فاخر ـران is offline
عضو نشيط جداً
 





زعفـ فاخر ـران is on a distinguished road
 
Mumayaz آتظلم سيدي وأطلب لفت النظر

 

جيت أتظلم سيدي وأطلبك في لفت النظر=هل تنصف المظلوم من ظلم الزمان اللي وطاه
معذور لو جيت أعتذر غيري تعذّر وأنعذر =ما اخطيت لكن الزمان أخطى وحملني خطاه
حق ٍعلي أصبر ومن صبـّر على شي صبر=والصبر لو فيه المراره من ملذات الحياه
على سفينة حبكم ظميان في عرض البحر =هبت عليه العاصفه ثم انتثر ماعون ماه
بين البدايه والنهايه لا إتجاه ولامفر =يقبل ويقفي يستدير بدون وجهة واتجاه
والموت قام يدارج التابوت لأبواب القبر=والموج غاضب والكفن منسوج بخيوط الوفاه
يبّس شفاياه الظما وإذا تصبّر ماقدر =وإذا شرب من ماء البحر زاد الظما على ظماه
قطع رجاه من الحياه وبرّكه حكم القدر =باركٍ كمايبرك بعير ٍ شال حمل ماقواه
وحارت بعينه دمعته لو جات في صلد الحجر= ذاب الحجر كمايذوب الكحل في عين الفتاه
ماهوب ودّه يلفظ أنفاسه ولاحوله بشر =إمّا صديق بيّحه والا ولد عمٍ بكاه
والا عفيفات يطرّن الجيوب من القهر =هذي رمت عنها القناع وذي رمت عنها العباه
على ظهر سفينته يطوي مسافات العمر =مستوحش وحشة نبي الله يونس في دجاه
وفجأه وهو ساهي خطف عينه سنا برق ظهر= يبرق على بعد المدا ويضيح في الغبّه سناه
وحنّت مباكير الرعود وهب نسناس المطر=ريح المطر يطرق وريده والسحب غطّت سماه
أديب ومغامر وشاعر له مع الذكرى عبر=يسرد مسلسل قصته للي وراه من الرواه
وتذكرك ياظامر السر جوف ياترف النحر=ياغايته ومناه في دنياه ياشمعة هواه
أنت السفينه والبحر لي جاك علمي والخبر=أنت الظما والماء بليّا شك وبدون إشتباه
البارحه لك وأمس لك واليوم وأيام الدهر=الليل ليلك والنهار يشع من خدك ظاه
يابو جديل ٍ أشقر مثل الشعاع إذا انتشر =ولاّ كما نبع الغدير اللي تحدّر للوطاه
يابو حجاجٍ دارته تشبه هلال أتلى الشهر =والخشم سيفٍ جرده حامي السريه من خباه
والعين نجديه ترعرع في محاجرها السحر =لي سلهمت برموشها جرت فؤادي من عراه
خدٍ كما روض الزهر والا قمر خامس عشر =من استلذ بحبته حوّل على جمر الشفاه
جمر الشفاه اللي توافد فوق وضاح الثغر =ومبسمك لاواهني من قبله والا سقاه
ياقوتةٍ في رقدتك كنّه مبللها الخمر =خمر الثمان ومن طعم خمر الثمان أدرك مناه
والعنق عنق الجازيه لي روحت حل العصر= لي روحت من بطن وادي وأمرحت في اللي وراه
وتفاحتين بابليّه في بساتين الصدر =الصدر راوي والخصر طاوي كما خصر المهاه
فخذك فخذ بكر تغض الطرف وتحب الستر= والساق تحفة عاج لامثله ولافي مستواه
وخضاب كفك جنةٍ خضراء على ضفة نهر =والا جناح الطير لاذهب حس قناص رماه
هذي وصوفك يالطيف الروح يالظبي العفر =وأنت الذي ربي على كل المزايين اصطفاه
وانت الذي طيفك يسامرني على ضوح القمر=أوسّده يمناي وأقلب صفحة الذكرى معاه
وقف ترى عمري بدونك يابعد عمري هدر =والا تعال أودعك وأكتب معك لأهلي وصاه
وصاة مجنون قضى نحبه وهو يهذي شعر =يهذي بحب اللي غرس رمح المحبه في حشاه
ياونتي ونة كسير عظم ساقه ماجبر =والا فونة الأسحم اللي طاردينه من عشاه
ياما عليك أجر ونات العشايا والفجر =وأبكي كما يبكي يتيم يكسر الخاطر بكاه
ياسيدي حلمك علي ونا أعتذر عن مابدر= أصفح عن المذنب ولا تسمع دعايات الوشاه
ونا حصان طمرته تعجب عيونك لي عثر =يصهل صهيل العز والطراد مايلحق مداه
هذا ونا ياسيدي جيت أطلبك لفت النظر =هل تنصف المظلوم من ظلم الزمان اللي وطاه

 


::: التوقيع :::



 
الرد مع إقتباس
  #2  
قديم 02-02-2009, 09:31 AM
الصورة الرمزية لـ هجير
هجير هجير is offline
قلم يستحق المتابعة
 





هجير is on a distinguished road
 

 

الله الله ...

ابيـآت في قمة الروعه
ذآئقه شعريه ع ـآليـه .
صـح لسـآن اللي قالـه
وتسلم يمينك ع الطرح الرآئع .
مثل ماعودتنا , ذآئقه عآليه ..
اهنيك ع الطـرح ..

 


::: التوقيع :::



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:01 PM ] .


Powered by vBulletin Version 3.6.4
Copyright ©2000 - 2020, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www