اول قصائدي ارجو النقد البناء

شليويح · #1 13-07-2008, 02:37 PM

مساكم الله بالخير

ودي تقرون ذا القصيده وتحكمون عليها وما عليكم مااحد يزعل من النقد البناء

الا يا يبه زين الوصايف خذت قلبي
تستاهل القلب واان تحت مطلوبه
حسين الطبايع كل ما فيه ينحبي
تفكرت في طبعه ولا شفت عذروبه
عذروبه انه على الطيب متربي
زود على قلبه بها روح مسلوبه
لامني شفته ساعة قام ورحبي
وهلت عبايرها على الخد مسكوبه
مدري حزن والا من غلاي فرحت بي
حيث انن قلبه مل من بعد محبوبه
لامن دعيت الزين صاحت وهي تلبي
مزايا الجمال في محياه مكتوبه

وسلامتكم

ارجو انكم توضحون لي اذا كان فيه اي بيت فيه كسر

ودمتم بود

سعود الصبي · #2 14-07-2008, 05:13 AM

من قال سالم وغانم
صح لسااانك يا شليويح
والله يعين على العشق
وبإنتظار نقد الشعراء وإبداء وجهات نظهرم

عافاك الله

برق الشوق · #3 14-07-2008, 11:47 AM

صح لسانك يا شليويح

لو اني اعرف بالشعر نقدتك لكن للاسف مالي فيه

والظاهر ما حولك احد من الشعار مير الله يجيبهم يساعدونك ويفيدونا بالاوزان والقوافي

اخوك

برق الشوق

سيف شامان · #4 14-07-2008, 03:31 PM

عذروبه انه على الطيب متربي
زود على قلبه بها روح مسلوبه
لامني شفته ساعة قام ورحبي
وهلت عبايرها على الخد مسكوبه
مدري حزن والا من غلاي فرحت بي
حيث انن قلبه مل من بعد محبوبه
لامن دعيت الزين صاحت وهي تلبي
مزايا الجمال في محياه مكتوبه

الله الله عليك ..

أعجبتني مره ..

صح لسانك وأعلى الله شانك ..

نترك الحكم لـ القضاة ..

لآهنت يا شليويح ..

سعد الحامد · #5 15-07-2008, 05:02 AM

صح لسانك

الحقيقة انا ماضبطت معي كلحن لكن اعتقد ان فيها الكثير من الكسور

ونشوف الاخوان الشعراء

الفجرالخجول · #6 15-07-2008, 05:22 AM

صح لسانك

شليويح

شليويح · #7 15-07-2008, 07:34 AM

يعطييكم العافية جميعا

مع اني توقعت ان الشعراء ما يخلونا كذا ضايعيين

اخوي سعد الحامد شكرا على المرور بس جرب على لحن القصديه المعروفه

الا يالهبوب البارده عجلي هبي للشاعر سعد بن جدلان

الماصول · #8 17-07-2008, 11:51 AM

الأخ شليويح أولا اختيارك لحرف واحد للصدر والعجز يدل على حس شعرى فمن محسنات القصيدة اختيار حرف واحد للصدر والعجز بحركتين مختلفتين
الا يا يبه زين الوصايف خذت قلبي
حسين الطبايع كل ما فيه ينحبي
تفكرت في طبعه ولا شفت عذروبه
أشطر موزونة جميلة
ولكن بعض الأبيات بحاجة الىتنقيح

طارق الحصان · #9 17-07-2008, 02:01 PM

أخي الغالي شليويح

السلام عليكم ورحمة الله وبركاته

في الحقيقة أنا هنا لم آتي للنقد ، بل لإبداء رأيي الخاص بي

قصيدتك هذه وكما قال الشاعر الماصول تنم عن حس شعري

واتضح لي من خلال القصيدة أنها مجاراة لقصيدة الشاعر المعروف سعد بن جدلان

الا يالهبوب الباردة عجلي هبي=على جاش من قامت هواجيسه تلوبه

انـا مــرة ٍ اصـحـى ومــره يغيـبـي=وأسـرح معـا كثـر الطـواري بغيبوبـه

الا يادهـر مـا هــو بـحق ٍ تلاعـبـي=وخليتـنـي لمـقـرد الخـلـق لعـبـوبـه

عـبـاد ٍ مغقلـهـا الـزمـان وتعجـبـي=يحسبـون قـل المـال فالرجـل عذروبـه

وانـا قانـع ٍ باللـي علـي كاتبـه ربــي=ومؤمـن بمـقـدوره وقـانـع بمكتـوبـه

ولا ابغـى عمـى الاريـا برايـه يجربـي=وهو ما عرف ماجوب ربـي ومـا جوبـه

هدور المجالـس راعـي المـدح والسبـي=وهو بالخلا لـو جـاه بنـت ٍ خـذت ثوبـه

يقولون لـي جـز مـن تصرفـك وتحبـي=وهي توبتي مـن مجتمعهـم هـي التوبـه

ديـار الوبـا مـن طبهـا راح متـوبـي=وقرابـة الجربـا علـى الحـول مجروبـه

انا عارف ٍ منصـاي ليـا مـن بـدا نبـي=وعارف طريقـي والـذي باتجـه صوبـه

وانا اعرف من آعادي وانا اعرف من آحبي=وبـه نـاس لاتعـرف ولاهـي بمحبوبـه

وقصيدتك هنا لا تريد إلا بعض اللمسات الخفيفة إما بإضافة بعض الكلمات والحروف أو تبديل بعض الكلمات والحروف

