طلعتي قبل رمضان .....لاتفوتك صور حلوة..

ملاعب الصيد · #1 01-09-2008, 11:08 PM

بسم الله الرحمن الرحيم

السلام عليكم ورحمة الله وبركاتة

اخواني واخواتي اعضاء ومشرفين منتدى بني زيد

كل عام وانتم بخير والشهر عليكم مبارك

...اليوم اقدم لكم طلعتي قبل رمضان ...

بداية الطلعه كانت بعد الحفل الخامس لمنتدى بني زيد حضرته وانا عجل لأن عندي مسراح الصباح بدري لكن مالك إلا اللي يقسمه الله , رجعت من الحفل وطلع باالسيارة صوت يعني خربانه قهرررررررر يعني مافيه ممشى قبل المغرب لأنه يوم جمعة ولا يفتحون قبل العصر .... انتظرت الورش لين فتحو وصلحت السيارة وتوكلت على الله انا واخوي ولحقنا واحد من خواني بعدنا بساعة ...

وصلنا لخميس مشيط الساعة 3 الفجر ماشاء الله الجو روعة وبررررررررررررراد الله يلطف بنجد واهلها نمنا يوم اصبحنا توكلنا على الله سيارتين وحنا اربعه وجاني واحد من العيال لحقنا من الطايف ومعه خوية من مرات ...

وصلنا على المغرب محلنا وكنت مرة ابي اطلع اصيد واخواني يقولون من اصبح افلح لاكن نبي فلاحين ليل ونهار . طلعت انا وخويي نقنص ارانب وشفنا 3 وصدنا وحدة بسبب وعورة الارض وهذا الي الله قاسمة ...

رجعنا لشقة الا العيال جايبين عشاء وتعشينا ونمنا وبدا الصيد من اليوم الثاني والحمد لله ماخالف علينا شي وصدنا والله الحمد 46 وبر والجو كان مرة روعة وجانا مطر بس مهوب قوي ولما جينا راجعين رجعنا مع طريق حلو مرة متجهين لوادي لجب جنة الله بارضة سبحانة دخلنا والجو كان من شدت زينة يخوف انواع الصواعق والجو مغيم كاتم شوي يعني لا تجلس بالوادي انحش لايجيك السيل خذيت كم صورة على الطاير وللاسف ما امداني الصور الشلالات الي داخل بسبب المطر بدا يهطل والله الحمد
رجعنا لرياض والنفس مرتاحة ومقتنعة بما نالت والله الحمد

قلت ما خلي حبايبي الحلوين منتدى بني زيد لازم يعيشون ويشاركوني رحلتي
وهذي الصور لكم واتمنى ان تنال اعجابكم

انواع الحوسة مدري وش اخذ

هاه وش اخذ

رست على هذولي

اشتغل يابوهنود

استراحة خفيفة

متجهين للموقع

اول خير

شوفو كبرها

يالله صباح خير

اول خير

استراحة بثلاثة وبران

حلوين

مقناص صبحية

احيانا تنجبر ماتنزل من الجبل الامتاخر بالليل

وهذا صيد الشباب يوم جيتهم

كيس يابو خالد

رص بالفريزر

نبدا بالعشاء

مكرونة بالوبر +مرق قهد +حليب

النتيجة

ماشاء الله بدا المطر

مدخل لجب

زاوية من المدخل

جنة سبحان الله

اسف على الاطالة

سعود الصبي · #2 01-09-2008, 11:16 PM

وعليكم السلام ورحمة الله وبركاته

ياهلا وغلا
غبت وجبت والله يبو سعد
أي إطاله الله يرضى عليك موضوع اللي يقراه ماوده يخلص قرايه والتفرج على الصور

