ミܓܨܓلولوه وخواتها ܓܨܓミ a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > الأقسام الشرعية والأقسام العامة > الـقـسم الـعـام
التّسجيل   جعل جميع المنتديات مقروءة

ミܓܨܓلولوه وخواتها ܓܨܓミ

عرض نتائج التصويت: وش رايكم بقصة بـ قصة لولوه؟
مهيب شينه بس اخلصي علينا! 0 0%
ليتس ما عدتي نشرها وغثيتينا مثل ماغثيتي اللي قبلنا!!! 1 2.94%
كنها خشة هــ الورع اللي رازته تحت اسمتس يافجر السعيد؟! 0 0%
تهبل تهبل بس كملي؟؟؟!!! 33 97.06%
الناخبون: 34. لم تقم بالتصويت على هذا التصويت

المشاركة في الموضوع
 
خيارات الموضوع طريقة العرض
  #1  
قديم 22-08-2008, 06:35 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 
New1 ミܓܨܓلولوه وخواتها ܓܨܓミ

 






مرحبا اخواني وعيالي عمي هذي ماهي اول مشاركه لي
سبق ان شاركت بمعرف ثاني لكن للاسف نسيت كلمة المرور
(السن واحكامه)
القصه هذي كتبتها من شهر ونصف وسبق ان نزلتها ونشرتها
في احد المنتديات القريبه والعزيزه على قلبي .....واللي مايعادلها
بالمعزه الا منتدى عيال عمي..
واتمنى ان تنال اعجابكم .....


*******
لولوه واخواتها معزومين لعرس .......
لولوه الاخت الكبيره:شوفوا انا بروح للكوافيره اللي رحت لها يوم عرس خالد اخوي...
عبير الاخت الصغيره:ايه ايه هذي فنانه بروح معتس..
لولوه: هو و..هي وكاله من غير بواب انا حاجزه من يومين..
بقية الاخوات بصوت واحد: ليش ماحجزتي لنا معتس ؟؟؟؟

لولوه: عسى ماشر لايكون خلفتكم ونسيتكم !!!
امل الاخت الوسطى:هين اوريتس والله مااعطيتس
ساعتي الذهبيه تكشخين بها الليله...
لولوه :الله لايحدني ليتس ؟؟؟اصلا هدى مرت اخوي ارسلت لي ساعتها جعلها تسلم ...
هيا الاخت الثانيه :اقول على طاري هدى ترى اخوي وصانا
نمر عليها وحنا رايحين للعرس...
لولوه:خير ان شاء الله ورى مايوديها هو؟؟؟ورانا مية مشوار ومشوار ..وكل وحده كوافيرتها بجهه...
هيا:لا انا منيب رايحه للكوافيره الحمدلله اعرف ازين روحي
واصلا انا زينه ومااحتاج شغل كثير ...
بقية الاخوات وهالمره مو بصوت واحد كل وحده رمت
كلمه وهي ماشيه: الا قولي حانه مخباتس يالبخيله؟؟؟
يعني حنا الشينات!!!!؟؟؟...قومي بس هالعراده يبي
لها 5ساعات تمليس ؟؟؟؟
لولوااااااااااااه ...صوت جهوري ينادي بكل قوه....


لولواااه صوت اخر جهوري لكن انثوي ...
لولوه:نعم يمه ؟
الام: اخوتس فهد يبيتس !!!
لولوه :هلا فهد؟؟
فهد:هلا لولوه يالله وانا اخوتس نبي همتس معنا
خذي هالكرتون !!!!!!


