!!.. الولد وان طاب طيبه من خواله ..!! (( قصه راااائعه )) a

آخر المشاركات المطروحة في منتديات قبيلة بني زيد

  ب 50 ريال فقط سيكون لك أجر مليون شخص فرصة نادرة لاتعوض (صورة) ( آخر مشاركة : ساكتون    |    هل تريد أن يكون لك سقيا صدقة جارية كل يوم حتى وأنت نائم أجرك مستمر لايتوقف (صورة) ( آخر مشاركة : ساكتون    |    هل تريد أجر القائم المصلي لايفتر وأجر الصائم الذي لايفطر بإذن الله ( صورة) ( آخر مشاركة : ساكتون    |    المولودة ماجدة تنظم لأخواتها ليكونن تسعاً ( آخر مشاركة : طالب علم    |    هل تريد أجر تلاوة القرآن آناء الليل والنهار وأنت مرتاح في مكانك (صورة) ( آخر مشاركة : ساكتون    |    أدخل في 12 مشروع من مشاريع السقيا بأسهل وأسرع طريقة (صورة) ( آخر مشاركة : الجنرال    |    أسهل طريقة لكي لاتفوتك صدقة عشر ذي الحجة خير أيام الدنيا (صورة) ( آخر مشاركة : ساكتون    |    أوقف برادة عنك أو عن والديك أو عن متوفى أنقطع عمله لتكون له صدقة جارية لاتنقطع (صورة) ( آخر مشاركة : ساكتون    |    وقف رسمي بمكة المكرمة داخل حدود الحرم حيث الحسنة بمائة ألف حسنة (صور ( آخر مشاركة : ساكتون    |    أرخص كفالة حجاج في السعودية لعام 1440هـ (صورة) ( آخر مشاركة : ساكتون    |   


العودة   منتديات قبيلة بني زيد > القسم الادبي > تراثيات وشعبيات وقصائد منقوله
التّسجيل   جعل جميع المنتديات مقروءة

!!.. الولد وان طاب طيبه من خواله ..!! (( قصه راااائعه ))

المشاركة في الموضوع
 
خيارات الموضوع طريقة العرض
  #1  
قديم 24-05-2008, 01:39 PM
الصورة الرمزية لـ الفارس
الفارس الفارس is offline
عضو نشيط
 





الفارس is an unknown quantity at this point
 
!!.. الولد وان طاب طيبه من خواله ..!! (( قصه راااائعه ))

 

الولدوان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي




من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..

حتى اصبح مضرب مثل يتداوله كثير من الناس ..


قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..


وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..




راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب ) ..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟

حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..


وقال هذى القصيده .


قالهـا ابـن الذيـب مـن هاجـوس بالـه
كلـمـةٍ يـلـعـب بـهــا والـبــال زيـنـي
قـالـهــا يــومــه طــرالــه مـاطــرالــه
مـن هواجـيـسٍ تشـيـب المرضعيـنـي
حـالـفٍ مـاخـذ عـلـى الطـرقـي ريـالـه
وبـالـثـلاث مـحــرم أنــــه مايـجـيـنـي
لالقيـت اللـي علـى ( السكـه ) لحالـه
يلـتـفـت ويـقــول ويـــن المستحـيـنـي
أوقـف المـوتـر حـيـا وأبــي الجمـالـه
يــوم ولــد الــلاش وجـهــه مايلـيـنـي
الطـمـع فــي كــروة الرجـلـي رذالـــة
.خـص وان جـابـه مـجـال الغانميـنـي
والــردي فــي حـالـةٍ مـاهــي بـحـالـه
واعـويـنــه مــــن كــــلام الطيـبـيـنـي
الـــردي لـــو بـــان مـايـذكـر عـمـالـه
مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـــنٍ دلالــــه
ماتـحـاكـوا فـــي قـفــاه الرامـسـيـنـي
مابـغـى غـيـري وانــا مابـغـى بـدالـه
.قـاعــدٍ لـــي بـالـرجـا مـــدة سنـيـنـي
الصبـي وان طـاب طيبـه مـن خوالـه
بـالـخـوال يــســال قــبــل الـوالـديـنـي
أشـــرب الفـنـجـال واكــــب الـبـيـالـة
تــابــعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنــا الــرزالـــة
.نـاخــذ العـلـيـا طــريــق الفـايـزيـنـي
غـرنـي بـعـض الـرجـال بكـثـر مـالــه
مادرى ان المـوت فـي حبـل الوتينـي
كيـف ينفعنـي وابـا(..........) خـالـه
مايـقـوم البـيـت دام الـسـاس طـيـنـي
مـاش ويــن الـلـي عـوايـده الجمـالـة
.مثـل ابـن ظافـر حـمـد ليـتـه يجيـنـي
الـثـنـا والـجــود دايـــم فـــي خـيـالــه
عـلـمــه ظــافــر ســلــوم الطـيـبـيـنـي
جـــــوّد الـعـلـيــا ولـزمّــهــا عـيــالــه
وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لــه
وسار في درب النبي وأخزى اللعيني
مـوقــفــه مــاكـــل رجــــــال يــنــالــه
مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه
وعـادتـه لـطـمـة خـشــوم العايلـيـنـي


و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..




