الشاعر / محمد المنيع a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

الشاعر / محمد المنيع

المشاركة في الموضوع
 
خيارات الموضوع طريقة العرض
  #1  
قديم 20-08-2008, 10:45 AM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 
الشاعر / محمد المنيع

 

غدا الخميس 20 / 8 / 1429 هـ ، موعدنا لنحلق في سماء الإبداع الشعري
مع المقدم الشاعر / محمد بن سليمان المنيع

شاعرٌ اعتلى مع من اعتلوا سنام الشعر النبطي من شعراء بني زيد وشعراء الخليج

وذلك بشهادة الكثير من أعلام الشعر النبطي




هو أستاذي الأول في الشعر ، وليس هذا الحد بل يعتبره الكثير من الشعراء وخصوصاً مِنْ مَن شاركوا في برنامج شاعر المليون النسخة الثانية أحد أساتذتهم المهمين .

فلا أستغرب عندما يتصل به أحد الشعراء المشهورين من شمال المملكة أو شاعر آخر من جنوب المملكة أو حتى من دول الخليج وخصوصا الكويت وقطر

ليلقي عليه قصيدته ويطلب منه إبداء رأيه في قصيدته




رغم أنه لا يكتب المطولات من القصائد إلا أن كل بيت من أبياته بقصيدة

فـ دعونا نستمتع بهذه الفرائد قبيل الحفل




هلا .. هلا .. هلا

هلا ! بنّ اشقر(ن) رايب ! تمثنى .. دلّـة الرّسـلان=هلا ! وبهارها عويدي ! هلا ... ومبهّـره بـالهيـل
هلا فيكم .. قنيف(ن) مرتدم ! في جوفـه الـودّان=هلا ! نشو الطهايف ! من بعد رذراذها بـالسيـل
هلا ! والرّازم الرّاعد ! خلوج(ن) .. تبكي الحيـران=هلا ! نوض البروق اللي تراهش فـي عبـاة الليـل
هلا ! وسمية(ن) هلّت .. هللها هاتـف(ن) هتّـان=هلا ! شقر الثعول اللي ... تسوق من الشفق تفصيل
هلا ! غبّ المطر لا جت ! نسانيس(ن) .. تجرّ الحان=هلا ! ريح السمر فيكم .. سلام من الجدي لـسهيل
هلا ! خضر الفياض اللي .. تساقى منها الغـدران=هلا ! نوّار وخزامى ! هلا ... ورد(ن) بـجال الغيل
هلا ! ترنيمة الورقا ! بـصوت(ن) يجرح الأغصـان=هلا ! عين اشقر الجنحان ! لا خذ عنّـه الحلحيـل
هلا ! بنت الحصان اللي ... نسبها ياصل كحيـلان=هلا ! وامرابع امهار(ن) ! هلا .. شوفة عتاق الخيل
هلا ! حب الرياض اللي ! تعدّى عنـدي الأوطـان=هلا ! شقر الجبال اللـي ! مراقيهـا تهـدّ الحيـل





" هذا المسا غير "


هَذي حدود السما ! والغيم .. فَـالقِمّـة=أداعبه واسرجه .. واشرِف على ارجومـه
وهذا المسا غير ! لونه .. طعمه .. وشمّـه=مدري رقيته .. أو ادلَـتْ يمّـي انجومـه
أشوفهـا كلّهـا ! بـالعيـن .. مِلتَمّـه=واحِسّها كلّها ! فِـالقلـبْ ... مَلمومـه
هنا (الجدي) مرتكز ... يا مضيّع اليمّـه=وهنا (سهيل اليمن) .. والبِشرْ بـقدومـه
وهناك ضوح (الثريّـا) ! يجلـي الغمّـه=واللي ورى الضوح ! جوريّة .. ويشمومه
هِنا اجتمعنا .. ولد عـمّ ! وولـد عمِّـه=هِنا جمعنا الوفا ! واليـوم .. هـو يومـه
من ساس (زيد القضاعي) ... عالي الهِمّـه=الشايب اللي ... خذا في علمه ! احلومـه
أنا اشهد انّه ! يطـول .. ويـارد الجَمّـه=وانا اشهد انّه ! يبلّ الكبد .. بـعلومـه
ورّث قروم(ن) .. تِفـلّ الـراي وتلِمّـه=من ورثهم ! فِعل (زيد الجد) .. وسلومـه
الله جمعهم .. على طِيبـه ! ومـن دمّـه=نوادر(ن) لـاحتمت ! ما صكّت الحومـة
وان ثار عجّ الدخـن .. والهيّـه امطمّـه=مافيهم اللي ... يحسب حساب لـخصومه
ماهي حميّا .. وغير (العـود) مـا اذمّـه=المرجلة ! بين كـل النـاس .. مقسومـة
يا لابتي ! يـالقنا ! فـي ذمتـي .. ذمّـه=إنّي بِكم صِرت ! فوق المِـزن وخشومـه
هذا المسا غير ! لونه .. طعمـه .. وشمّـه=وانا رقيته ! وكفّي ... صافـح انجومـه




