@عندما تصرخ البنت "ياليتني ولد"@ a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > الأقسام الشرعية والأقسام العامة > الـقـسم الـعـام
التّسجيل   جعل جميع المنتديات مقروءة

@عندما تصرخ البنت "ياليتني ولد"@

المشاركة في الموضوع
 
خيارات الموضوع طريقة العرض
  #1  
قديم 12-01-2009, 06:55 AM
الصورة الرمزية لـ سديراويه
سديراويه سديراويه is offline
عضو مثالي
 





سديراويه is on a distinguished road
 
@عندما تصرخ البنت "ياليتني ولد"@

 

( يا ليتني ولد )

لما يكونون معزومين بعزيمة ...والكل مستعد وتجهز....ويطلعون برا وينادوا السواق
وأخيرا يلقوا السواق مو موجود
وبعد جوله على جوالات الاخوان....
ويأس من ظهور السواق
وبعد جملة مافيه روحة ...
تلاقي صرخة تسبق هالجملة وتعبر عن الموقف بقوة

(يا ليتني ولد )




والا بجمعة عائليه ...وتخييم حلو بالربيع
العيال مجتمعين يلعبوا..
وبعضهم معه جمس والا جيب
والباقين يلعبوا بلوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمال
والا حتى يمكن يسمعون شريط بسيارتهم بس ماأحد راضي يعطيها المفتاح
والنهاية

(يا ليتني ولد )




وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا يتفركش
والاعذار تتسكت بوجبات( بتوصيل منزلي) من بيتزا هت
واول مايطلعون
تسمع صرخة بالحوش

(يا ليتني ولد )



كل شيء يهون بس اللي مايهون ايام الإجازات
قبل العطلة يمكن بشهر
البنات ..
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر هاالسنة
لا وانا ابوكم هاالسنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم فهد
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم في الديره
بنفس هالوقت يدخل فيصل <<إحم إحم
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخواتي ياحلوين تامرون على شيء قبل ماأروح
إيه
سموووو
تبون
ايش

(يا ليتني ولد )




ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ....نواف ....حبيب البيت ......وبرا البيت
قفلي النت
ليه؟؟؟؟؟
بس بكيفي ....وثاني مرة لعد تشبكينه فاهمة !!!!اوكي
وليه معد أشبكه
اولا أصرف ....ثانيا بنت ....ثالثا وشو له تشبكينه ...وش الفايدة...؟؟؟؟ماله داعي
!!!!
عطيني لاب توبك بفتشه احس فيه شئ...... <<اكره الشكاك


(يا ليتني ولد )

طبعا صايرة كلمة "للعائلات فقط "تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجوا يقارنوها بالبنات .......هنا نوقف شوي
أغلب المجتمعات النسائيه كئيبة ومملة بشكل كبيييييييير
والسواليف أغلبها تقتصر على
لبست...اشترت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟

مثلا تلقون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس موب لازم كل ذي الهذرة-
من بتكلمين نهى ...مو لازم بكرة بتشوفينها بالعزيمة
(( هذا اذا لقت احد يوديها ))
ألحين انتظر تليفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك..

طيب موب لازم انترنت ولا تلفون لانه امر مفروغ منه ...
بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التلفزيون انقلب الى أداة لترويج المنكر ...كله استعراض للبنات ....
وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
(ااذاكر) !!!!!!عرفتوا ليه البنات اشطر من الاولاد ...........استوعبتوا السر ؟؟؟؟
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف

(يا ليتني ولد )

نصل هنا للهدف من الموضوع !!
عندما تقول البنت..

