قالوا لي البل قلت مالي بها لون=عسى عطايا الله تبارك لاهلها (قصيدة لسعود المسعود) a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

قالوا لي البل قلت مالي بها لون=عسى عطايا الله تبارك لاهلها (قصيدة لسعود المسعود)

المشاركة في الموضوع
 
خيارات الموضوع طريقة العرض
  #1  
قديم 26-10-2008, 11:26 PM
الصورة الرمزية لـ أبو خالد
أبو خالد أبو خالد is offline
عضو نشيط جداً
 





أبو خالد is an unknown quantity at this point
 
قالوا لي البل قلت مالي بها لون=عسى عطايا الله تبارك لاهلها (قصيدة لسعود المسعود)

 

السلام عليكم ورحمة الله وبركاته

أنقل لكم إخواني قصيدة لابن العم للشاعر / سعود بن عبدالله المسعود من أهل الشعراء

وابو عبدالله شاعر جزل وقصائده جزله علماً بأنه سبق وأن شارك في مسابقة ابن مكتوم التي وضعها لمجاراة قصيدة له بعنوان ((سبائك)) وحصل على المركز الثالث علماً بأن المركز الأول هو الشاعر ناصر الفراعنة والمركز الثاني شاعر مطيري وسعود المسعود حصل على المركز الثالث من ضمن الفائزين الخمسة عشر

ويستاهل ابوعبدالله


أما الآن فأترككم مع هذه القصيدة له

قالوا لي البل قلت مالي بها لون=عسى عطايا الله تبارك لاهلها
شرف الأذان وخرعها حلوة اللون=اللي كتاب الله بذكره شملها
من حبها يامدور العلم بالعون=ما والله اقنيها ولا اقني جملها
مانيب جاهلها ولي عقل وعيون=والطنخة اللي بين حجاك شلها
لاكن وقتي بين داين ومديون=والنفس تسعى للمعوشة واملها
البل تبي ناس(ن) على الشف يمشون=يرضيهم رضاها ويزعل زعلها
تبي خفاف(ن) ينزلون ويشدون=على الشديد لطايح الخير ولها
امتيهه تقطف زماليق وفنون=ماردها عن شفها الا فحلها
مارددت في خشم جيب ودركسون=ولا عن هواها بالبواري فشلها
ما نيب ملحقها مثل غيري غبون=أما شبكها شبك والا عقلها
حوالها توجع ومن دون في دون=وكبودها شبك( ن) مشوك دبلها
وان فكها من دون رعيان مجنون=كم نفس مسلم فارقت من هملها
يسدني شيخ(ن) متيم ومفتون=من حبها ماشاف حب(ن) بدلها
لا قام يمشي في طرفها على الهون=من شوشته حتى العمامة نطلها
عبدالله ان عدو رجال(ن) يسمون=لا سايفت عوج المشاكل عدلها
وابن قنيبط بالفحل ساق مليون=مع مثله ونقو الاباعر عزلها
من طيب مجناها ولو تقعد قرون=تخلف علوم العارفه ما سملها
وابن جريس العود والشيخ ابن عون=باقلوبهم تاكل وتشرب وتلها
اللي من ابحور(ن) غزيرة يغرفون=ياما كسوها من فرايد حللها
وياكثر ناس(ن) في سنعها يقومون=وكل(ن) ومقدوره وجهده كفلها
ولا هيب حكر(ن) لاحد والناس يدرون=وياما نقظنا حجة اللي فتلها
وان جاك من يبحث خفى كل مكنون=الكلمة اللي ترفع الراس قلها
يا سايق الفنجال للي يتقهوون=عده عن اللي هرجته ما فعلها
يوم الجزيرة والعرب دون قانون=والدين قل وزاد فيها جهلها
من دونهن نقدم على حامي الكون=نسرع بموت اللي برجله وصلها
يا ذيب سوفه علم اللي يمرون =معروفنا في بطن جدك حملها
يوم النشاما بين طاعن ومطعون=جينا بأباعرنا من اللي ختلها
وضلع الحذني والمداغيش يرمون=زلزل حصاه من الجبل لا سهلها
قفوا بطمعة مير ربعي يعيون=والنفس كل(ن) دون حقه بذلها
صرنا عليهم جمرة(ن) فوق غليون=وعقيدهم روس الأباهيم كلها
وكم راس شيخ بخبة السر مدفون=من نوقنا ما طب حلقه بللها
آلاد زيد منومسة كل مغبون=بديارهم يدله غريب(ن) نزلها
يقرون بسنين(ن) عجايف ويذرون=خطلان الايدي بالسنين ومحلها
وعسى مقر العود جنات وعيون=يوم الجزيرة عن عماها كحلها

