ミܓܨܓلولوه وخواتها ܓܨܓミ - صفحة 5 - منتديات قبيلة بني زيد
العودة   منتديات قبيلة بني زيد > الأقسام الشرعية والأقسام العامة > الـقـسم الـعـام
التّسجيل جعل جميع المنتديات مقروءة
عرض نتائج التصويت: وش رايكم بقصة بـ قصة لولوه؟
مهيب شينه بس اخلصي علينا! 0 0%
ليتس ما عدتي نشرها وغثيتينا مثل ماغثيتي اللي قبلنا!!! 1 3.45%
كنها خشة هــ الورع اللي رازته تحت اسمتس يافجر السعيد؟! 0 0%
تهبل تهبل بس كملي؟؟؟!!! 28 96.55%
الناخبون: 29. لم تقم بالتصويت على هذا التصويت

المشاركة في الموضوع
 
خيارات الموضوع طريقة العرض
  #61  
قديم 29-08-2008, 01:46 AM
الصورة الرمزية لـ مفاهيم الخجل
عضو دائم
 




مفاهيم الخجل is on a distinguished road
 

 

أشوى أنهم لقو المملك


والله يوفق هيآ ويزوج لولوه يآعميرتي عليهآ رآحمتهآ


أغلب الأحيآن البطله في الأفلآم تبسينآ والحين صآرت بآلقصص بعد


ويله يـ بعدي كملي

 


::: التوقيع :::

اَلَّلُهْمَّ لاَتَجْعٍَِلْ حَآجَِتِيْ اٍِلاَ / اِلَْيْكْ ’ْ


 
الرد مع إقتباس
  #62  
قديم 29-08-2008, 02:24 AM
الصورة الرمزية لـ الـحـصـي
عضو مثالي
 




الـحـصـي is on a distinguished road
 

 

معليش بس سؤال
كم باقي وتنزلين القصة كاملة لأني انسانة ماأحب أقهرعمري وودي أقراها كاملة ؟؟
بس ماشاء الله شكلها روعة ، ودي أقراها اذا اكتملت ..
وبالتوفيق لك

الفجر الخجول وش أنتي مهببة في التصويت يالخبلة
تراي منيب أعرفتس

 

الرد مع إقتباس
  #63  
قديم 30-08-2008, 01:24 AM
الصورة الرمزية لـ مرتديلا
عضو متميز
 




مرتديلا is an unknown quantity at this point
 
Mumayaz

 

الله يعطيتس العافيه كملي متابعين


إقتباس
المشاركة الأصلية بواسطة الـحـصـي

الفجر الخجول وش أنتي مهببة في التصويت يالخبلة
تراي منيب أعرفتس


حنى انا ما اعرفها

 


::: التوقيع :::



 
الرد مع إقتباس
  #64  
قديم 30-08-2008, 02:30 AM
الصورة الرمزية لـ &حنايا الروح&
عضو ماسي
 




&حنايا الروح& will become famous soon enough
 

 

ياعميري يا لولوه
والله أنها كاسرتن خآطري

وهيا الله يرحم حالها

وعبير وأمل ياحبهم للفشخره اللي على غير سنع

وفهد وخآلد يامصلهم ماينفعون

وأبوهم عصبي مغير يدعي على عياله

==>المحلله حنو

قصه رآئعه

ننتظر على أحر من الجمر ،،

 


::: التوقيع :::



 
الرد مع إقتباس
  #65  
قديم 30-08-2008, 02:44 AM
الصورة الرمزية لـ رنين الحروف
عضو مشارك
 




رنين الحروف is on a distinguished road
 

 


تسلمون بارك الله فيكم جميعا
**********

***


ام خالد:هيا يالله انزلي الشيخ تحت يحتريتس..
هيا :يمه انشق فستاني..
عبير:عادي اذا سألتس الشيخ..هل تقبلين به زوجا..قولي
اصبر شوي لين اخيط فستاني هأ هأ هأ
امل:ياشين البزران وتنكيتهم..
عبير:انا املح منتس انتي وكحلتس ياليابانيه..
امل:ازين من روجتس هاللي تقل كنه كبدة خروف نيه..
ام خالد: ورا ماتعقبين انتي واياها وتذلفن تحت ..
**
لولوه:يمه المصوره عيت تصور تقول خلاص الصور كلها
راحت على العروس تبون اصور العريس وبقية الحفل
ادفعوا زياده..
ام خالد:وجعن يوجعها 3الاف راحت على كم صوره
هين خليها تصور واذا خلصت الملكه اخلي فهد
يتفاهم معها..
*****


