راعي الددسن يابنت اتركيه a

آخر المشاركات المطروحة في منتديات قبيلة بني زيد

  بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |   


العودة   منتديات قبيلة بني زيد > القسم الادبي > الــفصــيح والـفـرائـد الأدبـيـة > نزف القلم
التّسجيل   جعل جميع المنتديات مقروءة

راعي الددسن يابنت اتركيه

المشاركة في الموضوع
 
خيارات الموضوع طريقة العرض
  #1  
قديم 02-08-2008, 06:18 AM
الصورة الرمزية لـ غلاب
غلاب غلاب is offline
عضو v.i.p
 





غلاب is on a distinguished road
 
راعي الددسن يابنت اتركيه

 

‏\‏



يسود
الحزن في عالمي
دونك
ويتعبني الضنى
ويتعبني الشوق
وانت بدون ذوق
تترك من يحبك
تتكبر وتنسى
تبعد وتقسى
وتقول انا
وش علي ،،

من قال لك أتحبني
ومن قال لك اتموت بي

ماتدري انا بنت
من
وأبوي من
ومن يحبني
ومن يبكي علي
شوفهم
قدام بابي
طوابير
خطابه
ناس(ن)
تبيني لأبنهم
وناس(ن)
تبيني لأخوهم
الا على الطاري
تتذكر ابن الأمير
الي في كل مره يفوز
وياخذ الأول
تدري انه ارسل
‏(العبده) سعاد
تشوفني
وانا رفضت
وجلست بغرفتي
وأمي بس تدعي
علي وتصيح
يابنت انزلي
يابنت أنزلي
ذولي شيوخ
ذولي أهل ألزعامه
والقمم
هذا معاه
بتعيشي بنعيم
ومعاه بتنعمي
بين الأكابر والخدم
هذا معاه
بتحسي بأمان
ماراح تخافي
من راعي الأجار
معاه بتضمني
جوال كوتيك
من ذهب
وفاتورتك دايم
متسدده
هذا معاه
بتنسي ذاك الغبي
راعي الونيت الصحن
ذاك الفقير
راعي الغنم
ذاك العمى
اللي في كل ليله
يجينا يخطبك
ذاك ابو شقه إجار
وعيون متروسه غبار
راعي الونيت الصحن
وش بك عليه
وش تبين فيه
يابنيتي خوذي النصيحه
واتركيه
ذولي قراوا كل الي وراهم بس تعب
بيبقق عيونه عليك
ويشر عليك بأصبعه
وش بلا لبسك قصير
تنورتك وراها كيذا
وعيونك وش في حواجبها كيذا
ليش منمصه
يابنت
ذولي همهم
شاهي وقهوه
والنخل هالسنه ما أطلعت
والحمام خسرنا شعير
والدجاجه ابشرك رجنت
ويبيشغلك
هاتي الحصير
ودي الحصير
تحت شجره
ومرات تحت عنبه
وبتدوخك
صوت المكاين والهوا
وبيدفنكم احيانأ عجاج
وان سلمتم
حشركم سموم
وبتغدين شهبا
ويصير بيدينك مشق
وبتمتلي رجلك شطوب
وبتشبعين من التعب
وان رجعتوا عقب الإجازه للرياض
حجركم انتي وعيالك
فالسكن
الا على الطاري
ترا في كل عام وانتي بالنفاس
مرات بنت
ومره ولد
وإذا رجعتو
إلاها ذيك
ذيك الشقه الأجار
وتعيشين فيها
مره طبخ
ومره غسيل
يابنيتي
طيعي شوري وأفهمي
واسكتت
طبعا ماجازلي هالكلام
وقمزت من محلي وقمت
قلت
يمه
تكفين هذا اللي أبي
ابي شخص يحتويني
واحتويه
ابي اعيش السعاده معه
يمه ابي هالشخص بالذات
ودي احس اني اعيش ويا رجل
بخشونته ورجولته
وذيك اليدين القاسيه
فيه الرجوله تعب
أبي رجال
بمعنى رجل
فيه الرجوله واضحه
ياكل طعامه اليا عرق
واليا رقد
يموت جوع
ابيه
رجال
بالمعنى رجل
بحس بأنوثتي بين إيديه
ابيه يضمني إليا تعبت
ويمسح على راسي بيده
يمه
يكفي
انه شنب
أفهمي
مابي انا من هالشباب
اسلوب راقي والشكل
ماهمني
حتى وان سكب
شخصيته عقب التعب
وان جيتي للخشته
هي والركبه سوا
مافيهم شعر
متمكيجين
والعطر لحظه بس ويخنقك
يمه ابيه
رجال
فيه الرجوله طاغيه
بحس اني قدامه مره
موب هو المره
يشاركني بروجي والكلوز
ويرمش عيونه شوي شوي
ويدينه مره ناعمه
يمه هذولي اشكال(ن) ماحبها

