كفانا ما قذانا شوف رقّاصه وعريانه=تحاك النا الحبايل وأنت همّك تسهر الليلات a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

كفانا ما قذانا شوف رقّاصه وعريانه=تحاك النا الحبايل وأنت همّك تسهر الليلات

المشاركة في الموضوع
 
خيارات الموضوع طريقة العرض
  #1  
قديم 23-11-2008, 04:36 PM
أبوسفيان أبوسفيان is offline
شاعر ، ومناقش محترف
 





أبوسفيان is on a distinguished road
 
كفانا ما قذانا شوف رقّاصه وعريانه=تحاك النا الحبايل وأنت همّك تسهر الليلات

 

كفانا ما قذانا شوف رقّاصه وعريانه=تحاك النا الحبايل وأنت همّك تسهر الليلات


رجاي الله وبسم الله مهبت لفكري عنانه= وهو مثل السبوح الي نهمها راعي الصملات
تنهض خاطري وانباح جلجاله ودندانه=قذاني ما انبزى مثل الجراد إلى دفا فلات
وأقول ولا عطيت القول قولي ما اخلف ألوانه= ولا باعطي مقال الا واقدم للمقال اثبات
كتب غيري وأخذ غيري وغيري قال بالسانه=وله نظرة ولي نظرة وبه لأهل النظر نظرات
مثل ورّادة العد احذفوا بالدلو واشطانه=وكلٍ جر دلوه ولخوي يدرى عن الصكّات
واحد فاضي وأحد نصفه واحد بالري مليانه= وذا مثل اللذي يكتب عن الأحداث والأزمات
وترى كلٍ بعبر ماكتب عن نوع ميزانه =ومن يرجح بعقله هرجته يجي لها مزّات
والا ياللي كتبتوا في الحدث لي في الحدث خانه=والا يالي تعيشون الحدث لي في الحدث وقفات
رسائل عرف لأهل العرف قول الأخ لاخوانه=بهى ذكرى بهى عبرة لها لذّة بها همسات
مباديها كتاب للجميع أخط عنوانه=الا كل الأمر لله رب الموت والحياة
خلق من كل شيء خلقه وقدّر له أوزانه=وأحاط بعلمه الي كان والكائن وما سيأت
يسير الكون في علمه وتدبيره وفي شانه= ونشاء والله يشاء ويصير ما شاء عالم السدات
فلا تخطي ولاتعطي تدابيره لعدوانه= ولا تجزع ولا تهرع ولو صكت بك القوات
ترى راعي الفرج من الفرج بامره وسلطانه=مغيث المستغيث ومنجي المتي من الظلمات
وترى ما صابنا في امصابنا زوده ونقصانه= سببه إنا ومنا يوم حنا نقارف السيات
ومن يعرض عن الله راكبٍ غيّه وشيطانه=يذوق من المعيشة ضنكها ويجرّع الحسرات
يظل الظالم ويمهيه في غيه وطغيانه= وإلى منه خذه مايفلته لو صاح بالويلات
فلا منجى ولا ملجى سوى بابه ورضوانه= وربي يقبل يهرول لمن يمشي على العجلات
ولاعزّة ولا منعة سوى الإسلام وأركانه=نعضة بالنواجذ نورنا وهو أبلغ الحجّات
وأخط رسالة للي حفظ ربه وقرآنه=مصابيح الهدى سرج الضياء أهل الدين والطاعات
مشايخنا دعاة الدين في نشره وبرهانه=هم القادة مع القادة ولات ويتبعون ولات
أذكّرهم ولا آمرهم أمر ربي هم أعيانه=هم المصباح وسط المجتمع والمجتمع مشكاة
الا ياهل العمل دوكم ابليس يشد ذرعانه=يقلّب جثة الفتنة وينفخ باثمها الزفرات
وأشوف اللي يسوس الناس مهيوفه وجربانه=على روس الخلايق قام يركض ينشر الكذبات
خذا له مقرفون وفك للسانه مع ارطانه= يجر الناس لدروب المهاوي كلها مضمات
يقول وينعق وهو في المحارم غط كرعانه=وأحد فره وأحد جره وأحد لفق له الشبهات
ألا صولوا ألا جولوا ألا قولوا بالأمانه=ترى الأمة من الغمة تبرّم تطلب النجدات
بيان الحق تبيان الحقيقه نور ميدانه=يقشّع عن عقول الناس ما دسه خبيث الذات
وأخط رسالةٍ أسرع من اللي صف جنحانه=لها في ارض الجزيرة لجّه وفي أذن أهلها همسات