مــــــــــــلاحظه:::الشاعر راشد بن الذيب هو والد الشاعر المعروف حاليأ

محمد ابن الذيب

منقول ..:) ..

 


::: التوقيع :::

حنّا عيال الرجال ولا نهاب الرجال .... من صلب زيد و ما يعدي كلامي فهيم

ان جيتنا بالجدال تذوق طعم الجدال .... وان جيتنا بالحبابه فعرف الله رحيم


 
الرد مع إقتباس
  #2  
قديم 24-05-2008, 02:29 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

الله يعطيك العافيه الفارس

إقتباس
الولد وان طاب طيبه من خواله... وان تردى فـعلم انهم خايبينـي

يقال ان البيت لشمري ويقول فيه

الولد وان طاب طيبه من خواله ... عن الخوال يسال قبل الوالديني

والله اعلم

 

الرد مع إقتباس
  #3  
قديم 24-05-2008, 02:33 PM
الصورة الرمزية لـ طارق الحصان
طارق الحصان طارق الحصان is offline
:: أبو خيّال ::
 





طارق الحصان will become famous soon enough
 

 

سعد الحامد

إقتباس
الولد وان طاب طيبه من خواله ... عن الخوال يسال قبل الوالديني


الشطر الثاني فيه كسر


ولا أتوقع انه للشمري

حسب معلومات جاءتني من شخص له علاقه قويّة بـ محمد ابن الذيب




عوافي الفارس

 


::: التوقيع :::

جبت لـك ضيقتي دلّة ! وهـمّي قدوع \/\/\/ كيّفي مـن قراح الضيقة الصافية
واقدعي من هموم ٍ تضفي الجوع جوع \/\/\/ اقدعي يا هجوسي صحه وعافية


 
الرد مع إقتباس
  #4  
قديم 24-05-2008, 02:40 PM
الصورة الرمزية لـ &حنايا الروح&
&حنايا الروح& &حنايا الروح& is offline
عضو ماسي
 





&حنايا الروح& will become famous soon enough&حنايا الروح& will become famous soon enough
 

 

إقتباس
الولدوان طاب طيبه من خواله... وان تردى فـعلم انهم خايبينـي



قصيده رائعه

عوافي أخوي الفارس

 


::: التوقيع :::

.



 
الرد مع إقتباس
  #5  
قديم 24-05-2008, 03:16 PM
الصورة الرمزية لـ زابن طويق
زابن طويق زابن طويق is offline
عضو نشيط
 





زابن طويق is an unknown quantity at this point
 

 

كلهم عيال الذييب العجمان

ما قصررت يالغالي .. أبيات أشهر من نار على علم


ينطيك العافية

 


::: التوقيع :::

يا مجيب الدعا يا متم الرجا ** أسألك بالذي يا إلهي نزل
به على المصطفى مع شديد القوى ** وأسألك بالذي دك صلب الجبل:
الغنى والرضا والهدى والتقى ** والعفو, العفو ثم حسن العمل
وأسألك غاديا ماديا كل ما ** لجّ فيه الرعد حلّ فينا الوجل


 
الرد مع إقتباس
  #6  
قديم 24-05-2008, 07:07 PM
الصورة الرمزية لـ الفارس
الفارس الفارس is offline
عضو نشيط
 





الفارس is an unknown quantity at this point
 

 

مشكورين على المرور .. ولا هنتوا :) ..

 


::: التوقيع :::

حنّا عيال الرجال ولا نهاب الرجال .... من صلب زيد و ما يعدي كلامي فهيم

ان جيتنا بالجدال تذوق طعم الجدال .... وان جيتنا بالحبابه فعرف الله رحيم


 
الرد مع إقتباس
  #7  
قديم 24-05-2008, 07:25 PM
الصورة الرمزية لـ بنت آل غيهب
بنت آل غيهب بنت آل غيهب is offline
:: رمز الوفاء ::
 





بنت آل غيهب is on a distinguished road
 

 

دايم اسمع هالابيات من جدي الله يشفيه ..