ابو خالد:فهد افتح للمطعم خلهم ياخذون
صحونهم وطاولاتهم

فهد:ان شاء الله يبه..
ام خالد في المطبخ مع الصبابات
ام خالد:خير ان شاء الله ياام عادل حنا مااتفقنا على كذا
سألتس كم تاخذين مع معاميلتس قلتي لي 700
والحين تقولين 900مايصير هذا استغلال..
الصبابه ام عادل:ايه 700لي انا ورفيقتي بس الميتين اجرة
السواق اللي جابنا..
ام خالد:كان علمتيني وارسلتس سواقنا ببلاش..خوذي
900بس والله ماعاد اجيبتس تصبين..
***


هيا:يمه مرسلين لي مع الشبكه طقم ثاني مكتوب لام خالد
ام خالد:ياحليلهم هذي فتاشتي؟؟
فهد:بعد الام يبيله طقم ..اقول من الحين تراني ابي بنيه يتيمه؟؟؟

فهد:خذي ياهيا هذا قلم صالح اللي وقعتوا فيه من شوي
يقول خل هيا تحتفظ به للذكرى..
عبير:ياحليله رومانسي ؟؟؟
***
الساعه 3بعد الفجر..

صالح:الو هيا ..الف الف مبروك ياالغاليه
هيا:الله يبارك فيك ياصالح..
صالح:ماني مصدق ..انا اليوم اسعد انسان في الدنيا
هيا وهي تثاااوب:آآآآآآآه وانا بعد...
صالح:لا واضح..
هيا:وشلون ماسمعت؟
صالح:عطاتس فهد القلم ..
كانت هيا متمدده ويوم طرى لها القلم فزت وقعدت
وتذكرت انها نسته في الصاله تحت..
هيا وهي متلبكه:ايييييه ياحليلك وزيته بالدرج وصكيت عليه..
***
*******

بعد شهر... الساعه 2الظهر..
فهد:من عندنا يالولوه؟
لولوه:من ظنك يجينا هالحزه ؟؟
فهد:لاتقولين جارتنا ام عبدالله!
لولوه:من فيه غيرها!
فهد:زين تكفين قولي للشغاله تغرف لي غداي بسرعه مستعجل
لولوه:ليه ماتنتظر ابوي ونتغدى سوا..
فهد:لا مااقدر عمر ولد خالتي ينتظرني عند خالي سعد
يبيني اوديه للمطار ..
لولوه بدهشه:وين بيروح؟
فهد:كندا.
لولوه:كندا؟ماخلص منها؟
فهد :لاااا باقي المهم؟
لولوه:المهم؟
فهد:ايييه باقي مرته وام عياله!
هو قالها والا ماقالها الدنيا لفت بــ لولوه
****
الساعه 5 العصر ..وام خالد وبناتها
في الحوش ..
ام خالد :عبير قولي للشغاله تجيب حشوة
السمبوسه والطرايق هنا في الحوش يالله
ونادي امل خليها تجي تطرق معنا...
عبير:يمه مااعرف اطرق السمبوسه!
هيا:تعلمي ياختي حنا قبلتس مانعرف.
ام خالد:لولوه وش تسوين تحت النخله؟
لولوه وهي تكذب وتحاول ترفع راسها للسماء تخفي دموعها:ادور الهلال يمه..
ام خالد:توه يمي مهوب الحين يشاف قريبات مغيب الشمس..
امل تصوت من شباك غرفتها فوق:يماااااااه يبيتس
ابوي..
****
ابو خالد:وشو الموضوع المهم اللي غثيتيني فيه
وخليتيني اجي طاير من المكتب..
ام خالد:لولوه ياابوخالد..
ابوخالد:وش فيها عسى ماشر؟؟
ام خالد:لا ان شاء الله ماشر بس المثل يقول
(اخطب لبنتك ولاتخطب لولدك)
ابوخالد:انهبلتي ان شاء الله اروح احرج على بنتي؟
ام خالد:لالا انا ماطرت لي هالفكره الا اليوم وام عبد الله عندنا..اقول لو تلمح لابوعبدالله وتعسه هو يعزك وتقوله
بطريقتك الزينه انك شاري نسبهم والله البنيه مضيقه صدري..
ابوخالد
:يصير خير يصير خير ..
*******