أوصلها عوّام الناس شايبهم وغلمانه=أبي يدرون بالمقصد وأبي يدرون بالحيلات
الا يافزعة القايد إلى من أسرج حصانه=ودارت في سبيل الله ورفّت وسطها الرايات
ثبات الصف يوم الصف ركن البيت وكيانه=وعوايدكم ثبات وحب قايدكم لكم عادات
تراكم مقصد أهل الغدر في سره وفي اعلانه=عليكم ترسم الخطة عليكم تفتل العقدات
معاويل الحسد في صفّنا تقتات صدعانه=تبي بذر الفساد وهي على بذر الحسد تقتات
الا لجوا بها وحدة شهادة حق وديانه=ونمشي خلف قايدنا على ذا نجدد البيعات
وتراكم خلف قايدكم مثل طورٍ وصيحانه = ثبت هذا مع هذا ولا تثر به الهزات
أمير وشيخ ومواطن سواة المشط وأسنانه=مثل هذا وزير وريس ومن علّق النجمات
كرامتنا على التقوى سوى شايب وشبّانه=ولا سلطه ولاشرطه ولا غدر ولا حيلات
على هذا يكون المجتمع وتهونع أغصانه=أخوة مع امروه لابه أحزابٍ ولاثورات
هدفنا في الحياة أسمى من الدنيا وعمرانه=جميع أمورنا لله ظاهرها مع النيات
على هذا نحذّر من خبيث ٍ طق طيرانه= خبتث مع ابليس يغبي العملات في الصفحات
فتل حبله على رجله مثل قشعم او ورعانه=ظعيف ابيوت هش ابتوت مير الهرم له صيدات
يغمّه خلجت أمه وحدة الأمة عمى اعيانه=على العذرة يعيش ولو يجي حول الزهر موّات
إلى منه هرج تسمع لهرجه يسحر لسانه= وهو حقده دفين ولا يواجه يقضب اللفات
تحرز واحترز منه وعسى الله يقفض أزمانه=يهيم ويستهيم يدوّر الحرجات والهرمات
خذ الحيطه ترى سمه مع بثه وقرنانه=عليك بهرجة أهل الدين واترك هرجة الموجات
وأخط رسالة للسامع أرجي يصغي آذانه=لمن حاز المناصب واكبرت من عنده الجاهات
كبير وقل وزير وقاضي ومن يملك خزانه=وجميع بطانة أهل الحل مع من يحضر الجلسات
الا لاخير في من لايقود الصف بارسانه=صدوق وصادقٍ ماله على صف الحكي غايات
الا لاخير في من ضم كرسيه على أحضانه=كذب لأجله غدر لأجله فجر لأجله عمل عملات
يقلّب في موازين الأمور وقلبه خيانه=يدور ما تقرّب به لأجل مايحرم الميزات
هضم حق المواطن في نظام يبرم ابيانه=يحيكه في مصالح نفسه ويدخل مع الثغرات
خدع نفسه وغش الناس والدولة وعمّانه=يغطي عن ولي الأمر نكباته مع الخملات
خبيثٍ كل حقوق الناس فضخ ورضخ ديدانه=بطانة شر شره في فواده لاعلى الهامات
نعالج والمريض من السرى في كفه أكفانه=وهو له في المشافي الفاخره جهز له عيادات
فصول عيالنا في المدرسة مطبخ مع اخزانه=وهو له في فصول (المملكة) بنين مع بنات
نسافر مع خطوطٍ مالها تجديد وصيانه= وهو له حجز في الأولى ولا يدري عن الزحمات
مواترنا تورّد في مواصفات تعبانه= وهو يركب جديد وله مقاييس ومواصفات
إلى منّا شربنا مالحٍ الماء وخزّانه= وهو يشرب مطر في كل ماصورة جعل مصفاة
لنا عيالٍ يبون الجامعة والعذر مليانه= وهو مضمون كرسيه ومحجوزه له البعثات
وظايفهم مراتبها على الخدمة وديوانه= وحنا ما حصل لعيالنا لو بند عمال وعلى الساعات
علوم علوم شق ورقعته ماغطة أردانه =فضايح يالإمام ولا غطاها المرط والعباة
ولا أعمم ترى فأهل المناصب من حمى عنانه=أمين ومؤتمن نفسه رفيعة ما جت الزلات
وأخط رسالة لأهل الإعلام العلم نيشانه= رجالات الصحافه وألأذاعة والمتلفزات
الا يالسان كل الأمه وحلقه مع جرانه=تحرك وافضح الباطل بصوتٍ يصنع اللجات
