مانيب ألم اشعيرها وأم سيمور a

آخر المشاركات المطروحة في منتديات قبيلة بني زيد

  مجانا اشترك لتصلك المشاريع الخيرية الرسمية الى جوالك يومياً (صورة) ( آخر مشاركة : ساكتون    |    اكفل يتيم مدى الحياة (صورة) ( آخر مشاركة : جبرين بن سعد الجبرين    |    بعض الطرق بالمذاكرة ( آخر مشاركة : نجم الصحراء    |    إجعل لك سبع سنابل ولوالديك ولكل من يعز عليك (صورة) ( آخر مشاركة : ساكتون    |    أسهل وأرخص طريقة ليكون لك صدقة كل يوم في مكة داخل حدود الحرم وانت مرتاح مكانك (صورة) ( آخر مشاركة : ساكتون    |    ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > الـشـعـر الـنـبـطـي
التّسجيل   جعل جميع المنتديات مقروءة

مانيب ألم اشعيرها وأم سيمور

المشاركة في الموضوع
 
خيارات الموضوع طريقة العرض
  #1  
قديم 13-06-2008, 12:18 AM
أبوسفيان أبوسفيان is offline
شاعر ، ومناقش محترف
 





أبوسفيان is on a distinguished road
 
مانيب ألم اشعيرها وأم سيمور

 

قصيدة موجهة للإخوة الأفاضل/الشاعر سليمان بن سعود بن سليمان المطوع/الشاعر سلمان بن محمد بن إبراهيم المطوع/ الشاعر عبد المحسن بن محمد بن عبد الله المطوع

فكري يدوس القيل ويقل حبّّه= مانيب ألم اشعيرها وأم سيمور
القيل من راسي وراسي لعبّّه= أشعب عسير القاف ويصير مصخور
قم يانديبي فوق ربعٍ وحبّّه= كبسولة كروزر اويلاتها فور
خذها حفيز الصالة أم الجهبّّه= تلقاه مثل المهر في صفة مهور
وانقد مية في رفرف الجيب ذبّّه= وقل ياجميل الكسر هاكيه مجبور
وإلى ظهرت من أحمر النفط عبّّه= سوبر مفلتر كنّّه التوت معصور
وإلى ركبت الجيب كبّر وقبّّه= قب القحوم الي على الجور مجبور
وانحر ديار المرجله والأحبّّه= دارٍ بها لأهل الوفا ساس وقصور
اللي تحط الكيف والكوم هبّّه= وتكرعن الحايل على شح وعسور
أهل الفخر تاج الفخر واعتصبّّه= الي لهم في المعترك باع وشبور
أفخر بهم في ساعة مقرهبّّه= ترثة صقور وهم مناعير وصقور
واهزع مع المشعر قبل ما تذبّّه= دربٍ يمين وفي الحشى يوقظ شعور
دربٍ كساه من الزهر ثوب وأبّّه= يبهج زهر نبته تلاوين وعطور
واليا برحت الشعب لو ماتطبّّه= برزان في وجهك على الجدي مسبور
قصرٍ منيف وفيه للجود شبّّه= مدهل رجال ولابني دونه السور
مره وعط راعيه بالخشم حبّّه= عقب السلام وقبل كيف أنت ماجور
وسلّم سليمان الكتاب وتنبّّه= واحلف قبل يقول واجبك منحور
واحدر مثل حذفة عصى من عتبّّه= واهزع لرجلٍ بالجليلات منظور
تلقاه في قصرٍ عمارٍ مشبّّه= دايم دلاله بين ضيفانه اتدور
سلمان كم راسٍ تنمر وجبّّه= لاعدّوا أهل الفعل بالفعل مذكور
سلّم وعط سلمان ماتنتدبّّه= وحاذور تغتر في مهمتك حاذور
واحدر مع الوادي وعجل معبّّه= شفقٍ على ميصال نبي على الفور
وإلى حظبت الأسودين المشبّّه= اهزع يمين الجاي في نور واسرور
تلقى الذرى لاشتد وقت ومهبّّه= رجلٍ ذراعه في الجزيلات محسور
الخير في كفه ويلقى العطبّّه= من كان عي وفي معيّاه معثور
وسلّم وسلّم يانديب المحبّّه= سلّم لعبد المحسن العلم باسطور
وخلك مثل كساب كسبٍ هذبّّه= عجلٍ على عهدي عن اللف والدور
ومهمتك مالك عليها مسبّّه= تستاهل الجيب ومع الجيب شرشور
والعلم لأهل الشعر والي رغبّّه= صايبه صايب وان تعداه مطيور
العلم أشاره والجهاهيل سبّّه= تسمع ولكن مالها فيه مقدور
ويالي لبس ثوب الوقار أوثبّّه= عليك حق ولانت بالحق معذور
والدين ينخا صاملٍٍ طاع ربّّه= وعندك نبل حسان في اذراك منثور
اغرف بدلوٍ مانزح عنه جبّّه= وانزف على وجه الجهل يظهر النور
وصايد على سو الحلايا مصبّّه= تسن خير وتطمس التيه والجور
والذود عن دينك عظيمٍ مغبّّه= جاهد بدرّّك درََّك الله ومشكور
وعود القصب مافاد من يحتطبّّّه= والسمر يدفي ويتورث له صبور
والهدي ماجاب البشير وخطبّّه= صلوا عليه وهديه الحي ماثور