يغيضني اصلا وأنقرف
احس اني اعايش مره
وهذا الي تبين
قربه اصلا مصلحه
لاقدر الله ابوي ان خسر
وصاحت عيوني عليه
وانتي بعد
ومابقى بعده الا الطلايب والنشب

وقتها بسحب عباتي
واجي
يمه
ان كان تبين آخذه
بدخل بشورك وآخده
عل ربي يكتب لي في طاعتك
الأجر


قالت لي هذا
اللي أبي
وارفعت جوالها وزهمت
وجتنا امه في عجل
وجابوا المملك حسن
واكتبوا
انه رضى واني رضيت
وجاب ابوي دفترهم واعطاني

قلم
واشر هنا وقال يابنيتي وقعي
وانتهيت بوقتها
وانهدم
حلمي معك
وذرفت دمعة حزن
وامي من الفرحة بتطير

نسيبنا صار الأمير
بقهر جواهر وام سعد
وحصه بعد
بحسسها بنقصها
وانا من وقتها
احاول انسى
عيونك البرواز
الي اصبح لي وطن
خلاص الحين عرفت من انت
ومن أنا
انا عروسة هالأمير
خذ ددسنك
وروح هناك
وانتبه لاتعرها

من هنا
والله موب قصدي ياولد
بس هذا طبعي
احب ولا أخون
اتكلم ولا أكذب
اوعد وانا عند الوعد
والحين انا بذمت هالرجل
مافي يدي حيله
مقدر اخونه حتى وانا الي ما أبيه

وقتها
ركبت مويتري في هدؤؤ
وأنقر سلفها
وتعيي تدق
وانزل وادف
وادف
وادف
الين أخر الحاره و أنتشه
والحمدلله ويشتغل
ويشتغل معه
هاجس انسى
لكن بليا فايده

الي يحب
مستحيل
ينسى
من يحب


وسلاااامتكم
وبس


غلاب

 


::: التوقيع :::

لولآ الله ثم ::
لولآ المشقة لسآد النآس كُلِهمُ // الجود يفقِرُ والإقدآمُ قتآلُ


 
الرد مع إقتباس
  #2  
قديم 02-08-2008, 06:27 AM
الصورة الرمزية لـ عين ابوي
عين ابوي عين ابوي is offline
عضو دائم
 





عين ابوي is on a distinguished road
 

 

هههههههههههههههههههههههههههههههههه
ههههههههههههههههههههههههههههههههه


يكسر الخاطر
والاصعب من ذلك ويقطع القلب
قناعات الام وكيف توصي البنت فيها

اشكرك على هذا الطرح ..

(عندك اخطاء إملائية كثييير )

 


::: التوقيع :::

نعم أخطيء . . وعن عمدٍ و مع سبق الاصرار و الترصد ..أخطيء بثقة . .
باحترافٍ لذا يقولون عن أخطائي ( مريعة )ألا تذكرك كلمة (مريعة) بكلمة (رائعة) ؟!!


 
الرد مع إقتباس
  #3  
قديم 02-08-2008, 07:35 AM
ـعـبـدالـمجـيـد ـعـبـدالـمجـيـد is offline
عضو مشارك
 





ـعـبـدالـمجـيـد is an unknown quantity at this point
 

 

الي يحب
مستحيل
ينسى
من يحب

تسلم اخووي

 

الرد مع إقتباس
  #4  
قديم 02-08-2008, 01:19 PM
الصورة الرمزية لـ مرتديلا
مرتديلا مرتديلا is offline
عضو متميز
 





مرتديلا is an unknown quantity at this point
 

 

ابن العم غلاب سلمت يداك...

اسلوب الخاطره (نوعاً ما) غريب... ولكنه اعجبني...