تكلم بالحقيقه وافضح الباطل وبطلانه=تكلم صدق واجل الشك يكفي اعطاي تلميحات
كفانا ما قذانا شوف رقّاصه وعريانه=تحاك النا الحبايل وأنت همّك تسهر الليلات
الا يا اعلامنا شاش الكفر وأنحاص شيطانه= يقلّب في اصطلاحات الجمل ويحط تفسيرات
صليبي والصليبي ما لقى من يشحط بطانه=غرف بالسانه الشر الدفين وكشّف الغطوات
على روس الملا ينخى بهدم الدين خلاّنه =عدو الدين شيطان النصارى ما كل الحرجات
فضيحة يالسان أهل العقيدة نومك خيانه=كفانا مجامله ومداهنه بالحرف والدوات
ترى ذولا النصارى واليهود الدين عدوانه=هدفهم نترك الدين او وراهم نتبع الساقات
خباث وخبث واحدهم ملا قلبه وشريانه=ولا يرضيهم الا نرفع البيرق وبه عرقات
الا يا اعلامنا صوتك قطع واذنيك خرسانه=متى يا اعلامنا تاعى متي تكتب لك الطولات
الا يا اعلامنا حسان بالسانه وباحسانه= على العدوان كنه في الوجيه يديرها صفقات
الا ياعلامنا الهدهد بعزم وقوة إيمانه=نقل صدق وهدى الله به سبا خذها من العبرات
الا يا اعلامنا النملة حمت وادي بسكانه= وعت واوعت قرايبها الخطر ما داهنت باسكات
الا يا اعلامنا اعلام النصارى شب نيرانه=عليهم ديرها يا اعلامنا تكتب لك البسمات
رمونا بالشتيمة والبسونا ذل وإيهانه=بدينا نطعم الغربه على الروحات والجيات
بدا بالساننا في إعلامنا يحرق بقطرانه=يروج به وجير رشحوه يوضح الفكرات
وأخط رسالة للي غوى وأغواه بغيانه= يشوف النور قدامه ولكن يتبع الغلسات
كفيف ينظر بعينه وعين القلب عميانه=وعمى القلب إن مشى لابد تا طا رجله العثرات
بعض ناس بديرتنا كبار بطون وجعانه= روو لاشك من عد وهماطٍ يمهط العيرات
خذو علم وبلافهم وملا واردهم شنانه= ومواريد العدى ورّادها مايسلم القذرات
خذوا فكر النصارى غرهم تاجه وهميانه= وصارو في المجالس به على ما قال ببغاوات
جسوم بلا فهوم وشرهم بانت له بياته= ولهم في نشرة أفكار النصارى شف وهوايات
الا يالي غويت وغرّك من الزول برقانه= تبي عيش التحلل والخنا شبهات مع شهوات
هزيعه ياصبي المجد ترضى عيش حيوانه= تبي تاخذ وساخة فكرهم غاوي ولك حاجات
تراهم مع حضارتهم خباث وقوم فتانه= حضارتهم دنية صدهم عن لاخره غفلات
الا يامعجب وترجي جريح تحت غطيانه= تبي عنده علاج وهو عجز يشفى من العلات
الا يالي تبي نعل مع اللي شق حذيانه= تلاوي رجله الرمضى هجير وفي الشتاء سبرات
تريد العز والرفعه وأساويره وتيجانه= تراها في سبيل الله هو العز وهو المنجات
وتريد الذل والهبوة مع اللي ترّب أذقانه=تهاون في رضى ربه وفكره سايس المنحاة
وختم القول لابد الكفر تميد سيسانه=ولو طول شموخ الضلم فله أيام معدودات
يجيه اللي هدم بأمر الله أبراجه وبنيانه= تخطراها ووطاها إلين تبارح الرقات
وعد ربي هلاك الضلم أناثيه وذكرانه=مثل كسرى وقيصر عقب ذاك الجمع راح اشتات
وهذي سنة الله يبطل الباطل وحيّانه= هل الكفر وهل الغدر وهل المنكر لهم حزات
أقوله وأرجي الرحمن عقلانه وحفظانه=وأساله ينصر أمتنا ويحفظها من الصكات
واساله يظهر أمر الدين وأهل الدين وأعوانه=ويحفظ له حماته ويتولاهم هل النخوات
واساله يهدم الكفر وحماة الكفر وأخدانه=ويقيم النا الجهاد ويجبر العضلات والخصّات
وصلى الله على الهادي دليل الخير برهانه= محمد ما تعاقبت السنين ودارت اللحضات



