دورة في الاتيكيت ( التعامل بذوق رفيع )

مشكوووره اختي ع المووضوووع المميز
ننتظر جديدكـ ..

شكرا لكـ

ياهلا والله وغلا بـ
**بنت الغااااالي**

إقتباس المشاركة الأصلية بواسطة **بنت الغااااالي** 2. عند الاكل حاول ان لا تركز في الاكل بل ركز في الدردشة...!! ^ هآذي خآشهـ عرض وبقوهـ ,’!! آحس من الاتيكيت وقت آلآكل آن آلوآح ـد يركّز ع الاكل مو آلدردشهـ زي مآقلت !! حتى لو مآلهـ نفس عآدي يجآمل الي قدآمهـ ,’!! ويآكــل ,, لانهـ في نآس ينزعجوون بالكلام وقت آلاكل ,,.!! آنآ عن نفسي آشوفهـ عآدي!! ((طبعآ على ح ـسب آلشخ ـص الي معآكــ)) !!

ودي لو انك كملتي الجملة ،،، خلني اذكرك فيها

عند الاكل حاول ان لا تركز في الاكل بل ركز في الدردشة...( لانك لو ركزت في الطعام بتدق فيه وتنسى الي حولك)

المقصود بهذا ان لاتنشغل بالطعام عن من هم حولك
فلا بد من التوفيق بين مجارتك لمن هم حولك وبين الاكل
وبالمقابل
فمن غير المحبب ان تتحدث باسترسال او حماس زائد
حتى موضوع الحديث يجب ان يكون يناسب الموقف
فوقت الطعام وقت يجب ان يكون الطابع العام فيه الحديث الهادئ المتبادل
اتمنى ان تكون الفكرة وضحت

إقتباس المشاركة الأصلية بواسطة **بنت الغااااالي** وكمآن فيهـ شي حآبهـ آضيفهـ الي هوو ,, لمآ آلضيف يتعشى عند الي عآزمهـ لاآزم مآيقوم الا لمآ يقووم ضيفهـ !!~ بتقول_ هاآذآ شي منطقي ومعروف؟ رآح آقولك_ لا آنآ شفت نآس مآيطبقونهـ وآلغريب انهم كبآر وعآقلين ,.!! !! ]

اتفق معاك


مرورك ومشاركتك
محبب لي
فشكري لك

موضوع حلو

شكرا

طيب يصلح أطبق الايتيكيت وانا ع السماط

يعني بصراحه انا احس هذي اشياء بديهه , اللي عنده ذوق بيعرفها تلقائي .
اما الدفش دفش لو تعلمه سنه يبقى دفش

عموما .
ماقصرت والله .
والله يعطيك العافيه .

طيب أنا الآن بضيف بعض النقاط اللي دائمًا أشوفها في بعض المناسبات وتجيب لي المرض وترفع ضغطي:
(( السلبيات)):


1- بعضهن تكون عينها شرهه مرة يعني تاخذ لك الصحن وتترسه من الأكل وإذا قامت تلقى نصف صحنها ماكلته ولا لمسته،، ليه طيب كذا والله حرام؟!!!!!!؟؟.
أذكر مرة كان فيه مناسبة وكنت مشتهية ورق عنب شهوة غير طبيعية ولقيت الصحن ماشاء الله فاضي على طاولة البوفية ويوم خلصنا متعشين وألقى وحدة من الطاولات فاضية مافيها أحد يعني شكل أصحابها خلصوا متعشين وألقى عليها صحن فيه حوالي 4 حبات ورق عنب ،، قسم بالله أني انقهرت مرة ودي أروح أخذها بس ماأقبل صراحة.. طيب ليه الحركة هذي،، ليه تاذخين أكثر من حاجتك!!!!؟؟.
يعني المفروض أن الواحد ياخذ من كل بحر قطرة، حبة حبتين بالكثير، وإذا خلص وحس أنه جوعان عادي مافيه مشكلة يرجع وياخذ اللي هو مشتهيه ،، أحسن من اللي يملى صحنه ولا ياكل إلا نصه.

2- بعضهم تلقاه مايرتب صحنه،، تشوف الأكل على بعضه، المقبلات على المكرونة على الرز على اللحم قسم بالله تشوف صحنه تقول كنه بقايا نعمة بيكب للدجاج...
ياختي رتبيه وقسمية خلي السلطات والمقبلات مع بعض على جهه والصياني مع بعض على جهة طبعًا مع بعض مهوب فوق بعض معتفس على بعضه..
بعضهم يقول الصحن مايكفي صغير
طيب ياحلوة إذا كنت لهذي الدرجة شهيتك مفتوحة ومجوعة عمرك وراعية أكل خوذي لك صحنين صحن خاص بالسلطات والمقبلات وصحن خاص الأشياء الثانية،، والله أنا أشوفه أفضل من يكون فوق بعضه


3- كلش عاد ولا حركة الشفاحة صدق،،
تاخذة صحن وتعبيه ماشاء الله من كل مالذ وطاب وتروح تحطه على طاولة يقالك تحجر مقعد
ثمن تروح تاخذ صحن ثاني وتحط فيه الحلا،،،
طيب اصبري لين تخلصين متعشيه ثمن روحي اغرفي حلا يعني لهالدرجة أنت خايفة يخلص ولا يصير لك نصيب من الحلا،،،
وقسم بالله لو أني ميته أبي حلا ماسويت هذي الحركة.



4- حركة القرف،،
هذي قسم شفتها بعيني ماخذة صحن بتغرف حلا وعها ملعقة طبعًا حضرتها ماتروح تغرف لها من كل شي شوي لا،، لأنها تخاف تاخذ شي مايعجبها فوش تسوي !!؟؟؟؟؟
تغرف بملعقتها ثمن تاكل ،، تذوق يعني إذا أعجبتها رجعت وغرفت بنفس ملعقتها اللي أكلت منها
قسم بالله هذي شفتها بعيني،،، تغرف من صياني الحلا اللي تاخذ منها الناس بنفس الملعقة اللي أكلت منها الله يقرف عدوها بلى.


5- وحركة تقرفني أيضًا في الأكل بشكل عام اللي هي حركة (المماطق بالأكل)
يعني اللي يطلع صوت وهو ياكل،، أحس بغثيان إذا سمعتها ما أعرف آكل أبد
وكذلك اللي يطلع صوت وهو يشرب،، بس بالأكل تقرفني أكثر.



6- بعضهم إذا خلصت ماكله تخلي شوي من الاكل في صحنها تعتقد أن هذا هو التطور والتحضر،،،
وأنا أقولها لا عزيزتي ليس هذا من التطور وإنما أنت بذلك تخالفين سنة الرسول صلى الله عليه وسلم فالله يعافيتس خلصيه كله ولاتبقين شي


الآن ذكرت 6 نقاط آراها من السلبيات في الأكل
وإن شاء الله لي عودة إذا تذكرت نقاط أخرى

يعطيكـ العافيه

يعطيك العافيه

يعطيكم العافية يازمان ويابلقيس كفيتوا ووفيتوا
جزاكم الله خير