عبد الله بن سعود بن سليمان المطوع (أبوسفيان).

 

الرد مع إقتباس
  #2  
قديم 13-06-2008, 12:56 AM
الصورة الرمزية لـ سيف شامان
سيف شامان سيف شامان is offline
 






سيف شامان is a jewel in the roughسيف شامان is a jewel in the roughسيف شامان is a jewel in the rough
 

 

واهـزع مـع المشعـر قـبـل مــا تـذبّّـه=دربٍ يمين وفي الحشى يوقـظ شعـور
دربٍ كسـاه مـن الـزهـر ثــوب وأبّّــه=يبهـج زهـر نبـتـه تـلاويـن وعـطـور
والـيـا بـرحـت الشـعـب لــو ماتطـبّّـه=برزان في وجهك على الجدي مسبور
قـصـرٍ منـيـف وفـيـه لـلـجـود شـبّّــه=مدهـل رجـال ولابـنـي دونــه الـسـور
مــره وعــط راعـيـه بالخـشـم حـبّّــه=عقب السلام وقبل كيـف أنـت ماجـور

أنا أشهد أنها وصوف القصر اللي كلٍ خابره ..

واحدر مثـل حذفـة عصـى مـن عتبّّـه=واهــزع لـرجـلٍ بالجلـيـلات مـنـظـور
تـلـقـاه فـــي قـصــرٍ عـمــارٍ مـشـبّّـه=دايــم دلالــه بـيـن ضيـفـانـه اتـــدور
سـلـمـان كـــم راسٍ تـنـمــر وجــبّّــه=لاعـدّوا أهـل الفـعـل بالفـعـل مـذكـور
ســلّــم وعــــط سـلـمــان ماتـنـتـدبّّـه=وحـاذور تغتـر فــي مهمـتـك حــاذور


ونعم والله بالقصر وبأهله وبسلمان ..

يا والله اللي به قصر يابو سفيان ..



واحــدر مــع الــوادي وعـجـل معـبّّـه=شفقٍ على ميصـال نبـي علـى الفـور
وإلــى حظـبـت الأسـوديــن المـشـبّّـه=اهزع يمين الجاي في نـور واسـرور
تلقـى الــذرى لاشـتـد وقــت ومهـبّّـه=رجلٍ ذراعـه فـي الجزيـلات محسـور
الخـيـر فـــي كـفــه ويـلـقـى العـطـبّّـه=مـن كـان عــي وفــي معـيّـاه معـثـور
وسـلّــم وســلّــم يـانـديــب الـمـحـبّّـه=سلّـم لعبـد المحـسـن العـلـم باسـطـور

كني بـ النديب دون الأسودين يحتري اللي مقابله يزله ..

ونعم بهم والله .. أهل الكرم ومعروفين ..

الله الله عليك يابو سفيان ..

والله أنها من اروع القصائد .,. وأشهد أن تحديد الأماكن مثل وصف راشد الخلاوي لولده ..

صح لسانك وأعلى الله شانك ..

ولا تحرمنا جديدك .,.

 


::: التوقيع :::

أنت الزائر رقم


لمواضيعي ومشاركاتي ..