لولوه:يمه وش ذا ؟؟؟
فهد:الله واكبر يالرقيقه... نسيتي قبل كم شهر طابختن
لنا كبسة ضبان!!!!!
قال هالكلمه ابو الشباب ومشى ..وخلاهم امام الامر الواقع..
ولولوه تقول في نفسها: اييييه ياليتني ماطبخت ذيك الكبسه
متحمسه عشان ماجد ولد عمتي وافتح عيونه المغمضه
لو ادري انه بياخذ نوف والله ماازين له ولا ربع عكره ؟!!!
لولوه:يمه حرااام عليكم الليله عرس نوف بنت عمي وتبوني
اسوي كبسة ضبان ..
الام:مايخالف وانا امتس الامر هين بخلي الشغاله تغسلم وتقطعهم
بس انتي عليتس طبخهم...
قعدت لولوه عند باب المطبخ تشاهق وتناشق مع انه فيه كراسي ..
بس ذكيه تبي تكسر خاطر امها ...
لولوه:خلااااص سلموا لي على نوف وقولوا لها اني تعبانه
وما اقدر اجي...هئ هئ هئ ...
عبير تصوت من فوق: لولواااه منتيب رايحه اخذ حجزتس
عند الكوافيره ؟؟؟
لولوه: الله يااااخذني وياااااخذتس معي ويااااخذ الضبان واللي جاب الضبان...
الام:بسم الله على وليدي <<نست ان عبير من المدعي عليهم بعد!!!
لولوه:.. هئ هئ هئ .
الام:قومي وانا امتس واكلم لتس صديقتي (وصال) السوريه
همااااها تقول انها تعرف تكوفر !!
لولوه : اقول يمه عطيني الضبان اقتلهم واحط حرتي فيهم
قبل مااحطها في احد ثاني,.....


*****







الساعه تشير الى الخامسه الاثلث تقريبا
ولولوه لازالت في المطبخ ؟؟؟تصب جام غضبها
على كل شخص وكل ماعون وكل كاس ...وآخر من صبت
جام غضبها عليها هي المسكينه جارتهم ام عبد الله
***


ررررررررن ..ررررررررررررن ...رررررررررن
تلفون المطبخ يرن ولولوه مطنشته ...وفي الاخير ردت
لولوه:نعم
ام عبدالله: هلا لويلو وش فيكم مارديتوا ياكافي؟؟؟
لولوه: انا لولوه لو سمحتي؟؟؟
ام عبدالله:هوو وش فيتس شوي وتطقيني ياامي؟؟
ايه ماتنلامون مشغولييين بهالعرس الله يشغلنا بطاعته
لولوه: ايه والله انا قاعده اتمنكر !!!تبين امي؟؟
ام عبدالله: اكيد ابي امتس اجل ابوتس هههه
لولوه في نفسها: يااااشين العجز اذا تميلحن؟؟؟
لولوه:امي في الملحق تقهوي خالي..دقي على جوالها..
ام عبدالله:دقيت ويطلع لي ذاك الرجال الي يقول:
(المره اللي دقيتي عليها مهيب حول التلفون)
لولوه:اللهم طولك ياروح ؟؟؟
ام عبدالله :هاااه وش تقولين؟؟
لولوه:اقول اصبري ياروحي اناديها..
ام عبدالله : جعل روحتس ماتروح ...
*****
الساعه تشير الى السابعه مساء ...
دخل فهد المطبخ ..
فهد:الله يعطيتس العافيه ريحتها واصله حوش
الجيران..وش فيتس ورى خشمتس احمر.
لولوه:لا بس من تقطيع البصل؟؟؟
سؤال :انت منتب معزوم لعرس ماجد؟
فهد وهو يضرب بطن كفه بجبهته:اوووووه
ناسي اليوم العرس؟؟؟
لولوه رجعت وقعدت في نفس مكانها الاول على الارض
وهذه المره لانها كسرت خاطر نفسها ووضعت يدها على خدها
وبدأت بسمفونية البكاء...هئ هئ هئ
فهد:وش فيتس؟
لولوه:حراااام عليك يوم طارت الطيور بارزاقها
والوقت راح علي مالبست ولا رحت للكوافيره
في الاخير تقول ناسي ان اليوم العرس هئ هئ هئ ...
فهد: وشي طيوره؟؟؟
لولوه: خواتي خذو السواق وحجزي راح علي؟؟؟هئ هئ
فهد:افااااا بس كم عندنا من لولو اركبي وانا اخوتس
علميني بس وش الكوافيره اللي تبين...
لولوه:وانا وش مصبرني عليك الا طيبة قلبك...
يالله عطني بس 10 دقايق واجهز...
********