عبد الله بن سعود بن سليمان المطوع(أبو سفيان). بعد حشد القوات على خلفية11/9

 

الرد مع إقتباس
  #2  
قديم 23-11-2008, 06:52 PM
الصورة الرمزية لـ محمّد المنيع
محمّد المنيع محمّد المنيع is offline
شاعر الحرف الجميل
 





محمّد المنيع is on a distinguished road
 

 



بسم الله الرحمن الرحيم


ماشاء الله تبارك الله يا ابو سفيان

قصيدة نخبوية / يصعب في مثلها .. الإقتباس

لكن ..

هناك ابيات ! لن أتجاوزها (ولا تهون بقية الأبيات)




إقتباس
المشاركة الأصلية بواسطة أبوسفيان
وتراكم خلف قايدكم مثل طورٍ وصيحانه = ثبت هذا مع هذا ولا تثر به الهزات
أمير وشيخ ومواطن سواة المشط وأسنانه=مثل هذا وزير وريس ومن علّق النجمات
كرامتنا على التقوى سوى شايب وشبّانه=ولا سلطه ولاشرطه ولا غدر ولا حيلات
على هذا يكون المجتمع وتهونع أغصانه=أخوة مع امروه لابه أحزابٍ ولاثورات
هدفنا في الحياة أسمى من الدنيا وعمرانه=جميع أمورنا لله ظاهرها مع النيات

هنا خُلاصة




إقتباس
المشاركة الأصلية بواسطة أبوسفيان
أقوله وأرجي الرحمن عقلانه وحفظانه=وأساله ينصر أمتنا ويحفظها من الصكات
واساله يظهر أمر الدين وأهل الدين وأعوانه=ويحفظ له حماته ويتولاهم هل النخوات
واساله يهدم الكفر وحماة الكفر وأخدانه=ويقيم النا الجهاد ويجبر العضلات والخصّات

اللهم آمين




إقتباس
المشاركة الأصلية بواسطة أبوسفيان
وصلى الله على الهادي دليل الخير برهانه= محمد ما تعاقبت السنين ودارت اللحضات