صدر عن الديوان الملكي البيان التالي
بيان من الديوان الملكي
جاءنا من مجلس القضاء الأعلى ما يلي:
الحمد لله وحده والصلاة والسلام على نبينا محمد وعلى آله وصحبه، وبعد فقد ثبت شرعاً لدى مجلس القضاء الأعلى رؤية هلال شهر رمضان المبارك لعام 1428 هـ
عبير:واااااو بكره رمضان ياحظنا ...
ام خالد:هو وو منتيب صاحيه قولي ::" اللهم أهله علينا باليمن والإيمان، والسلامة والإسلام، هلال خير ورشد، ربي وربك الله ".(اللهم اجعلنا من صيامه وقيامه).
****
هيا:يمه كلم صالح ويقول تراه بيفطر معنا بكره.
امل:ويييييه هاللزقه يصبر شوي عاد اول يوم
هيا:وانتي وش حارق رزتس؟
امل:والله الفطور الزين والطبخات الحلوه بتروح للرجاجيل
وحنا يالمساكين بنجلس ننتظرهم لين يخلصون
عبير:اي والله امل صادقه هيا اعتذري له وقولي خالد عازمنا.
ام خالد:عزمتس بليس قولي امين انهبلتوا نطرد الرجال!
هيا:وانتي عاد مصدقه يمه اني بقوله..اصلا انا ابيه يجي
مواعدني بمفاجأه !!!!!!!◦ ๑ ◦ ๑



الساعه 7الاثلث قبل اذان المغرب
فهد:يمه وين ابوي بيذن الحين
ام خالد:شفه فوق في مكتبه يايقرأ قرآن او رقد
...
فهد:يبه يبه قم تراه بيذن
ابوخالد:وين صالح
فهد:تحت جاي له ربع ساعه هو وخالد اخوي
****

الله اكبر الله اكبر
ابوخالد:اللهم لك صمت وعلى رزقك افطرت
يالله عجلوا عجلوا ياعيالي افطروا
خلونا نلحق على الصلاة
في المسجد قبل يقيم...
*****
بعد الفطور دخلت هيا المطبخ ..
امل:اهليييين كن يدينتس فاضيه
وين المفاجأه..
هيا :انتوا تعرفون صالح رومانسي وهداياه
ومفاجآته فيها الكثير من الرقه ومو شرط تكون مجوهرات..
عبير:بس عرفت كاتب فيتس قصيده؟؟
هيا:لا اااااا شئ اكبر..
امل:حاجز لشهر عسلكم جزيره خاصه..
هيا:لااااا شئ اكبر
عبير:ياشينتس بسرعه قولي شوقتينا ؟؟!!
هيا:(اسمه طلع من ضمن اسماء الممنوحين
قرض من الصندوق العقاري)
امل وعبير يطالعون بعض بعدين فقعوا من الضحك
وهيا حاطه يدها على خدها وتطالعهم وتبتسم
وتقول:شر البلية مايضحك....
امل:من اولها قروض وديون؟؟؟
هيا:الحمدلله اللي جت على كذا ..
****
رررررن رررررررن
عبير:الو اهلين هدى ليش ماجيتي مع خالد
هدى:ماادري تعرفين اول يوم صيام وراسي كان يعورني
وفرحت يوم قال خالد بيفطر عندكم صراحه مافيني حييل اطبخ.
المهم قالكم خالد انه الفطور عندنا بكره؟
عبير:ايه توه قايل لامي..
هدى:ايه بس بغيت اقولكم ترى خالتي منى
بتجي فقلت ابلغكم عشان تكشخون !
عبير:طيب ماقصرتي..مع السلامه..
...
عبير تعيد كلام هدى لكن بتطنز:خالتي منى
بتجي اكشخووو..
امل:خير مابقى الا هالقرويه تعلمنا وشلون نلبس
تحب يدها مقلوبه اللي اخوي رضى فيها...
ام خالد:منى هي مرت الوزير ؟
لولوه:ايه يمه خالتها الصغيره..
ام خالد:هذا من طيب اصلها اللي نبهتكم والله لو انكم رايحين
وهي ماقالت لكم ان مايطهرها ولا البحر..
امل:بس فيه طريقه ثانيه تبلغنا !!
ام خالد:بس عشانه وزير..انا ابوي محارب
مع الملك عبد العزيز..
لولوه تضحك :خخخخ وش دخل ابوتس؟؟
امل:من الحين ابلغكم ماني رايحه للفطور.
ام خالد:ماطاح من النجوم خفن بالسماء..
امل:عبير تكفين لاتروحين خلي هالمغروره
عبير:لا والله من يفطرني ؟؟
امل:انا ومن عيوني بس لاتروحين؟؟
عبير:اكيييد مهوب تفطريني تمره ولبنه..
امل:اكيييد بس تكفين لاتروحين..
*****