تشعععععععن تشعععععن تشععععن
فهد من 1\4 ساعه وهو بالكراج يحاول يشغل السياره
ومو راضيه تشتغل ,,,,,...
دخلت لولوه الكراج ونغزها قلبها يوم سمعت صوت
السياره وشافت فهد وهو يحاول يشغلها ؟؟؟؟!!!
لولوه: عسى ماشر لاتقول عيت تشتغل؟؟؟
فهد: الا والله عيت تشتغل الغريبه توها موديتني
للثمامه ومرجعتني ...ماش وانا اخوتس مالتس حظ..
لولوه:توك تدري يعني لو انا محظوظه ماشفتني لاهاالحين
طايحتن بتسبودكم...
عادت ادراجها لولوه وسلمت امرها للذي خلقها ولم ينساها ..
لولوه:يمه دقي على صديقتس وصال خليها تجي تزيني
(وش جابرك على المر ..اللي امر منه)
الام:ابشري يمي عطيني جوالي..
الام:الو وصااال ورا صوتس بعيد ويقطع وين
انت فيه شكلتس بالبطحاء ماتخلين الهجوله ؟؟؟
وصال: اهلين ام خالد كيفك كيف لولاااد انا بــ احكيكِ
من الشااام...
ام خالد: متى رحتي بلش قطعتس ؟؟؟
وصال: امبارح ودئيت عليك مابتردي ؟؟؟!!
ام خالد: حافظتس ربي يالله مع السلامه..
لولوه: وينها فيه ؟؟؟
ام خالد: في ديرتها الشكوى لله ...
لولوه:ياانا ياهالعرس ..يمه عطيني سشوارتس الاحمر
اللي مابعد استعملتيه ...مدري ليه ابوي جايبه لتس؟؟؟
ام خالد رايقه:خخ خخ خخ ياحليله ابوتس راح ذيك السنه
لسنغافوره يحضر مباراة المنتخب ومايدري ويش يجيب لي
دور شيال دور كحله مالقى قال خلني اجيب لها هاللي يقولون يملس الشعر ...
لولوه:راح يحضر مباراة المنتخب يعني تقريبا عام 84م
ام خالد: انا ويش يدريني ؟؟؟
لولوه :والى الحين في كرتونه ؟؟؟
ام خالد: ايه واسكتي يمكن اهون بعد مااعطيتس اياه!!!
لولوه:اقول يمه تكفين هوني وانا بعد بهون عن العرس...
ام خالد:لا لا يمي الا روحي واحضري العرس ووسعي صديرتس بس بشويش عااااد لاتخربين سشواااري؟؟؟
*****
من ذا اللي صفق بالباب جعله يصفق مهبول...
امل: مهوب انا يبه هذي عبير..
عبير: كذابه انتِ اخر من دخل؟؟؟
امل:لولوه ماشاء الله خلصتي ...
لولوه تنظر بحسره الى اخواتها وتسريحاتهن
لولوه: اقول لو سمحتي طلعي عطري اللي خذتيه
امس..
امل: يمه طيب لاتنفخين ..دوتس من زين ريحته عاد..
عبير:وش ذا وش ذا..انا ماقلت لها تحط لي بف ...
امل: عادي خففي البف شوي بس والله حلوه تسريحتس
ازين من عقاريطي هاللي مدري وش تبي...
لولوه ولاول مره تضحك هذا اليوم:خخ خخ خخ
اقول مشطي عقاريطتس تراها تفشل..
لولوه:تراني خلصت عجلوا لكم 10 دقايق اللي مهيب خالصه ترا بــــــ امشي واخليها....
هيا:خير خير خير عل كيفتس مابعد تمكيجت..
لولوه:بسم الله الرحمن الرحيم وين طلعتي منه؟؟؟
ومين اللي مسوي لك شعرك يجنن...
هيا: انا توني نازله من غرفة الشغالات ..اكتشفت
ان كارن خدامتنا فنااااانه في تصفيف الشعر ...
لولوه:هئ هئ هئ ...
*****