 


::: التوقيع :::



 
الرد مع إقتباس
  #2  
قديم 26-10-2008, 11:34 PM
الصورة الرمزية لـ عبيدالعتيبي
عبيدالعتيبي عبيدالعتيبي is offline
عضو دائم
 





عبيدالعتيبي will become famous soon enough
 

 

ابو خالد

بيض الله وجهك ووجهه
اشهد باالله انهاااااء قصيده من شاعر حكيم
تسلم على النقل الاكثر من رائع

لاكــن وقـتــي بـيــن دايـــن ومـديــون
والنـفـس تسـعـى للمـعـوشـة وامـلـهـا
6 البل تبي ناس(ن) على الشف يمشون
يرضيـهـم رضـاهــا ويـزعــل زعـلـهـا
7 تـبـي خـفـاف(ن) يـنـزلـون ويـشــدون
عـلـى الشـديـد لطـايـح الـخـيـر ولـهــا
8 امتـيـهـه تـقـطـف زمـالـيــق وفــنــون
مــاردهــا عــــن شـفـهــا الا فـحـلـهــا
9 مـارددت فـي خشـم جـيـب ودركـسـون
ولا عــن هـواهــا بـالـبـواري فشـلـهـا


الله يبيض وجهك بس

 

الرد مع إقتباس
  #3  
قديم 27-10-2008, 12:20 AM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 

 

رائعه



وكلها ابداع


سـ / كم عمر شاعر هذه الفاتنه ؟





إقتباس
وضلـع الحذنـي والمداغـيـش يـرمـون
زلـزل حـصـاه مــن الجـبـل لا سهلـهـا


الحذنّي ذكرت في هذا البيت :

ليت القويعيه تجي بالحذنّي=والى تقيضنا تنزح وراها

الآن عرفت ماهي الحذنّي وأين هي


شكرا أخي على النقل المميز

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #4  
قديم 27-10-2008, 06:08 AM
الصورة الرمزية لـ أبو خالد
أبو خالد أبو خالد is offline
عضو نشيط جداً
 





أبو خالد is an unknown quantity at this point
 

 

تصحيح للبيت الرابع

مانيب جاهلها ولي عقل وعيون***والطنخة اللي بين حجاك شلها


سقط سهواً حرف النون من الطنخة

 


::: التوقيع :::



 
الرد مع إقتباس
  #5  
قديم 27-10-2008, 06:38 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

إقتباس
يـا ذيــب سـوفـه عـلـم الـلـي يـمـرونمعروفـنـا فــي بـطــن جـــدك حمـلـهـا
27 يـوم النشامـا بـيـن طـاعـن ومطـعـونجيـنـا بأبـاعـرنـا مـــن الـلــي ختـلـهـا
28 وضلـع الحذنـي والمداغـيـش يـرمـونزلـزل حـصـاه مــن الجـبـل لا سهلـهـا
29 قـفـوا بطمـعـة مـيــر ربـعــي يـعـيـونوالنـفـس كــل(ن) دون حـقــه بـذلـهـا
30 صرنا عليهـم جمـرة(ن) فـوق غليـونوعـقـيـدهـم روس الأبـاهـيــم كـلــهــا
31 وكـم راس شيـخ بخبـة السـر مـدفـونمـــن نـوقـنـا مـــا طـــب حـلـقـه بللها
32 آلاد زيـــد مـنـومـسـة كــــل مـغـبــونبـديـارهـم يـدلــه غـريــب(ن) نـزلـهـا
33 يقـرون بسنيـن(ن) عجايـف ويـذرونخـطـلان الايــدي بالسـنـيـن ومحـلـهـا
34 وعسـى مقـر الـعـود جـنـات وعـيـونيــوم الجـزيـرة عــن عمـاهـا كحـلـهـا

نعم وأكرم

صح لسانك ياسعود

حكمة وشعر ولباقة

تحيتي وتقديري

 

الرد مع إقتباس
  #6  
قديم 27-10-2008, 07:51 AM
الصورة الرمزية لـ سعود الصبي
سعود الصبي سعود الصبي is offline
:: نائب المشرف العام ::
 






سعود الصبي is just really niceسعود الصبي is just really niceسعود الصبي is just really niceسعود الصبي is just really nice
 

 

صح لسانه
كل بيت احلا من الآخر
صعب الإقتباس وصعب الإختيار


عافاك الله

 

