السلام عليكم ورحمة الله وبركاته

أضع بين ايديكم هذه القصيده المنقوله اتمنى تعجبكم ،،ونستفيد منها فايده عظيمه بنهايتها !


أقرأوها وبتفهمون !



كل شبر بهالوسعيـه ملـك ربـي تعلميـن

وأعلم إن اللي خلقني هو خلق لـك هالعيـون





لكن انتي من جلستي وانتـي فينـي تحدقيـن

كن ما به ناس غيري بهالكراسـي يجلسـون





لو سمحتي عاد أسمعي وحتى لو ما تسمحيـن

المهـم اللـي بقولـه تسمعينـه و يسمعـون





ع الأقل ليا نظرتك سـوي روحـك تستحيـن

غضي طرفك مثل غيرك خوف ربعي يلمحون





الركادة عاد زينة والحياء فـي البنـت زيـن

وفيـك جآزم لا ركـادة ولا حيـاءٍ يـذكـرون





تعرفينـي ؟! أعرفـك ؟! ماأذكـر إنــا ملتقـيـن

لا أعرفك من تكوني و لا تعرفي مـن أكـون





وإطمأني إن كان قصدك بس فينـي تشبهيـن

ما هـو أنـا إلي تعرفيـه والبشـر يتشابهـون





مـا دريتـي من التشابـه يخلـق الله أربعيـن

وأعرف أربع يشبهنك بـس والله يستحـون





وإن كان قصدك شي ثاني عاد قولي وش تبين

خايف إنا نصير فرجة وإللي ماشتروا يتفرجـون





وإذا ببالك عاجبتنـي لا يحوشـك تحلميـن

صح ربعي من جمالك فيـك صـار يمدحـون





بس وش لي في حلاتك دام فيهـا ترخصيـن

حشمة البنـت وحياهـا والكرامـة يلفتـون





ولو توفر فيك هـذا مـع حلاتـك تبشريـن

ما هو أنا ألف غيري بـاب بيتـك يطرقـون





وش علامك رغم كل اللي أقولـه وتسكتيـن

مو طبيعي هالسكوت وهالبـرود وهالسكـون





إنتـي خرسـا أسألـك ولا منتي تسمعيـن؟؟

قالوا ربعي ذي كفيفـة قلـت لا لا تمزحـون







لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون





آه ياني منه مشهـد يـوم شفتـك ترحليـن

جيت اشوف عيون ربعي لقيت الكـل يدمعـون





قلت سنّـة هالحيـاة وحـن ترانـا مؤمنيـن

الله اللـي مسيّرنّـا بيـن كافـ وبيـن نــون





وكل أبونا نختلف مع إننا مـن أصـل طيـن

سبحان يلي مصورنا ولله في خلقـه شـؤون





يعني حنا كل أبونـا عـاد إسمنـا بنادميـن

وليا قضى ربك أمر وقـال لـه كـن فيكـون





فينـا يلـي رازقه خيـر رب العالمـيـن

وفينا يلي هو لعطفه بحاجة القلـب الحنـون





وفينا يلي مـا شكـى مـن علـةٍ كالآخريـن

صـمٌ و بكـمٌ و عمـيٌ فـهـم لا يفقـهـون





بس قليل عـاد فينـا للنعـم هـم شاكريـن

والله يرزق هالخلايق من حيث هم لا يعلمون





وتدري عاد يالكفيفة حنا تراى متشابهيـن

وإن ماانعمت أبصارنا قلوبنا هـم إللي يعتمـون





يالكفيفة يالعفيفـة إن قلـت آسـف تقبليـن؟؟

يغفر الله ذنوب عبده ليا خطا وهـل تغفـرون؟؟؟؟


،،،،

أتمنى انكم استفدتوا منها أن نحسن الظن ، وما نفكر بالناس بسطحيه ..


دمتم بنقاء

,’

قالوا ربعي ذي كفيفـة قلـت لا لا تمزحـون



لا تعليق صراحه


ريم داورد

ياااااااااااقلبي عليها

الله يجزاك خير ياريم داورد

قصيده فعلاً فيها حكمه

ياما ناس يحكمون ويظلمون بالظاهر والله العالم بالحقايق

ظلمها واتهمها انها قليلة أدب وتطالعه وأخر شي طلعت الحقيقه أنها ماتدري عنه وماتشوف يااااقلبي عليها

قصيده مؤثره

بروح أعطي بارعــهـ الرابط تشوفها

يالكفيفة يالعفيفـة إن قلـت آسـف تقبليـن؟؟

يغفر الله ذنوب عبده ليا خطا وهـل تغفـرون؟؟؟؟



هذي مشكلة العجلة و التسرع

بالأحكام ،،،


يعطيك ألف عاافية .

عبادي

بنت الأصول

جوووووري

بارعهـ

أشكركم جميعا على تواجدكم الكريم

يعطيك العافية

فتى لعلع

الله يعافيك يارب

شاكره تواجدك الكريم اخوي

من جد رووووووووووعه الله يهديه بس


ان تحسن الظن فتندم ..خير من ان تسي الظن فتظلم

يالكفيفة يالعفيفـة إن قلـت آسـف تقبليـن؟؟



بصراحة قصيدة اليمة جدا

توقعت معناها عن الحيا و غض البصر للبنات

تفاجأة و الله

عوافي

ريما بنت سلطان


بعدهم



شكرا على المرور الكريم

اختيار جميل
ننتظر جديدك

تسلمين اختي ريم يعطيك العافية على القصيدة الرائعة وفعلا هذا حال رجالنا اليوم من يشوفون الحرمة التفتت اوبدا منها اي حركة عفوية يضنوون فيها الضن السيئ

النسيان

فتات سكر



شكرا لكم لمروركم الكريم

أحسنوا الظن
شعار يجب أن نتحلى به


قصيدة سلسة فيها موقفين رهيبين


مشكورة أختي على الاختيار الموفق