اتمنى ان اجد الوقت الكافي لكي اعود لقرأتها اكثر من مره ومن ثم التعليق عليها

 


::: التوقيع :::



 

آخر تعديل بواسطة مرتديلا ، 02-08-2008 الساعة 01:25 PM.
الرد مع إقتباس
  #5  
قديم 02-08-2008, 05:57 PM
الصورة الرمزية لـ غلاب
غلاب غلاب is offline
عضو v.i.p
 





غلاب is on a distinguished road
 

 

عين ابوي
يامرحبا واكيد تضيق الصدر لاكن
كلها نسج من الخيال


ودوم الضحكه

 


::: التوقيع :::

لولآ الله ثم ::
لولآ المشقة لسآد النآس كُلِهمُ // الجود يفقِرُ والإقدآمُ قتآلُ


 
الرد مع إقتباس
  #6  
قديم 02-08-2008, 06:26 PM
الصورة الرمزية لـ الساحل الشرقي
الساحل الشرقي الساحل الشرقي is offline
عضو ذهبي
 






الساحل الشرقي is a jewel in the roughالساحل الشرقي is a jewel in the roughالساحل الشرقي is a jewel in the rough
 

 

غلاب

لا اخفى عليك وش قد عشت مع هذه الاسطر
جمعت بين اشياء كثيرة

معنى الحب الحقيقي
التضحيه لارضاء الوالدين
العفه
الطرفه

ياســـــــــــــــــــــــــلام عليك

من جد
نسج
جناااااااااااااااااااااااااااااااااااااااان


وأستأذنك للتقييم كون مانسجته يستحق الاشادة والتقدير
تقبل مروري
تحياتي

 


::: التوقيع :::

الشخص الوحيد الذي يستمر معكـ طول حياتِك هو " أنتْ "
فلا تحمِله مَا لا يطيق منْ الحُزن طُول حياتِه !


 
الرد مع إقتباس
  #7  
قديم 02-08-2008, 08:52 PM
الصورة الرمزية لـ غلاب
غلاب غلاب is offline
عضو v.i.p
 





غلاب is on a distinguished road
 

 



عبدالمجيد
اشكر مرورك
واتمناها اعجبتك

 


::: التوقيع :::

لولآ الله ثم ::
لولآ المشقة لسآد النآس كُلِهمُ // الجود يفقِرُ والإقدآمُ قتآلُ


 
الرد مع إقتباس
  #8  
قديم 03-08-2008, 12:06 AM
الماصول الماصول is offline
شاعر
 





الماصول is on a distinguished road
 

 

أخى غلآب نص جميل أسلوب جميل وأفكار كثيرة أتمنى أن أتمكن من قراءتها مرة ثانية فأسلوبها متميز يجمع بين لهجات قديمة وحديثة من بيئات متعددة ،وكأنها رواية يمكن أن تكون ملحمة ،

 

الرد مع إقتباس
  #9  
قديم 03-08-2008, 02:22 AM
الصورة الرمزية لـ غلاب
غلاب غلاب is offline
عضو v.i.p
 





غلاب is on a distinguished road
 

 

مرتديلا
والأحلى أسمك ولد عمي

وانا انتظر عودتك بأقرب وقت

نورت

 


::: التوقيع :::

لولآ الله ثم ::
لولآ المشقة لسآد النآس كُلِهمُ // الجود يفقِرُ والإقدآمُ قتآلُ


 
الرد مع إقتباس
  #10  
قديم 03-08-2008, 05:31 AM
الصورة الرمزية لـ غلاب
غلاب غلاب is offline
عضو v.i.p
 





غلاب is on a distinguished road
 

 

الساحل الشرقي
اكبر اجلال
مرورك لهذه الصفحه
وتقييمك شرف لي
مشكور يالذيب

 


::: التوقيع :::

لولآ الله ثم ::
لولآ المشقة لسآد النآس كُلِهمُ // الجود يفقِرُ والإقدآمُ قتآلُ


 
الرد مع إقتباس
  #11  
قديم 03-08-2008, 08:17 PM
الصورة الرمزية لـ غلاب
غلاب غلاب is offline
عضو v.i.p
 





غلاب is on a distinguished road
 

 

الماصول شرفتني بمرورك
وشرف لي هذا التصنيف
وانا بإنتضارك مرا اخرا وثالثه
واكثر
تشرفت بك أخوي

 


::: التوقيع :::

لولآ الله ثم ::
لولآ المشقة لسآد النآس كُلِهمُ // الجود يفقِرُ والإقدآمُ قتآلُ


 
الرد مع إقتباس
  #12  
قديم 14-08-2008, 01:30 AM
الصورة الرمزية لـ غلاب
غلاب غلاب is offline
عضو v.i.p
 





غلاب is on a distinguished road
 

 

اشكر كل الي قاموا
بالتقييم
ومشكورين لا هنتو

 


::: التوقيع :::

لولآ الله ثم ::
لولآ المشقة لسآد النآس كُلِهمُ // الجود يفقِرُ والإقدآمُ قتآلُ


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 10:29 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www