" اعتذار وعشم "


فوق هجن القاف ! وخيول الحـروف=جيتـك الغلطـان .. وحمولـي نـدم
جيت انا .. كلي خجل ! كلي كسوف=الرجـاوي درب .. واعـذاري قـدم
معترف بالذنب .. مالمـت الظـروف=ماشكيت الوقت .. أو عشت الوهـم
من قهر ! عضيت ... أطراف الكفوف=كنت اعيش احساس .. في صدري جثم
كنّ في جوفي ... مثل قـرع الدفـوف=ضجّ بـاحزانـي ! وزاد الهـمّ هـم
كيف اغطّ الحقّ ! وعيونـي تشـوف=ليه اكابـر ؟ يالشمـوخ ! ويالشمـم
وش هو الإنسان ؟ والدنيـا حتـوف=وش هـي الدنيـا ؟ إذا المبـدأ عـدم
مابقى .. إلاّ الأسى فينـي ! صنـوف=تعزفـه روحـي ! ترانيـم ونـغـم
يالعذيّه ! لا حكى القلـب الشغـوف=صّدقيه ! ابلا (حلـوف) ولا (قسـم)
صدّقي قلب(ن) .. تجاويفـه كهـوف=ماسكنهـا .. غيـر جرحـه ! والألـم
اقبلي هـالنزف ! هـالدمع الهتـوف=واعذرينـي ! كـان زوّدت العشـم
جيت ابكتب بيت .. وانهلّت قنـوف=في رجا صفحـك ! سحابـي مرتكـم
جيتك الأعصار ! ما أنـوي النكـوف=جيتك البركـان .. واعـذاري حمـم
بين ايادي ... من تحير ابـه الوصـوف=تنحني هامات ! طرسـي ... والقلـم
وعن كلام الغـيّ .. مرسالـي ينـوف=واعرف ابياتي ! تحـب اعلـى القمـم





" صوت الصهيل "

صوت الصهيل وهمهمة ! فرسان ذيـك القافلـه=أقفى ولاعاد اسمعه ! والحين صرت اسمـع نبـاح
ماعاد اشوف الا عجاج ! ومركبـات(ن) آفلـه=واشوف من خلف العجاج ! الموت والسم الذحاح
هذي مواري غدرهم ! هـذي النوايـا السافلـه=هذا سلاح الخاين اللي .. ماعرف غيـره سـلاح
هم يحسبون القافله ! يـوم استمـرت .. جافلـه=مايعرفون ان التوقف لـاجلهم ! إسمـه كسـاح
لون الرماد افكارهم ! لافـرض ! لاهـي نافلـه=في شرعهم ! عضّ اليمين اللي تساندهـم مبـاح
طغمة نفاق .. وعجرفة ! ودروب شر(ن) حافلـه=فيهم حقود وبينهم .. خبل(ن) على الجمهاه طاح
أبنصحك يا (إمّعه) ! مكفـول .. قـاده كافلـه=ترى كلام (امسيلمه) ! كلّه احميّا مـع (سجـاح)
وابنـذرك ياقائـد(ن) ! نفسـه بجهلـه رافلـه=الما هماج ويحسبه ! من شيـن تدبيـره .. قـراح
لا لا تغرّك صدّة العـارض ! وعيـن(ن) غافلـه=القافله من دونها ! خيل ! ورجاجيـل ! ورمـاح




