سلام عليكم جميعا

هذي قصيده جديده عسى ان تاصل لرضاكم

ونتقبل النقد البناء بكل صدر رحب


يابو سعد قلبي من الحب مطعون.....سالت دماه من منابع عروقه
نادو اطبا الغرب فيني يشوفون....قلب صويب فيه كثرت فتوقه
قالو صويب وقلت بالزين مفتون.....راحت حياتي في تتبع طروقه
قالو تحبه قلت بالعون بالعون....وشلون ماحب من طباعه سروقه
مزيون خد وفوقها زين العيون....يشغل خيالي كل مااسمع نطوقه
ياليتهم باوجاع قلبي يحسون....ويرتاح قلبي من جروحه وعوقه
ياليت قلبه من حلا الحب مسكون...وتصير في قلب المولع عشوقه
تنطق حروف اسمي على هون وسكون....واشوف رعشة شفته في نطوقه
ياليت قلبي في حشا الزين مدفون....وتشوف فهد وش حصل في خفوقه


وسلامتكم

ميلاف انا اعتبر القصيده جيده جدا
لمسات خفيفه منك ممكن ان تجعلها قصيده مكتمله معنى ومبنى
مثل

يابو سعد قلبي من الحب مطعون.....سالت دماه من منابع عروقه
يابو سعد قلبي من الحب مطعون...يسيل دمه من منابع عروقه
نادو اطبا الغرب فيني يشوفون....قلب صويب فيه كثرت فتوقه
ممتاز
قالو صويب وقلت بالزين مفتون.....راحت حياتي في تتبع طروقه
ممتاز
قالو تحبه قلت بالعون بالعون....وشلون ماحب من طباعه سروقه
قالوتحبه قلت باالعون باالعون.....وشلون بـ انسى من طباعه سروقه
مزيون خد وفوقها زين العيون....يشغل خيالي كل مااسمع نطوقه
ممتاز ويحتاج حذف الالف اللتي في صدر البيت لتصبح لعيون
ياليتهم باوجاع قلبي يحسون....ويرتاح قلبي من جروحه وعوقه
ممتاز
ياليت قلبه من حلا الحب مسكون...وتصير في قلب المولع عشوقه
ممتاز
تنطق حروف اسمي على هون وسكون....واشوف رعشة شفته في نطوقه
ممتاز
ياليت قلبي في حشا الزين مدفون....وتشوف فهد وش حصل في خفوقه
ياليت قلبي في حشا الزين مدفون.....وتشوف قلبي وش حصل في خفوقه

تغيير بسيط يافهد حبيت ان اوضحه لك وانا مثلك اضع قصائدي واتمنى التعقيب عليها اشكرك جزيل الشكر

الشطرهذا اخطيت انا في تركيبته
.....وتشوف قلبي وش حصل في خفوقه
المفروض يكون
وتعرف فهد واللي حصل في خفوقه

بيض الله وجيهكم جميعا
ومشكورين وماقصرتو

اخوي عبيد جزاك الله خير

وسيتم النقل الى قسم النبطي يعد التعديل


اخوكم

ميـــــلافِ

السلام عليكم

ميلاف نص رااااااااااااااااااائع جدا واسجل اعجابي فيه

لي تعليق بسيط على تعديل الأخ عبيد في البيت الأخير

انا ارى انه من الأنسب ان تكون

ياليت قلبي في حشا الزين مدفون.....وتشوف خلك وش حصل في خفوقه



ياليت قلبي في حشا الزين مدفون.....وتشوف قلبي وش حصل في خفوقه

طبعا انسب عشان هو يتكلم عن نفسه


>> شف بس من يعدل خخخخخخخخخ
الله يستر عليكم لا يصيد عليكم شي

والله اعلم
واذا تعديلي غلط علموني تراي ادور الي يعلمني
ما بعد وصلت لمرحلة النقد
اخوك علي بن شريم

صــح لســانكــ
الله يعطيــكــ العــافيــهــ

صح لسانك
وجزاك الله خير ياعبيد على تعديلك البسيط المفيد