عليه الصلاة والسلام




لله درّك يا بيطار الشعر

عندما أقرأ إسمك / أعلم أنني على موعد مع طرح غير عادي

سواء كان شعرً / أو نثراً




بارك الله في حضورك

وتقبّل إحترامي

 


::: التوقيع :::

اللَّهُمَ اِجْعَلْ خَاَتِمَتِي كَخَاَتِمَة وَاَلِدِي .. وَاجْمَعنِي بِهِ فِي دَار رَحْمَتِكْ


 
الرد مع إقتباس
  #3  
قديم 23-11-2008, 07:00 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

ابو سفيان

صح لسانك وعلا شانك

تغرف من بحر ماشاء الله عليك

بالتوفيق

 

الرد مع إقتباس
  #4  
قديم 23-11-2008, 07:12 PM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

ابوسفيان

صح السانك ملياااااااااااااار

وماهي اكثااااااااااااااااااار

جزلة من جزل

اتعبت من بعدك

تقبل تحيااااااااااااتي

 


::: التوقيع :::



 
الرد مع إقتباس
  #5  
قديم 23-11-2008, 08:51 PM
طلاع الثنايا طلاع الثنايا is offline
شاعر
 





طلاع الثنايا is an unknown quantity at this point
 

 

ما شاء الله عليك يا عبدالله

و صح لسانك 101 مره عدد ابيات هذه القصيده الباسقه

الصراحه بدينا نزهد في قصايدنا هالمقنزعات الي ما تعدى 10 ابيات

و لا مجال للتعليق و لا الأقتباس و لا التفضيل بين الأبيات

أمام هذه الملحمه الحمراء ؛؛ غير التأمل و الأنبهار


ما شاء الله ولا اله الا الله ؛؛ و الله يحرسك باسمه

و عساك من المطوع بني زيد ؟ يا بيطار الشعر كما سماك الشاعر محمد المنيع

و لا يهونون باقي الربع ؛ و ترا هذي مهيب عنصريه ؛؛ وكل يحب الخير لقبيلته


بيض الله وجهك وبارك فيك و لك

تحياتي

 

الرد مع إقتباس
  #6  
قديم 23-11-2008, 10:42 PM
الماصول الماصول is offline
شاعر
 





الماصول is on a distinguished road
 

 

صح لسانك يا أباسفيان قصيدة قوية من شاعر أصيل ، استغلال ممتاز لكل مناسبة ، صح لسانك .

 

الرد مع إقتباس
  #7  
قديم 25-11-2008, 04:40 AM
الصورة الرمزية لـ سعود الصبي
سعود الصبي سعود الصبي is offline
:: نائب المشرف العام ::
 






سعود الصبي is just really niceسعود الصبي is just really niceسعود الصبي is just really niceسعود الصبي is just really nice
 

 

أبو سفيان

صح لسانك وعلا شانك يا الجزل

 

الرد مع إقتباس
  #8  
قديم 25-11-2008, 07:40 AM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 

 

الله الله

صح فكرك يا بيطار الشعر

قصيدة أقل ما يقال عنها مُعلقه

استغربت قِلة المصطلحات التي عهدناها من ابو سفيان


دمت بسلام يا غالي





 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #9  
قديم 25-11-2008, 11:48 AM
عبد الله الحصان عبد الله الحصان is offline
 






عبد الله الحصان is an unknown quantity at this point
 

 

صح لسانك
قصيدة رائعة من شاعر مبدع
اعجبتني كثيرا
.....
...
.
ننتظر جديدك

 

الرد مع إقتباس
  #10  
قديم 25-11-2008, 09:33 PM
أبو ربيعة أبو ربيعة is offline
عضو مستمر
 





أبو ربيعة is an unknown quantity at this point
 

 

أبوسفيان اسمح لي

أنا لا أحب قصائدك تدري ليه؟؟؟؟؟


لأني أحس بعد قراءتها أني شاعر مبتدئ وأمامي مشوار طويل جداً لأحصل على لقب {شاعر}..
تعبت وأنا أعد أبيات القصيدة،وأسبح في معانيها.
شنفت آذاننا بهذه القصيدة المبهرة.