الساعه تشير الى التاسعه والنصف مساءً...
فهد :يمه ترى ابو سعد جاركم يوم انكم في الشميسي يسلم عليتس..
ام خالد: الله يسلمك واياه من الشر وين شفته فيه؟
فهد: من شوي في العرس..
ام خالد: امداك تروح وتجي خلص العرس...عجلن يابنات
جعلكن منيب قايله العرس خلص وانتن تجرجرن على هونكن
فهد:لا ماخلص انا اللي بس سلمت ووريتهم وجهي وطلعت
وش اسوي ارتبطت مع ربعي بالاستراحه ..
فهد:جودوا غطاويكم يابنات ؟؟؟!!!!
عبير الصغيره: يووووه تونا مابعد طلعنا يعني اتغطى في الصاله؟؟؟
فهد:اقسم بالله ان طولت لسانتس ياام لسانين اني لاقوم
واتوطى بطنتس لين تعضين الارض!!!
ام خالد: خلاص وانا امك انا باوريك فيها ..رح يابوي خذ
عشاك لايبرد ..
فهد يطلع من الصاله وهو ما زال ينظر لـ عبير نظره شريره
وعبير معها مجله تهف فيها عيونها تخاف تصيح ويخرب مكياجها!!!!!
ام خالد لـــ امل:متعطره جعلهم يعطرونتس بالسدر ميته
قولي امين ...
امل: بسم الله علي ...
هيا:ايه وهي صادقه وشلون تعطرين وانتِ بتركبين الحين مع السواق..
امل: يووووه نسيت عاد ...
ام خالد: مانسيتي الا تناسيتي..ماتخافين من العقايب ...
لولوه:كل وحده تاخذ بطاقتها تراني منيب مكلوفة بكم...
ام خالد:يووووه صك ابوتس غرفتي على مفتاحي
وانا ابي الجوال اللي مافيه كاميره ...
هيا:وانت مصدقه جهازهم هاللي يمرمرونه به علينا
خرط في خرط..
ام خالد:يالله قولوا للسواق يظهر السياره الجيب..
السواق :ماما مافيه بنزين...
ام خالد:توك تقول مافيه بنزين يوم راح بابا...
روح محطه وعبي 10 ريال من فلوس انت انا الحين مامعي شي..
عبير:يوووه بنمر بعد المحطه بيخرب مكياجي وتسريحتي...
لولوه:يعني وش رايتس نروح للعرس رجليه ؟ يقولتس مافيه
بنزين..
عبير:الله ياخذه ان شاء الله..
هيا:قصري صوتس تراه يفهم عربي..
لولوه:روح قاعة نياره يامحي الدين....
ررررن ررررن ررررن
ام خالد: هلا خالد وشلونك يابوي وشلون هدى طيبه
ان شاء الله يابوي بنمر ناخذها...
ام خالد:محي الدين ...روح بيت خالد بيبي انا...
لولوه:ياربيه ورا مايجيبها هو ...
ام خالد:هو في العرس يروح ويجي ..الامر هين تراها على الدرب...
عبير: طيب السياره زحمه..لاتقولون انتِ الصغيره طبي ورا
لاياحبايبي حنا رايحين للعرس مهوب للبر ..والله مااطب..
ام خالد عشان تفشلها : لايمي انا اللي باروح ورا...
وتسكت عبير وكأنها رضت بـــ الحل..
هيا: لا خير وين تروحين ورا ..هي اللي تروح ...
عبير:ورا ماتروحين انتِ والا بس انتِ اللي لابسه فستان وانا
لا ....
*******
هدى:السلاااام عليكم وشلونتس ياخاله وشلونتس لولوه
وشلونتس هيا وشلونتس امل ...ليه ماجت عبير معكم
ام خالد: هلا والله ...الا جت عبير بس ورا ..
هدى: هلاااا عبير ياحليلها وراها منطوله ورا كنها
اندونسية مجيوبة من المكتب ؟؟!!!!!!
صمت الجميع (لا تعليق ) هدى توها جديده ويستحون
يردون عليها....
السواق:ماما مافيه معلوم وين هزا كاعه ؟؟؟؟
لولوه: روح شارع الملك عبدالله بعدين انا اقولك وين....
*****
عند باب القاعه...
ام خالد: روح يامحي الدين بيت ...
امل:ليه مين يرجعنا؟؟؟
ام خالد: منتيب صاحيه تبينا نرجع مع سواق قريبات الفجر
ندق على اخوانتس وان شاء الله ان حنا مناب منسييين...