ابوخالد:انتِ اطلعي ياام خالد وخلي البنات
يجون مع فهد لايقطعونا..ما بقى شئ على الاذان...
لولوه وهي تركض:لا انا خلصت باركب معكم..
هيا:وانا بعد ماابي اركب بسيارة فهد الدردعه
يفشلنا عند مرت الوزير...
*****
عبير:امل قومي اذن يالكذابه ماسويتي لي فطور؟؟.
امل:ياربييييه قولي للشغاله تسوي لي انا وانتِ اندومي..
عبير:ياليتي رحت مع اهلي انا كنت عارفه انك بتموتيني جوع..
امل:لاحووووول عطيني رقم ماكدونالدز اطلب لك وجبه
على حسابي ..


تــــابعونا

 


::: التوقيع :::



لولوه واخواتـــها [/url]


 
الرد مع إقتباس
  #66  
قديم 31-08-2008, 04:05 AM
الصورة الرمزية لـ مفاهيم الخجل
عضو دائم
 




مفاهيم الخجل is on a distinguished road
 

 

يآآآلبيه ذآ اللولوه حسبي الله على بليسه ذآ الـ عمر السآمج


صآر متزوج يآعميرتي يـ لولوه >>> صدقت القصه



ويآحلو أجوآء رمضآن عشنآهآ معهم بالقصه


الله يبلغنآ إيآه بالصحه والعآفيه والله يوفقنآ في صيآم نهآره وقيآم ليله



ولآيوقف ولآيوقف كملي يـ بعدي

 


آخر تعديل بواسطة مفاهيم الخجل ، 31-08-2008 الساعة 04:10 AM.
الرد مع إقتباس
  #67  
قديم 31-08-2008, 04:20 AM
الصورة الرمزية لـ &حنايا الروح&
عضو ماسي
 




&حنايا الروح& will become famous soon enough
 

 

ياعميري ياذا اللولوه

مقرودتن وين مارآحت
الله يعدل حظها

وهدى مرة أخوهم ياسمجها سمجآه
مسويه نفسها فاهمه وهي ماعندها ماعند جدتي


ننتظر على أحر من الجمر ،،

 

الرد مع إقتباس
  #68  
قديم 31-08-2008, 04:43 AM
الصورة الرمزية لـ عاشق الدوادمي
عضو v.i.p
 




عاشق الدوادمي is on a distinguished road
 

 

عجلي علينا

قبل رمضان



لميس ويحي

خلصوا

 


::: التوقيع :::


(ادلع ياكايدهم.....خليهم يشوفونك)
(استغفرالله العظيم،واتوب اليه)


 
الرد مع إقتباس
  #69  
قديم 31-08-2008, 05:56 PM
عضو مشارك
 




بيض بالجبن is an unknown quantity at this point
 

 

يارنين الله يصلحك عجلي علينا ترا قليبي مع ذا الضعيفه لولوه الله يسنع امرها
بانتظارك

 

الرد مع إقتباس
  #70  
قديم 31-08-2008, 07:37 PM
الصورة الرمزية لـ فنن~
عضو مثالي
 




فنن~ is on a distinguished road
 
Talking ياااااافللللللله انتي

 

كملي كملي يآرعاكي الله

وقسسسم انتس مبدعه أأأأأأأأأعشق شي اسمه روايات وقصص

ننتظرتس يابعد كلاوويي

 


::: التوقيع :::