(الا يـالـي تـبـي نـعــل مـــع الـلــي شـــق حـذيـانـه****تلاوي رجله الرمضى هجير وفـي الشتـاء سبـرات)


صح لسانك مليوووووووون.

 

الرد مع إقتباس
  #11  
قديم 26-11-2008, 01:55 PM
الصورة الرمزية لـ مشاري الهويمل
مشاري الهويمل مشاري الهويمل is offline
pRiCeLeSs
 





مشاري الهويمل will become famous soon enoughمشاري الهويمل will become famous soon enough
 

 

بسم الله ماشاء الله

عيني عليك باردة يبو سفيان

مبهرة


صح لسانك مليون

 


::: التوقيع :::



 
الرد مع إقتباس
  #12  
قديم 26-11-2008, 11:07 PM
أبوسفيان أبوسفيان is offline
شاعر ، ومناقش محترف
 





أبوسفيان is on a distinguished road
 

 

محمد المنيع / صح بدنك والله يرفع قدرك ما أنا إلا تابع أثر لكن طيبك هو الذي جعلك ترى الجبر وتتحاشى النظر للكسر،وإلا فما أنا الا مجتهد في شعر أو في نثر ، والخطأ والزلل حليفي الا أن يوفقني الله. أسأل الله لي ولك التوفيق ولجميع المسلمين.



سعد الحامد/ صح بدنك أبو عبد الرحمن ولا عليك زود لأن كان البحر كثير فكفاه مثلباً ركودة وأجاجه.


المسافر/ صح بدنك أبو محمد ولاعليك زود وجزالتها حضورك وتشريفك.



طلاع الثنايا/ صح بدنك وأشكر لك مشاعرك والله يجزاك خير ،ولاتزهد بما عنك فلرب بيت مما عندك أفضل من قصيدة مماعندي.
وبالنسبة لسؤالك فنعم أنا من المطاوعة أهل القويعية (الضلع). ولافخر الابطاعة أقولها ويعلم الله أنني أكتب القصيدة (ولله الحمد هذا ظاهر في قصائدي) أقول انني أكتب القصيدة وأنا أتمثل نفسي إبن الإسلام وحسب ولا أزكي نفسي ففي من العيوب والهفوات ما أسأل الله أن يستره ويجبره.(أسأل الله أن يصلح لنا ولكم الظاهر والباطن) ، أخي الكريم جزاك الله خيروأتشرف بمداخلتك وحضورك.



الماصول/ صح بدنك ولا عليك زود وبارك الله فيك.


سعود الصبي/صح بدنك الله يجزاك خير.



طارق الحصان/ صح بدنك ولن أدافع فالقصيدة أمامك ولايمدح حاضر،حياك الله أبو سعد وحمداًلله على سلامة الوصول.


الصهّال / شرفتنا بزيارتك وتعليقك الله يصح بدنك .


أبو ربيعة / صح بدنك وترى هذا من طيبك وتواضعك وإلا فأنتم أجزل وأفضل ، أشكر لك مشاعرك وتفضلك بزيارة صفحتي التى بك تحيي.


مشاري الهويمل/صح بدنك ويكفي مالك عندي رعاك الله يامشاري.




لكم جميعاَ أقول تشرفت بكم وإن كانت قصيدتي عندي غالية فهي الأن أغلى قيمة وأكبر مكانة بتشريفك معشر الإخوة الأحبة.
والسلام عليكم ورحمة الله وبركاته,

 

الرد مع إقتباس
  #13  
قديم 27-11-2008, 12:20 AM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

ابو سفيان

دائم مبدع .

سلمك الله على ابياتك الرائعة كروعة صاحبها...

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 03:27 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www