 
الرد مع إقتباس
  #3  
قديم 13-06-2008, 02:55 AM
زيـد رومـا زيـد رومـا is offline
عبدالكريم المهنا ( كاتب وشاعر سعودي)
 





زيـد رومـا is on a distinguished road
 

 

مــره وعــط راعـيـه بالخـشـم حـبّّــه ... عقب السلام وقبل كيـف أنـت ماجـور
وسـلّـم سلـيـمــان الـكـتـاب وتـنـبّّــه ... واحلف قبـل يقـول واجـبـك منـحـور
واحدر مثـل حذفـة عصـى مـن عتبّّـه ... واهــزع لـرجـلٍ بالجلـيـلات مـنـظـور



يااااااااااااااااااااااسلااااااااااااااااااااااااا ااااام
ابيات مكتوبة بالعسل وربي


صح لسانك

 

الرد مع إقتباس
  #4  
قديم 13-06-2008, 04:13 AM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

ماشاء الله تبارك الله

عيني عليك بارده وبس

من اروع ماقرأت

الله يوفقك ياشيخ

 

الرد مع إقتباس
  #5  
قديم 13-06-2008, 01:24 PM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 

 

الله الله

صح لسانك

مبدع مبدع


سمعتها صوتية

ومناسبتها لي علم بها


لكن ما فهمتها إلا عندما شُرحت لي


لك التحية

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #6  
قديم 13-06-2008, 02:00 PM
الصورة الرمزية لـ مشاري الهويمل
مشاري الهويمل مشاري الهويمل is offline
pRiCeLeSs
 





مشاري الهويمل will become famous soon enoughمشاري الهويمل will become famous soon enough
 

 

الله عليك يبو سفيان

صح لسانك

مبدع دايم

استمتع اذا شفت اسمك بيننا

 


::: التوقيع :::



 
الرد مع إقتباس
  #7  
قديم 13-06-2008, 03:04 PM
ذيب الحداثا ذيب الحداثا is offline
عضو نشيط جداً
 





ذيب الحداثا is an unknown quantity at this point
 

 

صح لسانك يابوسفيان ..

جزل ما تجيب الا جزل ..

 

الرد مع إقتباس
  #8  
قديم 13-06-2008, 04:17 PM
الصورة الرمزية لـ المسافر
المسافر المسافر is offline
أبـو كـادي
 





المسافر has a spectacular aura aboutالمسافر has a spectacular aura about
 

 

قد تشرفت بسماعها منذ زمن

وانت الان تعيد هذا الشرف

واتذوقها من جديد

صح السانك ملياااااااااااار

وماهي اكثااااااااااااااار

تقبل تحياااااااااتي ابو سفيان

 


::: التوقيع :::



 
الرد مع إقتباس
  #9  
قديم 14-06-2008, 01:11 AM
الصورة الرمزية لـ عبدالعزيز عبدالله الجبرين
عبدالعزيز عبدالله الجبرين عبدالعزيز عبدالله الجبرين is offline
مشرف القسم العام
 






عبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of lightعبدالعزيز عبدالله الجبرين is a glorious beacon of light
 

 

تسلم ياابو سفيان على جمال طروحاتك التي تنبض من احاسيس قلبك الصادق

دمت لنا ودام قلمك يزهوا بالنجاح

تقبل مروري العطر

والف نعم بالجميع من ذكرت

 


::: التوقيع :::

اللهم أسالك ان ترحم والدتي وشيخنا ابن جبرين و تغفر لهما ولجميع المسلمين انك سميع مجيب



 
الرد مع إقتباس
  #10  
قديم 14-06-2008, 08:14 PM
أبو غريب أبو غريب is offline
عضو نشيط
 





أبو غريب is an unknown quantity at this point
 

 

صح لسانك يا ابو سفيان

اشهد انك ما تجيب الا الجزيلة

 

الرد مع إقتباس
  #11  
قديم 15-06-2008, 06:28 PM
عبد الله الحصان عبد الله الحصان is offline
 






عبد الله الحصان is an unknown quantity at this point
 

 

صح لسانك وعلا شأنك
ويستاهلون كل خير
الله يعطيك العافية

 

