سافر لمصر دورة وبعديييييييين؟؟؟؟؟

يسولف علي واحد من قرايبي عن زميل له سافر لمصر عنده دورة كم شهر يقول زميله لما رحت لمصر مليت وصادقت لي وحدة ((الله من زين العذر))وصرت أطلع معاها وأتمشى نتغدى ونتعشى ونسولف ((((يعنني بريييييييئ))وكل يوم هياتة معها وكلما رحنا مكان صورت أنا واياها وهات ياتصوير(((((مسوي روحه رومانسي تلقاه ماصور مع زوجته إلا صور زواجه )) المهم يقول خلصت الدورة وودعت البنت وجلست على الصور وفصفصتها أي صورة للبنت لوحدها أو أنا معها قطعتها وراجعت الصور كم مرة وحطيت في بطني بطيخة صيفي على قولة إخوانا المصريين ورجعت للرياض ويادار مادخلك شر...........
استقبلتني زوجتي وهات سواليييف عن دراستي واللي لفت نظري في مصر وراااااحت الدنيا وبعد سنة جابت زوجتي طاري واحد من الجماعة مسافر لمصر وقلت الحمدلله وش يبي يتمشى فيها وع ما فيها شي من زينها وهات ياحش وماحسيت إلا زوجتي تطير عيونها فيني قلت وش فيك ؟؟؟؟؟قالت بدهااااااااء مصر ما فيها شي؟؟؟قلت إيه وش فيها!!!!!!!!!!! قالت أكييييييييييد والصور؟؟؟
أنا طاح قلبي بين رجولي وجلست أتذكر وقلت في نفسي هين ماعندها سالفة أنا مفتش الصور صورة صورة وحاولت أستجمع ثباتي وقلت لها أي صور .....
قالت لحظة وراحت للغرفة ورجعت وفي يدها صورة وقمت أرجف وقالت وش هالصورة ياأبو فلان؟؟؟يوم شفتها هديت لإن ما كان في الصورة إلا أنا قلت لها هذي صورتي في المطعم اللي قلت لك قالت عارفة بس الشنطة النسائية اللي جنبك حقت مييييييين؟؟؟؟
وحاولت أبرر هذي معنا في الدورة لا لا هذي مرت زميلي لكن ما عاد فيه فايدة صاااااااادتني
انتهت القصة
الله يهديك وربي اللي مسجلها لك ما حسبت حسابه وعلى قولة أهلنا (((كل خينة عليها من الله بينة))) رسالة إلى إلى كل إنسان (احفظ الله يحفظك)) وسلاااااااااااااامتكم

هههههههههههههه والله تعجبني زوجته يوم صادته
مشكورة يالغــــالية ع القصة ..

والله يحفظك ويحفظنا من كل مكروه ..

هههههههههههههههههههههه
مشكوووور ويعطيك عافيه

ماشية بعز تميم
ملك داورد

مروركم تواصل جميييييل وإضافة أجمل لموضوعي

هههههههههههههههه
حلوه صادته زوجته...يستاهل!!

للأسف فيه من هالاشكال ناس كثير....الله لايبلانا!

هلا بالعيون الخطيرة آمييييييييييييين
إطلالتك على الموضوع أخطر

هــذي مشكلهـ ( بـعض الرجال ) إذا ســافــروا برا

يعنــي قطـع الصورهــ ،،، انتــهـى الموضوع !!


شــاكــرهــ لكــ أخــتي

الله يحفظ كل من اغترب عن بلاده للعلم

ويحفك جميع شباب المسلمين

تحياتي لك....

ههههههههههههه

مشكورة على القصة الحلوة

ماشاء الله عليها فصفصت الصورة فصفصة , عاد بعض الحريم ماشاء الله تقز لو النملة دابية على البلاطه

شكلها اصلاً شاكه فيه ولا كان ما قامت تنبش وراه , و المفروض مسافرة معه و رجلها ع رجله

تسلمين ,

أهلا جووووووووووري بكل لغات الحب شكرا على إطلالتك لوكل إنسان أحيا رقيبه الذاتي كان الدنيا بخير

بقايا حطام آميييييييين الله يحفظ شبابنا ويحميهم من وساوس إبليس وإلا هي لحظات اللي تفصل بين الذنب والندم سعدت بمرورك الكريم

مرحبا ألف هملول حروفك أسعدتني مساء سعيدأتمناه لك

هههههههههههههههههههههاي

سبحان الله ربي اراد فضيحته ,,

الله يصلحه يارب ,,

مرحبا أخوي رادار المرأة بطبيعتها دقيقة خذ مثلا لو استضافوا في التلفزيون شخصية وجابوا اللقاء في بيته تلقا الرجال ينتبه للقاء واللي حوله بشكل عام أ ما الحرمة حتى التعتيق تقولك شكله ونوعه وشيفون الستاير واللوحات حتى الأفياش هي كشخة وإلا لا مع متابعتها للقاء
هذا شي الشي الثاني لما يصيرون العيال يدرسون كيف تسافر معه وثالثا هذا مايلغي إني أتفق معك يمكنها شاااااااااامة ريحة خيانة

سلمت على هذه الإضافة المميزة