مع أنني أرفض تماماً أن تتحدث عن المحبوبة بصفة المذكر مرة وبصفة المؤنث مرة ً أخرى

البيت الأول

إقتباس

الا يا يبه زين الوصايف خذت قلبي
تستاهل القلب واان تحت مطلوبه

هنا الشطر الأول سليم والشطر الثاني يريد بعض اللمسات الطفيفة

وهي زيادة حرف الواو قبل تستاهل

أما بالنسبة لـ واان فأعتقد أنك أردتها وأنا

عندها يصبح البيت صحيح وسليم الوزن

الا يا يبه زين الوصايف خذت قلبي=وتستاهل القلب وأنا تحت مطلوبه

البيت الثاني سليم وأعجبني كذلك

إقتباس

حسين الطبايع كل ما فيه ينحبي
تفكرت في طبعه ولا شفت عذروبه

أما البيت الثالث

إقتباس

عذروبه انه على الطيب متربي
زود على قلبه بها روح مسلوبه

فيحتاج زيادة بعض الحروف كـ واو العطف وحرف الجر من

وعذروبه انه من على الطيب متربي=وزود ٍ على قلبه بها روح مسلوبه

هكذا يصبح البيت سليم الوزن

كذلك البيت الرابع

لا يريد إلا زيادة بعض الكلمات في الشطر الثاني
كـ إلى منّ بدل لامني وإزالة حرف الواو في كلمة ورحبي

إقتباس

لامني شفته ساعة قام ورحبي
وهلت عبايرها على الخد مسكوبه

\
/
\

إلى منّ شفته ساعة ٍ قام رحبي=وهلت عبايرها على الخد مسكوبه

هكذا يصبح البيت سليم الوزن

هنا في البيت الخامس
نضيف كلمة ولا في بداية الشطر الأول واستبدال كلمة غلاي بكلمة الحب
وفي الشطر الثاني نضيف حرف الواو في بداية الشطر

إقتباس

مدري حزن والا من غلاي فرحت بي
حيث انن قلبه مل من بعد محبوبه

\
/
\

ولا ادري حزن والا من الحب فرحت بي =وحيث انّ قلبه مل من بعد محبوبه

ربما يتسائل البعض عن زيادة حرف الواو في أغلب الأبيات

فـ أجيبهم انظروا في قصيدة بن جدلان وتجدون الاجابه

أخي شليويح أحييك على شجاعتك وطلب النقد مِنْ مَنْ لهم يد في النقد

ولعلمك هذا البحر صعب جدا قد يستصعبه الكثير من الشعراء

أرجوا أن تتقبل ملاحظاتي بصدر ٍ رحب فهي كما أسلفت رأيي الخاص بي

وكن بخير لاعدمتك

شليويح · #10 17-07-2008, 03:16 PM

مساكم الله بالخير جميعا

اخوي طارق مشكور وماقصرت ومتقبل كل كلمه بصدر ارحب من الرحب

ويشرفني ان يقيم قصيدتي شاعر كبير مثلك

وما قصرت والله يقدرني اني اجيب شي يلقيك بمستواكم

يعطيك العافيه على وقتك وما قصرت والف شكر

× я ù Ļ ξ s × · #11 18-07-2008, 05:12 AM

شليويح صح لسانك وبيض الله وجهك وعساك ع القوهـ وموفق يابعدي !

طارق شاعرنآ ياكفو والله ماقصرت وصح لسآنك ع التعقيب السليم ولا هنت !

الله يوفقكم جميع }

طارق الحصان · #12 19-07-2008, 09:43 AM

إقتباس

المشاركة الأصلية بواسطة طارق الحصان

البيت الأول

هنا الشطر الأول سليم والشطر الثاني يريد بعض اللمسات الطفيفة

وهي زيادة حرف الواو قبل تستاهل

أما بالنسبة لـ واان فأعتقد أنك أردتها وأنا

عندها يصبح البيت صحيح وسليم الوزن

الا يا يبه زين الوصايف خذت قلبي=وتستاهل القلب وأنا تحت مطلوبه

إضافة ً على ما دونته هنا

بعد أن نبّهني الغالي الشاعر ابو سفيان
\
/
\
/
\
/
كلمة وأنا الهمزه فيها همزة قطع ( أ ) وليست همزة وصل ( ا )

كما يظن البعض

لأن همزة الوصل تكسر البيت أما القطع فهي صحيحة