كويسسسسسس


 
الرد مع إقتباس
  #71  
قديم 01-09-2008, 01:47 AM
الصورة الرمزية لـ رنين الحروف
عضو مشارك
 




رنين الحروف is on a distinguished road
 

 

بارك الله فيكم جميعا


*********
%%%%%%%%%%%



طاش طاش طاش ماطاش

امل وهي صاكه على اسنانها
من القهر:قصري صوت التلفزيون ياعبير
خليني اسمع هيا وش تقول..
هيا:الو الو امل الحين انتِ ماتسمعيني
اذا جيت عطيتس الاخبار كلها اخاف هدى تسمعني..
امل:الله يقلعتس ياعبير ماخلتيني اسمع
عبير:ياسلاااام انا بعد ابسمع التلفزيون
بعدين حرااام الحش في رمضان!
امل:لاياشيخه ؟
*****
الساعه 9,5بعد صلاة التراويح
هيا :تعالوا تعالوا اعلمكم عن الاخبار
امل :ايه والله تكفين عطينا اخبار هدى .
هيا:اسكتوا استقبلتنا هدى وهي كاشخه بذيك
الجلابيه البيضاء المطرزه بالذهبي ومسويه هاي لايت
كنها عروس...
وبعدين دخلنا الصاله واحسب اني داخله بيت ثاني
جابوا (فاير بليس) واكسسوارات وشالت النيون وحطت
سبوت لايت...والشموع اللي شابتها في كل محل
بغت تحترق طرحة امي المسيكينه خخخخ
وطاولة الطعام حطتها في الصاله والفطور
اشكال والوان..والرجال مساكين فرشت لهم سماط
في الخيمه وحطت لهم شوربه وسمبوسه وشوية فطاير
والا طقم البيالات اوووف تذكرين ذاك الطقم اللي في السيد
وخقينا عليه يوم شفناه ..شرته ..
امل: تلقينها متسلفته !
هيا:والله يمكن..المهم اذن ولاقالت تفضلوا جلست
تدقدق على خالتها والخاله ماردت ..بعدين قامت امي
وصبت لها عصير وخذت تمره وسوينا مثلها وهي طول الوقت
تكلم وفي النهايه ردت سموها خخخخ...
(والله مااقدر اليوم اجي عندنا حفل خيري في الجمعيه سامحيني
حبيبتي)
انصفق وجه هدى ..بعدين قالت بكل حزن يالله نفطر؟؟؟
امل:خخخخخ احسن عقايبها !!!
****

الساعه 2 قبل الفجر
ولولوه في المطبخ تجهز السحور..
ام خالد وهي ترتب الفريز :
لاتحطين يالولوه ملح مع السلطه حطي ليمون
لا يظمينا ورانا نهار طويل..
لولوه:ان شاء الله يمه ..
ام خالد :بكره ام عبدالله عازمتنا عقب التراويح
ماودتس تروحين معي وتوسعين صدرتس يابنيتي
لولوه:والله مهيب شينه بس اذا بنتها نوال موموجوده
وش يوديني ..
ام خالد وهي فرحانه وماصدقت موافقتها السريعه:
الا الا موجوده بكره الخميس وهي كل خميس تزور اهلها.
**
الخميس....بعد التراويح..
فهد:لولوه تكفين ابي منتس طلب
لولوه:وش هو؟
فهد ودي بكوب كابتشينو ذاك ابورغوه وفوقه قرفه
يازيييييينه سويتيه لي مره والى الحين مانسيته...
ام خالد:خل هيا تسويه لك لولوه بتروح معي الحين..
فهد:وين؟
لولوه:للجيران!
فهد:اول مره اشوف بنت تسير مع امها للجيران.
ام خالد:وش فيها اصلا لولوه صديقة نوال..
فهد:الله واكبر وش هالصداقه اللي منقطعه لها سنين
وما طلعت الا يوم طلبت كابتشينو..
ام خالد:يابوي اذا رويسك يوجعك شف الترمس فيه قهوه عقب الفطور ...
***
في بيت ام عبد الله...
ام عبدالله:ياهلا ياهلا والله بلولوه وام لولوه
هذي والله الساعة المباركه..
دخلت لولوه وجلست تطالع في الحريم وحده وحده
كلهم من سن امها واكبر مافيه الا هي وبنت بنت وحده
من الحريم عمرها 9سنوات ...معها قيم بوي تلعب فيه...
لولوه:ام عبدالله وين نوال؟
ام عبدالله:الله يستر عليها مشت اليوم هي ورجلها لمكه..
لولوه تطالع امها وهي مقهوره ..والام تقول بشويش:انا وش دراني انها بتعتمر..
مرت 1\2ساعه بغت ترجع للبيت لحالها الا حلفت عليها
ام عبد الله تاكل جح
جلست وهي تنتظر الجح لين يجيبونه ..ومالقت شئ تتسلى فيه(اووووف هذولا راحوا يزرعونه)
شوي الا نادت البنيه الصغيره :ممكن حبيبتي العب شوي بالقيم بوي حقتس..