عبد العزيز السويلم .. رحمه الله

ماشفت يا ابوي ! بعده .. كيفها الديـره=والملح فوق الثرى .. تزهى به الصـورة
ماشفت كيف الملامح ! ترسـم الحيـره=والناس يا ابوي ! كنّ الناس .. مسحوره
ماعدت اميّز ! بني عمي .. من الجيـره=تشابهـوا كلّهـم .. والنـاس معـذوره
هذاك ! فيه الحزن .. قـد بـان تأثيـره=وهذا تعدّى ! يزم اشفـاه .. بـحـروره
واللي على جال قبـره ! ضـاع تدبيـره=يفرك يدينه ! وكنّ الرجـل .. مكسـوره
والعود يخفي .. دموعه عن نظر غيـره=واكيد يا ابوي ! كبد العود .. مفطـوره
وانا تسمّـرت عنـده ! يـا الله الخيـره=كم كلمة(ن) قلتها .. يا ابـوي مبتـوره
يا ابوي خيل الحزن ! في جوفي امغيـره=وابليس ينخى ! وخيل ابليس .. مدحوره
ماغير اهوجس .. وبين عيوني (منيره)=واليا تنبهت .. عاد الهاجس لـ(نـوره)
يا ابوي ماجور .. لا اقفى طيّب السيـره=يا اميمتي ! في مصاب الكل .. ماجـوره





"تـــ ... ـــعـــ ... ـــب"

تعبت من السهر والعشق ! وطيوف الوله والنوح=تعبت من الهـوى ! والله يصبرني على احـزانه
تعبت من السكوت ! وضجّ قلبي من هديـر البوح=تعبت من الرحيـل اللّي .. سجنّي وسط زنـزانه
شكيت من الخفوق اللّي .. قنيبه بالحشا مفضوح=بكـيت وهلّـت عيـوني .. سحابة حـزن هتّانه
كتبتك في دواويني ... قصـايد عشقي المذبـوح=كتبتك ... أجمـل ابيات القصـيد ! وأكمل اوزانه
سكبتك في شرايين(ن) ! ضمايا ... دمها مسفوح=ومنك ابتلّ في جوفي .. هشيم(ن) يبست اغصانه
مشيتك يالطريق اللّي .. به اوهامي تجي وتروح=وراجت في سمـا دربي ! بنات الفكـر حيـرانه
أنادي والصدى ردّك ! يجيني خافت(ن) مبحـوح=أنادي والصدى يـثـلم ... حنايا الجوف واركانه
ألا يا حظّي العاثـر .. تنهّض واشـرف اللحلوح=أبيك امضى من الشيهان ... لامن صكّ جنحـانه
أنا بين السراب وبين ! طيف(ن) فـ الخيال يلوح=يمينـي شفت مطرقتك ! وعن يسراي .. سندانه
تمثنى صدّك ضلوعي ! وزاد المستهام ... جروح=وطاح من الفـرس فارس .. خسر سيفه وميدانه






وعذرا على التقصير في حق شاعرنا وحقكم

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #2  
قديم 20-08-2008, 10:51 AM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 

 

