سبحان من يرزق بتوع الملاييـن*** الرازق اللي ما يخيب الرجـا بـه
لي عم عنده معـرضٍ للصواليـن ***أموت واعرف بس من وين جابـه
وإذا سألته قـال بعـت الدكاكيـن***ما يدري إني ما هضمت الإجابـه
الشاهد إني رحت له قبـل يوميـن***في قصره العامـر ودقيـت بابـه

قال ارحب ارحب عدّ ورد البساتين***يا مرحبا باللـي لفـا يـا هلابـه
قلت البقا عـدّ النفـل والرياحيـن ***يا شيخ شمل اهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـه
قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال اهليـن والله وسهليـن***والكون ترخص لجل عينك رقابـه
لكن ترا عندي شـروط وقوانيـن***قلت اشرط اشرط يا حبيب الغلابـه

قال أولاً مهر العروسـة ثمانيـن***غير الرسوم وغير حق العصابـه
والثانية عمك يبي منـك سبعيـن***رسم الأبـوّة والنسـب والقرابـه

وام العروسة حقها منـك ستيـن***عشانها ست الحسـن والمهابـه
واخوانها كلن يبي منـك خمسيـن***عداً ونقـداً تنـدرج فـي حسابـه
وخواتها الخمس اعطهن من ثلاثين***عشان تتوثـق عـروق النسابـه
وتجيب طقم عيار واحد وعشرين***وخاتم من الماس المصفى ترابـه

واكياس متروسة كعوب وفساتيـن***ألوانهـا واشكالهـا مـا تشابـه
وموتر بسواقـه وفيـلا بدوريـن***أثاثهـا مـن بطرتـه ينحكـابـه
واحجز لنا قاعة بقصر السلاطيـن***واحجز بهـا رقاصتيـن وربابـه
وامنع دخول اهل اللحى والبزارين***واعزم أميـر المنطقـة بالنيابـه

هذي الشروط اللي على بالي الحين***وذكرني اللي ما حسبنـا حسابـه
قلت اذكر الله يا عـدو المساكيـن***واستغفـره لا يبتلـيـك بعـذابـه
الظاهر إنك منت عارف أنا ميـن ***أنا لو ارقا فـوق متـن السحابـه
ما جبت حتى نص درزن مواعيـن***واضحك بكيفك واعتبرهـا دعابـه
شروطكم هذي شـروط المجانيـن***شروطكم شغـل ابتـزاز ونهابـه
شروطكم تقصم ظهـور البعاريـن***شروطكـم همّـن وغـم وكآبـه
شروطكم والله سيوف وسكاكيـن***تذبح بنات المجتمع مـع شبابـه
وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن ***وين اختفى نهج النبي والصحابـه
يا عم جعل اللي خلقنا من الطيـن***يرد عقلك مـن خطـاه لصوابـه
ويجعل نصيبي عند غيرك قل آمين***ويحسن عزا الصابر ويجزل ثوابه
قال انت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـه
الناس تسعى للرتـب والنياشيـن***وانت اهتمامك بالشعـر والكتابـه
والشعر ما ينفعك لو هو دواويـن***ما دام جيبك مثـل بيـت الخرابـه
يا بوك لا تسمع كلام المصاخيـن***واسأل مجرب عاش في وسط غابه

قلت الله اكبر يا محـرر فلسطيـن ***من يسمعك يحسبك ذيـب الذيابـه
تراك شايب راس مالـك رياليـن ***والبنت ما تسوى جنـاح الذبابـه
قال انقلع مالت على وجهك الشين****لا عاد اشوفـك عندنـا يالزلابـه
قلت ابشر ابشر لكن الباب من وين***واقفيت من عنده على صوت بابـه..

======== منقوله

قصيده طريفه و جميله ,

تسلم يا اخوي ,

هذي الدنيــا

الدراهم الله يفكنا شرها



,,,



شكرا لك ياعزيزي

هههههههههههههههههههههه شكرا على تشريفكممممممممممم

بس هذي طلباته -----

غالي والطلب رخيص 0بس ترى القصيده حلوه 0

ههههههههههههههه

مشكور على القصيد الاكثر من رائعه ..

تقبل مروري ..

قال أولاً مهر العروسـة ثمانيـن***غير الرسوم وغير حق العصابـه والثانية عمك يبي منـك سبعيـن***رسم الأبـوّة والنسـب والقرابـه وام العروسة حقها منـك ستيـن***عشانها ست الحسـن والمهابـه واخوانها كلن يبي منـك خمسيـن***عداً ونقـداً تنـدرج فـي حسابـه وخواتها الخمس اعطهن من ثلاثين***عشان تتوثـق عـروق النسابـه وتجيب طقم عيار واحد وعشرين***وخاتم من الماس ههههههههههههههههههه ما قصر شكر لكمممممممممممممممممم

الله يعطيك العافيه على الجديد ومشكور على القصيده الأكثر من رائعه

هلا ابو شيخه ولا اروع منها الا مرورك وتشريفك شككرا لك تحياتي

صح لسانك يليث
وتسلم

الله يسلمك خياااااااااااااال الشعراء وشكرا لمرورككككككككككك

قصيده طريفه و جميله اخي الكريم

والرجال مايعرف قدر المرأه الا لين تقص ظهره بالشروط

هذا اللي يمشئ هالايام

ههههههههه يامدور الهين ترى الكايد احلى ................................ وأسأل مغني كايدات الطروقي
الزين غالي لكن الازين اغلى ............................ ولكل شراي بضاعه وسوقي

قصيده جميله

ننتظر جديدك

قلت الله اكبر يا محـرر فلسطيـن ***من يسمعك يحسبك ذيـب الذيابـه
تراك شايب راس مالـك رياليـن ***والبنت ما تسوى جنـاح الذبابـه
..
..
..
عز الله عطاه بيتين كفوه وكفو شروطه
.
.
.
.
صح لسان شاعرها وتسلم يمين ناقلها
.
.
.
.
اشهد انه شاعر جزل رسم قصه من بنات افكاره تلامس وتحاكي الواقع للاسف
.
.
.
كل مانوينا نتزوج تحطمنا اقول مالنا الا نقنع انفسنا بالعزوبيه لين الله يفرجها

.
.
.
.
تحياتي وتقديري واحترامي
..
..
اخوك / الخيل عشقي والشعراء دم عرقي