لي عوده مع بقية الردود بارك الله فيكم..
اليوم 26/9/1428هــ
الساعه 12الظهر

والعايله كلها مجتمعه...وابوخالد وام خالد
يستعدون للسفر للعمره...
ام خالد:لااوصيتس يالولوه على البيت وخلي عينتس
على الشغالات, والسواق لاتنسون فطوره وسحوره.
ابو خالد:يافهد اليوم لاتطلع من البيت الا ضروره
وان ابطينا لاتنسى الفطره
وانتبه لخواتك انت رجال البيت الحين وانا ابوك ..
لولوه:الله يحفطكم ان شاء الله واول ماتطبون المطار دقوا علينا..

***********
بعد الفطور ..
فهد :يعني الحين و اقعد اسوي اقابل وجيهكن
امل: مو شرط تقدر تقعد في غرفتك واذا احتجناك ناديناك
عبير:فهد من زمان مالعبت معنا مونوبولي!
فهد:والله مهيب شينه جيبيها..
عبير:تلعبين منا يالولوه؟
لولوه: هوووو ماانتوا صاحين الليله ليلة سابعه وليله
فضيله من شهر فضيل والواحد يستغل مثل هالليالي
اللي تفتح فيه ابواب الجنه وتغلق بواب جهنم وانتم تلعبون مونوبولي!!!
فهد:طيب لاتلعبين بس احرسي البنك لايسرقن اعرفم خواتس!!
لولوه:استغفرالله بس.. .انا رايحه للمسجد ها انتبهي للسحور.بعد عشر دقايق
قصري على الفرن لاتحترق الباشميل...
******
بعد 1\2ساعه
عبير:ياحرامي شفتك وانت تسرق من هيا !!!
فهد: ياكبر كذبتس انا بس اعد فلوسها!!!! تشمون ريحه؟؟؟
هيا:ياويييييللللللي احترقت الباشميل!!!!!!
******
بعد رجعة لولوه من المسجد..
لولوه:احسن هذي عقايبكم..
فهد:وشلون يعني مافيه سحور؟
لولوه:الا.....توووووووونه بالمايونيز..
فهد:طيب والسواق وش ذنبه وامي موصيتس عليه؟؟؟
لولوه:والله عشان هالسواق مهوب عشانكم يالفسقه
فهد:مقبوله منتس بس اهم شي تسحرينا...
****
عبير :لولووووووه الحقي الحقي !!!!!
الشغاله انحاشت!!!
لولوه وهي مرتاعه:اي وحده منهم؟
عبير:الفلبينيه!
خديجه الشغاله الاندونسيه:مام انا مافيه علوم انا نووووم
بس هازي سغاله (كارن )امس فيه كلام كتييير هي قول( اناتئبانه
رمدان سغل كتيير )
لولوه:الله ياخذها ان شاء الله ..فهد شف شغلك؟
فهد:نعم ان شاء الله تبيني اطارد وراها في الشوارع!!!
*****








بعد 1\2ساعه
وفهد يحاول يتصل الشرطه...
ولولوه حايسه مع السحور في المطبخ
فجأه....
ررررررررررررررررن رررررررررررررررررن
ام خالد تتصل على لولوه..
لولوه:الوهــلا يمه..وش فييييتس ؟
ام خالد:لولوااااه انا ضااااااايعه!



لاحقا...
فهد:ان شاء الله بعد تبيني ابلغ عن ضياع امي مدري ابوي!
على فكره مين الحين اللي ضايع فيهم؟
لولوه:ياربي وش هــ البلاوي!