الرد مع إقتباس
  #12  
قديم 21-06-2008, 10:56 AM
الصورة الرمزية لـ سعود الصبي
سعود الصبي سعود الصبي is offline
:: نائب المشرف العام ::
 






سعود الصبي is just really niceسعود الصبي is just really niceسعود الصبي is just really niceسعود الصبي is just really nice
 

 

صح لسانك وأعلى الله شأنك

الله الله على الوصف ودقّته و روعته

صدقني
تلذذت بمعانقتها

لاغرابه أبدا ً
أبو سفيان هنا

أبو سفيان
تكرما ً لا أمرا ً إذا أمكن إضافة موضوع خاص بهذه القصيده طبعا ً ( صوّتيه )

ننتظر مابقريحتك العذبه من جديد

 


::: التوقيع :::

أحياناً يكون أبلغ رد هو عدم الرد


 
الرد مع إقتباس
  #13  
قديم 05-09-2008, 09:46 PM
الصورة الرمزية لـ محمّد المنيع
محمّد المنيع محمّد المنيع is offline
شاعر الحرف الجميل
 





محمّد المنيع is on a distinguished road
 

 



انا اشهد انك ماتلمّ شعيرها وام سيمور

عوايدك يا ابو سفيان

ما تضرب الا على الكايد

أخذتنا معك من "الوكالة" إلى "العرض"




نعم المادح / ونعم الممدوح

عزّ الله انها من كريم / لمستاهلين

وصحّ لسانك

 


::: التوقيع :::

اللَّهُمَ اِجْعَلْ خَاَتِمَتِي كَخَاَتِمَة وَاَلِدِي .. وَاجْمَعنِي بِهِ فِي دَار رَحْمَتِكْ


 
الرد مع إقتباس
  #14  
قديم 14-09-2008, 10:40 AM
الهزلاج الهزلاج is offline
عضو مستمر
 





الهزلاج is an unknown quantity at this point
 

 

السلام عليكم ورحمة الله وبركاته

هذا القصيد اللي يقعد الراس .
لاهنت

 


::: التوقيع :::


ربعن على الطيب تلقاهم حبيبيني=لاجيتهــــم جوك فزاعه وخساره
داورد بالـوسط والشعـــراء تناديني=وشقراء عزيزه وكلن جاه مقداره
وان رحت مجنب ربوعي ماتجافيني=قــويعــيه العــز للعـــدوان نحاره
.
( عبد الله بن سعود الدريبي )
رحمه الله



 
الرد مع إقتباس
  #15  
قديم 16-09-2008, 12:12 AM
الماصول الماصول is offline
شاعر
 





الماصول is on a distinguished road
 

 

صدقت ماتلم شعيرها وام سيمور .
مره وعط راعيه بالخشم حبه*****عقب السلام وقبل كيف انت ماجور
حبة خشمه واجبة لأنه أهل لذلك ،ولكن لاتنسك هيبة الموقف أوفرحة اللقاء أن تبدأ بالسلام ,أما بعد حبة الخشم فتحف بالسؤال عن الحال ،
تلاحم بين الألفاظ وتناسق ،وتسلسل جميل ،يزيده الطباق جمالا،قدرة على الابهار فى الصياغة ،انه شعر شاعر محترف حقا ،
ترثة صقور وهم مناعير وصقور : استدراك فى محله يدل على عمق قائله ،فهم مثل
آبائهم توارثوا الاباء والشيم ،انه التمكن من صيغة شعر متكامل .

حى الكتاب وحى من هو كتب به=أناتراى بجيد الشعر ماسور
شعر المطوع يا ربع ينطرب به=يبحر وعسر القاف له صار ميسور
هذا هو الشعر الذى ينحسب به=سحر(ن)حلال(ن)كنه الدر منثور
فى قمة الشعر الرفيع متنبه=شيد بعاليه استراحات وقصور
راعى الكلام الزين والله نحبه=خص(ن)الى من صار بالخير مذكور
ياحلو جلسات(ن)معه فى مشبه=فى مجلس(ن)-ماهوب مغمور-مشهور
لا أستطيع أن أوفيه حقه،وليس لى الا أن أبدى اعجابى الشديد ،
مع الشكر لاتحافنا بهذا الشعر الجميل .

 


آخر تعديل بواسطة الماصول ، 16-09-2008 الساعة 12:29 AM.
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 08:37 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www