الرد مع إقتباس
  #7  
قديم 29-10-2008, 11:22 AM
الصورة الرمزية لـ مشاري الهويمل
مشاري الهويمل مشاري الهويمل is offline
pRiCeLeSs
 





مشاري الهويمل will become famous soon enoughمشاري الهويمل will become famous soon enough
 

 

صح لسانه

 


::: التوقيع :::



 
الرد مع إقتباس
  #8  
قديم 29-10-2008, 11:39 AM
الصورة الرمزية لـ نواف الردعي
نواف الردعي نواف الردعي is offline
شاعر
 





نواف الردعي is an unknown quantity at this point
 

 

حبة خشم على راعي القصيده وناقلها... وتاريخ بني زيد ....
هلي بني زيد الي ينومسهم ينومسني والله يشهد
صحيح اني عتيبي ولاكن المربى قَتّال، وشهامة بني زيد صغيرهم وكبيرهم.. وتاريخهم العريق يجعلني افتخر بهم كأهل.... وذرى في عجاف الايام الخاليه
هذا ماورثته من اجدادي من محبه صادقه لهذة القبيله العزيزه (شقراوي)

23 يــا سـايـق الفنـجـال لـلـي يتـقـهـوون ...عــده عــن الـلـي هرجـتـه مــا فعلـهـا
24 يــوم الجـزيـرة والـعـرب دون قـانـون... والـديــن قــــل وزاد فـيـهــا جـهـلـهـا
25 مـن دونهـن نقـدم علـى حامـي الكـون... نسـرع بمـوت الـلـي برجـلـه وصلـهـا
26 يـا ذيــب سـوفـه عـلـم الـلـي يـمـرون معروفـنـا فــي بـطــن جـــدك حمـلـهـا
27 يـوم النشامـا بـيـن طـاعـن ومطـعـون... جيـنـا بأبـاعـرنـا مـــن الـلــي ختـلـهـا
28 وضلـع الحذنـي والمداغـيـش يـرمـون... زلـزل حـصـاه مــن الجـبـل لا سهلـهـا
29 قـفـوا بطمـعـة مـيــر ربـعــي يـعـيـون... والنـفـس كــل(ن) دون حـقــه بـذلـهـا
30 صرنا عليهـم جمـرة(ن) فـوق غليـون... وعـقـيـدهـم روس الأبـاهـيــم كـلــهــا
31 وكـم راس شيـخ بخبـة السـر مـدفـون... مـــن نـوقـنـا مـــا طـــب حـلـقـه بللها
32 آلاد زيـــد مـنـومـسـة كــــل مـغـبــون... بـديـارهـم يـدلــه غـريــب(ن) نـزلـهـا
33 يقـرون بسنيـن(ن) عجايـف ويـذرون... خـطـلان الايــدي بالسـنـيـن ومحـلـهـا
34 وعسـى مقـر الـعـود جـنـات وعـيـون ...يــوم الجـزيـرة عــن عمـاهـا كحـلـهـا

تحياتي لشاعرها الجزل

 

الرد مع إقتباس
  #9  
قديم 30-10-2008, 01:40 AM
الصورة الرمزية لـ محمّد المنيع
محمّد المنيع محمّد المنيع is offline
شاعر الحرف الجميل
 





محمّد المنيع is on a distinguished road
 

 



ماشاء الله تبارك الله .. هنا شعر / صح لسان القائل ! وسلمت ايادي الناقل

 


::: التوقيع :::

اللَّهُمَ اِجْعَلْ خَاَتِمَتِي كَخَاَتِمَة وَاَلِدِي .. وَاجْمَعنِي بِهِ فِي دَار رَحْمَتِكْ


 
الرد مع إقتباس
  #10  
قديم 30-10-2008, 04:52 PM
ابو الفوارس ابو الفوارس is offline
عضو مثالي
 





ابو الفوارس is an unknown quantity at this point
 

 

صح لسانك يابو عبدالله ،،،،،،،،،

 


::: التوقيع :::

url=http://bnyzid.com/][/url]


 
الرد مع إقتباس
  #11  
قديم 30-10-2008, 05:52 PM
الصورة الرمزية لـ عبدالرحمن الزيد
عبدالرحمن الزيد عبدالرحمن الزيد is offline
 






عبدالرحمن الزيد will become famous soon enough
 

 

بيض الله وجهك أبو خالد على هذا النقل الرائع الممتع

إقتباس
هلي بني زيد الي ينومسهم ينومسني والله يشهد
صحيح اني عتيبي ولاكن المربى قتال وشهامة بني زيد صغيرهم وكبيرهم.. وتاريخهم العريق يجعلني افتخر بهم كأهل.... وذرى في عجاف الايام الخاليه
هذا ماورثته من اجدادي من محبه صادقه لهذة القبيله العزيزه (شقراوي