البنات وامهم في قسم المرايات ...
ام خالد: من تبي دهن عود اعطرها...
لولوه :يمه وش هالطقم التحفه اللي انت لابسته؟؟
ام خالد: وش فيه عشان هالدنقه اللي طايحه..والله انه غالي
وتلقين شبكة عروسهم ماتاصل سعره...
هيا:في هذي انا معتس تبين ماجد يقدم شبكه غاليه
تلقينها ذهب مخلطه بزركون ولا هيب الماس !!!!
ام خالد:قصرن صوتكن وجع....
*******
(هلي لاتحرموني منه هلي لاتبعدوني عنه)


عبير امام المرايه تعدل شعرها وتهزهز على الاغنيه
بعدين وكأن فيه حدث عظيم صار طيرت عيونها؟؟؟!!!!
عبير:اقووووووول ..جايبين ديجيه؟؟؟
هيا وهي تحط قلوس:طيب وخير ياطير؟؟؟
عبير: نسيتي يوم تقول نوف انها بتجيب فرقة فهود نجد؟؟؟
هيا:ايه بس عيا عمي يقول ماعندنا رجاجيل يغنون للحريم حتى لو بالشاشه!!
عبير:طيب ورا ماجابت العنود من الشرقيه هماها تقول احتمال اجيبها والا بس ودها تتفشخر ؟؟؟؟
ام خالد:انتن ورا ماتعقبن وتسكتن هذي ام صالح مقبله
لاتسمعكن ...
ام صالح :هلا ام خاااااالد هلااااااا والله تو مازان العرس
هذي لولوااااااااه ماشاء الله يازينها زيناااه عسى منتيب
فايته والا مخطوبه خخخخخ
ام خالد: لا ياام صالح هذي هيا!!!!
لولوه ودها تقول هئ هئ هئ بس خافت على كحلتها...
******




●√-√● ياسلاااامي وياسلاااام الله ●√√




لولوه:خلاص ياعبير انتِ وامل فشلتونا كل شوي راقصات

الحمدلله تقل فيهن زيران...




ام خالد توشوش بأذن لولوه:قومي ارقصي.. وين تخطبين وانتِ حارنه ماشافتس احد...


لولوه:يمه مااعرف ارقص تبيني اطيح..
ام خالد:ابشد يدينتس وارقص انا واياتس
لولوه:قولي ان ودتس ترقصين بس مستحيه!!!
ام خالد وهي تكش على بنتها:الشرهه مهيب عليتس الشرهه علي ,,,اللي ابي لتس الزين...
امل:اقول تكفون من اللي منظم عرسهم ...ياالله
وش ذا القرونه ؟؟؟ مولعين النجفات البيض...
وصلت هيا وهي تعرج ...
لولوه: هووو وش فيتس ؟؟؟
هيا:اسكتوا انكسر صندلي؟؟؟
لولوه:تستاهلين من بدا العرس وانتِ تهابدين...




√●°-√يالتاكسي يالتاكسي خذني لها يالتاكسي√●°-√





هيا: تكفين لولوه عطيني صندلتس هذي اغنيتي المفضله

تكفين واللي يرحم والدينتس...
لولوه:خذيها ولاتكسرينها بعد الحمد لله والشكر يازين الركاده بس ...
ام خالد:لولوه من هم ذا العائله اللي طايرتن بهم ام العروس ام عبد العزيز,حاطتهم قدام وحاجزتن لهم طاوله ..
لولوه:ايه هذولا ربعهم اللي راحوا معهم العام لبيروت..
نسيت وش اسمهم بس اللي اعرفه ان ابوههم مدير حدا البنوك..
ام خالد:هو ورا امهم لابستن مقوصر؟؟!!!
لولوه: امهم محلله شوفي بناتها اللهم لك الحمد..
الله يستر علي وعلى اخياتي...
ام خالد:ياشين ريحة عودهم ..مهوب من الزين
قايلتن لام عبد العزيز ابجيب لتس من الزين اللي عندي
وعيت من زود الموقه...صبي لي قهوه بس راسي
اوجعني من مسجلهم...
عبير:ديجيه يمه لاتفشلينا مو مسجل ...
هيا اقبلت عليهم ومعها وحده:ماما هاذي سديقتي ديما
في الكلاس حابه تسلم عليكي ...
عبير وامل يتناظرون ويبتسمون ويتوشوشون:
ياشين هيا اذا قابلت احد من ربعها...
ام خالد:هو وراهم طفوا لمباتهم ...
عبير:بتدخل العروس!!!!
لولوه:يووووه وين عباتي...
عبير:ليش مهوب داخل المعرس الحين ...
لولوه:ايه بس فيه تصوير ..تغطي لو سمحتي
بكره اذا انتشرت صورتس بالنت منتيب نافعتنا..
هيا:تكفون اسمعوا القصيده ترا عمي اللي كاتبها
بنوف بنته ...
ام خالد هئ هئ هئ وتمسح دموعها بشيلتها
هيا:توني ادري ان نوف غاليتن عندتس؟؟!!!!
ام خالد:انا منيب اصيح عليها ...تذكرت ابيي الله يرحمه ويغفرله
امل:ياحبكم تقلبون الفرح لحزن ....
هيا:وييييييع وش ذا الفستان اللي على العروس هذا مخيطه ايلي صعب!!!!!
لولوه:وش فيه حلو....لازم يكون عاري عشان يعجبكم؟؟!!!
امل:غبيه قايلتن لها ارفعي شعرتس مهوب زين عليها الفك ...بس مالها الا علمها ..
[b]