(يا ليتني ولد )


أول شيء اسويه اروح أخذ امي واخوتي وامشيهم بشوراع
ونروح نشرب لنا قهوة من توتي كافيه
ولا نمر على ملك المانجو وناخذ لنا كوكتيل
والا اعشيهم على حسابي
والا أفاجئهم بتذاكر لمكة عشان ناخذ لنا عمرة
والا استنى اي فرصة اشوفهم محتاجين لي فيها عشان اخدمهم
زيادة على افعالنا لهم كنساء نطبخ وننظف ونقوم بالبيت كله عشانهم !!
هذي أفعالهم عندما تتحقق أمانيهم بأن يصبحون أولادا !!
فهل فعلنا نحن كــ (أولاد) لأجلهم مايستحقون ؟؟!!

رفقا بنا ...فاننا نستحق الكثير !!

(( أتمنى تكون الرسالة وصلت ))


*********************************


انتهى

الحمد لله حنا مانعترض على حكمة الله في اننا بنات

لكن احيانا البنت تتمنى هذا الشي



الموضوع منقول لكنها قسم بالله جابت اللي في الخاطر

رغم بساطه التعبير الا انها وصلت فكرهـ ..

واتوقع كل بنت تدخل تقول هذه تتكلم على لسان حالي ..



أنتظر ردودكم .. ِشباب و بنات بكل صرررراحه

ووجهة نظركم .. وما الحل لمعاناة البنات ..!!

و متى ستنتهي دوامة ياليتني ولد ..

ومتى نتخلص من هذا التسلط والأناينهـ ..!!

متطلباتنا بسيطهـ يااخواني .. فرفقا ً بنا ..!!

 

الرد مع إقتباس
  #2  
قديم 12-01-2009, 07:54 AM
سارونتي سارونتي is offline
عضو جديد
 





سارونتي is an unknown quantity at this point
 

 

شكر

 

الرد مع إقتباس
  #3  
قديم 12-01-2009, 05:25 PM
الصورة الرمزية لـ الساكتون
الساكتون الساكتون is offline
قلم جاد متميز
 





الساكتون is on a distinguished road
 

 

وجهة نظري

إن كل الأمثلة اللي ضربتيها هي في الحقيقة أشياء تكميلية ترفيهية (ما تسوى)

أسواق و سفريات و طلعات و جيات

 


::: التوقيع :::

أحب الصالحين و لست منهم
و أرجوا أن أنال بهم شفاعه

و أكره من بضاعته المعاصي
و لو كنا سواء في البضاعة


 
الرد مع إقتباس
  #4  
قديم 12-01-2009, 05:43 PM
الصورة الرمزية لـ جمانة العالم
جمانة العالم جمانة العالم is offline
عطاء متجدد
 





جمانة العالم will become famous soon enough
 

 

عزيزتي بالنسبة لي .. الحمد لله ع الرضا والقناعة..

!"ولا تتمنوا ما فضل الله به بعضكم على بعض للرجال نصيب مما اكتسبوا وللنساء نصيب مما اكتسبن واسألوا الله من فضله إن الله كان بكل شيء عليما "

ياليت ترجعين لأسباب نزولها للفائدة ..!

الشبكة الإسلامية - ولا تتمنوا ما فضل الله به
القرآن الكريم - تفسير ابن كثير

 


::: التوقيع :::


سبحان الله ** الحمد لله ** لاإله إلا الله ** الله اكبر


 
الرد مع إقتباس
  #5  
قديم 12-01-2009, 05:58 PM
الصورة الرمزية لـ ܓܨ5jάĻܓܨ
ܓܨ5jάĻܓܨ ܓܨ5jάĻܓܨ is offline
عضو دائم
 





ܓܨ5jάĻܓܨ is on a distinguished road
 

 

إقتباس
وأخيرا يلقوا السواق مو موجود
وبعد جوله على جوالات الاخوان....
ويأس من ظهور السواق
وبعد جملة مافيه روحة ...
تلاقي صرخة تسبق هالجملة وتعبر عن الموقف بقوة

(يا ليتني ولد )