والله والنعم فيكم ياعتيبه وأشكر لك هذا الإطراء الجميل عن قبيلة بني زيد
فجزاك الله كل خير بإذنه سبحانه

 

الرد مع إقتباس
  #12  
قديم 01-11-2008, 07:16 AM
الصييفي الصييفي is offline
:: شاعر متمكن ::
 





الصييفي will become famous soon enough
 

 

أولا:
شكرا يبو خالد لنقل هذه الرائعة لابن العم سعود بن عبد الله المسعود
أشكرك لأن صاحبها لو لم تنقلها لما أتحفنا بها

ثانيا:

صح لسان ابن العم على هذه الرائعة التي مهيب غريبه عليه
لأن سعود ما يكتب الا جزل و هذه القصيدة غيض من فيض

المأخذ الوحيد على ابن العم هو بخله علينا بروائعه التي هذه تعتبر
من من أجملها ولكنهها ليست الأجمل على الإطلاق.

لله درك يبن العم على هذه الرائعة و لا تحرمنا نفائسك.

ثالثا:

الى نواف الردعي الذي كتب:

"حبة خشم على راعي القصيده وناقلها... وتاريخ بني زيد ....
هلي بني زيد الي ينومسهم ينومسني والله يشهد
صحيح اني عتيبي ولاكن المربى قَتّال، وشهامة بني زيد صغيرهم وكبيرهم.. وتاريخهم العريق يجعلني افتخر بهم كأهل.... وذرى في عجاف الايام الخاليه
هذا ماورثته من اجدادي من محبه صادقه لهذة القبيله العزيزه"


لك كل الشكر بعد الله على هذه الكلمات الرقيقة
و هذه ليست غريبه لأن علاقتنا بعتيبة ليست وليدة اليوم
فهي أزلية، فهم الجيران و الأنساب و الإخوان

بيض الله وجهك على ذكر هذه الحقيقة التي لا يختلف عليها إثنان

تحيتي و تقدير للجميع

 

الرد مع إقتباس
  #13  
قديم 01-11-2008, 08:02 PM
الصورة الرمزية لـ أبو خالد
أبو خالد أبو خالد is offline
عضو نشيط جداً
 





أبو خالد is an unknown quantity at this point
 

 

السلام عليكم ورحمة الله وبركاته


أشكركم جميعا ً على المرور والتعقيب

ويستاهل ابو عبدالله ومهما قلنا عنه فلن نوفيه حقه

وكما قال الصييفي ابوعبدالله له قصائد جزلة بكل ماتحمله الكلمة من معنى



الأخ طارق

سعود المسعود في الأربعين من العمر ويعمل مدرس في مدرسة الشعراء الابتدائية

أما بالنسبة للحذني فهو جبل معروف يقع شرق ثهلان و الشعراء وراجع الخاص




الاخ نواف الردعي

يامرحباً بك وبربعك والعلاقة بينا وبينكم قديمة ووثيقة

وشكراً لك على ماقلت وهذا من طيبك

وحياك الله بين اخوانك

وحبة خشم لك


وتحيتي للجميع

 


::: التوقيع :::



 
الرد مع إقتباس
  #14  
قديم 20-11-2008, 03:12 AM
سفير الغرام سفير الغرام is offline
عضو مشارك
 





سفير الغرام is an unknown quantity at this point
 

 

ونعم والله بسعود بن" صقر" المسعود والصقر كلهم والله أجواد
بصراحه أنه شااااااااااااعر ومبدع
وبيض الله وجهه
ووجيه كل الجمااااااااااعه

 

الرد مع إقتباس
  #15  
قديم 21-11-2008, 02:41 PM
الصورة الرمزية لـ دحيم
دحيم دحيم is offline
عضو نشيط
 





دحيم is an unknown quantity at this point
 

 

كم انت مبدع يابو عبدالله فالابداع قليل بحقك فانت فوق
الابداع لما وهبك الله من حكمه وبعد نظر والذود عن
القبيله بما تملك فانت وامثالك المبدعين والمحافظين
على نمط الاجدادافي كتابة القصيدة واسلوبها ومضمومونها
وماترمي اليه من هدف وقتي ومستقلي قليلون دمت بصحة وعافيه
( كلمات قليلة في حقك من محبك ابومحمد )
ودمت ياابا خالد على هذا النقل بصحة وعافيه

 


::: التوقيع :::

كن كالسيل يسلك اسهل الطرق وليس اقربها


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:51 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www