وكان بيني وبينه



" قلبي " يغثّ أهل البلد .. كل مـا نـاح=من " قوّ " نوحه .. من شموخي .. طرحني !
ما فيـه داعـي .. للسعـاده والافـراح=مـا دام مصدرهـا .. ببعـده نزحنـي !
عقبه " رياض الخير " مسكونه .. اشبـاح=ساد الحزن والشـوق سيفـه جرحنـي !
يا ليت روحي قِسّمـت عـدة .. ارواح=عشان أرد الشوق .. لا مـن نطحنـي !
إي والله ان الشـوق .. طاغـي وذبّـاح=ليتـه قبـل مـا زاد فينـي .. ذبحنـي !
اقسم بـرب البيـت .. مانـي بمرتـاح=يا شوق .. باقي يوم تكفـا ،، أرحنـي !
هذي تراها .. قصتي ( كـل مـا فـاح=شوقي عليّ ) وفـي زفيـري .. لفحنـي !
اكذب عليه .. وكل يوم(ن) لـي سـلاح=إما .. بشعـري ، أو بصوتـي ولحنـي !
وانبحّ حلقي .. والشعـر صـار فضّـاح=بيـن القرايـب والبعايـد .. فضحنـي !
وأقول : هو ينزاح .. واثره .. ما انـزاح=ان مت من شوقي " يابو نجـد " بحنـي !


وأتى ردّه في هذه الباسقة

حد الغروب ! وواهج الشمس قد شاح=واوّل تباشير الشفـق .. تكتسحنـي
ناضت على غيمي ! مثل بارق(ن) لاح=قوافـي اللـي ! بالقوافـي شرحنـي
الشاعر اللي خاطـري منـه منسـاح=عطيّـة الله ! يـوم مـنّ ومنحـنـي
هلّت مثل وبل(ن) من المرهشه طـاح=أسقت من المحني ! ليا حـدّ محنـي
يوم استتمّت ! عوّد الشوف وانبـاح=واغضيت عيني عن عذول(ن) لمحني
خوفي يشوف الملح ! فالخدّ وضّـاح=يومه رسمني ! ثـم لـدّ ومسحنـي
ياطارق ادمح ! واعذر السد لو بـاح=ترى زناد الشـوق ! ثـار وقدحنـي
عندي (هبايب نجد ! والقيض) ملواح=والطير قلبي ! مير عقلي .. كبحنـي
يابو زياد .. الفكـر ! نـازل ونـزّاح=أسري معـه والهـمّ يامـا شبحنـي
لتراب نجد وعقبهـا الضيـق ينـزاح=ماهمني من ذمنـي ! مـن مدحنـي

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #3  
قديم 20-08-2008, 10:52 AM
الصورة الرمزية لـ رادار
رادار رادار is offline
 





رادار has a spectacular aura aboutرادار has a spectacular aura about
 

 

ماشاء الله , مهنا اقصور ان شاء الله يا طارق ,

و يستاهل القمه الأستاذ محمد المنيع ,

تسلم ,

 


::: التوقيع :::

سبحان الله وبحمدة ,, سـبحان الله العظيم
دعواتكم : (


 
الرد مع إقتباس
  #4  
قديم 20-08-2008, 10:54 AM
الصورة الرمزية لـ عزوووز الهويمل
عزوووز الهويمل عزوووز الهويمل is offline
مشرف قسم الترويح
 






عزوووز الهويمل will become famous soon enoughعزوووز الهويمل will become famous soon enough
 

 

ماشاء الله تبارك الرحمن



صح لسان شاعرنا نسأل الله له التوفيق في حياته العلمية والعملية



سلمت أناملك ياطارق

 


::: التوقيع :::

لسـُت الإفضـل , ولــكـــن لـي أسـلــوبـي !!!
سأظل دائماً ,,,أتقـبل رأي الناقـد والحــاسـد
فــ الأول يصـحح مســاري
........ والثـاني يـزيد ٌ من اصــراري


 
الرد مع إقتباس
  #5  
قديم 20-08-2008, 02:17 PM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 

 

إقتباس
المشاركة الأصلية بواسطة رادار
ماشاء الله , مهنا اقصور ان شاء الله يا طارق ,

و يستاهل القمه الأستاذ محمد المنيع ,

تسلم ,

الله يسلمك يا غالي

وبالتأكيد يستاهل ابو نجد

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #6  
قديم 20-08-2008, 02:39 PM
الصورة الرمزية لـ s3odi boy
s3odi boy s3odi boy is offline
عضو نشيط
 





s3odi boy is an unknown quantity at this point
 

 

إقتباس
من ساس (زيد القضاعي) ... عالي الهِمّه
الشايب اللي ... خذا في علمه ! احلومه

يعطيك العااااافيه اخووي طااارق

وابو نجد والله ونعم فيه وفي قصيده ...