اهـ بس جبتيها على الجــرح والله اني قلتــها اليـوم الصبـاح ومن اعماق قلبــي لما النـقل ما جـاء ابن الايـه .. وانـآ اشوف سيارات اخوانـي موقفه على الفاضي والله اني تمنيت اني اسوق بهاللحظـه بس يالله وش نقول

والله انـا معـاكـ بموضوعـك لان بصراحـه الواحـده لها وقت وتطفش من الحكــره
والصبر لـهـ حدوود والعيـال غيـر مطيعين احيانآآآ
و.و.و.و.
ويـاليتي ولـد << بتتصفق
لا عـآد تبون الصراحـه ابي اصير ولد بوقات معينه بس مو كل ابو دايم لا ..
حياه البنت احلى وربـي



وبس تسلمين على هيـك موضووع

 


::: التوقيع :::

لا اله ألآ الله
................ ( )


 
الرد مع إقتباس
  #6  
قديم 14-01-2009, 06:25 AM
الصورة الرمزية لـ ابومحمد
ابومحمد ابومحمد is offline
عضو دائم
 





ابومحمد is an unknown quantity at this point
 

 

هههههههههههههههههههههههههههههههههههههههههههههههه

سواقه وسيارات لا لا لا مافيه وشوله

اجل الريف الايطالي ماتدرين ان السواق مو موجوج <<<<<ايه هين

إقتباس
أول شيء اسويه اروح أخذ امي واخوتي وامشيهم بشوراع

مثلي يوم بغيت سيارة هههههه ( تراه اسلوب قديم )

إقتباس
والا اعشيهم على حسابي

كل يوم ولا بس مرة وحده هههههههههههه <<<<<<


إقتباس
والا استنى اي فرصة اشوفهم محتاجين لي فيها عشان اخدمهم

يعني ماراح تكونون في الريف الايطالي مع الصاحبات

إقتباس
زيادة على افعالنا لهم كنساء نطبخ وننظف ونقوم بالبيت كله عشانهم

خلاص حنا نطبخ ونكنس ونحطكم فوق روسنا, بس ارزاق البيت والمصروف والمهر عليكم.

------------------------------------------------
------------------------------------------------

كل اللي فوق ترى كلها تعليقات مزح وبعضها تذكرني بمواقف قديمه.

اخواتي قولوا الحمد لله انكم معززات مكرمات في بيوتكم ولا تشوفون ابوانكم مدلعينكم انهم من رخى لا والله الا من حب وعطف ,

ولا والله لو تحسون بمعاناة الرجال في واعمالهم كان تذرون ابوانكم وتقولون الله يعين اخوانكم.

اقل مافيها مراجعة معاملة عند احد الموظفين الحقيرين اللي يحاول انه يذلك اذا تبي تخلصها.

ولو بغينا نعد ونحصي صدقوني ان الشباب مظلوم.

عسى الله يكتب اللي فيه الصالح

<<<<<<<<<<< فيه نوم ماقوي يكثر ملابش

 


::: التوقيع :::

رب كلمة قالت لصاحبها دعني


 
الرد مع إقتباس
  #7  
قديم 14-01-2009, 07:48 AM
الصورة الرمزية لـ بنت الأصول
بنت الأصول بنت الأصول is offline
مبدعة قسم الصوتيات
 





بنت الأصول will become famous soon enough
 

 

آه آه آه بس

سديراويه يعطيك العافيه على هالموضوع الخطير

والله أنك صادقه ما أحد مبسوط بهالدنيا إلا هالرجال


اما إحنا مساكين

مشكلة مجتمعنا ياإما ناس فري بزياده أعوذ بالله

يا إما حبس

مافيه وسط

بس لو نفكر شوي ترا إحنا صح الأشياء الترفيهيه محرومين منها كثير
لكن الأشياء الأساسيه بالحياة هم أصعب

 


::: التوقيع :::

إن أفضل الدعاء الحمدلله

وأفضل الذكر لا إله إلا الله


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 12:15 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www