ما اقول إلا

ماشاء الله تبارك الله
من ها الحال وأفضل الله لايغير عليكم

موضوع يستحق القييم فعلاً

ملاعب الصيد · #3 01-09-2008, 11:23 PM

حياك الله يا بعدي

والف شكرلك على الرد السريع

والحمد لله الي اعجبك موضوعي

تقبل تحياتي يالغالي

قـرنـاس نـجـد · #4 01-09-2008, 11:42 PM

إقتباس


	وصدنا والله الحمد 46 وبر

ماشاء الله تبارك الله هذا الصيد اللي عليه العلم

هذا ان كان مانيب واهم الطريق اللي يوديك الخوبه

ياجعله والله بالعافيه ,,

إقتباس

اسف على الاطالة

اي اطاله الله يهديك هالصيد وهالجو الزين ماتمل منه

ملاعب الصيد · #5 01-09-2008, 11:47 PM

яεxαт

هلا وغلا فيك يالغالي

والصورة الي تقول الاولى عقبت ضلع توديك للخوبة ليش لا

والصورة الثانية

الله يعافيك ياعيوني

وحياك ربي يالغالي

تحياتي

دهران · #6 01-09-2008, 11:51 PM

الأخ الغالي / ملاعب الصيد

وكعادتك دائماً لا تأتي إلا بالمميز يابو سعدان :

(( ماشاء الله تبارك الله لا إله إلا الله ))

ننتظر جديدك بفارغ الصبر .

وتقبل أعذب وأرق تحية .

ذكريات الطفوله · #7 02-09-2008, 12:00 AM

وانا اقول وين ملاعب الصيد غاطس ماله حس

الحمدلله على السلامه وموضوعك روعه بس اني خايفه عليك لايحسبونك ارهابي من ذا الصور

ننتظر جديدك وابداعك

ملاعب الصيد · #8 02-09-2008, 12:02 AM

اخوي الغالي دهران

من مايسعدني مرورك وتشريفك لموضوعي الي يزوده روعة

وهذا اقل ماننقدم لكم والجاي اكثر ان شاء الله

تحياتي لك اخوي الغالي

والف شكرلك على المرور يا بعدي

ملاعب الصيد · #9 02-09-2008, 12:05 AM

إقتباس

المشاركة الأصلية بواسطة ذكريات الطفوله


	وانا اقول وين ملاعب الصيد غاطس ماله حس الحمدلله على السلامه وموضوعك روعه بس اني خايفه عليك لايحسبونك ارهابي من ذا الصور ننتظر جديدك وابداعك

هلابك اختي

وعلى قولتهم مبطى من جاء والحمد لله ان فية بينا ترابط يجمعنا وان الواحد اذا غاب فية من يفقده او يسال عنة

وهذا الي نتمناه بينا

تحياتي ياختي

والف شكرلك على مرورك لموضوعي

عمر الضويان · #10 02-09-2008, 12:15 AM

ماشاء الله تبارك الله

موضوع متميز بصراحه

ابو خالد كفيت ووفيت يابعدي

بإنتظار جديدك

ملاعب الصيد · #11 02-09-2008, 01:57 AM

إقتباس

المشاركة الأصلية بواسطة عمر الضويان


	ماشاء الله تبارك الله موضوع متميز بصراحه ابو خالد كفيت ووفيت يابعدي بإنتظار جديدك

هلا وغلا ومسهلا
حي الله ابوسعد
نورت موضوعي يالغالي
اقل مانقدم لكم يابعدي

الف شكرلك على مرورك

الصييفي · #12 02-09-2008, 02:08 AM

الله يعطيك العافية يا ملاعب الصيد

الله لا يضرك
رحلة جميلة و أكيد فيها سعة صدر

أكيد فيها تعب لكنه مخلوف

أخوي ملاعب الصيد،
ما تشوف ان 46 وبر و انتم 6 في رحلة وحده فيها إسراف؟

مجرد سؤال من محب أرجو إنه ما يزعلك

تقبل تحياتي

المسافر · #13 02-09-2008, 02:11 AM

يعطيك الف عافية

ملاعب الصيد

اثرك عجل يوم الحفل

نحشت

ناوي نية

موفق اخوي

تحيااااااااتي