حبيت اشاركم في هالخاطرة المتواضعة ... رغم أني أول مرة أنشرها ... فأرجوا أن تنال رضاكم وأستحسانكم

يـــالله يـــا فـــارج هـمـــــوم المخـــاليق=يـا فـارج الشــــدة ومجلي كــدرها
يـا عـــالم(ن) حزن(ن) خفـــى بالمغـاليق=زادت بي الضيقة وأرست نصبها
عديـت في راس الطويلة من طويــق=تصبرني النجمة و أداري نظـرها
من خوف صدري هي على علوها تويق=ويكشف لها الخافي وتفشي خــبرها
وتدري عن أقوام(ن) تخـل المواثيـــق=توفي لهـا أقوام(ن) وتطعن ظهرها
يـا كــثر معقــد فـي حبالـ(ن) مطــاليـق=أستر شراع القــوم من شان أهلــها
والحر لو ناشه من الهـرج تلفـــــيق=تشهد لـه أفعــــاله وكل(ن) حمــدها
اسري مساري الذيب وأطرق طواريق=وما احسب حساب اللي تشمم جررها
اللي رجت في شمل الأصحاب تفريق=ويوم الرجا في صاحبي .. ما حسبها
مـا دام عــز ديــار مـلفـى المعــاتيق=لا زاح ساس البيـت طيح عمـــــدها
وشلي بورد(ن) صار يضمى به الريق=تلقـى زلال(ن) مـــاه ضاع بهمجـها
دربي عن الادناس فــــوق الشواهيـق=وأنا أحمد الله يـوم رجلي قصرها
دنيا(ن) تسيربنا ونرجــي التوافـــيق=نرجي عسى الأيام تمحي أثرها
وصلاة ربي عـــد صوت الغرانــيق=وأعـداد مانبت النفــل في سـهلها

أبو غريــب