يعطيك العاااااافيه

 

الرد مع إقتباس
  #7  
قديم 20-08-2008, 02:47 PM
الصورة الرمزية لـ عبدالله الأصيقع
عبدالله الأصيقع عبدالله الأصيقع is offline
مشرف لجنة المقابلات
 





عبدالله الأصيقع will become famous soon enough
 

 

صح لسان الغالي ابو نجد

مشكور يابوسعد

 


::: التوقيع :::



 
الرد مع إقتباس
  #8  
قديم 20-08-2008, 05:34 PM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

صح لسان الغالي أبو نجد .,. وأعلى الله شانه ..

شاعر مبدع بلا حدود وبـ لا قيود ..

كثيراً ما أتعجب من أفكار أبياته .. ولا يكاد بيت من قصيدتة أن يخلو من صورة بلاغيه ساحرة .,.

هلا ! بنّ اشقر(ن) رايب ! تمثنى ..دلّـة الرّسـلان
هلا ! وبهارها عويدي ! هلا ...ومبهّـره بالهيـل


قرأت هذه القصيدة عدة مرات ..

وكل مرة أُعجب بها أكثر .,.

الله لا يهينك يا طارق وسلمت يمناك يالذيب ..

ولمثل هذه القصائد فـ لـ تفرد الصفحات ..

لآهنت يا بعدي وسعدي .,.

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
  #9  
قديم 20-08-2008, 07:59 PM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

صح لسانه مليون ولايوفون ...............


يعطيك العافية طارق الحصان على النقل الموفق لشاعرنا الكبير ابونجد فلاتحرمنا من

قصيدة وياليت يجمع في ملف خاص هنا .......

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #10  
قديم 20-08-2008, 09:12 PM
الصورة الرمزية لـ السرمدي
السرمدي السرمدي is offline
:: إنسان في حاله ::
 





السرمدي will become famous soon enough
 

 

صح لسان الغالي أبو نجد .,. وأعلى الله شانه ..

شاعر مبدع بلا حدود ..

ويحق لنا ان نفتخر فيه كأبن عم واحد أبنا هذه القبيلة ..

الله يعافيك يا طارق..

 


::: التوقيع :::

يَا رَبِّي ,, ~ وِدَآعِتِك .. أُبُوي .. ~


 
الرد مع إقتباس
  #11  
قديم 20-08-2008, 10:56 PM
الصورة الرمزية لـ مشاري الهويمل
مشاري الهويمل مشاري الهويمل is offline
pRiCeLeSs
 





مشاري الهويمل will become famous soon enoughمشاري الهويمل will become famous soon enough
 

 

إقتباس
صدّقي قلب(ن) .. تجاويفـه كهـوف
ماسكنها .. غيـر جرحـه ! والألـم


قامة تستحق الوقوف لها


لا هنت يا طارق ويستاهل شاعرنا

 


::: التوقيع :::



 
الرد مع إقتباس
  #12  
قديم 21-08-2008, 03:41 AM
عبدالعزيز عبدالعزيز is offline
:: أبو سعود ::
 





عبدالعزيز is on a distinguished road
 

 

لاهنت ياطارق تسلم يمناك
والغالي ابو نجد قامة من قامات الشعر والاخلاق والنبل والطيب
كلنا لهفة وشوق للاستمتاع بما سيلقيه غداً على مسامعنا كـ حضور الحفل الخامس ان شاء الرحمن

 

الرد مع إقتباس
  #13  
قديم 21-08-2008, 01:25 PM
الصورة الرمزية لـ دهران
دهران دهران is offline
مشرف قسم مكشات والرحلات السياحية
 





دهران is a jewel in the roughدهران is a jewel in the roughدهران is a jewel in the rough
 
Mumayaz

 




الأخ الغالي / أبو زياد


ألف شكر على هذه اللفتة الكريمة وعلى هذا الموضوع الرائع .


وبالنسبة لأبو نجد الله يحفظه ويرعاه فشهادتي فيه مجروحه ومهما قلت فيه فلن أوفيه حقه .