مشكور على قصة إبن الذيب والقصيده

 


::: التوقيع :::



سُبحان اللِه وبحمدهْ .. سُبحان اللِه العظيمْ


 
الرد مع إقتباس
  #8  
قديم 29-05-2008, 03:33 PM
الصورة الرمزية لـ حلا بني زيد
حلا بني زيد حلا بني زيد is offline
:: القلب الابيض::
 





حلا بني زيد will become famous soon enough
 

 

توي اعرف القصة , مشكور

 


::: التوقيع :::

اللهمـ اني استودعتكـ اعمالي الصالحه فاجعلها شفيعه لي يومـ القاكـ
واستودعتكـ الشهاده فلقنيها عند الموت
واستودعتكـ قلبي فلاتجعله معلقا الا بكـ


 
الرد مع إقتباس
  #9  
قديم 29-05-2008, 03:44 PM
الصورة الرمزية لـ اليمامه
اليمامه اليمامه is offline
سيدة القلم
 





اليمامه is on a distinguished road
 

 

الولدوان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي

:

صح لسانه

( كم واحد مافي ابوه ولاعمامه خير ويكسب الطيب من خواله )


 

الرد مع إقتباس
  #10  
قديم 29-05-2008, 04:18 PM
الماصول الماصول is offline
شاعر
 





الماصول is on a distinguished road
 

 

صح لسان القائل والناقل ** وللأخ سعد الحامد البيت الذى ذكر للشمرى ليس فيه كسر احذف الهمزه فى الخوال واقرأ البيت تجده مستقيما

 

الرد مع إقتباس
  #11  
قديم 29-05-2008, 10:08 PM
الصورة الرمزية لـ سعد الحامد
سعد الحامد سعد الحامد is offline
ابو عبدالرحمن
 






سعد الحامد is a jewel in the roughسعد الحامد is a jewel in the roughسعد الحامد is a jewel in the rough
 

 

إقتباس
الشطر الثاني فيه كسر

طارق وين الكسر فيه لاهنت

يسال بدون همزه والبيت سمعته من الرمالي الراوية وذكر انه يقال انه لابن ذيب وقال في كلامه ان اللي قاله موجود من شمر وهو فلان وذكر ابيات من قصيدة وسببها

 

الرد مع إقتباس
  #12  
قديم 29-05-2008, 11:07 PM
الصورة الرمزية لـ Abu_mshal
Abu_mshal Abu_mshal is offline
قلم واعي ، وفكر نقي
 





Abu_mshal is on a distinguished road
 

 

الولدوان طاب طيبه من خواله=وان تردى فـعلم انهم خايبينـي
الله يرحم ذاك الشايب ويجمعنا به بجنته
يا كثر ما سمعته يردد البيت القائل:
الولد وأن طاب طيبه من خواله @@ وأن تردا فأعرف أنهم خايبيني
الشايب يقول فأعرف وهنا قيل فعلم ولا يهمنا ذلك فالمعنى واحد
الأول ما خلى للتالي شي وقال: (الخال جذاب) وهذا لم يقال من فراغ وإنما من واقع تجارب وهذا شي حتى بعضنا عندما يدقق النظر بمن حواليه يجد أن البيت صحيح بنسبة 75 %
أنا أقول أن هذا صحيح وأن الخال جذاب فالولد غالباً يشبه خواله في عدة أمور وليس في الطيب فقط وإنما في أشياء وراثية وعلى سبيل المثال " الصلع, أمراض السكر, وحتى في الشعر هذا شي ملاحظ من قبل الجميع
اللي مزينها أن خوال أبو مشعل كذا
وإلا أش رأيك يا أبو عبد الرحمن ؟
أبد ما يحب يحرج أحد لذلك لا تقول

 


::: التوقيع :::



أنا سعودي موطني فخر الأوطان *** والبيرق اللي ما ينكس سعودي


 
الرد مع إقتباس
المشاركة في الموضوع


خيارات الموضوع
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
Trackbacks are غير متاح
Pingbacks are غير متاح
Refbacks are غير متاح

 
جميع الأوقات بتوقيت السعودية. الساعة الآن » [ 07:51 PM ] .


Powered by vBulletin Version 3.6.4
Copyright ©2000 - 2019, Jelsoft Enterprises Ltd.
SEO by vBSEO 3.1.0 ©2007, Crawlability, Inc.
حقوق كل مايعرض في هذا المنتدى محفوظة لمنتدى بني زيد
www