●√√°ياارض احفظي ماعليكي اليوم طالع قمر √●°√




ام خالد: جودوا الغطوه الكاميره يمنا...


لولوه:ياعمري ياام العروس تصيح...
لولوه في نفسها:عقبال ماتصيح علي امي
من الفرحه...
مشاعل اخت العروس:ام خالد كانكم بتسلمون على نوف ترى طفينا الكاميرا ..
هيا تكلم لولوه باذنها :بنروح بالتناوب يالولوه عشان الصندل!!!
******
تغطوا ياحريم المعرس وابوه وابو العروس واخوانها بيدخلون





●°√√الف الصلاة والسلام عليك ياحبيب الله محمد√√ ●°


كللللللللللوش

تـــــــــــــــــابعونااااااااااااااااا



 

الرد مع إقتباس
  #2  
قديم 22-08-2008, 08:57 PM
الصورة الرمزية لـ موج الغلا
موج الغلا موج الغلا is offline
عضو مجلس الإدارة
 






موج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of lightموج الغلا is a glorious beacon of light
 

 



قصه حلوة ,,,

واصلي وحنا معاكي

الله يعطيك العافيه

 


::: التوقيع :::

رحم الله جسداً تحت الثرى لم يفارقني الحنين اليه
الله يرحمك يا ( ابوي ) ويغفر لك ويسكنك فسيح جناتة


 
الرد مع إقتباس
  #3  
قديم 23-08-2008, 12:11 AM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 

مشكوره اختي بارك الله فيك وفي متابعتك...

 

الرد مع إقتباس
  #4  
قديم 23-08-2008, 05:00 AM
الصورة الرمزية لـ ماشية بعز تميم
ماشية بعز تميم ماشية بعز تميم is offline
عضو v.i.p
 





ماشية بعز تميم is on a distinguished road
 

 

حلووووووووووووة القصة بس نبي تكملتها بأسرع وقت ..

 

الرد مع إقتباس
  #5  
قديم 23-08-2008, 05:21 AM
الصورة الرمزية لـ حـــلا الـــروح
حـــلا الـــروح حـــلا الـــروح is offline
مبدعة ’mms’
 





حـــلا الـــروح has a spectacular aura aboutحـــلا الـــروح has a spectacular aura about
 

 

تسلمين يعطيك العافية

متابعين

 


::: التوقيع :::

أُنثَى بِلا مَلامح ! فَ الزمن قدْ تكفّل بِ مسحها ..

لآ إله إلا أنتَ سبحانكَ إني كُنتُ من الظآلمين


 
الرد مع إقتباس
  #6  
قديم 23-08-2008, 06:05 AM
الصورة الرمزية لـ سعد الفوزان
سعد الفوزان سعد الفوزان is offline
عضو نشيط
 





سعد الفوزان is an unknown quantity at this point
 

 

يعطيك العافيه يالغلا

وننتظر جديد بوح قلمك

 


::: التوقيع :::



كلك ذوق Miss Cool على الآهداء الحلوو..