فهو الشاعر الذي يعزف أعذب ألحان القصيد والتي تطربك مهما سمعتها ومهما كررتها.

وهو الرجل ذو المواقف النبيلة و (( الفزعات )) وقل من ترى يسير على طريقه في هذا الزمان .

وهو الإنسان الذي يخجلك بكريم ودماثة خلقة وبحسن منطقه وبتواضعه ويجذبك بحسن كلامه النابع من قلبٍ صادق .

وهو العسكري المحنك الذي صقل خبرته بكفاحه وجده وعزمه وقوة إرادته حتى حصل على أعلى الأوسمة وأكبر الشهادات (( الدكتوراة )) في مجال عمله وصار محل إعجاب وتقدير من جميع رؤسائه ومرؤسيه .

وهو الفنان المحترف الذي يرسم أحلى الصور بعدسته المبدعة والتي يضاهي بها أكبر المصورين المحترفين في العالم العربي ككل (( وأنا أراهن على ذلك بعدما رأيت بأم عيني ما صوره ورسمه في سماء الإبداع ))

وكما قلت سابقاً لن أفيك حقك يا أبا نجد مهما كتبت ولكن أرجوا من الله العلي القدير أن يوفقك لكل خير ويجنبك كل شر ويبقيك لمن تحب .... اللهم آمين .

أخوكم (( أبو فارس ))


 


::: التوقيع :::



 
الرد مع إقتباس
  #14  
قديم 23-08-2008, 05:50 PM
الصورة الرمزية لـ خلايا رمادية
خلايا رمادية خلايا رمادية is offline
عضو مثالي
 





خلايا رمادية is on a distinguished road
 

 

صح لسآنك
وَ يستآهل أبو نجــد

 


::: التوقيع :::

لا تعطِ ثقتك لأحد ، فقط أعرْها !


 
الرد مع إقتباس
  #15  
قديم 25-08-2008, 12:53 AM
الصورة الرمزية لـ محمّد المنيع
محمّد المنيع محمّد المنيع is offline
شاعر الحرف الجميل
 





محمّد المنيع is on a distinguished road
 
05

 



بسم الله الرحمن الرحيم

الأخوة الأفاضل / السلام عليكم ورحمة الله وبركاته

وبيّض الله وجهكم على مشاعركم الكريمة

أسأل الله أن أكون عن حسن ظنّكم




طارق الحصان
سبق أن شبّهتك بـ "حامل المسك" .. وأنت كذلك في كل زمان ومكان

رادار
طالما أنا وأنت / هنا .. فـ نحن في القمّة

عزوووز الهويمل
صح بدنك بلا حد / وأسأل الله التوفيق لك وللجميع

s3odi boy
ماعليك زود يا شهم / والنعم بـ حالك

عبدالله الأصيقع
صح بدنك .. بلا حد / وبارك الله فيك

سيف شامان
قبل الإلتقاء بك / أكبرتك .. وبعد اللقاء / وجدتك أكبر بكثير

عبدالعزيز عبدالله الجبرين
صحّ بدنك .. مدد بلا عدد / وأنا كلي لك

السرمدي
أن من يتباهى بك / وبكم .. ولي الشرف

مشاري الهويمل
لأنك قامة .. ترانا كذلك / بارك الله فيك

عبدالعزيز
كن جميلاً .. ترى الوجود جميلاً / وهكذا أنت

دهران
إذا كان لي من إنجاز أُباهي به ! فهو صداقتي معك بلّ أخوّتي لك / يا عديل الروح

شـ'ـجن .!
صح بدنك / بارك الله فيك وفي حضورك




للجميع محبّتي وامتناني وتقدير
وأتمنى أن حضوري كان بمستوى التطلعات


محمد المنيع

 


::: التوقيع :::

اللَّهُمَ اِجْعَلْ خَاَتِمَتِي كَخَاَتِمَة وَاَلِدِي .. وَاجْمَعنِي بِهِ فِي دَار رَحْمَتِكْ


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 05:50 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www