 
الرد مع إقتباس
  #7  
قديم 23-08-2008, 08:41 AM
الصورة الرمزية لـ عاشق الدوادمي
عاشق الدوادمي عاشق الدوادمي is offline
عضو v.i.p
 





عاشق الدوادمي will become famous soon enough
 

 

القصة روعة ما فيها كلام

بس اللي يبيخ الحياة

ذا البنات اللي شايفاتن نفسهن متطورات

وهن فوق والناس تحت الله لا يبلانا

والاسراف اللي ماله حد والتبذير

والله من الملاغة (ماما هاذي سديقتي ديما

في الكلاس حابه تسلم عليكي )

ياسمج السرج على البقرة





تسلمين
خخخخخخخخخخ

 


::: التوقيع :::

قال تعالى ( ولا تجسسوا )

( استغفر الله الذي لا اله الا هو رب العرش العظيم واتوب اليه )


 
الرد مع إقتباس
  #8  
قديم 23-08-2008, 09:30 AM
مفاهيم الخجل مفاهيم الخجل is offline
عضو v.i.p
 





مفاهيم الخجل will become famous soon enough
 

 

يآ ملح أم خآلد هي وبنآتهآ حبيتهم


يآليت فيه نسخه منهم عندنآ


ميته ضحك عليهآ هي وبنآتهآ


يآحلو عفويتهم


تكفين كمليهآ وربي تحمسيت


ومآشآء الله عليك أسلوبك في السرد إبدآعي

 


::: التوقيع :::

قليل دائم خير من كثير منقطع
قال صلى الله عليه وسلم : { اتقوا النار، ولو بشق تمرة }. اضغط هنا


 
الرد مع إقتباس
  #9  
قديم 23-08-2008, 01:12 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 

إقتباس
المشاركة الأصلية بواسطة تميمية وافتخر
حلووووووووووووة القصة بس نبي تكملتها بأسرع وقت ..

ابشري والله والاحداث القادمه مشوقه انتظرونا ..

 

الرد مع إقتباس
  #10  
قديم 23-08-2008, 10:22 PM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 

إقتباس
المشاركة الأصلية بواسطة حـــلا الـــروح
تسلمين يعطيك العافية

متابعين

مشكوره وتسلمين على المتابعه

 

الرد مع إقتباس
  #11  
قديم 23-08-2008, 11:03 PM
الصورة الرمزية لـ الفجرالخجول
الفجرالخجول الفجرالخجول is offline
عضو مثالي
 





الفجرالخجول will become famous soon enough
 

 

مرررررره روووووووعه


وسعتي صدورنا الله يوسع صدرك


باانتظارك

 


::: التوقيع :::



 
الرد مع إقتباس
  #12  
قديم 23-08-2008, 11:24 PM
الصورة الرمزية لـ ♥ غــضـَـى ♥
♥ غــضـَـى ♥ ♥ غــضـَـى ♥ is offline
عضو ذهبي
 





♥ غــضـَـى ♥ will become famous soon enough
 

 

رنين الحروف
يا مبدعة انتي

خطيرة القصة من صميـم الواقع وربي
خاصة ذيك اللي تقول سديقتي في الكلاس اعصابها بس

،،
انا متابعة معك بشدة
تسلميـن


،،

 


::: التوقيع :::

..


 
الرد مع إقتباس
  #13  
قديم 24-08-2008, 02:16 AM
مفاهيم الخجل مفاهيم الخجل is offline
عضو v.i.p
 





مفاهيم الخجل will become famous soon enough
 

 

وينتس يـ بعدي تعآلي كملي القصه

 


::: التوقيع :::

قليل دائم خير من كثير منقطع
قال صلى الله عليه وسلم : { اتقوا النار، ولو بشق تمرة }. اضغط هنا


 
الرد مع إقتباس
  #14  
قديم 24-08-2008, 03:52 AM
الصورة الرمزية لـ رنين الحروف
رنين الحروف رنين الحروف is offline
عضو نشيط جداً
 





رنين الحروف will become famous soon enough
 

 

انتظروني غدا مافيه احلى من التشويق <<اموت في الثقه

 

الرد مع إقتباس
  #15  
قديم 24-08-2008, 03:58 AM
الصورة الرمزية لـ الجنرال
الجنرال الجنرال is offline
 






الجنرال will become famous soon enough
 

 

ننتظر ماورانا شي

 


::: التوقيع :::



 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 02:05 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www